瓊媽媽 (書局街)

營業中

休息中

今日同事提議一齊叫外賣我地最後揀左大部分同事都未幫襯過既瓊媽媽!講下我地食左咩啦~~ 無骨海南雞菜飯/油飯 配湯 (外賣直送價: ~$64)無論係菜飯定油飯 飯量都好多菜飯比油飯相對淋身少少 油飯就粒粒分明d 但唔油 同事形容為健康版既油飯! 👍🏽海南雞份量都幾多 嫩唔嫩滑就睇運氣 我個盒咁岩斬中既部位有d韌 但係其他同事覺得唔韌~~口水雞菜飯(外賣直送價: ~$58)口水雞既辣度 微辣 唔夠惹味~~ 雞件比較少肉多骨! 但係放係口水雞下面既豆芽就非常入味! 雞絲蕎麥麵(外賣直送價: ~$44) 鋪係面外表既好似火腿絲 但其實係好開胃既前菜 似係醃蘿蔔!雞絲份量比較少 但麵量好多~~麻醬同蕎麥麵幾夾 好岩夏天食!最有驚喜係碗湯 好好味😋見到湯渣就知非常足料 真係好有住家飯既味道!整體黎講性價比高 堂食平幾多 值得再幫襯啊! 😀

欣賞這些細店。過往我們是堂食的，但因為限聚令緣故，現在 多數用 openrice 訂購外賣自取，結帳時用 Alipay 可享 2％優惠，性價比高。不用排隊便可準時取食物，真的很方便。我與家人都好鍾意飲他們的湯，有真材實料的味道，相信可能是用了不少雞骨熬湯，所以好好飲。也喜歡吃他們的有骨海南雞菜飯，很嫩滑，亦可食多些蔬菜，增加纖維。簡簡單單的油菜亦好好味，有時會加碟雞膇，每碟有4隻，今次因為啲雞膇細了少少，所以由4隻變為5隻，店主好均真，真的要給讚。

話說今日行過書局街，見到呢間店特別多人等外賣，於是就去睇睇，發現佢既價錢好抵喎，仲平過兩餸飯@@於是就買個口水雞飯外賣返屋企試吓。（由於太多人等，只影到其中一邊餐牌）回到家即刻打開個盒，一打開就見到隻脾😍，份量完全唔少，一隻脾再加多幾件雞，而目測應該有碗半飯。（附圖有飯既厚度）食後感：啲雞好滑而且汁嘅份量剛剛好，再配合埋飯既份量，我呢個飯筒都覺得飽，絕對超值+好食！而家要搵到呢啲良心小店真係買少見少，如果喜歡食雞既朋友絕對要試！！

一間小小食店，讓我有回家吃飯的感覺。原因是廚師很用心煮，全不吝嗇每道菜的食材。一碗簡單的湯，用材配搭豐富，包括粟米、紅蘿蔔丶冬瓜、雞丶豬骨等等。餸菜就好似家人煮給仔女食一樣。每樣餸都非常講究，就連飯都有三樣選擇：白飯、油飯及菜飯。非常用心去選配食材。今日外賣買了三盒飯：無骨海南雞飯：雞皮滑、雞肉嫰，醬油調校得恰到好處，配嫰雞及油飯一絕。秘制豬軟骨：豬軟骨肉配上秘制醬汁，很美味，肉質軟林適中，汁以栗子及杞子調製，令人有平凡中的不平凡的感覺！海南椰香咖喱牛腩飯：炆了長時間嘅牛腩，配上椰香及濃濃的咖喱香味，令人回味！

瓊媽媽，依間餐廳係由3個尼自海南島嘅媽媽共同開創，係一間誠意十足嘅小店，環境乾淨、衞生，價錢親民，食物質素唔錯，雖然話就話係堂食，但堂食都剩係提供即棄餐具，其實內心有少少反感，不過知道依D即棄餐具係可自然分解，而且店主選用即棄餐具原意係以安全、衛生為前提，擔心清潔劑殘留物會影響到小朋友身體發展，所以都可以體諒，3位為人母親嘅店主好貼心，跟餐可自由選配白飯、菜飯、油飯，可以按自己口味揀選。有骨海南雞配油飯，採用走地雞製作，雞皮滑溜、肉質鮮嫩，油飯充滿雞油味道，食落好香口。椰香咖哩牛腩配菜飯，咖哩味濃郁，但因為有椰汁嘅加入，中和左咖喱嘅辣度，另外，牛腩份量多、夠腍身，薯仔、蘿蔔吸收曬咖哩味，好惹味，菜飯粒粒分明、食落都有咬口。紅蘿蔔雞腳豬骨湯2碗，每個套餐都會跟配1碗是日例湯，用新鮮材料煲成，味道清甜又足料，夠超值。#瓊媽媽 #海南島

早一兩日放工經過北角，突然想食海南雞飯。打開openrice 搵一搵，見到附近剛好有間賣海南雞飯一入鋪頭，抬頭兩面牆貼滿左餐牌，一時之間真係花多眼亂，一時想食沙薑雞飯，又想試下手撕雞，最後我堅持✊揀返海南雞飯。個餐可以揀油飯或者菜飯，雖然我最喜歡菜飯，不過海南雞梗係要配油飯先夾啦。跟餐只有平時的黑醬油，如果有埋酸辣醬就完美了。😛雞肉唔鞋口，因為我的不是脾位，所以肉質不太滑。但偶然雞皮中間有少少啫喱質感的骨膠原，感覺幾滑返一點。不過我最驚喜的竟然是個例湯我諗這個應該是南瓜加冬瓜同紅蘿蔔豬肉煲出來的老火湯吧，個湯出奇的清甜，令我好像自己都返屋企試下煲。埋單個餐五十幾蚊，有靚湯飲，感覺好超值。我仲諗緊下次揀邊款飯好。相比起某些大連鎖店，我覺得小店質素又高，價錢又相對平宜。我都想考慮搬來北角。😂

北角不嬲都多平嘢食，早兩日我同男朋友放工經過北角，見到呢間店出面貼滿晒紙就捻住睇下喇，點知發覺呢間餐廳啲嘢好鬼抵食😮我最鐘意食嘅口水雞都係$38炸，外賣仲要再有折，好似變佐$32。所以我同男朋友就走佐人去試下睇下平得黎又好唔好食先。😋原來餐廳係採用先落單付款再送上食物嘅，而且枱面上都冇餐牌提供，所以大家記得係餐廳出面睇定有咩岩食或者餐廳嘅牆身都有menu。如果枱都有埋menu會更加方便。😆登登登登～✨真係估佢唔到，以$38嘅價錢黎講，口水雞嘅份量我都覺得算幾多。雞皮嫩滑，雞肉唔痴牙，而辣度方面算係bb辣，好易入口。辣醬風味好獨特，有少少豆瓣醬係入面。飯方面我揀咗跟菜飯。啲菜本身已經醃佐，個味道咸咸地又好似帶有少少麻香，好惹味，一啲都唔油膩。🧡而俾我地最有驚喜嘅俾呢碗超有住家飯感覺嘅老火湯👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻✨完全冇捻過中湯材料裏面會出南瓜🎃冬瓜、南瓜、蘿蔔仲有豬骨煲出嚟嘅湯好清甜，好有新鮮感。我男朋友嗌咗海南雞飯配油飯。我偷食咗啖油飯😜個油飯唔似某大型連鎖店咁樣得個油字，呢個油飯帶有淡淡嘅椰香味，飯粒粒分明，又唔膩，我男朋友都話好想再加多一碗。😂

2020年1月4日。晴。北角。書局街同錦屏街食店林立原來書局街有間價格實惠嘅食店2點幾喺附近搵食，見到呢間瓊媽媽門庭若市入面仲要坐滿晒，決定行多一陣再返嚟食～3點左右再嚟人潮先冇晒睇嚟平日lunch都好旺場！所以睇下餐牌，發現外賣全部都平$5、$6而家呢個市道仲可以唔使$40就買到外賣，仲送例湯！真係相當化算！秘製豬軟骨菜飯，$52豬軟骨燘得非常入味，肉質軟滑一啲都唔嚡口，軟骨已經變成啫喱狀，感受到源源不絶嘅骨膠原～例湯亦都出奇地鮮甜！完全唔覺有味精，足料好味～海南雞油飯，$48先要一讚個油飯，香口之餘，仲粒粒分明～海南雞就皮軟肉滑，加埋面頭嘅薑蓉同隔籬嘅黑豉油，十分吸引～兩個人夾埋齊頭$100～抵食！

我個女剛剛去咗北角返新工。食過一間叫 “瓊媽媽”飯店，係主打海南雞飯。囡囡知道我最終意食海南雞飯，所以今日就專登帶我去食，食完就可以坐叮叮去工展會。去到飯店，雖然店舖細細，但都坐得幾舒服，唔算迫。我地今日面對牆，都ok呀！坐定定就睇吓食咩先！雞都有好多款（冇骨海南雞，有骨海南雞，葱油雞，口水雞，霸王雞）椰香咖哩牛腩，秘製豬軟骨……。最後選了2個餐。但要先去收銀處落單付款先。再有店員送餐的。海南雞配油飯（帶骨）海南雞雞肉嫩滑，雞肉亦唔太肥。底部有大豆牙做配菜。油飯香，粒粒分明。油飯……粒粒分明椰香咖哩牛腩配菜飯飯（必食）牛腩好大碗，好香咖哩味，因為有椰汁，所以唔太辣，亦有好香椰汁味。牛腩又淋，薯仔吸晒咖哩味，好食。菜飯亦係粒粒分明。菜飯……粒粒分明有牛筋特別好食蘿蔔每個套餐都會有例湯，今天的是南瓜紅蘿蔔粟米豬骨湯，飲落完全沒有味精，新鮮材料煲成美味湯水。抵讚用料新鮮材料嘅小店，味道好，價錢平。大家都要試試呀！

This humble little eatery runs by three Hainan moms, their specialities are Hainan Chicken and Hainan curry. The portions here are incredibly generous and the price is extremely affordable. If you want to taste the flavour like home, then this is the place! Boneless Hainan Chicken Oil Rice (HK$48/Take away)The signature Hainan Chicken is a must try, I ordered the boneless chicken with oil rice, the chicken is tender and smooth, the oil rice is fragrant and full of flavour. The soup was MSG f

今晚肥妹仔咁啱響北角嗰邊做完嘢，途經呢一間叫瓊媽媽嘅小店 。聽講呢度嘅招牌係佢嘅海南雞飯，橫掂今晚都係得肥妹仔同肥家姐兩個人食，所以肥妹仔就叫咗海南雞飯同咖哩牛腩飯做外賣。海南雞飯唔好講笑，肥妹仔一打開盒飯見到啲雞，真係未食都流曬口水。因為每一件都係滑雞嚟嘅，而且佢嘅雞飯係肥妹仔鍾意嘅油飯，食一啖係超級香雞油嘅味。 而佢嘅雞每一件都好滑溜，再配埋薑蓉 ，呢個海南雞飯真係超級好食。佢嘅飯仲會送一碗例湯，今晚係紅蘿蔔豬骨湯，飲落去完全冇味精味，好飲。咖哩牛腩菜飯肥妹仔幫肥家姐叫咗呢一個咖哩牛腩菜飯 ，佢嘅咖哩好香椰奶嘅味道，微辣。而佢嘅牛腩每一件都煮得好軟淋，大大件。佢嘅菜飯係好似食上海排骨菜飯咁樣，超好食。

今日喺北角上堂，平時唔喺呢頭食開既我當然上openrice 搵餐廳啦！呢間瓊媽媽超級平！最平既餐$29蚊，堂食外賣差6蚊，仲有得加錢由白飯轉菜飯/油飯。叫左呢個有骨海南雞（$44）+菜飯（$2）單叫湯要+$8，但海車雞飯就包左湯，入面有南瓜、紅蘿蔔、雞腳、豬骨，飲完暖暖的，推薦！雞同飯份量超級多！！海車雞鋪滿飯盒一格，皮滑肉嫩，令人想連骨都食埋！菜飯只係+$2，但絕對唔媽夫，就咁都見到超多菜，均勻同飯撈埋一齊，每一啖到食到。如果住附近，我一定日日食

平時好少過嚟北角呢一頭，不過今日要喺附近度做啲野而且又想快食個lunch，所以就嚟到位於北角嘅瓊媽媽。瓊媽媽係一間主要食雞嘅小店，有海南雞，砂礓雞，口水雞，手撕雞。今次我哋就點左一個海南雞飯，海南雞飯餐仲配埋一個靚湯。佢嘅份量都唔少，一定夠一個成年男人食。而且佢嘅骨係冇骨嘅，配左薑溶同埋黑豉油，白飯轉菜飯要加$3，不過菜飯就始終健康啲同埋有口感啲，呢份海南雞飯都好有海南雞嘅風味。佢陪嘅靚湯係粟米木瓜雞腳湯，我想講真係煲得勁甜，完全冇味精嘅味道，幫個海南雞飯加晒分呀！

同事熱情推薦的食店，抵食高質海南雞飯，大大份都係38蚊，加2蚊仲升級做菜飯。真係心心眼菜飯份量夠多，應該有成碗。真心高興個菜飯係好味果種，菜鮮綠而脆，非平日焗到淋果d，讚呀。除左菜飯，客人仲可以自選油飯或白飯。有機會都想試下個油飯。海南雞肉嫩滑，份量都唔少，仲有脆脆芽菜做配菜，正。配有一隻醬汁，入面應該有d薑絲，同雞肉好match，點左之後更添風味。飯仲配一配中湯，有蘿蔔同佛手瓜，飲落相當清甜，應該是無味精。想encore呀

今日下晝買咗個海南雞飯醫肚，隨餐有豉油同例湯，飯俾得好足，一人份量有多，雞下面有芽菜墊底，湯有紅白蘿蔔，算係有肉有菜，營養均衡。因為唔係午餐時間，所以冇排隊就直接order到，大概五分鐘就攞到份餐。油飯撈埋豉油唔錯，但係有啲飽過龍，因為本身份量多又加咗雞油，胃口細嘅可以揀菜飯白飯或者直接叫佢少飯。雞有少少血，但係可以接受，熟得滯會太鞋。芽菜飽滿味道清甜，中和一下油膩。例湯好正，濃得嚟又甜，加埋幾嚿蘿蔔，飲完好滿足。整體嚟講都幾滿意，除咗份量太多之外。