珍姐海鮮火鍋飯店

營業中

休息中

今日同朋友經過中環，就一心諗住試下食珍姐，聽過好出名。同個短頭髮店員講4位，但因為個fd去增值就未到，點知個店員就好人齊先俾入坐，個時11點幾，明明裡面都冇咩人，大把空位，門口又冇人排隊，唔明點解唔俾入好啦⋯後尾我地話個fd好快到，先唔請願放我地3個入去先，跟著又態度好差同我地講唔人齊唔俾落單，人齊先俾落。真心嬲⋯ 個短頭髮嘅店員服務態度真係超差，又串。黎到又唔係傳聞咁好食⋯唔會有下次唔會有下次唔會有下次

想試左珍姐好耐！之前有個fd 嘅fd 教路每晚12點入佢個網站就會bk 到🙈 試左真係work 就提早慶祝埋男朋友生日✨招牌豬骨蜆煲 $298一黎個侍應就叫我地試飲一啖先 一飲真係覺得熬左好耐 好甜嘅蜆湯咁😋✨扇菇 $420呢一碟係有四款本地嘅香港牛 冇記錯好似都係啲脊位 牛肉味濃 又好嫩 好食👍✨手切灘羊 $258有啲肥膏痴住 好濃嘅羊酥味 都好嫩 好食👍✨菜脯蝦醬豬肉滑 $98幾特別 好香蝦醬味👍✨黑柏葉 $98爽得黎唔會韌😋🍹珍姐cocktail $68好似檸檬茶咁但係有少少酒味 都非常之容易入口👍🍹Whisky Soda $68總括黎講食物味道係好好👍 職員會解釋啲牛係咩部位 有咩特色 又會過黎同食客傾下計 不過兩個人食就有啲貴🤔味道❤️❤️❤️❤️💔抵食❤️❤️❤️💔服務❤️❤️❤️❤️環境❤️❤️❤️💔💰晚餐人均～$750(收+1)

聽朋友說需要三個月前預訂這一家特色火鍋店！週日我們一起來嘗試吧！首先，讓我談談這個椰子烏雞湯底。這款湯底以椰子和烏雞熬煮而成，帶來了一種濃郁的椰香和鮮美的雞肉風味。湯底清澈而滋味豐富，融合了椰子的香甜和烏雞的鮮嫩。每一口都讓我感受到了湯底的鮮美和滋味。接下來是多款牛肉特殊部位。這家火鍋店提供了多種特殊的牛肉部位，每一種牛肉部位都有獨特的口感和風味，令人驚艷。牛肉在椰子烏雞湯底中煮熟，讓每一口都充滿了鮮美。此外，服務人員熱情友好，為我們提供了專業的建議和服務。他們細心地解釋每一款牛肉部位的特點，並確保火鍋的品質和味道。這讓我感受到了一種溫暖和舒適。不過要小心，他們可能過來敬酒，別讓他們灌醉😂總而言之，這家特色火鍋店的椰子烏雞湯底和多款牛肉特殊部位給我留下了深刻的印象。火鍋的味道豐富多樣，服務也非常出色。我會毫不猶豫地推薦這家火鍋店給所有愛好美食的朋友。

珍姐喺中環嘅午餐算好平，大約$60都食到一餐飯，同價位黎講算係冇得輸，但係質素比半年前差咗，不過已經好食過普通茶餐廳好多倍👍🏻⭐️老蘭嫩牛蔥油撈麵 $85記得半年前食佢係用封門柳同豬油，牛肉係厚切，食落好香又有淡淡牛味。今日再食，牛肉都係好滑，但係就好似食普通肥牛咁，辨識度減少，好似冇以前咁抵食，變相偏貴😳⭐️拔道腩雞飯 $55呢個飯好重黃薑味，類似海南雞飯。呢個飯相對抵食，份量多，不過冇乜雞味，不過已經好食過普通茶餐廳😙Tips: 呢間餐廳lunch time 時間比較多人，12點左右可以直入，之後就大排長龍，所以早啲去食會更加好

喺中環返工嘅我，一到中午食飯時間就會見到呢間茶餐廳外面一定排滿一條長長的人龍，真係好誇張!我之前到訪過一次，因為果日落雨，唔係太多人排隊，我先可以入去試佢地出名嘅珍姐咖哩羊排飯$85，試過真係好好食。今日又適逢落雨，門口唔算太多人，我又走入去試第二個午餐" 頭抽蔥油豬扒煎蛋飯"$65，我已經叫左少飯😆但係份量都好大碟，頭抽汁真係好好味， 而且豬扒肉又好嫩好滑！👍其實可以簡簡單單食一個好食嘅午餐都已經好開心!下次會再三到訪，試下佢地其他嘅午餐！😋

【老蘭。碟頭飯】晚市打邊壚一位難求，午市長長人龍的老蘭珍姐，絕對是中環上班族的飯堂。 餐廳裝潢是香港地道茶記風、 一進門口就會看到「老蘭嫩牛」的招牌。❈ 頭抽蔥油豬扒煎雙蛋飯 HK$65煎豬扒很香口，肉質鬆軟。蔥油的香氣加上燶邊的太陽蛋，再淋上頭抽醬油配一口白飯真的是絕配。❈ 老蘭嫩牛蔥油撈麵 HK$85 (Regular)薄片的嫩牛肉味香濃，蔥油撈麵乾爽而不油膩，吃下去的時候會有淡淡的蔥油香在口中散開，會想一口接一口的吃。❈ 凍伯爵薄荷檸檬茶 HK$20伯爵茶底的香氣和深邃的茶味加上薄荷葉的清新氣息會在口中散開，給人一種清涼的感覺。檸檬片的微酸同時也增加了味道的層次感。❈ 雙檸梳打 HK$20雙檸梳打是一種清新的氣泡飲品，以兩種檸檬為主，和蘇打水混合而成。適合在炎熱的天氣中解渴。

係中環嘅珍姐海鮮火鍋飯店絕對係區內名物，每次有傳媒／youtube channel推介完都會增添大量人氣🔥晚市主打牛肉火鍋🥘難book程度媲美米芝蓮星級餐廳🙈而午市雖然係賣茶記碟頭飯，但因為味道出色所以都吸引長長嘅人龍。呢日真係好想試下所以鼓起勇氣排隊，好彩排咗10－15分鐘就入得😍不過要預咗會搭枱，而且侍應服務都有少少以前澳牛風格🤣🤣但係食物味道的確會令人回味，絕對會試多幾次👍🏻👍🏻再試下佢嘅招牌拔道腩雞飯、咖喱羊扒飯等等。老蘭嫩牛蔥油撈麵個撈麵一入口係會令人雙眼發光🤩🤩真係明白點解咁多人推介咁多人排隊。每條麵條都完美裹上豬油🥰🥰油潤但食落係好乾爽，條條分明，而且豬油味好香，但唔會太濃味，恰到好處😋😋另外仲有唔少豬油渣，脆卜卜好香口😈令整個撈麵錦上添花。當然唔少得老蘭嫩牛，肉質軟滑之餘肉味好香濃，簡單用上湯滾熟都好好食😗😗可以點少少伴碟嘅豉油增添甜香。撈麵分regular同增量size，增量size會有兩倍牛肉好誇張，呢日叫regular就夠喇，不過聽聞增量size超級多牛肉，下次可以搵埋朋友share😆頭抽蔥油豬扒煎雙蛋飯看似一個頹飯但都做得出色😛😛煎蛋🍳剛好煎至邊位香脆微焦，豬扒

本身已經好出名嘅珍姐 經過MM條片之後又再多人排咗 睇完條片令都我好想試佢地個打邊爐 但原來已經排到九月啦 不過唔緊要 因為佢地午餐都好出名！今次就去試吓呢個中環lunch碟頭飯係唔係咁高質 值得大熱天時排長隊食～• 燒珍姐咖喱羊排飯 Lamb Rib Curry with Rice $85 🐑好surprised！個咖喱汁唔係平時個種港式咖喱而係好香椰汁辣辣地個種 淨係試咗個汁已經覺得知唔係普通碟頭飯 羊排有三舊 出面炸得好酥脆 羊肉仲係好淋 個汁加埋白飯唔覺意就爬曬 真係好正！！• 極品封門柳豬油撈麵 Prime Hanger Tender with Lard & Soy Noodle $85（例牌）🐂就算叫例牌 牛肉嘅份量都好多 封門柳好香肉味 牛肉仲係少少粉紅 唔係全熟食落有咬口但絕對唔會韌 撈麵都好食但豬油味唔算突出 • 頭抽蔥油豬扒煎雙蛋飯 Porkchop, Fried Eggs, Soy and Scallion Sauce with Rice $65 🐖睇返張相見到隻蛋都仲係流曬口水 太陽蛋加頭抽仲要燶邊！豬扒份量好多 煎得好香口 好食～ （IG放到我張圖好大🥹 救命

lunch食過幾次，都知道多人排隊，所以每次都唔會逗留超過一個鐘。今次12點52分落單，未夠搭二已經比人收走哂d碟，其實我哋已經係好快咁食完碟飯，排隊都等到出哂汗，汗都未乾，諗住慢慢飲埋杯嘢飲，戴帽嗰位男侍應，已經係咁抹枱、拎新餐具擺低，再行埋黎指住張單叫我哋賣單，朋友一放低個杯佢即刻拎走，我仲飲緊佢企喺隔離望住我，我話我未飲完喎，佢答「咁我比個外賣杯你囉！」然後掉個外賣杯喺枱！係「掉」唔係放！之後再叫長頭髮侍應過嚟，話出面有人等位，佢話下次會寫明用饍時間。打算寫用餐時間限時15分鐘？而出面，十個人都無。雖然野食係好味，但被捧紅了態度就可以差到咁嗎？***戴帽嗰位侍應態度真係極差！

真相總需要有人講真話。呢間餐廳在媒體已經接受訪問，什麼瀕臨斷氣的時候靠一個火鍋翻身。這間餐廳的前身是一間高級西餐廳，GLOW,原在西營盤第二街，後來才搬到這裏，所以印象特別深刻。初初的時候真有點摸不着頭腦，很像大陸的飯店，心諗這間餐廳就很像一個大媽開的。裏面根本就沒有裝修，很久從視頻當中看到他們是一隊人，而且似乎好有誠意，一直都想試一下他們的火鍋，疫情過去三年，一直到晚上而不到時間。一係沒有位，一係時間不對。最後近來看到他們的午餐，似乎有機會去試一下。$70.1個餐在中環其實唔算最平。12:30去到一個人到吧枱坐。一坐上去周圍環境都是凌亂，背後嘈雜都是寫字樓的上班一族。他們的夥計主打年青人，沒有什麼禮貌，嚴格上就是一個無需要有禮貌的大排檔態度。我也是尖沙咀海防道大排檔常客，講標準的大排檔態度，這些年青人實在比下去。不是需要殷勤的問候，而是有一點囂張的態度。入嚟當然不會要求有什麼服務。午餐叫了一個奶茶後上，他們的夥計就是說沒有後上要即時上。那碟精彩牛肉飯，就像雜肉飯一樣，鹹味，沒有蕃茄味，他們的汁都唔知是什麼難形容。只看到一層層油膩。奶茶喝了一半就停口，苦澀無茶味。飯只食了一半已不能再吃

這間珍姐海鮮火鍋飯店都算係幾出名，要晚市要BOOK先有位。不過佢個英文名 名Big JJ 真係好搞笑。每逢中午午飯時間，呢度堂食都大排長龍，外賣自取有時都要等的。好在今唔洗等太耐。雙蛋免治牛肉飯豬扒飯已食過好多次，今次試下免治牛肉飯先。兩隻蛋同埋D免治牛肉鋪滿成個表面。每一啖都有免治牛肉，味道都算係唔錯，而且份量都幾多，食完飽到飯氣攻心要眠一眠。雖然豬扒飯好似受歡迎D，其實豬扒飯都好食，但係如果豬扒飯唔夠汁有時會食到好口乾的，免治牛肉飯就無呢個問題。兩者各有各好食～！

珍姐出名難book就聞名於國際，book完仲要隔咁耐（大概一個月多少少）要大家都記得同埋準時埋位都唔係咁易。今次book左頭圍18:00，都唔係準時齊人，明嘅，香港人搵食艱難。訂枱時預訂左豬骨蜆煲、扇牯牛皇同埋海鮮拼盤，其他野就現場睇餸食飯啦。 🍲豬骨蜆煲好濃好夠味，一上枱就飲兩啖湯先，入面大概有豬骨、蘿蔔、蜆、粟米咁上下。 🥩扇牯牛皇有四款，包括腩頭、封門柳（好似係）、匙柄（好似係）同埋爪邊（？唔記得），全部即日本地手切，都算得上係溫體牛（？）。 🥩老蘭嫰牛四拼就係四款進口牛肉，包括封門柳、頸脊、匙柄同埋（唔記得）。一般黎講我都係偏好封門柳同頸脊，純粹係肉味同質感上嘅個人口味，唔代表牛肉部位嘅排名。 🦪海鮮拼盤方面有蟶子、北寄貝、沙白同埋（唔記得，好似係蜆），全部都好新鮮。 🐟鮮製三寶手打肉滑都幾特別，一共三款包括魚羊滑、墨魚滑同埋菜脯蝦醬豬肉滑。魚肉加羊肉真係為味覺帶來新衝擊。 另外仲叫左嘅食物就睇圖啦，包括門鱔魚蛋、魷魚串、滑雞件（真係好滑）、脆鯇魚片等等。 🍧完場前仲有個冰粉可以涼一涼，既清甜又有陣陣花香。 👏🏾場內氣氛好好，店員會介紹牛肉部位，仲有示範，話畀大家知大概煮幾耐，

係咩驅使我過海約人食晏去食碟頭飯？係珍姐 @bigjjseafood 啊⸜(*ˊᗜˋ*)⸝集合番去左兩次出個分享先◦ 扙道腩雞飯溫馨提示 雞飯有兩輪 1:30第二輪去兩次都食到~(˘▾˘~)點解呢個雞飯日日咁快賣哂？因為真係非一般咁好食 仲要先55蚊兼份量足.ᐟ‪‪‬每件雞肉都非常滑溜 好似慢煮過咁油飯粒粒分明 明顯食到香料同雞油既香氣◦ 珍姐咖喱羊排飯好誇張既一碟碟頭飯( Ꙭ)！兩大件酥炸羊排啖啖肉唔洗吮骨 帶微微膻味咖喱係偏甜同重椰香 岩我口味不過食食下會膩 同埋真係好大份啊痴線自己一定食唔哂◦ 極品封門柳豬油撈麵有位朋友次次淨係叫極品封門柳豬油撈麵叫佢下次試下其他野佢：咁下次試加倍牛肉( ͡° ͜ʖ ͡°)其實本身都幾多牛肉架啦.ᐟ‪‪‪.ᐟ‪‪‪煮到半生熟 仲pink pink地咬落好軟熟又有牛味豬油撈麵爽身無鹼水味 隻甜豉油仲調得幾好食 想繼續努力集郵試哂全部( ͡° ͜ʖ ͡°)✿#lastbitematters#lastbitematters_central ✿

上次就介紹左嚟珍姐呢到食lunch，今次就介紹人氣再勁啲嘅珍姐打邊爐！相信同樣應該有唔少人有聽過嫁啦，小編們book左成兩個幾月先嚟到食，真係期待已久🥹點解啲人成日話好難book枱因為環境地方唔算大，有啲似室內高級版嘅大排檔feel🤣但正正因為咁，好有港式嘅味道，再播埋廣東歌，一路聽一路打邊爐，真係好有feel🙌🏻等左咁耐終於嚟到食，果然不負眾望，食物質素都偏高。小編們如果下次再嚟食應該會叫埋朋友一齊嚟，可以叫多啲唔同種類嘅野食同埋再抵食啲😌同埋一定會預訂埋個招牌豬骨蜆湯底，試下有幾好味haha

聞名不如見面，食到打邊爐🫶Vibe 很好，基本上完菜，大型K房的開始。珍姐playlist 由80-現代都有，正！你唔會諗到下一首係咩歌！豬骨大蜆湯底：第一啖，好濃！蜆肉大粒，可享成日太快加湯，淆唔到繼續的味，淡得太快。扇牯牛（先預訂）：肉味濃，肥至瘦有齊。店員先介紹每個牛的部位，我的記憶得番牛背和腩位。炸魚皮：好得，好脆，高質。浸湯定淨食送酒一流。生雲吞：無影相，平平無奇的外貌下，肉汁包滿蝦彈牙。海鮮併盤：蟶子，北寄貝，貴妃蚌，厚肉蜆老闆有講今日蟶子差少少，都唔太差。其他入口鮮甜，唔錯。封門筋：老細送. 又係好濃牛味，好正，筋位但唔太靭。食物素質和氣氛真係唔錯，而家知點解咁難訂到位！食到尾，老闆和侍應們都周圍一齊飲酒，關心今日食物質素。