瑪麗蓮美國餐廳 (已搬遷) 新店位置

以前的瑪麗蓮舖位很小並不起眼，當初經過就是被他的小店補和名字所吸引，如今搬了舖位，地方大了一點點，坐得比以前舒服，食物也保持水準，今天一家三口再來品嚐，因全家都是食肉獸，特別喜歡牛肉，找來靚女侍應跟我們介紹，她分別介紹了三款牛肉,牛肋條，牛三角和牛肩，雖然店裡很忙，但她還是很有耐心地介紹每一款牛的特色，服務很值得一讚，牛三角和肩還是頭一次食到，肉味濃，很juicy，果然冇令我失望，跟餐還有湯和沙律，一家都吃得很飽很滿足，埋單時才發現這裡是免收加一的，這餐廳性價比很高，服務也很好，會一直支持下去

朋友介紹話呢間好好食，有日去開旺角就黎試一試，食個午飯。呢間餐廳舖頭細細，好彩未到食飯時間，所以一去到就有位。店員啲服務態度認真麻麻，其中有個呀姐啲格同語氣仲衰過茶餐廳啲呀叔，做每樣野都好似好唔耐煩咁，講說話又單單打打咁寸咀，EQ 低啲都食唔落呢餐飯。好彩間店啲食物質素彌補番，啲店員真係要多謝個大廚留住啲客。叫左個美式胡椒烤雞扒配意份，個套餐包湯同野飲。個湯唔知係咩湯，橙色的"杰杰"的，飲落有橙味好特別，幾好味但好細碗。個意粉好好味，雞扒超級大大大塊，亦都腌得好入味好正，雖然唔算平，但份量好足，食完嗰餐夜晚都差啲食唔落！如果你唔介意受下氣，都好推介你去食！

由於食晚餐,環境太黑,坐得十分擠迫, 無乜心機影相總括黎講, 食物真係超班.佰零二佰蚊個晚餐唔貴 扒好食,賣相佳不過坐得真係十分擠迫, 兩佰呎唔夠既地方夾硬坐十二三個客, 仲要成餐飯果個疑似老闆娘既女人不斷黎指導你, 督促你食飯,連杯餐荼放響張枱既邊個位佢都黎話你 :"唔好放呢度,放埋去" 佢收唔切碟,張枱根本無位擺,唯有疊上隻吉碟度啦, 老闆娘一見就九秒九走黎話你:"唔好疊埋隻D碟啦 "先至幫你收隻吉碟, 食到九成都未食完就隧張單埋黎話:"好多人等位, 唔該埋單先",態度十分趕客不過有熟客黎,  老闆娘就十分殷勤, 笑面盈盈如果為美食而黎,可以推介, 不過要預左受氣

個次經朋友帶 去食呢間無睇過openrice啲食評咁而家俾反d feedback 啦去圖先當晚我既主角就係佢 $250份量大到嚇親而舊牛就略嫌有小小根其他味道我都覺得唔錯不過就細舖 始終地方淺窄 位都有d迫..

之前睇網上食評,見好抵去試下點知......中伏原來個食評太舊,間店換了人做加價了....地址寫就寫旺角,實際就近太子果面結果個價好貴....叫了一隻烤雞差唔多200....你收200一隻烤雞我當然要求高返d點知,好難食...已經唔係要唔要求個問題係隻烤雞好難食完全唔合格...點解有人可以整到隻雞咁難食這可能係我食過最難食的烤雞隻烤雞其實就燒春雞咁大細唔算大隻但味道係超級難食,苦的....個味道就似涼茶味,咩味的涼茶?就係苦果種涼茶隻烤雞係苦的連放係烤雞底下的菜都係苦味....連個汁都係苦味....個烤雞唔好話賣200,連$20都唔值啊真係送比我都唔會食我都唔知點解係苦味,唔係咸到苦而係本身就係苦....可能係調味問題而且隻雞身上重有好多毛連雞毛都未拔清就賣隻雞比人....煮到咁都敢賣比人...係得個周打蜆湯味道較好個周打蜆湯係送的10分滿分味道:1香味:5外觀:0抵食度:0

中午同老公行完花墟，見呢間餐廳有牛扒鋸就入去食，午餐menu牛扒無哂就叫左個香橙鴨脾薯泥同豬扒意粉，一泥到個賣相都幾好，點知食落去就發覺好難食，鴨脾都預左雪藏貨但佢係無乜調味，個薯泥都係五好食好似溝左粉甘，之後到豬扒意粉，d豬扒柴過柴皮都算，d意粉完全係食完成口糊好明顯煮得過哂火，我好肚餓已經好努力食，但都係吞五哂，希望店家用心d煮五好浪費食材，另外凍飲要加6蚊，但個杯好細杯感覺五值呢個加6蚊😞

曾幾何時好鍾意黎呢度dinner因為呢度嘢食又好味又平而且位置又方便總之就性價比冇得頂啦呢度嘅位置唔多所以想黎食嘅話最好就訂位你可以選擇單點或者叫Set 但個人來講就會鍾意叫Set多啲因為我真係好鍾意好鍾意食佢嗰個蜜糖芥茉醬同埋佢嗰個周打蜆湯都超正😋😋😋😋😋佢嘅沙律菜都好新鮮 而個湯既口感就好Rich雖然細細兜但係都會飲飽你架講返主菜叫咗一個牛三角扒同埋牛肩峰扒呢度嘅主打都係炭燒 所以係食嘅時候會食到陣陣炭香味 同普通餐廳嘅牛扒好唔同而且佢嘅牛係會有牛肉嘅香味 唔似普通餐廳比鬆肉粉醃都冇晒肉嘅香味而且佢個伴碟都好有誠意但係今次黎食嘅時候覺得炭香味已經唔再濃烈同埋有d overcook 另外佢個薯蓉都好好食 雖然我唔鍾意食薯仔但係都覺得OK我會再嚟試吓佢個水準o唔ok的

隨便行一行，經過這間門口，食物款式合心意且唔貴小店播着輕鬆的音樂和簡約的裝潢，令人放鬆心情鐘意職員情鬆有善的服務態度很易選擇2個餐先到2個前菜，再來2個主菜和2杯飲品，另外再加田螺前菜的湯好濃好足料和好香，好好味，沙律比較大份（其他舖頭），好正呀！田螺係麵包包田螺和薯泥😋😋😋前者好特別又好食，後者好好食三文魚扒大件😋😋外趣內嫩，賣相靚啊牛扒亦少見又大又厚，仲😋😋，薯蓉正今餐好滿意啊！

質素惡劣，200多元的豉油西餐。不會推薦。坐下看餐牌，希望在滂沱大雨中找暖胃的食物，誰知老闆娘一言不發的奪取我雨傘，開口大駡，破壞了整個氛圍。Mediocre food for an unreasonably high price in a cramped area. Steak is bland and overcooked.Servers, unfortunately, are unfriendly for our dining experience. Overall a disappointment.

今日在九龍收工，等埋老公收工後打算食埋飯，行一陣就返去接阿仔。今晚突然好想鋸扒，所以就由深水埗慢慢行過太子，黎到呢間食！ 其實之前已經幫襯過，食物質素係好好，所以今晚又黎過！由於店內面積較小, 所以唔算話坐得好舒服, 大概只有四張細方枱吧. 不過因為我地早入去, 所以我地係第一枱的客人. 今晚叫左兩個set! 有跟餐、沙律、主菜、餐飲.先黎兩個蜆肉周打湯! 每次飲都覺得好好味! 因為味道好濃郁, 內面仲要有好多材料, 有細細粒好淋既薯仔, 魚肉, 蜆肉, 入面再加入黑糊椒!! 真係好想再添飲! 因為份量太少了!!過一陣, 再上沙律, 份量都OK, 佢加入自家製既蜜糖介末醬入沙律入面, 味道酸甜好醒胃, 仲有一粒粒既應該是蟹籽吧!!第一道主菜 : 炭燒安格斯牛肩峰扒配焗薯蓉主菜上枱後, 職員示意我地摷爛個薯蓉會更加好食! 又叫我地唔好掛住影相, D牛凍左唔好食, 要襯熱食~~雖然態度一般, 不過老實講, 佢都係想客人在最佳的時候食最好味既食物! 所以我地都no hard feeling!!舊扒本身都唔係細舊, 但煮得都好淋身, 配埋醬汁食, 好juicy 軟熟! 而薯蓉其實係成個薯仔攞去

一入去見到黑面神，黑到有點恐佈，週圍無乜人，但塞左我地兩人去搭檯。一坐低即刻俾兩碗湯你，想考慮吓都唔得，焗食。叫左件雞排，等超耐。配菜茄子未煮熟，硬的。雞排本身醃得好咸，加埋啲汁，咸上加咸，食左一半唔夠，頂唔順。整體感覺超唔舒服，食物亦唔得。如果世界上淨番呢一間餐廳，我會選擇餓死。

食過marilyn都幾次，每次都比佢食物份量震驚，次次都食得好飽，擺盤同味道都唔錯，尤其鐘意食佢牛三角，第二到好少見，clam chowder的確幾足料，出街唔係成日食到，以呢個價錢算係咁了。marilyn有兩個舖位，個人推介去新啲果個舖位，一來好坐啲，二來舊舖位既老闆娘服務語氣同態度真係好差，兩次去都比佢個黑臉同態度影響心情😰有時食野睇心情都好緊要，最慘係約埋家人朋友食連佢地都要一齊受氣🤦🏻‍♀️但又好奇怪，有次我book枱講明想坐新舖，最後又係比返舊舖位，問佢仲要話返我地轉頭😰本身餐廳既book枱安排都好麻麻，唔想受氣的話還是試下walk in新舖位吧，我自己就以後未必再會去了。

日前在旺角差館附近的西餐小館瑪麗蓮晚膳，呢間店出名地方淺窄服務又欠佳，但吹佢唔帳既係其食物真係唔錯。這次點了安格斯牛三角，要五成熟。牛肉不是軟熟或多油脂那種，但肉味甚濃有咬口，愛美國牛那種牛味勁的應該甚like。至於配菜的焗薯加入檸檬牛油好好味。值得一提的是套餐的周打蜆湯略鹹，但好creamy，而加埋沙律及餐飲埋單$158，雖然要忍受老闆娘個吋樣同吋咀，但仍覺抵食！其實呢間店食物水準值好評，但因為老闆娘黑口黑面個樣多少影響吃東西的心情，點都要扣D分。

網上的評語都是負評多,未去食自己都怕會唔會中伏,不過見朋友無咩所謂,唯有試下係咪真係咁差LA~去到8點到,都已經坐滿人,好彩有BOOK位,唔係就要等。間鋪唔算大,所以坐得都逼逼地,唔太舒服。店員無黑面,態度都幾好。當晚有幾樣菜式都無,無奈之下叫左煙三文魚Caesar  Salad,朋友就叫左牛三角扒,5成熟。朋友係SET餐所以有蜆肉周打湯同沙律送。湯好杰身而且材料好豐富,但係我覺得太鹹了,可以用來送成碗白飯。煙三文魚Caesar  Salad好快就到,意外地好豐富,煙三文魚的份量也大大方,仲整左個心形好有心思。不過一個人食都食唔曬,可以兩個人SHARE~~朋友的牛三角扒,佢話好韌好韌好韌!!!係唔好食的。呢頭好多好野食,呢間唔算太伏,不過有得簡都係試其他好了,無謂食完都唔知自己食左什麼。

服務差得不可形容……不用$也不會再去，全程黑面，入到餐廳無人招呼，我們隨便找張細枱坐下，侍應馬上面黑黑走過來説:兩個人坐埋一邊！當時餐廳客人並不多，衹有三張枱連我們共六人.我們正考慮收拾東西，或者坐埋一邊，或者另找態度友善的餐廳。侍應又轉回來説:你哋唔鐘意可以走！這個時候，我們除了走還可以點？首先，港九新界衆多餐廳，態度差的也見過不少，但開到口趕客的還真未見過！其次，如果當時客人很多，忙得不可開交，而我們阻住做生意，得到不禮貌對待尚且心甘命抵，但由頭到尾，餐廳連我們衹有六個客人，侍應對我們衹説過兩句話，第一句喝我們坐埋一邊，第二句趕我們走，我們入去前後不够五分鐘！一間餐廳，首要是食物，其次是服務，而這間，服務差到連食物上枱的機會都沒有！'