王萍記茶餐廳 (已結業)

雖然大杯 不過無咩茶味食物方面就普普通通招牌X0雞翼無食過 因為一般去吃早餐多都係個D選擇不過加錢轉個個波羅包就唔多好食了整體黎講 無咩特別既茶餐廳

位於黑布街的王萍記是我住在旺角時經常去的各類扒飯都很好吃只是現在經濟環境變了過去那大大塊的現在變得和其他餐廳差不多只是那一大碗的醬汁仍是保留了下來$35(不包括飲品)可以一試我個人最喜歡粟米汁因為有粒粒粟米 也有蛋花

星期五晚諗去就近去等唐百府，所以來了食飯。一見入面唔好係太多人，心諗very good，起碼唔駛企街邊等唐記。叫左xo 醬豬扒飯、瑞士雞翼撈面，哈哈，個樓面無介紹錯，夠哂大碟，抵食。最正係xo醬及瑞士汁，真係唔錯，有時去旺角唔知食咩，又唔想等位，可以介紹度，睇門面意想不到。

一年前都幫襯過...感覺食物都OK....但最近幫襯之後我發誓以後都唔會再幫襯之餘亦會叫我身邊O既朋友唔好幫襯....果朝早叫o左份早餐...先o黎牛油方包+煎蛋....一攞起方包見到個底有隻蟻...叫個亞姐o黎睇...佢o地一d悔意都無, 禮貌亦欠奉...只係攞o左個方包走然後比個塊我....一心諗仲算...跟住仲離譜...(見圖)有一粒好似係昆蟲大便o既物體....真係嬲到震....男朋友叫我算咋...佢話d亞姐淨係識吹水...好明顯唔會理會...你大炒大鬧都無用.....點知連火腿通粉o黎到...(見圖)竟然又有蟻(見圖在方包旁)又有舊不知明物體(見圖在腿通碟邊)....真係超嬲囉!!!!!!!我好勉強食o左隻蛋....但食完都想嘔....就連杯冬0茶都無飲...總之就一肚氣啦!!本來開頭有蟻都算....所以大家見唔到我有影低....但之後一連串o既異物簡直令人髮止....

一直是這裡的XO醬豬扒飯的fans。儘管水準是反覆無常的，好吃起上來真的是人間美味，但差起來卻又嚇人得很不過隔了陣子沒來的話，心中是會泛起點牽掛之情的....對上一次來應是年多前了。走進店前，心中掙扎了一會，究竟是要吃，還是要到別處呢 ? 最後仍是決定走進去，重温舊夢可也落完order後不到一會飯便送到了。看見煎得帶點微黃的豬扒，便知今天吃到的水準定不會太差。肉質很鬆軟，下了少許鬆肉粉自是少不免 (因吃不出很濃的肉味)。不過勝在一碟內有七至八大件，純以量計，已是抵吃之至....是日吃到的XO醬不像之前吃到的那麼油，炒得很乾身也極惹味。總覺這醬用來拌麵吃比拌飯的好得多。不知下次再來時，可否叫老闆tailor-made一個XO醬豬扒撈丁呢 ?想至此，口水便長流了

18-2-2009「開工」前又到旺角搵 lunch 食, 本身想 mou 街食雲吞麵, 但時間太早, 大隻佬未開門, 結果0黎了附近呢間茶記搞掂. 雖然佢大大張 newspaper cutting 話自己招牌係 XO 醬豬扒飯, 但為免 cheap 兄食評內提及的恐怖事發生0係自己身上, 都係小心一點, 食個轉出前一丁 (+ $4) 的「常餐」($28; total $32) 好了.熱奶茶幾滑, 奶味茶味幾平衡, 又不錯喎, 有點意外.火腿奄列「立立令」, 賣相幾油, 但蛋炒得滑, 仲有蛋汁流出, 又係意料之外! 牛油方包就唔知點解走了牛油, 決定唔食.沙爹牛丁就「無驚無險」 -- 出前一丁淥得 ok, 沙爹汁夠味, 不過太糊口, 而且溫溫吞吞, 唔將佢撈進味精湯底內的話, 根本完全入唔到口; 牛肉「梳打度」唔算太嚴重, 依稀食到肉味, 算及格吧.店內衛生 ok, 不過由於開晒 d 門, ventilation 又「太好」, 坐0係「入」一點的卡位仍然聞到店外傳入來的二手煙, 唯有快食快閃; 招呼帶點家庭式, 睇0黎亦做街坊及外賣生意多.埋單 $32, 醫肚可以, 路過一試無妨.

　曾幾何時, 王萍記為旺角區少數有心去做好食物的茶餐廳, 我第一次去也是經同事介紹, 如果不好, 又怎會有這種免費的宣傳? 最初去覺得水準的確不錯,午晚飯時段皆爆場. 但近一兩年我已少出沒於旺角區, 所以一直沒有再去. 前幾天經過旺角要找地方開飯, 想起炒公仔麵, 便想起這裡.來到一看, 心下涼了一截, 怎麼這樣冷清? 但不想花精神時間再選地方, 就隨便選個卡座坐了下來.食物選擇似乎比以往多了, 但看看環境, 沒太大信心冒險, 便又選了以往吃過的豬扒飯及叉燒炒公仔麵. 由於記得這裡的XO醬好味, 故兩者都加了XO醬.豬扒飯先到. 一碟白飯上面放了兩塊切開的炸豬扒, 份量十足, 但油光滿面. XO醬則以另一小碟盛載置於白飯旁.(咦? 隻碟仔乾唔乾淨既呢?) 先夾一點XO醬混著白飯吃一口, 蔥蒜香蝦米味濃, 要來拌飯的確頗惹味; 再夾一塊炸豬扒往口中送, 一咬已覺不對勁, 怎麼軟弱得這樣可憐? 是鬆肉的處理重手了點吧...? 再夾另一塊(相片上方那塊), 一看, 嘩! 竟然是七成熟, 中間還有粉紅色的肉? 這可不能生吃的啊. 立刻召了女侍應過來, 向她反映豬肉未熟, 她有點想說豬扒就是這樣

中午拿了一大堆文件去Print, 要我等45分鐘. 行波鞋街沒有合心水的發現, 嚐食, 都是找地方坐坐, 食個Tea. 逛了一圈, 選擇了這一家小店坐下, 正好打發時間, 等影印鋪. 下午茶有不少的選擇, 嚐食而又不想食滿肚, 來了一個簡單的奄列.芝士蘑菇奄列, 芝士落得不太多, 加上蘑菇蘿蔔粒同粟米粒. 比較輕盈的餡料. 不會飽. 不過, 好多茶餐廳奄列既一大缺點, 油多. 這裡也不例外.飲品, 想不到近十月, 仍然像炎夏, 其推介一個龍鳳檸樂. 甚麼叫龍鳳, 其實是咸檸加上鮮檸. 加了汽水, 拮完檸檬. 可能鮮檸只有兩片, 味道全被咸檸蓋過.消了暑, 回去拿東西, 想再行行, 但.....昨日才破費買了條貴牛仔褲, 新波鞋......下月先.

見到下面有人推介食鹽焗雞，咪去試下羅!又幾好食喎!份量夠大，d雞又入味!我個朋友叫了咖喱豬扒飯，豬扒一如以往...強項!......而咖喱隻味似係印度咖喱又唔係太辣....ok喎!最重要係....茶記來說.....坐得舒服.......那天我邊睇家好月圓邊食飯.....都無俾人眼超超!哈!一定會再黎!

都有一排無去，見到多左野食，鹽焗雞飯賣，叫黎食，又幾好食喎!拍得住附近個間全x居，係碟油菜踭少少，好似d伴碟咁，不過$42又飯又湯又菜，仲有半隻雞，算係咁啦!值得一讚就係碟雞，真係唔錯!另外，叫左碟炒烏冬，都唔錯，係油左少少!

1. 佢招牌既芝士x蝦伊麵, 可改意粉 (3.5分) : 我唔記得佢寫咩蝦啦, 仲以為係酒樓果d. 上到檯, 原來即係白汁蝦意粉, 大隻少少既蝦仔, 當西式意粉就幾好食, 白汁蝦仔夠多, 但冇芝士味. 唔係因為我地夜去就關舖既關係丫?! 2. 蕃茄公司燴意粉 (2.5 分) : 諗起上次個燴牛利意粉念念不忘, 諗住公司野有返咁上下. 碟粉冇蕃茄, 自己校既茄汁幾油下, 加上d"雜扒"全炸, 愈食愈漏... 點解失準架?!

早兩日睇完波去食野，見到有人推介呢度D豬扒同雞翼，咁咪黎試下，又真係幾好，D豬扒整得又乾身同入味，其實係最正D XO 醬，南乳雞翼炸得夠乾身，不過兩樣一切食就好似熱氣左D，不過隻雞翼我嫌太細隻，好似貴左D!同時叫左牛脷燴意粉，本人就覺得好好味，蕃茄味十足，牛脷大小適中、夠咬口，成碟夠濃味，值得再黎!要提一提呢度D伙記，服務態度幾好，有見不少好似同老闆好熟的客，但對D生客態度都好週到，以旺角茶記黎講，服務態度是上等了

呢期黎多左呢度食野，迷上了d xo醬，昨晚又黎晚飯，見到d人叫小菜，又ok喎，以旺角茶記黎計，又唔係貴，叫左幾碟普通小菜，魚香茄子煲、山炒骨'、什菜煲、味道又唔錯喎，天氣熱好過要坐街啦!雖然唔係太就腳，但係食完再過隔離食糖水，呢兩間都唔係太多人，真係唔錯喎!

又黎, 本來想叫個焗飯, 要等15-20 min, 唔夠時間, 見下面食評話牛脷得, 又試下先. 叫左鮮茄燴牛脷意粉. 份量足, 5塊脷, 厚薄適中, 夠味. 茄汁料多重手, 好開胃, 所謂出名果d蕃茄通, 乜哥豬扒都要行埋一邊. waiter醒, 唔講都知我地一份share. 無法啦, 我同fd好細食, 仲要留返掃街. 難得服務又幾好~

睇完場波走左過黎食飯,當然唔少得叫xo醬豬扒,果然夠正!夠乾身及入味,食完無油哂口咁,其實我鍾意d醬多d!朋友叫小菜食,味道一般,稱不上十分好味,但以旺角茶記來說,已經可以啦!最好係....坐得唔太迫人,舒服d!