王牌冰廳 (燒味世家)

營業中

休息中

li間野今年年頭左右新開，打算去食下，睇下li度 d燒味得得。因為附近如果都係主打食燒味既，應該都係得Popwalk既陳記 (太興不算主打吧)。第一，冇規矩。好記得第一次去食係某晚上8:00左右。外面排隊既人都有好幾group，等緊1至4位既都有，陸陸續續都入緊，唯獨3至4位較少入到。好記得我同我父母三個人取左票之後，有個呀伯呀婆同兩個小朋友一齊行過黎取票。之後佢地個reception可能見果個呀伯咁老，有惻忍之心定憐憫之情定點，比佢地入先。唔好忘記，我都係3位，基本上間野係應該要比左我地先，因3同4位都係一樣枱嫁啦。如果個個都係老弱傷殘而比佢地先，咁正正常常既成年人等十世都唔洗入。最後等左半個鐘以上先有得入。第二，冇落單。叫幾個餐等好耐未黎，隔離位都已經遲入座但d野黎先。第一次叫個侍應跟跟，hea答左我幾句就走左去。等多一陣，冇反應，我再叫另一個侍應跟跟。之後個侍應先死死氣黎問我地食乜，然後先印張單比我地，原來係冇落單!!!第三，冇檸用。有朋友試過叫凍檸茶，但黎到係杯冇檸既茶。大佬呀，沖杯野咁簡單都幫你走檸，點呀？又試過叫沙嗲牛肉面竟然出左米粉比我。。。另外，d員工服務態度麻麻。總之

係屋企附近嘅一間冰廳，所以成日都會去食，佢主力係燒味叉燒丶乳豬、燒鵝同燒腩仔等等都好好食。我成日都覺得d燒味係即燒，但係又唔知佢係邊度燒🤔 入面呢幅畫畫得好似裏面其中一個老細呢度嘅叉燒真係好出名好好味，好似佢哋個招牌咁講口感軟熟一啲都唔會硬，叉燒個汁都好好味不過呢度嘅餐牌就唔多選擇，佢主力就係燒味，其他走只有幾款，所以食得多有d厭，如果多番啲炒飯或其他就好啦今晚就叫咗個叉燒燒鵝瀨粉配凍檸茶，老公呢就要薰蹄切雞飯都係要凍檸茶

今日黎到呢間主打燒味既茶餐廳，很多時候經過都係好多人，今日見唔係咁多人，就入去試下。裏面座位不多，之後我地睇睇餐牌啦！餐牌上主要都係燒味為主，另外有一d扒飯/意粉餐，還有港式既多士、三文治等等。最後我選了B1：＜王牌叉燒炒滑蛋飯＞。B1:＜王牌叉燒炒滑蛋飯＞首先，賣相好明顯普普通通，普通既白飯，豉油唔咸既，他們還加了一些沙律菜，味道正正常常(真係冇咩特別😑)炒滑蛋加了一些蔥，食落滑嘟嘟，口感唔錯。主角叉燒冇咩蜜汁味，而且偏瘦，冇咩特別。

將軍澳之前一向都係勁多連鎖餐廳。依家各式各樣嘅餐廳愈開愈多。搵食愈黎愈易。之前見到呢間餐廳賣燒味。一直都覺得要黎試下。餐廳裝修走相對年輕路線。牆上有好多cute版公仔。貪心之人梗係揀五寶飯。乜都可以試啲。一坐低就送上例湯。當然都似係味精湯。個飯一上俾佢嚇親。勁多餸。下面啲飯都好多。燒味斬得完整整齊。整體質素絕對比連鎖快餐店高。叉燒相對出色。油雞微甜冇雪味。燒肉皮脆但略嫌肥左啲。燒鵝少少肥有肉香。$68咁大堆頭。絕對抵食。

這間王牌冰廳開咗一段時間每次經過都好想去幫襯一下，但新開張時見都比較多人又要等位所以都冇幫襯過， 今日平日下午茶時段比較人流少啲，所以去試一試雖然全場都是搭檯，但整體感覺乾淨企理不會太迫， 這裏叉燒飯很出名所以 order 叉燒飯加隻煎蛋， 朋友就選擇叉燒炒蛋飯，還有餐肉蛋飯。坐低會送上不加味精例湯，雖然例湯但都非常足料味道唔錯，但略為偏鹹少少。 這裏叉燒飯真係幾出色，蜜糖味濃肥瘦適中， 朋友的叉燒炒蛋都好香滑最欣賞佢碟頭飯都有沙律菜伴碟，即時升哩。 還有他們的午餐肉質素唔錯， 這間冰室值得encore。

叫左兩個早餐外賣等足33分鐘，睇住佢出左個湯麵放低左20分鐘，仲未包外賣，好啦提佢外賣姐姐，同你講差個煎蛋又等多6分鐘，之後攞第2個外賣客放左係度15分鐘既煎蛋包比你... 阿姐可能第一日返工咁，再好食都唔想幫親外賣。BTW堂食燒味係好既，一叫外賣都係差好遠。講返個湯麵，20分發曬水淋就必然，牛肉又乾又硬，唦嗲同個湯咸過碧咸。個煎蛋凍既我唔識形象，同工廠區茶仔水準。凍奶茶少甜都好甜，要叫走甜。多士要讚，淋左（外賣關係）但好食既，底面都有牛油香。 最後評價 有位就堂食，無位就唔洗等。食過間

星期五唔洗返工，瞓醒已經十二點幾。唔想自己開爐煮嘢食，唯有落樓下兜個圈啦。呢間呢間茶餐廳開業到而家已經食左好多次，主要係買外賣燒味返屋企食。今日自己一個食午飯，就叫左雞扒煎蛋飯，個飯送嚟嘅時候有啲驚喜，因為佢賣相比一般茶餐廳靚仔，仲有我至愛嘅秘製蔥油。雞扒咬落脆口，應該係即叫即煎。荷包蛋亦都好有水準，一拮開蛋白，金黃色嘅蛋黃流出，鋪滿大半個白飯。埋單40幾蚊，已而家嘅消費來講算係合理，亦都會keep住幫襯，發掘下餐廳嘅其他嘢食

燒味應該好多人都會鍾意食，叉燒、油雞、燒鵝、燒腩仔....而燒味飯都係好多茶餐廳都會有既菜式。但好食既燒味飯，唔係到到有。將軍澳新開呢間食燒味既真係一讚👍🏻👍🏻寫呢篇野既時候，小妹其實已經食過幾次，每次都無令我失望。叉燒每次食都半肥瘦，咬落去又唔會覺得好肥好肥膩，又多肉汁。燒腩仔既皮燒得好脆，d肉唔會好乾，好有咬口。燒鵝既肉質都好嫩，咬落去唔會成啖油，有d驚喜。薰蹄都好好食，大大片，而且夠入味。可惜未試過佢既油雞，下次一定要試。佢唔止得燒味飯，仲有其他常餐、湯麪。值得一提係佢既湯，雖然係味精湯，但都好足料，有湯渣。我每次都一定飲曬。小妹都試過叫外賣，就算係拎走，佢都好足料，完全無因為外賣就比d好hea既野你，令我對呢間餐廳好感提升👍🏻

今日放工7:00去食飯，行開見到新開一間餐廳，就膽粗粗入去試，點知坐低嘅時候就聽到老闆話有新鮮出爐嘅燒味，一問之下居然有乳豬，咁就即管試吓個乳豬啦。始終唔係度度都有得食乳豬，我覺得肥瘦適中，夠香口，配埋個乳豬醬又可以解膩，不錯！ ！ ！仲要有例湯送，計埋都係$62賣單，我覺得抵食過連鎖快餐店，環境唔錯。最怕係入到一啲餐廳，張枱抹得唔乾淨，成陣味，但呢間餐廳就冇，我一個女人就食唔晒啲飯嘅，覺得份量足，不過聽到有客人想加飯都可以，我覺得佢嗰個燒味嘅豉油汁調得幾好味，撈飯一流！不過我覺得最特別嘅係個叉燒，面頭淋上一啲蜂蜜，味道有幾夾喎！見到隔離枱仲食燒鵝，下次去試吓先！又多一個新飯堂啦，哈哈哈！

買個早餐外賣， 見到個阿姐沈迷傾計慢慢執都算，重要見到佢執餐具時，將跌左落地下既匙羹插返落乾淨個d度， 真係忍唔住，同佢講重要扮唔知，食物又一般，其他食肆執哂先會再考慮幫親

今日又黎王牌冰廳~估唔到晏晝都咁多人，好彩今日一個人食所以好快就有位，之前食過早餐覺得叉燒真係唔錯於是就叫左叉燒炒蛋飯~LUNCH SET仲包野飲同埋中湯!鍾意呢度所有野夠快，但員工又有禮貌，好快我碟飯就到左，叉燒完美地同炒蛋融合埋一齊，不過今次既叉燒略嫌肥左少少，唔知係咪因為配炒蛋所以要用d肥d既叉燒?而炒蛋份量好多，炒得好滑而且有蛋味，加左d蔥所以香味更濃!飯面淋左d豉油，成碟飯撈埋食好快就清碟!呢間餐廳真係平靚正~

新開張好多人嚟食，好似都有電話落單嚟到先拎嘅服務，咁以後要斬料返屋企就方便咗啦餐牌得一個，前後兩頁雙拼燒腩仔叉燒燒腩仔好脆，腩位肥瘦均勻不過叉燒全舊都係瘦叉，需然整整齊齊好靚，但係都需要多點嘅肥膏油脂點綴返個飯又嚟多個打孖，燒鵝拼叉燒叉燒又係全舊都瘦，燒鵝位唔係胸肉，又唔係髀肉(鵝胸鵝髀都要加錢)，香味不過不失總括黎講呢度係乾淨企理嘅燒味店，服務周到，呢個價錢都尚算合理，而且仲有淡湯飲吓(雖然送完即止)

服務真係好好，一入去即安排座位，熱騰騰冇味精靓湯秒速送上。燒味超好味，巳幫親第4次，早餐、下午茶同晚餐都試過。我本人試過叉燒、燒餓飯，巳包條菜（熟同暖嘅，我最憎d菜餐廳送條又硬又凍嘅菜芯）加分！份量剛好，米飯軟綿👍🏻👍🏻價錢係區內算平，係開心價， 晚餐$49（叉燒飯+ 奶茶）👏🏻👏🏻👏🏻謝謝用心經營，我會繼續光顧

朋友推介，指其燒味份量多，所以一試，下午茶時間叫左個燒鵝瀨，36蚊，見到係個脾位都幾開心，但點解冇左層皮既，初時以為係底，點知真係冇，嗰下都幾失落，有冇皮差好遠，食落味道普普通通啦。

昨晚唔想煮飯 同屋企人諗住落街睇吓食乜 聽街坊話有間燒味開左唔錯 所以去試吓 去到門口好多人 要排隊攞飛仔 睇住入面地方係雖小 但見到燒味好多新鮮出爐 等左一陣 有員工話差不多到我地 幫定我地落單 我見到餐牌有五寶飯 見價錢又唔算貴 好似每樣餸都有d 所以試吓 亞媽就叫左口水雞 到入去坐 一坐低有兩碗湯 我仲話 我冇嗌噃 原來話會送湯飲 又唔錯喎 食物到左 燒腩仔好脆 义燒半肥瘦 仲見到不停燒味出爐 我整體覺平民化價錢 太興仲貴啦又唔係新鮮出爐 都可以再試其它