瓊媽媽 (書局街)

營業中

休息中

今日喺北角上堂，平時唔喺呢頭食開既我當然上openrice 搵餐廳啦！呢間瓊媽媽超級平！最平既餐$29蚊，堂食外賣差6蚊，仲有得加錢由白飯轉菜飯/油飯。叫左呢個有骨海南雞（$44）+菜飯（$2）單叫湯要+$8，但海車雞飯就包左湯，入面有南瓜、紅蘿蔔、雞腳、豬骨，飲完暖暖的，推薦！雞同飯份量超級多！！海車雞鋪滿飯盒一格，皮滑肉嫩，令人想連骨都食埋！菜飯只係+$2，但絕對唔媽夫，就咁都見到超多菜，均勻同飯撈埋一齊，每一啖到食到。如果住附近，我一定日日食

平時好少過嚟北角呢一頭，不過今日要喺附近度做啲野而且又想快食個lunch，所以就嚟到位於北角嘅瓊媽媽。瓊媽媽係一間主要食雞嘅小店，有海南雞，砂礓雞，口水雞，手撕雞。今次我哋就點左一個海南雞飯，海南雞飯餐仲配埋一個靚湯。佢嘅份量都唔少，一定夠一個成年男人食。而且佢嘅骨係冇骨嘅，配左薑溶同埋黑豉油，白飯轉菜飯要加$3，不過菜飯就始終健康啲同埋有口感啲，呢份海南雞飯都好有海南雞嘅風味。佢陪嘅靚湯係粟米木瓜雞腳湯，我想講真係煲得勁甜，完全冇味精嘅味道，幫個海南雞飯加晒分呀！

同事熱情推薦的食店，抵食高質海南雞飯，大大份都係38蚊，加2蚊仲升級做菜飯。真係心心眼菜飯份量夠多，應該有成碗。真心高興個菜飯係好味果種，菜鮮綠而脆，非平日焗到淋果d，讚呀。除左菜飯，客人仲可以自選油飯或白飯。有機會都想試下個油飯。海南雞肉嫩滑，份量都唔少，仲有脆脆芽菜做配菜，正。配有一隻醬汁，入面應該有d薑絲，同雞肉好match，點左之後更添風味。飯仲配一配中湯，有蘿蔔同佛手瓜，飲落相當清甜，應該是無味精。想encore呀

今日下晝買咗個海南雞飯醫肚，隨餐有豉油同例湯，飯俾得好足，一人份量有多，雞下面有芽菜墊底，湯有紅白蘿蔔，算係有肉有菜，營養均衡。因為唔係午餐時間，所以冇排隊就直接order到，大概五分鐘就攞到份餐。油飯撈埋豉油唔錯，但係有啲飽過龍，因為本身份量多又加咗雞油，胃口細嘅可以揀菜飯白飯或者直接叫佢少飯。雞有少少血，但係可以接受，熟得滯會太鞋。芽菜飽滿味道清甜，中和一下油膩。例湯好正，濃得嚟又甜，加埋幾嚿蘿蔔，飲完好滿足。整體嚟講都幾滿意，除咗份量太多之外。

今晚黎到北角醫肚時間，經過見到一路想試好耐的瓊媽媽，決定今晚黎一試，順道支持下小店💪🏻💪🏻今日決定食海南雞配油飯 $48一入店要先落柯打，簡左雞用咩煮法，再選擇配咩飯，值得注意係堂食比外賣貴瓊媽媽最出名係佢用走地雞，雞來自深圳農場，由於係走地雞，肉質鮮嫩，唔會太肥，絕對係靚雞💪🏻💪🏻諗住雞係最出色喇，點知其實個雞油飯同醬汁仲更加出色，雞油飯好香，但又唔會太濕，絕對值得一試另外湯都有驚喜，今日係青紅蘿蔔豬骨湯，湯料多，又冇味精，完全係誠意之作💪🏻💪🏻

價錢合理，份量十足，不過常落錯單，海南雞轉脾是要加錢的，但叫三次外賣兩次都比錯。堂食環境可以，不過白燈對我來說像補習社，不太舒適。店員說餐具是環保的，不過驟眼看似膠造，所以吃起來不像在堂食。

今晚買咗一隻有骨海南雞加一盒油飯回家， 油飯味道不錯， 食落唔會有一啖啖油起嘴邊。 至於有骨海南雞確實有點失望。 雞肉本身嫩滑同有雞味,但實在太肥， 令到喜歡食雞皮嘅我都冇辦法吞下。 雞本身附送兩盒醬。一盒為薑蔥蓉,另一盒好似黑蒜醬油, 醬油點雞可令雞食落冇咁肥膩。 盼望店主能夠注意雞本身質素。 另外佢哋都有霸王雞,下一次一定要試下。再為大家分享食評

早排睇報章話有幾個同鄉姊妹開咗間有家鄉風味的海南雞飯店，成日要排隊，原來間鋪地點好近我公司，於是專程去試一下....6點幾，不用等位，買外賣的人比堂食的多，這裡是先購票，然後有人送餐的.......我選擇左食無骨海南雞，配油飯， 54元一個.....上枱了，想吾到，係用膠盒盛載，木筷子膠羹，有點O咀.....這個賣相上枱實在大打折扣喇....我是堂食，點解要用膠盒，頓時覺得這個本來係較高價的菜式變得平價食物了，又吾環保.....先飲個例湯，蘿蔔湯好飲，夠晒熱，再食無骨雞，望落似好滑，但食落我覺得有少少'鞋'及靱難咬，醬汁偏鹹....油飯其實好油.....墊底有好多大豆芽菜，食極都吾完咁...呢度鋪吾大，設計中間係4人枱，側邊係單邊面向牆，側邊D位較迫，吾多舒服，如果坐滿人會好迫....

本身極度喜歡海南雞飯, 見食評讚好, 路過又唔使等位, 立即一試, 但.........1) 不能用入餐廳心態進餐,  先付款, 後送餐, 同大xx, x心無分別, 地方峽窄, 枱面細小,手掙撞手掙, 全部用即棄餐具, 2) 雞肉滑但韌, 油飯只有椰醬味無香味3) 雞肉底大豆芽殼多過菜, 廚房無整理但只係$5x.00 有位你坐, 無投訴

佢哋唯一值得一讚嘅地方，係多選擇，但係食物質素都麻麻哋，有時收工買個外賣返屋企，當你打開個飯盒嘅時候，都會好失望，點解我俾錢會買盒咁嘅垃圾返屋企食，我40幾蚊，成盒都係芽菜，飯嘅份量係OK嘅，餸同芽菜嘅比例，係1:5，你個心諗住食雞飯，但係變咗芽菜飯，如果加兩個豆腐卜，同七月14冇乜分別，如果你有時間去比較其他食肆嘅飯同埋餸嘅比例，佢係全世界排名一定係最差，你比40幾蚊去買一盒雞飯，雞只有30至50克

今日睇到面書介紹海南雞既鋪頭，男朋友話不如試下依間，因為灣仔果間佢食過，咁就特登放工過黎食。鋪仔細細，主打都係「雞」，但有唔同整法唔只係得海南雞飯、仲有口水雞、沙薑雞、霸王雞等。男朋友叫左無骨海南雞飯，我諗諗下突然想食沙薑雞就叫個菜飯底。依度要一讚飯底都有幾款選擇唔錯！買左飛好快就有得食，我果個係無湯既，男朋友果個有，佢話幾好飲喎！我又試下、係屋企既味道。因為我屋企又係好中意煲青紅蘿蔔湯，幾甜幾好飲。沙薑雞無乜沙薑粉，但估唔到味道又ok夠喎！而且驚喜既係d雞真係好滑！一d都唔乾唔難口，份量都幾好下，絕對係抵食既！我覺得佢依度係雞既新鮮程度取勝，反而海南雞/沙薑雞既醬汁就失色左少少。但係性價比黎講絕對合理可以一試！唯一係佢全部用外賣盒要扣分。

見到之前有人宣傳同都多人排隊就諗住試下個個都話雞份量多 但睇post大多都係堂食份量多點知 外賣原來好似唔同所以想吃既都係堂食會好d一開見到以為有好多雞點知原來底下大多都係芽菜好失望見到好多人話雞既份量多 我就唔覺了。。但湯係好飲既 甜！而油飯就普普通通丫！希望唔係因為外賣就好馬虎了事仲要 件件都係雞胸 嗚

月尾糧尾，冇得嘆嘅時候就唯有食平啲～瓊媽媽應該係唔錯嘅選擇，價位低，啲嘢食唔差，絕對講得上係打工仔恩物。不過如果你自問係個環保人士，則可免則免啦！佢哋嘅餐具都係一次性使用。首先要喺門口位置同個大叔落單比咗錢先，menu喺晒牆上，種類不多，差唔多都係雞嘅料理。如果堂食嘅話會相對外賣貴幾蚊。我哋入座嘅時間已經係八點半之後，門口有好多人等緊外賣，堂食都有八成滿，但係佢哋九點半就關門啦，可見受歡迎程度不俗。但可惜，男友想食雞油飯，大叔話雞油飯菜飯都賣晒，得白飯。其實仲有咁多客，雖然係就快夠鐘關門，點解賣晒之後就唔再煮呢？可能係煮雞油飯菜飯太嘥時間？！總之，都真係幾失望。不過個餐都算合格嘅，最欣賞嘅係碗湯，當日係紅蘿蔔粟米豬骨湯，好濃嘅紅蘿蔔粟米味，煲得香口又滑，仲好熱辣辣。至於個主角海南雞都唔差，皮滑肉嫩，份量都唔小。嗜辣的我揀咗咖喱滑雞飯，可惜啲咖喱係凍嘅！以一個食得辣嘅人來做標準，只能算係有少少辣味，薯仔幾件，雞件不少。呢個就唔知點解冇湯飲～可能因為多咗隻蛋？！以呢個價錢來講，只能算係不過不失。

星期日來到這小店,因為大電視台在星期六介紹,來到已人山人海,來到已是十二時, 門口見到很多人, 以為要攞籌, 原來啲人喺度等位, 最特別是不是要攞籌 ,而是要去買飛, 重新一次,你沒聽錯,是直接去門口收銀到直接落單,無論你是外賣或堂食,所以最好先想想吃什麼才好排隊！當然是 無名 二來的海南雞飯, 當然是無骨啦, 貴少少都值得, 原來有湯送當然開心啦, 因為一個人來吃, 揀咗一個面壁位, 不過個位都幾窄, 之後就又有個夥記 ,不斷叫number, 個number就係叫餐時嘅籌號, 因為真係好好生意, 終於等到我, 個店員姨姨, 送餐時 不斷叫個湯好熱小心, 都真係好熱, 真心講個雞普通,但個湯真係一流, 不過最唔好就係啲餐具, 全部是即棄, 下次你嚟食嘅時候要帶餐具！ 其實店舖仲有其他食品可以下次再試！

瓊媽媽就近北角地鐵站，交通方便。外賣海南雞飯套餐 原價 42元，加 5元 轉雞雞髀，跟例湯。雞髀勁多碎骨，而且仲有好多血水滲出嚟，有啲驚驚，肉質是瘦但好韌，雞油飯就好香好好味，配菜有麻香大豆芽菜加紅蘿蔔絲，佐料配有 薑蓉黑豉油；跟餐例湯 就認真足料，青紅蘿蔔 蜜棗 粟米 豬肉 豬骨 雞骨 雞腳 雞雜，所有湯料都冧到爛，但雞腳竟然唔淋，真係唔明點解，唔通雞腳後下!?  但無論如何 例湯清甜好味 ，絕對有住家菜感覺，成個套餐，例湯 同 飯是最好食，配角 （例湯 油飯）比主角（海南雞）出色很多。海南椰香咖喱牛腩飯，跟例湯 44元，牛腩份量唔少，但好多肥膏，肉質又嚡 又硬；而且可能出水不透，又沒有剪去多餘肥膏，所以個咖喱牛腩 不但肥膩，還有少少騷味，牛腩質地 食落有啲似佳寶嘅巴西牛肋條貨色，這種貨色，要用八角燒酒 出水（blanch) 透澈 來去肥去騷， 然後花多啲時間炆下，焗下才夠時間火候，使肉質纖維鬆出來，只用明火會越煮越硬；另一敗筆就是太乾身，沒有咖喱汁撈飯，失敗。