珠記

營業中

休息中

為左慶祝南港島MTR開通住得無雷公咁遠d老友指定要黎趁下熱鬧早一晚訂左珠記唔系真系無位系香港仔海鮮檔買左花蟹,中蝦,海班交比佢地煮先叫涼瓜田雞幾夠火候肉又嫩腰果肉丁就失敗d肉丁系雪野兼硬屈屈果芋頭臘味煲都幾好味見有薑蓉鼓油撈飯又叫左兩個,真系幾好味炒左個薑汁芥蘭,味道唔錯,不過菜太老阿大家姐應承下次幫襯送番個比我,街坊就系咁開心蒜蓉粉絲底蒸茄子就干身d,粉絲撈埋d汁就好惹味沙薑雞腳夠淋兼好入味,超抵食$48黎得呢到就試下佢海鮮,蒸條海班真系好手勢剛剛離骨肉又嫩,鼓油唔會太多同太咸,抵讚中蝦就白焯,勝在生猛薑蔥炒花蟹,鮮甜又好味,d鉗拍得好,食到清晒用隻小雄雞碗豪飲青島藍妹轉下眼成個鴨俐洲大變身,開通日變左嘉年華會有d人系唔明塞左咁多年車果種滋味一開通,飯局真系超方便珠記整海鮮同小炒真系唔錯下次一定再幫襯

上星期五同婆婆慶祝生日，當然就揀返近佢屋企既餐廳由於我地一枱有11人，當然叫既食物都唔會少主角大閘蟹當然唔少得，而家剛好係時候蒸鮮鮑，好新鮮，同埋蒸得剛剛好，不會太firm椒鹽鮮魷，好味指數粉漿適中，呢様對我黎講好重要的，太多粉就會唔好食我最中意既粉絲蒸帶子，其實叫呢個我主要係食粉絲而且蒜茸好充足，帶子就有少少失色，蒸老左同埋略微不夠鮮豉椒炒蜆，呢樣我無食，不過親戚就話尚好，只係得2-3隻有沙，其他都無茄汁蝦碌，呢個好味呀，蝦都幾大隻，而且個汁good ar, 不過食呢道菜有點失儀，蝦殻既汁都唔可以浪費炒班腩，呢碟餸沒什麼特別，不過不失珠記每一碟餸都好大碟，我見隔離枱4-5人食，都差不多咁多碟

是令海鮮，街市上的大排擋風味, 一向都是我至愛⋯⋯加上朋友帶路，自備紅，白，烈酒及預定好了食物. 完全是盡興之夜.海鮮夠新鮮，聖子夠wat 氣野味！鮑魚二食，炸的香口，蒸的鮮味。粉絲蒸扇貝，夠大隻又多粉絲！鼓油雞，皮香內滑.炒麵，夠干身，碟底不會太油

Chu Kee 珠記大排檔 inside Ap Lei Chau Municipal Services Building is pretty popular among the Locals here in Ap Lei Chau and also Aberdeen (Not to be confused with another Chu Kee in Aberdeen serving Fast Food, nor the one in Happy Valley serving Shark Fins). My previous visit to this upstairs Dai Pai Dong was already a few years ago, back then I used to come to Ap Lei Chau more often as we had some business within the same block. This time around I was bugged to revisit again this building. The shop

之前去三聖村食海鮮，但總係揾不到一間加工煮得好嘅地方!  有次朋友邀請我去鴨脷州珠記食海鮮，尤如發現新大陸。這裡雖然環境一般，大眾大排檔格焗，但總算企理乾淨。  食物方面，珠記嘅清蒸鹹鮮(馬友)好正，鹹度適中魚質滑嫩又甘香!   椒鹽鮑魚雖然有時不夠入味但總括嚟講都吾錯。椒鹽鮮尤炸得香脆(不過有時食客多可能或有失手)，其他海鮮一般都係樓下嘅海鮮檔買然後攞上去比阿珠記加工，手勢吾錯架。價錢都算合理!去呢度食最緊要早，一遲人又多要等好耐先有得食! 掛住食淨係影左呢兩張相

Book 左1月25日5位7奌晚飯, 早左到, 但都有枱.在地下街市買了海老鼠斑１條10両 ($350), 鲍魚１份8隻 ($100), 花尾龍蝦仔1份7隻 ($350) 及花甲1份 ($60)珠記加工费 $70/斤, 伙計説鲍魚及龍蝦仔會贵少少, 約 $80/斤.叫了:-莱芯牛肉 : 好有獲氣, 但牛肉炒得老左d.椒鹽尤魚 : 炸得好干, 尤魚吾夠厚身, 好一般.鼓油雞半隻 ($170) : 伙計説是名物, 上枱時微嗳, 肉好嫩滑,汁也調得剛剛好, 不太鹹,但價錢好像贵左ｄ, 不太值.清蒸老鼠斑 : 時間剛剛好, 肉好滑, 葱也下得很多, 吃得很到胃, 但略嫌豉油不夠味, 有少許扣分.黑椒炸鲍魚 : 也是珠記馳名做法, 外面好干身, 好夠味,又香口, 不俗.芝士花尾龍蝦仔伊底 (2份伊面) : 龍蝦仔開边, 个汁有少許洋葱, 味道調得剛剛好, 但汁又不太多, 有好些伊面是沒有汁的, 伊面軟硬適中,叫了2份伊面, 但最快吃光的也是伊面, 不是龍蝦. 可想而知, 有幾好味.豉椒炒花甲 : 味道也不錯, 但个汁太浠, 只可説普普通通.因有家人要用魚汁撈反, 所以另加了１碗白反.總共3个餸連

話說最近佔中，小弟同女朋友又政治中立，又早收工，就入左鴨脷洲大街市政大廈度食野，返黎香港一直都想黎，但無機會，終於比我試到喇！豉椒炒蜆，炒得唔錯，鑊氣夠，都有40隻蜆左右，個京都骨似菠蘿咕嚕肉，炸得太耐，好dry，之後到沙嗲牛肉粉絲煲就ok，少辣，不過濃味左d，連三個白飯，無叫啤酒，盛惠212！報告完畢！

　　難得去一次鴨脷洲，去到當然係去珠記食晚飯。雖然見到最新篇充滿晦氣的食評，但朋友之前已經去食過幾次，對珠記有信心！ 　　因為我們人少，只叫了油鹽水焗膏蟹、蒜蓉粉絲蒸扇貝和蒸魚，食完非常滿足！在雜誌工作的朋友了解珠記的背景，告訴我說這間店是家庭式小店，廚師是其中一個姊妹－－難怪調味的手勢咁細膩！　　飯後我們去風之塔公園散步，之後又搭街渡過香港仔搭車返企，真是難忘的一晚！　　（朋友影了相，張張都有１０ＭＢ以上，不知如何壓縮成１ＭＢ呢？）　　

一行九人自購完海鮮攜帶到鴨脷洲熟食中心搵食店加工食餐豐富海鮮餐，原先我們選擇柏記，但是因為柏記無位，我們之後選擇了珠記， 怎也估不到換來一肚氣, 不但等上餸時間長, 埋單時又因為有爭議而要報警解決。首先等餸上枱的時間一等接近一個鐘，見身邊其他店鋪食客嘅枱完完不絶上餸，自己的海鮮一樣也沒有露面。真的有點不悅, 不過, 最令人氣憤亦在食完之後埋單時，十數支啤酒汽水，海鮮加工費連額外order的四個餸(小食雞腳, 椒鹽九肚魚，豉油雞, 薑汁炒芥蘭) , 合共盛惠$1880 . 我們睇完張只寫下類似餸名但無價錢，只有總數的單後, 我們即時問點解會甘貴, 嗰個姐姐話我們有十四斤海鮮,又有酒水又有加餸, 不算貴.而這時候我們才發現她們是以每斤$60的加工費 計我們有十四斤海鮮，最令人難以接受亦是我們自購的海鮮一定沒有十四斤之重。所以我們要求同她每碟餸計，我們一直用計數機同嗰位女士計數, 出來條數只有$1650，當中包括約三百元是酒水，約五百元左右是額外order的四個餸, 其餘大約八百多元是以十四斤計的海鮮加工費。我們即時對質條數已同她開始時話$1880有出入，再加上我們一定沒有買十四斤海鮮咁多

朋友已經介紹好耐，一直都未抽到時間去食，星期六興之所致，十五人一齊開大餐，全部夾埋共食咗 18 道菜，真係充滿罪惡，兼飽到上心口呀！不過真係好好味，最出色一定係個奄仔蟹，隻隻都爆哂膏，強烈推介呀！

我地book左位，不過早到左半個鐘，無得提早入座嫁，後來出去食D甜品先，買多少少海鮮，再上去就有位喇。我地自携海鮮去，一早想好點整就落單，咁就開始左我地嘅等待之旅，等左半個鐘，佢先攞我地塊斑腩話起唔到球炒嫁....於是我地改為炆....咁即係依家先開始煮我地個D.......我地再催個阿姐，佢就tum 我地話：好快! 一上就齊嫁啦! （好彩頭先食左甜品先，唔係餓死）再等多15分鐘，終於有菜同白烚的海鮮，慢慢再陸續有其他野上，最後的炆腩要過左9點先有。（即係左低左1.5小時後）其實佢地處理海鮮的水平幾好，我覺得有味精（炆的一款），不過出街食預左就無所謂。最緊要係自己要識揀海鮮，咁就成功左8成。總括來說，處理食物水平幾好，不過要等咁耐，就唔係好得，隔離一圍係熟客就唔洗等咁耐。食呢D大排檔式，唔覺得值得等咁耐。如果係成班朋友吹水重要過食野就OK啦。下次咪搞喇 （雖然個阿姐好好聲氣）因為自己買晒海鮮，所以係好抵，6個人total 一千度，西貢一定唔得。

是次晚膳用餐後經驗不甚愉快, 原因有二:-1. 時為黃昏, 先到鴨脷洲市政大廈街市買海鮮, 鮮活已賣得七七八八, 餘不的也不見得鮮美, 但山長水遠到來, 也不想掃興而回, 勉為其難地挑了一些海鮮, 拿到樓上珠記加工烹調.咁樣就出事喇! 正所謂勉強無幸福, 真是至理名言! 2. 是日全場爆滿, 老板娘見我地三個人拿著幾袋海鮮, 便在角頭加插一摺檯給我們安頓下來, 我欣賞老板娘這樣的安排, 因人客多, 轉頭她又要招呼再來的人客了! 隨後有另一位阿姐招呼, 不知他是否心情惡劣, ＋問九吾應, 請教他有什麼時令精選, 她說各人心水吾同, 吾識推介, 你地自已諗啦! 真無癮!白灼中蝦:中蝦的體積夠件頭, 但沒有蝦的鮮和甜, 圖具色相, 奈何!!薑蔥蒸倉魚仔, 又一失敗之作, 衰在魚不夠新鮮, 應該用黎煎香, 這個不關珠記事, 但都吾應該蒸到側埋一面!薑蔥炒蟹 -肉蟹以薑蔥炒，蟹肉吾靚吾鮮 , 薑蔥都幫吾到忙!鼓椒炒蜆, 蜆己經夠細, 仲炒到吾入味豉椒炒聖旨:, 吾夠鑊氣! 蟶子離哂穀綜合今日經驗, 決定從今以後, 吾鮮吾買, 人多就下次先幫襯!

星期日在家百無聊賴，到傍晚六時許，正為晚餐著落而惆悵之際，突然收到朋友電話邀約即興海鮮飯局，地點在鴨脷洲的珠記，二話不說便答應了。闊別近年，位處熟食中心的珠記環境無甚變遷，同樣客似雲來。我們照舊到樓下街市揀選心水海鮮，但由於之前颱風迫近，加上休魚期，所以選擇不算多。最後選了幾款海鮮，再另點三個小菜，即興飯局便開始了。 自攜海鮮：　 陳皮蒸鮑魚：鮑魚屬中等大小，其實還有更大的，不過價錢頗高，所以放棄了。以最傳統的陳皮蒸鮑魚，陳皮的甘苦突顯鮑魚的鮮味，而且鮑魚口感豐盈，吃罷兩隻已是大滿足。 　 蒜蓉粉絲貴妃蚌：貴妃蚌清潔無沙，肉質鮮甜爽口，以味濃的蒜蓉粉絲清蒸，不但沒有搶去其鮮味，單是滲滿貴妃蚌精華的蒜蓉粉絲，已能送滿一碗白飯。 　 清蒸燕尾斑：燕尾斑肉質較為鬆散，沒有老鼠斑般爽嫩，但由於處理得宜，火候控制得恰到好處，魚肉仍算嫩滑可口，加上絕配的豉油芫茜蔥，又是送飯佳品。 　 清蒸奄仔蟹：奄仔蟹即未交配脫殼的青蟹，蟹膏滑溜，鮮味較重。知道珠記馳名鹽焗奄仔蟹，但原來要幫襯它們的奄仔蟹才可，最後唯有用最簡單的清蒸方法處理。熱騰騰的蒸蟹上檯，蟹螫和蟹身不算多肉，但鮮甜無比，友人說吃出餲味，但小弟

同同事farewell 去左呢到食,對上一次食已經係年幾前,今晚再食,都係咁正!焗魚腸,黑椒鮑魚必食,係好大隻的,應該係大連鮑...,不過今次好多野想食都未有機會叫,又冇扇貝吃,...下次要去試下個蠔餅!

南區海鮮,自長洲、南丫島、田灣至香港仔都試過,所以一直想來鴨利洲看看,今晚終能償願。之前於op尋找過,珠記是射程範圍以內。於香港仔海傍乘專線街渡過來.........啖了些咸香海風當做前菜。上岸後沿著市政大廈走便是,地方不難找。星期四晚客不算多:但見所有人都吃得開懷便知沒來錯!檔是小店形式,廚房外放着幾款生猛海鮮,魚蝦蟹齊備。吃了石蚌魚一條,蒸魚技術爐火純青,時間剛好,雖則魚味一般,但肉質都頗滑,蒸魚豉油汁加蔥絲配白飯,是天作之合。豉椒炒聖旨:加辣,豉汁香味加辣味濃郁衝鼻而至,夠鑊氣!而聖旨索滿汁香入口爽脆,這個汁:又吃多一個白飯。油鹽水浸瀨尿蝦仔(約三吋長)本沒期待,誰知每隻蝦膏都飽飽滿載!肉不多只因蝦膏已佔去體積之三份二了,看相便知真相!沾些指天椒豉油,蝦膏甘香,肉味獨特,大喝兩聲膽固醇:萬歲萬歲萬萬歲!!!沙羗雞腳:是最失色了,但又難怪,試問那裏可以吃到不必另沾沙羗醬的沙羗雞腳???原來這店平日是全女班撐起的,辛苦了各位!