甘味處鎌倉 (屯門市廣場1期)

營業中

休息中

#屯門美食 #小蓮星呑食屯門🔻 甘味處鎌倉屯門屯順街1號屯門市廣場1期1樓1268號舖/作為日本過江龍嘅甜品店，第二間分店開喺屯門，一見到鎌倉兩個字，即刻冇晒抵抗力🤪🤪🤪咁啱見到唔算多人排隊，即刻去咗試/🧃抹茶檸檬蕨餅原來個蕨餅就係收埋喺飲品嘅底部，好特別，抹茶濃郁，有少少苦澀回甘，係真正嘅抹茶，加埋清新嘅檸檬，兩者好平衡/🧃伯爵紅茶檸檬蕨餅係期間限定口味，伯爵紅茶味濃郁，上邊仲有個檸檬雪葩 ，檸檬茶嘅味道，唔同層次嘅口感，earl gray迷一定要試/🧃生番茄刨冰唔好講笑，諗都冇諗過生蕃茄可以要嚟做刨冰嘅口味，膽粗粗叫咗一個嚟試，未算加蕃茄獨有嘅清甜，估唔到咁refreshing, 再加上牛奶刨冰，好夾，感覺亦都好輕盈/

勁！誇！張！超香濃抹茶味！屯門日式甜品店西尾抹茶刨冰抹茶味好濃郁！追加嘅抹茶蕨餅都好香！比抹茶粉包裹住，而且勁煙靭，配埋抹茶冰一齊食就最正😍食咗大半個都唔會覺得好甜！而且仲好濃抹茶味！鎌倉蕨餅一盒入邊有10件，每件蕨餅都好煙靭，同平時嘅蕨餅有啲唔同，佢係軟身唔係細細件，勁大件好似成嚿糯米糍🤣🤣🤣拮起上嚟係勁軟腍腍😍加埋黑糖漿落去就最好食🥳黃豆粉香濃，而且落得勁多！另外再嗌咗兩杯限定特飲-芒果乳酪蕨餅特飲同夏の瀨户内伯爵紅茶檸檬蕨餅特飲！好貼心有得揀size，可以一邊食刨冰一邊飲嘢🥳芒果乳酪蕨餅特飲好香，乳酪就好似cream咁順滑～伯爵紅茶本身唔會話好甜，面頭有一球雪葩，而將底部嘅蕨餅撈勻之後甜到啱啱好！記得要撈勻飲！入邊都好多位置可以幾個朋友一齊食傾吓偈，都坐得好舒服而且餐牌真係好多款刨冰可以揀！

好掛住東京啊，見到鎌倉呢兩個字已經覺得好吸引，食過佢哋蕨餅，就知道佢哋係香港No 1蕨餅😃超受歡迎啊，放學時段超多學生過嚟食刨冰佢哋嘅刨冰好吸引主打宇治金時口味，有紅豆有白玉丸子，真係好吸引，啲冰整得綿密，入口即溶。最值得一提，就係整體唔算太甜，容易入口夏天食就最啱㗎！佢用得好快㗎，建議兩三個人同時食一個就啱啱好啦！蕨餅大大份 ，見到職員即場整呈半透明啫喱形狀，配上黃豆粉，加埋少少黑糖已經超好食！諗唔到佢哋嘅飲品都有蕨餅，近排仲出咗芒果乳酪，好特別價底部係飲得到嘅蕨餅😃😃入口酸酸，甜甜好好飲！

想話有十個女仔，九個都鍾意食呢啲煙煙韌韌嘅嘢，而我就係九個其中入邊嘅一個，仲要係超級鍾意，比起芋圓，我更加鍾意食蕨餅，呢間如果你嘅另一半或者女仔朋友都鍾意食，一定要同佢食呢間@kamakura_hongkong #甘味處鎌倉 (屯門市廣場) (屯門)屯門屯順街1號屯門市廣場1期1樓1268號舖#鎌倉蕨餅（10個装） $98 Kamakura Warabimochi simple packaging (10pieces)鎌倉わらびもち（10個入り）以前未食過咩叫鎌倉蕨餅，今日終於試到佢嘅廬山真面目，一打開個盒，滿滿嘅清新黃豆粉香味撲鼻而來，佢嘅蕨餅超大嚿，用筷子夾起都唔會即刻斷，味道又唔會好甜#自家製黑蜜 $10 可以加落蕨餅度Mix埋一齊食，味道更加好食#草莓乳酪蕨餅 $60 Luxury Strawberry Yogurt草莓同乳酪味都好濃郁，乳酪味道一啲都唔馬虎，唔係淡茂茂嗰啲，另外仲有啲切細咗嘅蕨餅粒，同士多啤梨醬混合埋一齊，估唔到加落飲品度都咁夾期間限定- 暑さをしのぐ#芒果乳酪蕨餅 $60 芒果味道酸酸甜甜 再加乳酪嘅味道 好似飲緊Smoothie 仲有啲蕨餅粒 好有口感 好

## 生蕃茄刨冰？試過未？🍅🍧🌸生蕃茄刨冰好特別的刨冰呀！夠創新，生蕃茄食得多，但變成刨冰都是第一次食，估唔到提升左蕃茄本身新鮮及酸甜度，而份量十足刨冰有牛奶既味道，兩者配搭都不錯。吃多多都覺得自己好健康呀！🌸草莓牛奶牛奶夠滑，而且有滿滿Q彈果肉啫喱，超濃郁草莓味道，每一啖都有咬口的草莓果肉及牛奶味道，好滿足。🌸抹茶檸檬蕨餅抹茶控必吃呀！既濃郁又帶點苦抹茶加上新鮮清新檸檬酸度再配粒粒蕨餅本身既甜，估唔到可以咁夾呀！再加上面頭既邪惡又不算太甜既忌廉，細細杯已經夠過癮。======詳情======📍甘味處鎌倉 (屯門市廣場) (屯門) 屯門屯順街1號屯門市廣場1期1樓1268號舖📍甘味處鎌倉 (希慎廣場) (銅鑼灣)銅鑼灣軒尼詩道500號希慎廣場URBANHOOD B1樓B101A號舖================

行街經過見到呢間日式甜品店，見到門口嘅展示品望落都幾吸引，於是就決定探店試新嘢生牛奶刨冰一食落去，冰即刻喺口入面溶化，入口順滑，牛奶味非常濃郁，表面審咗少少抹茶粉作為點綴，外觀上亦都更加靚、冇咁單調，食完之後成個人涼浸浸草莓牛奶蕨餅幾特別，通常飲品嘅配搭都不外乎珍珠、仙草、愛玉⋯⋯但呢度有蕨餅，而且食到一啖啖新鮮草莓果肉，口感層次豐富，香甜可口抹茶蕨餅抹茶味超級濃郁，如果唔mix埋cream一齊飲嘅話，一開始會飲到澀澀哋嘅抹茶味，撈埋一齊之後就會甜好多，一杯嘢飲兩種味道鎌倉蕨餅表面沈左好多黃豆粉，蕨餅細膩Q彈整體價錢雖然唔算平，但亦值得一試

日本既人氣茶飲店 － 甘味處鎌倉，之前已經去過銅鑼灣希慎廣場既分店，今次經過屯門市廣場先知原來第2分店係呢到！立即入去食返個下午茶！餐廳環境舒適，配上簡約嘅日式設計，平靜嘅氛圍非常適合同朋友聚餐或者嘆返個下午茶！首先揀左個原味蕨餅+浅川園抹茶套餐呢到其中一個最出名緊係蕨餅啦，佢地嚴選日本稀少生產既蕨粉，加入秘方製成，令蕨餅軟糯彈牙且入口即溶！大家一定要試試，外層裹上黃豆粉，香氣撲鼻，食落口感軟糯，再配埋熱既浅川園抹茶，佢絕對係高品質嘅抹茶，色澤濃郁，抹茶唔會苦澀，同蕨餅好夾！另外朋友叫左黃豆粉刨冰+天空焙茶蕨餅黃豆粉刨冰質感輕盈，口感順滑，咁熱既天氣食就岩晒！加上黑糖黃豆粉，真係香氣濃郁，一啖接一啖！另外竟然仲有蕨餅飲品揀，超香既焙茶，搭配左蕨餅，又幾特別喎，飲埋呢個真係大滿足！甘味處鎌倉無論係甜品定飲品，都值得一試👍🏻

飲手搖已經成為我每個星期必須要做嘅嘢🤣🤣呢日間手搖我幾鍾意，主打日本口味，所以同朋友試咗兩杯！！第一杯係伯爵紅茶檸檬蕨餅（期間限定）上面有個檸檬雪葩，紅茶配檸檬味幾清新，加埋蕨餅味，有啲特別，因為佢清新得來唔係普通嘅檸檬茶，而係有少少日式嘅甜品，似紅茶蛋糕，紅茶味比較濃，配埋雪葩，有特色抹茶檸檬蕨餅呢個抹茶唔算太苦，唔想苦，茶同水嘅比例要啱啱好，呢杯較得不錯既，配埋檸檬蕨餅，也酸酸甜甜，甜味偏重，酸味偏小，咁樣中和返，又幾好飲👍👍兩杯都幾好飲，有唔同嘅特色，下次會再試其他口味😆😆

上一次食蕨餅已經係幾年前去日本旅行果陣🥹來自日本既人氣茶飲店甘味處鎌倉係香港設有兩間分店已經一段時間，Gavin媽終於去食喇😆今次近近地去左屯門市廣場既分店，梗係唔少得搵埋朋友一齊同我食喇～餐廳以日式簡約風設計，座位唔迫，坐得都幾舒服🌟🤎鎌倉蕨餅店家招牌名物鎌倉蕨餅係以日本稀少生產既蕨粉再加入店家秘方製成㊙️蕨餅口感半透明啫喱狀、軟糯彈牙，黃豆粉味道香濃，食果陣記得加入自家製既沖繩黑蜜啊❗️🤎草莓乳酪蕨餅鮮甜既士多啤梨加上滑順既牛奶🍓🥛蕨餅切成細細粒沉在杯底，飲落仲有果粒～🤎芒果乳酪蕨餅 <期間限定>甜度啱啱好😍芒果配濃滑既乳酪濃滑同埋蕨餅，飲到停唔到口啊😆🤎宇治金時刨冰刨冰份量黎講兩個人食就岩岩好🍧幼細既刨冰淋上既香濃抹茶汁，配搭白玉丸子、紅豆泥同埋蕨餅，冰涼又好食🤓(店員好細心，佢見我地揀左原味蕨餅，仲主動問我地刨冰想唔想轉抹茶蕨餅🥰)

甘味處鎌倉📣📣📣召集抹茶控、蕨餅控抹茶檸檬蕨餅（走cream）夏季限定💥 檸檬清新酸甜，配上日本甘香抹茶，整體甜度適中，剛好中和了抹茶的苦澀，底層蕨餅軟糯Q彈，滿滿口感，嶄新配搭，必試精選！草莓牛奶打卡必點，色彩鮮艷，新鮮的草莓帶有啖啖鮮果肉，與日本牛乳互相交融，入口順滑，濃郁奶香伴隨着清新草莓果香，令人賞心悅目！宇治金時刨冰抹茶控必食😋 刨冰質地細滑，口感非常細緻，入口即溶化，味帶抹茶醇香甘美，1秒帶你跳進日本，重拾日本茶道風味，值得一試📍甘味處鎌倉（屯門）屯門屯順街1號屯門市廣場1期1樓1268號舖📍甘味處鎌倉（銅鑼灣）銅鑼灣軒尼詩道500號希慎廣URBANHOOD B101A號舖

琴日同朋友聚會食完飯🙆🏻‍♀️之後想搵間甜品店食下🍧就發現咗原來屯門廣場新開咗一間「甘味處鎌倉」。日本鎌倉嘅抹茶帶過嚟香港，真係超幸福啊😆入到去裝修和風簡約風格，店員超級有親切感呀👍🏻美食⭐️⭐️⭐️⭐️🩵草莓牛奶蕨餅hkd55香濃牛奶士多啤梨🍓士多啤梨餡餅非常有咬口，煙煙韌韌！🩵鎌倉蕨餅（10個装）原味/淺川園抹茶$98🩵宇治金時$98 ／小$60超濃郁抹茶味🍵玉子煙韌有咬口，份量超級足兩個人食啱啱好

鍾意呢間日式甜品店，有多款甜品：刨冰🍧、蕨餅、日式飲品等。可以坐低喺店入邊慢慢食。期間限定飲品：芒果乳酪蕨餅，呢款飲品融合咗芒果的香甜同乳酪的醇厚，搭配Q彈的蕨餅，口感豐富。芒果味加埋乳酪味酸酸甜甜。另外，叫咗新登場檸檬蕨餅抹茶特飲🍵。檸檬清新酸爽、抹茶的濃郁，再加上蕨餅的軟糯口感，估唔到又幾夾。夏日炎炎，當然叫返個宇治金時刨冰🍧 抹茶味刨冰配上紅豆及丸子，經典的宇治金時風味，冰涼又甜甜地，抹茶味濃與紅豆的甜味完美平衡，丸子彈牙。另外叫咗一盒10個裝的原味蕨餅拎返屋食。口感軟糯，黃豆粉帶微微的甜味。

由日本過江龍開到嚟香港嘅日式蕨餅今日終於有機會嚟食估唔到有幾有驚喜！伯爵紅茶檸檬蕨餅特飲有別於平時飲開嘅檸檬茶，用伯爵茶底作基調，配上檸檬，酸酸地幾開胃🤤檸檬蕨餅抹荼特飲抹茶味超濃，而且唔甜，杯底會有切好細細舊嘅蕨餅，好啱鍾意抹茶嘅朋友！鎌倉蕨餅原味蕨餅口感煙靭，真係好似去咗日本食嘅一樣配上黃豆粉，減低咗佢嘅甜度，亦都好貼心，咁如果想食甜啲就可以加上佢嘅黑糖漿！幾有咬口😚宇治金時刨冰🍧日日30幾度嘅高溫，令到人一入商場就會想食凍嘢難得呢度嘅茶飲咁特別，忍唔住嗌多個宇治金時刨冰🍧茶味都算濃，而且入面有紅豆🫘同埋丸子，係經典嘅日式配搭！甘味處鎌倉 屯門屯順街1號屯門市廣場1期1樓1268號舖

每次去親日本見到蕨餅都一定會買黎食， 因為個味道係香港食唔返，所以每次去日本必食.今日經過見到屯門開咗間日式甜品餐廳， 日式裝修，環境舒適簡單，以木系為主調，有刨冰， 飲品和蕨餅， 睇個menu 樣樣都好吸引， 忍唔住入咗去坐低，同每樣都叫黎試吓.鎌倉原創品牌咖啡牛奶蕨餅： 唔太甜， 咖啡味濃， 飲落有蕨餅， 有咬感， 成杯飲品好有日本feel 檸檬蕨餅抹茶特飲: 抹茶味出， 再加有檸檬既清香， 夏天首選西尾抹茶刨冰： －坐位熱辣訹， 即刻叫個刨冰， 正鐮倉原味蕨餅： 超多黃豆粉， 蕨饼煙煙銀銀， 每件都一大塊， 大大啖食，好滿足

呢幾日天氣真係好焗，去左屯門巿中心行街，見到有正宗日式刨冰及蕨餅食，當然要入去嘆下。店內選擇唔算多，以蕨餅及刨冰為主，而飲品選擇比較多，款款都幾吸引。🌟#原味蕨餅好軟滑Q彈，份量都算足，配上黃豆粉食，口感細膩，帶著微微的清香🌟#草莓刨冰刨冰十分軟綿，入口清涼，瞬間化開，爽！絕對是夏日的救星！新鮮的草莓醬，清新香甜，好好食！🌟#芒果乳酪＋#草莓牛奶乳酪份量好多，超值！啖啖芒果與乳酪的濃滑在口中交織，好正！仲有好軟糯的啫哩，好食到停唔到口！朋友係草莓控，都話好Q彈的果肉啫哩，唔會太甜，與蕨餅一起食，大滿足！甜點愛好者，必試！