王萍記茶餐廳 (已結業)

那天同朋友去完麥花臣踢完波,走左黑布街王萍記,其實正路我唔去的,因不是在最旺的地方,但朋友話呢度d豬扒正,咁咪黎!叫了xo醬豬扒及南乳雞翼,豬扒乾身....不錯,雞翼炸得乾身,不過太細隻,有點到唔夠喉,但估不到呢到除左豬扒外,d焗飯都唔錯,朋友叫左碟牛脷焗飯......又幾好味喎!不過,......值得一讚係.....雖然係茶記.....但無旺角其他茶記咁坐得咁迫,......又無人吹三吹四.....成班朋友食完野.....吹陣水仲得!

很久以前已聴聞過d豬扒好食，昨日去食，豬扒乾身，入味，其實我覺得最正係個xo醬，本來是連豬扒食，但發覺撈飯仲正!因為見到雜誌話係自己整，好味過大牌子!推介得過!

試下友人介紹招牌xo豬扒飯, 豬扒份量多, 夠2人食, 瘦得黎幾滑, xo醬唔輸蝕, 拍得住李x記, 足夠送飯有突. 再黎多個炸南乳雞翼, 份量少d, 有南乳味又滑, 係個皮炸得乾d, 凍奶茶多奶好重手, 2個人平平地又滿足, 下次試埋其他招牌野先

睇番以往寫過嘅茶記，忽然發覺冇咗王萍記嘅縱影，奇怪...於是為咗呢個補寫，今日又再嚟多次...自從年幾兩年前開始食佢哋嘅XO醬豬扒及雞扒飯後，大大話話都幫襯過不下十數次...好奇怪。一時水準一流--- 豬扒醃得味之餘，亦夠大件頭，且皮脆肉嫩，雞扒亦然；自製XO醬有濃濃嘅蒜頭及蝦米香，淨係攞嚟撈飯已係上品...但一時又難食得可以--- 豬扒瘦得可以，凍冰冰；雞扒完全冇醃過，質地"鞋"sup sup，有雪味；XO醬一時有咲焦味...咁究竟即係好唔好食呢?難明...但我只知，今次食嘅就係劣品嘞...

對xo醬冇特別喜好，相反，有時會怕佢d味太搶，食唔到食物真正o既味道。所以今次黎呢度，都係揀左鮮茄豬扒意粉加凍奶茶。而太太反而叫左xo醬豬扒飯加熱奶茶！？雖然人唔多，但上菜都算慢。飲品先到，兩杯都有茶餐廳水準。不過凍奶茶偏甜，要等d冰溶少少先o岩o岩好。之後，意粉黎到。個樣幾得下，個汁都唔錯，好似細個食o固d味。可惜個粉好唔掂，又硬又唔爽口，質地仲有d扰喎！好彩，個豬扒搶番唔少分！肉質比較實淨同有口感，而且仲好入味。跟住xo醬豬扒飯都到喇！先試下個醬先，好掂喎！同平日食開o既唔同，可能剛剛炒起，好香口！味道甜甜地又辣辣地，用佢已經可以食晒成碟飯。而豬扒就冇茄豬意o固件咁正喇！薄d又冇咁入味...埋單每人差唔多$40蚊，計落都唔平。餐廳位置偏離市中心，又坐得唔舒服，環境要扣分。而味道冇期望，反而食出驚喜！

上完堂, 同幾個弟兄姊妹一齊傾計. 由於已經食完飯, 只係要了凍檸賓同奶油多.凍檸賓: 7分, 凍凍的, 溝得不太甜, 幾好.奶油多: 7分, 烘得未算好脆, 但都係熱辣辣的, 還不錯.典型的茶餐廳, 經過多年的外遊, 落葉歸根, 還是吃得稱心的.相對之下, 又覺得比勝利道的為佳.

上星期同老婆去食晚飯, 店舖裝修後感覺不錯, 女侍應姐姐態度友善. 食物選擇多, 份量也充足, 我自己最喜歡晚上有小菜, 一定會再來.

上次宣判佢無罪釋放後，亦為佢哋慶幸...今次再嚟，order XO醬雞扒飯...雞醃得味剛好，皮炸得卜卜脆，好似食緊豬油渣咁...XO醬仲整得冇上次咁燶，蝦米及瑤柱味亦夠香...大樂.. ^0^

卒之番嚟嘞...久違咗嘅XO醬豬扒...上次食tea食到一肚氣，諗住判佢死刑，但最後決定俾多次機會佢...再叫XO醬豬扒飯，心情十上十下..離遠見到阿姐捧住碟飯，心諗: "呢次發達咯"..大家望吓張相就知...正式色、香、味俱全，豬扒做得外脆內軟，有肉味；XO醬亦夠晒惹味...唔講la，即刻飛Taxi再去食先...

呢度嘅XO醬豬扒及雞扒飯不嬲係我嘅摯愛...幾個月前見到佢哋關門冇做生意，嚇咗一跳，以為佢哋執咗笠，最後知道原來係大裝修，咁都冇咁驚...一見佢哋開番，就同女友行去食個tea..裝修後光猛咗好多，仲有電視睇添，但個地下仍然係黐立立...餐牌都唔使睇，就叫豬扒飽及凍檸茶...呷一啖檸茶，茶味淡出鳥來；再吃一口豬扒飽，豬扒用鬆肉劑處理過，跟以前嘅水準差天共地...女友叫個茶餐，D腸仔竟夠胆放响D萬年油上面係咁意炸下就算，全冇腸味；隻蛋炒得又油又薄，好似一塊淡黃色嘅紙皮...有冇攪錯...女友越食越火滾，不停地埋怨。小弟今次真係爭佢哋唔落，無言以對...望吓廚房，見到嗰個鐘意一路煮嘢一路擔住口煙嘅大厨仍然係度。冇理由裝修完後水準差咁遠gar...決定暫時唔判佢哋死刑住，揾個下晝食埋個XO醬豬扒飯才可定奪...

未轉手之前,我久不久就會嚟呢到,佢地d X.O.醬豬扒同南乳雞亦的確幾好食,豬扒飯份量算足,南乳雞亦一客三隻都只係十零蚊,炸得幾香脆,又唔會乾爭爭咁,真係唔錯,不過自從佢轉左手之後就好少去囉,雖然伙計師傅仍然係同一班人,d食物依然有水準,但餐廳環境就多左幾分江湖味,想知點解我咁講??大家去睇下老闆個樣就明架啦...

我今日去到旺角黑布街食飯, 我一入去問伙計有什麼好味? 佢話招牌XO醬豬扒飯, 我要一碟, 食後覺得個醬好好味, 食到有瑤柱,蝦米.....等, 豬扒又多又鬆軟, 連飲品只是$37, 都算低食!!