2
0
0
港鐵黃埔站 B 出口, 步行約8分鐘
繼續閱讀
附加資料
要預先訂位
以上資料只供參考, 請與餐廳確認詳情
每逢農曆新年,離不開周圍去食中菜gathering. 作為超級愛吃和試食的我,今年聽朋友介紹理工最近開了私房菜,地點近紅磡火車站,在私房菜職員提前指引下,地點都ok易找,拉大隊去試。目前只供應一個menu, 不過水準不錯,性價比高,於是我一週連吃2次!~ 套餐有8餸1甜品,有海鮮有肉有菜有甜品,作為新年聚餐,基本上也不用再改菜色。順帶一提,雖然以人頭收費(不加一),但份量絕對超出我們每個人的食量,所以很適合我班大胃王又追求質素的朋友。尤其推荐鮑魚鵝掌好入味,蟹肉燕窩超正份量足,芝麻雞又香又脆! 最後必提是甜品,食到10成飽都想再encore! 除了食物, 另一欣賞這裡環境安靜而且私隱度高,估計由於晚飯時間,放學時間已過,人流不多改(大學生不多),變相我們食私房菜的空間更大更自由。雖然餐廳環境佈置簡單(用大屏風和圍板間區出來,成了獨立空間),但如果結合位置和私隱度都係咁高分數的話,咁的確值得去吃。 咁啱碰見老闆知道定期會抽出新菜色,期待下次再試新菜,因為他說有些招牌菜不在菜單裡,我最想食的咕嚕肉,希望下次有啦。
繼續閱讀
朋友介紹有一間好味私房菜,地點在理工大學宿舍,海濱南岸附近。去到大學宿舍,上一條樓梯就到達大學飯堂,職員問我哋係唔食私房菜,原來地點就在一間活動室模樣嘅大房,當天我們七個人包場。朋友將菜單傳俾我哋睇,菜名好有趣,大家齊齊估吓食啲乜。頭盤送到,我哋齊齊嘩咗出嚟,呢道菜名為「入學四重奏」(建築系),用咗一個一層層嘅木架分別放上沙律、四季豆、石榴、同兩個不同味道嘅米紙卷,味道很清新,超級靚囉!接着第二道菜「拉牛上樹」(國家地理雜誌系)送到,侍應先生先點著碟上嘅鹽,明火燒住樹上掛住的牛柳粒同炸過嘅蘿蔔糕,牛柳汁不停滴下來,大家等火熄咗就起筷,牛還是嫩嫩的,蘿白糕一D都唔油,大家都小心奕奕地㚒,慎防牛柳粒同蘿蔔糕跌在鹽上。第三道菜「滿城盡帶羽衣蝦」(影劇藝術學系)又送到,西蘭花和蝦包着薄薄的炸漿,入口唔油,廚師控制火路有一手,配埋那個超級好味的蛋黃醬,真的不得了呀!第四道菜「理大秘密花園」(神秘學系)送上,係一個全碟用豆苗造成的比薩斜塔,上面還有蟹黃茨汁和杞子,讓我們清一清味蕾。話咁快第五道菜「高分子咕嚕肉」(化學系)又送到,我哋先俾碟中那棵糖樹吸引,原來係用麥芽糖造成的,食落口感EE un un,咕嚕肉和傳統的很不一樣,是用咗番薯和豬肉合在一起再炸,配上菠蘿並不油膩。已經好飽了,跟住第六道菜「抽頭小學雞」(畜牧工程系)送上,用爐仔慶住,豉油雞很滑,好入味。跟住「月光寶盒」(幻想歷史系)又到,是用一個書本型的盒子裝着荷葉飯,真的好飽了,但個飯熱辣辣又香,我都忍唔住食咗兩碗。最後用「桃膠燉蛋白」(營養系)完成這個美食之旅。我們七個人去食,份量很足,結果豉油雞和荷葉飯都要打包。全部是心機菜,物超所值,三百幾好抵食呀。聽聞菜單會不定期更新,我們約好二月再去食。另外侍應先生和小姐親切有禮,笑容滿面,要比個like呀!
繼續閱讀