珍珠皇宮印度餐廳

營業中

休息中

重慶大廈，相信一直都有唔少人覺得呢個地方好神秘。今日跟住朋友嚟到呢一個異國風情嘅地方，揭開佢嘅神秘面紗。不過喺揭開神秘面紗之前，都係要醫好咗個肚先嘅😂上去一樓，直行到尾轉左，有一間裝修幾靚嘅餐廳，睇佢都有中文餐牌，而且價錢唔貴，唔使諗😂開門坐低就係！一入到去播放緊一啲印度嘅歌曲，裝修都幾華麗，用上咗皮櫈，仲有兩間vip房。不過話就話vip房，原來係唔使加錢嘅😂🐔tandoori chicken印度燒雞，唔知你哋記憶中係咩味㗎呢？呢度嘅印度燒雞充滿香料而且有少少辣，用鐵板盛載，底下有洋蔥同埋椰菜絲，鍾意食印度嘢嘅一定唔好錯過！🐏Lamb Curry叫得咖哩羊腩本身都想嗌個飯，不過實在真係太大兜根本一半都食唔曬😂咖哩嘅香料味道好濃郁，我叫咗小辣唔會太辣，羊腩入口鬆軟唔會有太大嘅羊騷味，配搭naan食絕對係唔錯嘅選擇🌮keema naan普通嘅烤餅成日食，原來免治羊肉烤餅又係第二種風味，免治羊肉加上秘製嘅印度香料，同平時食嗰啲有啲分別，口感更加豐富多元化！🥤mango Lassi & masala tea如果話佢呢度嘅芒果奶昔好飲，不如話佢嘅芒果乳酪應該更加適合！呢度嘅乳酪係天然發酵，飲落酸

我在這家餐廳點了一份紅咖喱羊肉、一份蒜蓉薄餅、一杯芒果奶昔以及一份印度薄餅。首先是紅咖喱羊肉，肉質鮮嫩多汁，配上咖喱汁都真係幾好食，味道濃郁醇厚。這味菜絕對是我在這家餐廳ge favourite 。搭配著餐廳特製的醬料相對喺重慶大廈其他比較難搵到芒果奶昔清涼，口感中帶有芒果的香味最後的印度薄餅，外皮鬆脆內軟，搭配上豐富的配料，味道香濃。餐廳的菜品豐富多樣，口味地道正宗。服務態度親切，用餐環境舒適。雖然價格略高，但都推薦大家來試吓食。

睇YouTube成日見到依間舖頭個老細，佢個名又叫做正義哥。因為佢之前幫過一個細路，所以我都好尊重佢。今次慕名而來，叫咗個乳酪球同南印度薄餅，真係好好食，而且分量都多。喺OpenRice度訂位仲有九五折，兩樣嘢加埋都係$150左右，平過其他餐廳。今日仲有幸見到老細，見佢都好健談，對人好好。會介紹俾朋友食。

今日有好野介紹！講超正宗India food 就會諗起重慶大廈，今日上左一層食正宗咖哩星期五既晚上，去到已爆滿，好彩吾洗好耐😝😝😝Tandoori chicken :叫左半隻雞，應該係春雞，吾算太大隻。有香料味。在高溫的炭火爐中烘烤,雞肉外皮會烤制成漂亮的赤褐色,內里卻仍保持鮮嫩多汁。羊肉咖哩: 羊肉塊幾新鮮，搭配濃郁的咖哩汁一起煨煮，入味。咖哩汁由番茄、洋蔥、大蒜等蔬菜以及孜然、咖喱粉、香菜等香料熬製而成,口感十分濃郁醇厚。咖哩芝士:同一般西方既cheese 吾同，有啲似豆腐，幾特別😝😝Cheese Naan蘸著咖哩汁一起食用，正。烤餅表面酥脆,內裡蓬鬆軟綿,內面仲有cheese 添！孜然飯孜然籽與飯攪拌在一起烹制而成,散發出濃郁的孜然香氣,非常適合與各種咖哩和烤肉一起食用。

珍珠皇宮印度餐廳 Moti Palace 今次同朋友二訪重慶大廈好多香港人都去既印度餐廳🤩食物份量合理, 食得飽又唔會覺得貴! 服務員好nice! 佢哋會周不時問你對食物滿唔滿意👨🏼‍🍳有啲仲識講完全流利嘅廣東話, 好驚喜! (｡･ω･｡) 食物同環境都好有印度風情, 明白點解佢咁高人氣!————————————————食物:❆ 蒜蓉蝦 Garlic Prawn $138每一隻蝦都好大隻, 新鮮肥美既蝦肉同香濃既蒜泥醬汁完美融合🦐 每一啖都係點滿汁既蝦, 充滿❆ 炸魷魚圈 Calamari $98雖然唔係印度野食但岀奇地幾好食!🦑 一大盤魷魚圈上枱, 酥脆麵衣包住鮮嫩既魷魚肉，再配酸酸甜甜既調味醬汁, 係一路傾計一路食唔錯既小食!😋❆ 咖喱雞肉炒飯 Chicken Biryani $115要加咖喱汁落去撈埋啲飯一齊食! 濃郁既咖喱香汁同炒到一粒粒既米飯超夾, 再加上入味既雞肉, 口感層次豐富🍚❆ 芒果奶昔 Mango Lassi $38 最期待既飲品! 超香濃芒果味, 唔係好假嗰種生果味🥭大大杯飲落質地綿密, 仲有乳酪加多層口感, 啱晒香港熱到傻既夏天飲🧊P.S 臨走店員仲送咗雪糕俾我

這間位於尖沙咀重慶大廈的【珍珠皇宮印度餐廳】，主打印度菜，有多款地道的咖哩及小食等可供選擇。這裏的食材都是認可的清真食品。希臘傳統沙律沙律加了橄欖油及香料，青瓜、番茄、芝士等配搭清新開胃。混合肉燒烤拼盤拼盤有印度燒雞、免治羊肉卷、烤魚塊、乳酪腰果汁燒雞，印度燒雞最濃郁的香料味，羊肉卷配上薄荷汁可減輕羊騷味，下面墊上洋葱更香。瑪沙拉咖喱烤雞咖喱濃郁的香料加上微微的辣香，另外還有番茄甜味，配上薄餅一流。ROTI烤至焦脆，麥味突出。

作為香港人但好鍾意食印度菜🇮🇳講到想食數一數二出名既印度菜，一定要到重慶大廈尋下寶。來到重慶大廈就好似去左印度🇮🇳既世界一樣，呢度大部分都係印巴裔籍朋友，今晚食印度菜，就由我印度既朋友帶我去食啦。來到重慶大廈二樓既珍珠皇宮印度餐廳，一看門面都覺得好靚，裡面環境也十分冠冕堂皇，好靚好舒適。點左好多正宗印度菜式，也是我覺得做得精緻又美味的，值得推薦比大家：1. 希臘🇬🇷傳統沙拉🥗 $78 這是我最愛吃的沙拉🥗特別是有奶酪真的超級香2. Raita $45 (乳酪加丸子洋蔥番茄） 類似奶酪一樣優葛，用來撈肉吃也很香3. 印式燴羊肉 $118 羊肉控最愛，烤餅好搭檔4. 咖喱雞$98 也是烤餅的好搭檔，必吃5. 芝士🧀烤餅🥞$45 必吃烤餅芝士口味6. 芒果🥭lassi 最愛的優葛lassi , 一定要喝喔，還有好幾種口味。這裏也特別適合打卡，吃吃喝喝一整晚，完全能感受到正宗的印度世界，印度美食控必吃餐廳。

🔺印度燒烤拼盤 Tandoori Platter- 羊肉卷：吃印度菜一定要吃羊肉，完全把羊肉的騷味蓋掉，只吃到很香的羊肉味，而且香料的配搭跟羊肉很搭，肉汁緊緊地鎖在裡面- 乳酪腰果汁烤雞：雞腿肉肉質嫩滑，本來以為是烤過之後在上面淋醬，但原來是以乳酪醬醃製，所以會更能把醬料滲透進肉裡，而且更加把肉汁鎖在裡面- 印度烤雞：雞腿肉嫩滑，而且顏色比一般橙紅色的更深，所以吃起來更加濃味，香料得味道更重，個人覺得很好吃- 印度烤魚：相對沒有那麼突出，不過調味也是剛好，只是烤過的魚會相對乾身一點🔺鷹嘴豆咖哩 Chana Masala如果不喜歡吃菜的話一定要試一下印度咖哩的素菜菜式，完全會顛覆你對菜的感觀我本身已經喜歡吃鷹嘴豆，還搭配到最愛的Masala做法就一定不能錯過非常喜歡這裡煮得很乾身不會有太多醬汁，所以吃起來辣度也會比一般的高，而且香料味道也是比較重的風格Masala醬汁很濃味，鷹嘴豆的豆香和粉粉的口感，放上薄餅吃很好吃🔺蒜蓉烤餅 Garlic NaanNaan是走比較薄身的做法，餅底微脆同時又有麵團的煙韌口感，麵粉香適中表面塗上大量蒜蓉很香，不過也因此會比較濕，再放上鷹嘴豆咖哩會有點塌下來

呢間印度餐廳近排真係好Hit，之前喺YouTube都有見到馬田同其他YouTuber影過呢間😆之前未試過去重慶大廈，今次第一次去，覺得入門口嗰下係幾震撼，好彩我睇過啲片認得老闆個樣，所以佢搵人帶我上餐廳🤣 🍘乳酪脆米球Dahi Poori ($78)見到基本上每枱都有人叫呢個小食，發現真係冇叫錯，食落好Refreshing，乳酪酸酸甜甜，食落去外脆內軟，好食！🍗香草串燒雞塊 Chicken Tikka ($118)偏辣，但係好入味，啖啖肉冇骨啱晒我！🥘瑪莎拉咖喱羊Lamb Masala ($118)好大份，入邊有好多羊肉！香料味濃郁，蕃茄味幾出！羊味唔騷！好食🤤🫓蒜蓉烤餅Garlic Naan ($35)正正常常偏薄身，咖喱加薄餅係絕配！🥭芒果奶昔 Mango Lassi ($42)好解渴，食到少少芒果肉。因為餐飯都偏重口味，飲呢個啱晒！Overall性價比高，嘢食好食，服務良好。老闆講流利廣東話，非常友善好好客！如果未嚟過重慶大廈可以試吓呢間！應該唔會失望😆Melo’s rating: 🍑 🍑 🍑🍑🍑 (5個🍑為滿分)📍珍珠皇宮印度餐廳 (尖沙咀)尖沙咀彌敦道36-44號重慶大廈1樓

成日好想探索重慶大廈呢個地方近排見到唔少人泥呢度就的起心肝泥食個飯睇咗幾間，呢間似乎最靠得住不嬲都好鍾意食印度菜，所以會去搜羅唔同餐廳去試泥重慶大廈應該最正宗不過乳酪脆米球做前菜好合適，清新開胃，口感豐富，有脆有淋雖然個脆米波波兜住啲料，但依然乾濕分明，食完一舊接一舊，好上癮Naan 係我的最愛原味，牛油味同乾果果仁蓉味三款都正，軟熟煙韌冇得輸乾果果仁蓉味最有特色中間夾住咗好多燈色碎碎食落似椰子味，甜甜哋又有咬口三款烤餅同牛油烤雞係絕配驚唔夠澱粉質，所以嗌個炒飯飯粒分明，調味剛好羊肉位有驚喜，以為係求其有啲羊肉絲，點知係有好幾舊大件嘅肉唔乾唔柴，有羊味，有質素啊喂奶昔同奶茶甜度剛好，同成餐飯好夾整體食物同服務都好到位!珍珠皇宮印度餐廳 Moti Palace Idian Restaurant乳酪脆米球 $78雜錦薄餅 $75牛油烤雞 $118咖喱羊肉炒飯 $118芒果奶昔 $42印度凍奶茶 $35📍尖沙咀/尖東

在尖沙咀的這家印度餐廳，真的是每次來都有新的驚喜！✨乾淨又衛生，西餐氛圍吃出了精緻感，完全不是那種普通的印度小攤。走進餐廳，就被店員熱情的招待，🫶🏻濃濃的印度風情所吸引。蒜蓉烤餅，每一塊都是現點現制，搭配咖喱，味道絕配🤤乳酪脆米球，酥酥脆脆，每一口都能感受到脆米球爆開的口感。🍢🥩混合肉燒烤拼盤也是推薦！肉都好大件，口感扎實，有印度燒雞，免治羊肉卷，烤魚塊，乳酪腰果汁燒雞，😙我們兩個吃的很飽！！

入重慶大廈都唔係第一次，但係今次試呢間印度皇宮就係第一次了，因為平時都係上樓嘅餐廳，今次呢間入到去上一層樓梯已經到，唔使搭𨋢。發現客人都好多，多數係香港人😲今次嚟試咗雞肉tikka tandoori 、奶油蕃茄汁芝士、咖喱羊肉、小茴香炒飯、蒜茸烤餅, 全部都好香濃, 而且價錢唔會overpriced, 食得多西餐, 得閒食下印度菜都幾特別, 雖然客多但上菜都幾快, 又唔會催客埋單, 服務都幾好。雞肉tikka tandoori 用牛奶、辣椒粉、蒜頭、生薑同咖喱粉調製嘅雞肉會串起來,然後放入極高溫度嘅傳統坯製陶爐烹調。上菜嘅時候因為有鐵板超級香，配埋佢嘅薄荷醬更加惹味😋咖喱羊肉有會用洋蔥、番茄、蒜頭、生薑、孜然、芝麻菜同其他香料炒製成濃郁嘅Bhuna咖喱醬,然後再加入嫩滑嘅羊肉一同燜煮。羊肉夠淋，同埋因為夠濃味嘅關係，所以唔食羊嘅朋友都可以試吓😋奶油蕃茄汁芝士有啲似feta cheese 。入口即化嘅芝士配上濃郁咖喱汁,香甜濃郁,既滑溜又回味無窮。呢度菜送印度炒飯都一流。🥹小茴香炒飯利用印度米同埋有勁多香料味，配咖喱一流蒜茸烤餅烘烤至金黃酥脆,外表帶點微微焦香,入口卻軟綿綿嘅。蒜香十足,

接近2個月無食印度咖哩 今日又拉埋表姐去食讀書時期已經成日自己入去買Bollywood dvd 同食吓樓下地舖咁多年都無變就係門口嘅“熱情招待” 不停隊卡片埋嚟嘅情境歷久不衰今次揀咗上1樓食 上樓梯直行轉左就到喇餐廳環境比樓下其他餐廳地舖闊落同企理好多 BGM播住Bollywood嘅歌 🕺今日食咗👇🔹️Dahi Puri呢隻同平時食嘅Pani poori唔同佢多咗乳酪喺入面 同埋同咗薄荷代替水炸得好脆 即使淋咗乳酪喺面 都唔會特別腍咗一碟8粒 2個人share都夠食 🫶🐟 Fish Masala魚嘅份量算多 夠滑溜個咖哩汁配Naan食 😇呢個唔辣嘅🥦Aloo Gobi成座山咁高 😆配埋香料 有微辣椰菜花同薯仔都切到細細粒 方便一啖食晒🫓Garlic Naan🫓Butter Naan2款naan都好軟熟 底就夠脆garlic naan好重蒜味 butter naan 個人認為可以再重手啲🍌Banana Lassi好少可印度餐廳有呢個口味嘅lassi所以表姐試咗 表示 淡淡嘅香蕉味 解辣一流 🥵🥛Salted Lassi鹹度適中 唔記得叫少冰飲到尾 隻味淡咗

好多人都唔想去重慶大廈，講到九龍城寨咁。其實重慶嘅人，大部份都好nice，而且最緊要係，要食正宗印度野，呢度一定搵到。呢間餐廳，去到直頭爆曬場，印度籍老闆講超純正廣東話同英文，所以無論香港人，同埋外國人都俾佢既親切服務吸引到。但當然食物先最重要。🍖首先飲個豆湯，食左好多次印度野，今次先第一次飲湯，原來好好味，質地係杰身而且味道豐富。如果你鍾意西式蘑菇湯，佢就係黎種質地，而且充滿原材料即係豆既味道。配合埋個Samosa，都係以豆蓉做函料，外脆內軟，鍾意食豆既人必叫。🍖燒烤拼盤，用鐵板上，有腰果雞，燒烤雞肉，魚，同埋羊肉卷。腰果雞唔辣，所以先由哩個入手，食到雞既原味，烤魚外面係黄咖哩，魚質相對比較實，呢點都重要，咁就唔會痴住個鐵板，令到咖哩同魚充分發揮。當然如果鍾意濃味一啲既，烤雞同羊肉卷就用上更加惹味辛辣嘅咖哩，就相對較香，較過癮。🍖主菜係naan bread同咖哩羊，個包好香脆，而且好飽滿，揀左蒜蓉味真係聰明，好香。羊肉有咬感，但係好易，咖哩開頭食到甜味，慢慢後面有辣勁，好有層次感。🍺✨️食印度野飲品，別無他選，Lassi 同奶茶。兩樣都有超香甜口感，而且奶茶充滿香料味道。同chai

星期日7月14日晚，約了朋友去重慶大厦吃印度菜，這家印度餐廳是第一次去，要步行上商場一樓，外圍環境老實說很一般，幸好餐廳入面裝修尚算企理正常。坐下就點了Tandoori Chicken, my favor, 朋友點了Lamb Vindaloo, 餐廳那位仁兄說very spicy, are you sure ? I said I know. 最後Mutton Biryani.今次吃的印度菜味道頗正宗，相信口味沒有改得太多去迎合港人口味，香料勁足夠，特別Lamb Vindaloo, 食吾到勁辣千萬不要叫，否則。但我們吃慣印度菜，覺得非常正