珍味餐廳小廚

營業中

休息中

之前食過好幾次，每次都覺得味道唔錯價錢合理，不過尋晚食完就發誓永遠唔會再黎。落單後隔左個幾鐘先上第一個菜，之後吹左好幾次再隔多大半粒鐘先捨得慢慢繼續上菜。水準完全唔得，難食到爆！叫左個剁椒魚頭，魚頭本來一開二但比佢切成十幾二十件細既都算，個味腥腥臭臭，好明顯一D都唔新鮮，聞到都想嘔。滷味拼盤唔知點解會係熱既，明顯用微波爐叮翻熱，聞到個味就唔開胃，真係佢滷味啊！椒鹽豬手一D都唔脆，從未見過會搞成咁唔開胃既顏色。最難頂應該係個海鮮炒米粉，D蠔仔令到成碟野有種想像唔到既腥臭味，比臭豆腐仲比大陸既螺絲粉既味更加濃，最瀨野係再加上垃圾桶既臭味。隔左差唔多三粒鐘終於食完餐咁難食既飯，大家當然係非常之不滿，叫埋單時個收銀員仲話廚房啱啱開始煮我地三粒半鐘前叫既紫菜炸蠔仔，仲好意思問我地要唔要再等多幾分鐘，真係比佢吹狗漲！最不可思議係餐飯最正路既送竟然係炸花生！見過鬼怕黑啦，以後絕對唔會再黎！

😡😡😡😡😡很久沒來食，一行8人想揾間大排檔食飯，所以試吓啦！6:30坐下，上菜時間實在太長要3.6小時才到齊菜。菜式是普通的川菜；等了45分鐘（7:15）才來紅燒豆腐 ：甜酸的香味，但入口是鹹的，味道麻麻地👎🏻20分鐘（7:35）後再來椒鹽鮮魷：👍🏻這個好食，炸粉很鬆脆,魷魚炸剛剛好熟，👍🏻30分鐘（8:05）後來五花腩炒萵筍：應該是豬油渣炒萵筍，口感好像炸菜，五花腩只見肥膏沒有肉的，非常油膩👎🏻👎🏻😡又等20分（8:25）鐘才來魚香茄子：茄子炸到乾瘦，肉碎很鹹，内裡有魚乾仔，味道還可以跟着又等20分鐘左右（8:45）來上湯娃娃菜： 這個算是正常菜式，味道正常又等20分鐘（9:05）來個 京葱牛肉： 嘩這個真係差到沒朋友，😠😠整個像燜牛肉，京葱煮到爛，牛肉只有鹹味，沒有其他味道，牛肉本身味道都沒有，差！差！差！已經差不多3小時（9:15）準備出去埋單找數, 還有2餸未到，佢話已經落鑊了，不能取消😠😡😡跟著等5分鐘到西芹淮山： 這個真的係呢…，淮山好似配菜薑片咁薄，數過只有十多片左右，大部份西芹及少少雲耳，味道都係只單一鹹味，應該沒有下糖調味😞😖😖😖又話已落鑊，點知9:45才到芋頭豬手煲

朋友話想食羊腩煲+小菜，但又唔想次次去三坡坊所以就諗起荃灣另一個小菜區域 - 香車街街市因為環境同比較遠既關係，真係少行去個邊食野上網做功課個陣俾個鹽焗蜆吸引，就揀左2樓既呢間咕嚕肉首先上場雖然唔係話好厚肉，但唔多粉，最緊要個汁好食! 送飯一流之後羊腩煲同焗蜆都登場望住啲蜆唔開口，以為唔新鮮啦點知用叉「作」開D鹽既時候，隻蜆突然彈開原來係D鹽壓得好實，所以煮既時候開唔到口，係新鮮架! 最鍾意佢用簡單既煮法去食蜆既鮮味題外話，本身想叫雙併(蟶子+蜆)，但姐姐話個日D蟶子多沙就冇叫到 對羊腩煲其實我冇咩研究，朋友話略嫌醬汁稀左D但我就覺得夠味，份量都算多就得有D得意既係呢間放埋粉葛係入面其實仲有好多菜都幾吸引想試下，但得3-4個人食唔到咁多睇下班朋友幾時會再去荃灣再食過

聽個fd話幾好。就同班波友坐低試下。。嗌左幾個小菜。。食到捧住個肚走。。講下必嗌嘅有 雙拼 鐵板蟶子 蜆。。賣相好特別。小妹都係第一次見咋。。白色應該係鹽黎嘅。。但啲海鮮入口一啲都唔喊。仲好鮮甜。。個個爭住食。。不過食果陣小心啲。。因為真係好熱。係辣手嘅熱。🤗仲有椒鹽豬手。。睇上去好肥。。但食落一啲都唔膩。亦唔漏。仲好香口都juicy。。下次一定會再食。。跟住就係海鮮炒精米粉。啲米粉好幼身又爽口。唔油。。超好味。即場叫多左碟。。但冇乜海鮮。。記得一定要嗌。之後仲叫左開邊蝦。炒雜菜。 依兩款就冇乜特別。。仲有就係福州魚蛋湯。個湯就麻麻地。粒魚蛋入邊有肉丸饀。食落都一般般。。初初飲胡椒豬肚湯都唔錯。胡椒夠多。飲到個人好hing。啲湯望落好似魚湯咁白。唔食得辣嘅未必入到口。而飲多左就開始覺得味精重。有啲鹹。。so far都唔錯。環境普普通通。但冇禁煙。隔離台咁岩有台煙産。搞到成餐飯飯到好辛苦

今日行完山累爆，係東涌又吾知食咩好，最後去左朋友話好味的大排檔食飯，最後一行四人大約8點到，大約有幾桌客食緊，而因為朋友有食過，佢推介了2款小菜比我地再加其他野和啤酒。蠔仔粥$70：菜勁多，但蠔仔吾叫十分多，但幸好粥底都夠綿同香口，吾太咸。四個人一個粥都食吾晒，因為份量勁多。酸菜魚$128：因為加辣關係更加香口，酸菜勁多同香口，魚都叫滑同嫩，份量都正常，待應仲好好人多左少少紅薯粉比我地，口感足又吾太爛。鉄板蜆$75：黎到已經嘩一聲，好香蜆肉味和鮮甜味出晒黎，份量吾可以話十分多，但粒粒都好鮮甜，只需原來用大量鹽已經整得咁好味，少有特別菜式，怪不知朋友黎親係必叫小菜。醉排骨$72：類似咕嚕肉但淡身同有咁杰身，肉都好有味同香口，最驚喜係如果覺得滯佢仲有青瓜一起炒，令到整個菜清新不少。椒鹽茶樹菇$75：這個都係朋友必叫之選，沒想到可以整得咁乾身又吾油，佢有茶樹菇和准山好特別，送酒必叫之選。蒜茸粉絲勝瓜$65：份量激多，勝瓜吸晒味又吾太咸，粉絲佈滿成個面好入味同吾太淋。最後每人$138結帳仲要食吾晒飽飽離開，仲要待應即老闆超熱情地介紹野食比我地添，衛生程度還可接受。