甘味讚岐手打烏冬 (已結業)

星期五晚出街食飯都預左多人, 所以是但揀左連鎖既甘味食完就快快番屋企, 結果都等左成20分鐘先入到去吉列豬扒蕃茄湯烏冬吉豬熱辣辣, 新鮮炸起, 好難會難食既....蕃茄湯烏冬正常, 食得出有茄膏味, 蕃茄好生, 明顯蕃茄係後加落去而唔係原來用黎熬湯, 只能夠說服自己:「連鎖店, 係咁嫁啦......」炸紫芋球FACEBOOK推廣優惠免費送既, 新鮮炸起, 甜甜地煙煙UNUN, OK好食, 但如果係甜品應該飯後先上枱, 唔係連埋D烏冬一齊上麵豉燒雞扒蕃茄湯烏冬蕃茄湯烏冬既問題同上唔多講, 最大問題係D 雞扒竟然係唔熟, 我都冇心機去影即刻叫個STAFF 黎換左佢, 點知個STAFF未望已經話:「其實係熟....既」但D雞扒明明生到有血水出都仲可以話熟, 我叫佢望多次佢先肯收番, 但估唔到佢唔係換碟新既比我, 只係番去拎去用微波爐叮熟佢, 我比幾十蚊食個燒雞扒竟然最後變左叮雞扒, 大佬...係人都知叮完D雞皮會即刻淋哂唔脆, 你當D客傻嫁咩....一肚氣我冇再同佢去理論, 食完就快快走

 今日同姐姐行屯門,我地一心想去甘味,但行錯路,搞到由該層商場的街頭行到街尾..都幾遠…12:35pm去到,幸好唔駛等位~原來餐廳的座位佔用埋出面商場走廊的地板,幾開放,近lift的出口,環境比較舒適!因假日無set lunch,我揀左1款 燒牛肉釜飯 $44我地order完後,最早登場~不用12min便上菜!真的很有效率呢!其實燒牛肉都有幾多油,加上醬汁不太足夠,幸好桌上有豉油可加落去五十穀米飯! 五十穀米飯幾有口感,好吃 健康素食之選~我幾鐘意order釜飯會附送麵豉湯,粟米沙律 粟米沙律 香甜~雖然只有沙律醬+粟米,但味道確實好吃!場內職員的服務態度不錯! 

同朋友食完個早嘅午飯，又同老公去食個晏嘅午飯，老公話想食蕃茄烏冬，咁就走咗嚟讚岐嘞。老公呢個係牛扒蕃茄烏冬，烏冬唔夠彈牙，個湯係飲得出係用大量茄膏開嘅，牛扒係冇牛味，不過個汁尚可！我呢個係豬軟骨十殻飯，唔錯，豬軟骨夠稔，夠入味，個飯都有唔同口感，因為真係有唔同嘅榖物喺入面，補償返烏冬嘅不足啦👍另外嗰杯茶其實係好好飮，應該係麥茶

係屯門行到攰又肚餓就搵左間烏冬食之前聽朋友講返蕃茄烏冬味道濃郁所以就一心去試下雖然知道係食飯時間實要等位但果陣又攰又腳仔軟真係唔多想等落去等左廿分鐘先有位，入到去拿拿臨叫野食依個係我叫既雞飯無另叫野飲但隨飯會有麵豉湯附送首先講啲雞煎得太耐，啲皮好硬啲肉都唔滑飯就係雜飯黎，碗飯咩都有紅米飯，黑芝麻，黑飯仲有多...可能依個係個飯既特色但總括而言成個飯都好乾好硬不過有湯可以濕濕喉依個係我朋友叫既佢話蕃茄味濃而且啲吉例豬唔硬食落口感唔錯

是日參加baking class, 喜歡吃自然想學做, 不過原本造macaroon挺累人的弄完那十數個小圓餅, 帶著疲累的身軀回到屯門累得不想思考, 便著男友隨便選間不用排長龍的餐廳醫肚, 最後我們去了甘味果然不出所料, 十分鐘不到就有位了!想吃點清新易入口的, 就捨棄了鳥冬, 改選冷蒿麥麵, 由於冷麵沒有配料, 所以加點一個燒三文魚鰭作菜男友則要了淨烏冬, 再加燒牛肉捲蔥串和兩款炸物下單的經理態度OK, 對於我們多次舉手加單都沒有黑面雖知道連鎖食肆是流水作業式的運作, 不過淨烏冬只需3分鐘便上枱, 是快得驚人吧偷吃了兩口男友的鳥冬, 雖然不是過軟的質地, 不過也沒有從前具口感的質素, 不過還算是可以的湯底則是普通的昆布湯, 沒有過鹹, 也可以, 不過作為鳥冬專門店, 還是覺得可以再好一點而我的冷蒿麥麵以船型的小盤盛載, 而冷麵汁則另外奉上不過盤子本身很淺, 很難將麵條浸在冷麵汁, 最後還是叫侍者多給我一個小碗蒿麥麵夠凍, 雖然本身是款淡味食物, 不過連帶冷麵汁一同送進口是很暢快的, 尤其是在夏天或疲累的時候更是首選麵上鋪了些紫菜絲和炸粉碎, 為單條的麵條增添多一點豐富的味道附送的日式

（一）雜錦讚岐手打烏冬鍋湯底淡而無味；份量少，較大胃的人會吃不夠飽。所謂的＂雜錦＂中包括的三文魚肉質粗嚡老身，未知是否煮得過久，加上魚無肉味，差。而烏冬表現OK，不過不失。（二）燒鰻魚二十穀米釜飯飯送上來，大感意外，令我好奇的是：二十穀米在哪？？數來數去就只有極少紅的米和薏米。飯雖以貌似鐵釜的器皿盛載，但只是虛有其表、好看不仲用，實情不夠熱、頂多微溫，又一個差。至於鰻魚..僅得小小一片，一口便吃掉，真想大呼：搵笨！太差，不會再來了。

在屯門的甘味讚岐手打烏冬分別.位置相當不俗,戲院就在呢間店的對面.等開場的人.我估有不少人也貪就腳.選擇呢間店.我也是其中之一.環境有不少寬大卡位,二人位.位與位之間也有距離.除了店內,也有部份店外的位,計座位,算多.環境面積也大.在下午3點左右.店人少,相當寧靜.服務雖則無人罵人.無人黑臉.但店員工作態度一般.聚集一起傾計.無論點菜.加茶.埋單都很慢.什至叫一次,也不理會客人,至少要叫2次以上.如果趕時間.肯定激死.蕃茄湯雞扒烏冬:估不到.相當好味.湯底紅色,用罐頭蕃茄湯加水煮成.酸度恰到好處.湯仲有幾片蕃茄很新鮮.香口,仲爽的.控制火喉功夫不俗,烏冬彈牙.至於雞扒無油,每一件也滑身.咬下去竟然有肉汁.味道亦有肉應有的鮮甜.皮亦香口.冷藏雞扒可以整得呢個味道.真的不錯.呢間店味道進步好大.抵讚....

自從爸爸離開了我們後，我有好幾年沒去過舊書義賣活動，今年適逢有兩元乘車優惠，放是，便又再去一次！去到後，先吃過午餐，我知道屯門有間甘味讚岐手打烏冬，所以一早已決定來這兒吃。我叫了一個照燒雞扒手打烏冬－好正呀，烏冬好彈牙，好多蔥，而雞扒好滑呀，唯雞扒鹹了少少，淡一點就更加好！服務不錯，下次我會試下她的刺身及三文魚籽！

今天要進行秘密行動！進行前一定要先食飽個肚，行動才得以成功！rawr !!!滑蛋蟹籽巨型蟹柳讚岐手打烏冬 - 蟹柳情意結，無從解釋！巨型蟹柳已切成一瓣一瓣，更加入味！蟹籽放在蟹柳上，最好還是一啖吃下，否則蟹柳只會落得四散於湯中的可憐下場。烏冬挻彈牙。湯是甜豉油水，甜甜的，跟蟹柳很配！

自己買讚岐烏冬煮都可能濃味過佢好淡佢d湯 搞到次次都要落調味料我不嬲都中意食烏冬飲湯 但甘味d湯真係飲唔落壽司飯又熱熱地 最好味係個紅豆魚燒餅價錢咁上下啦 預左4-5 一碗麵

我同我朋友就叫左吉列豬扒/雞扒烏冬等都唔係等左好耐既..等左1陣佢就上左吉列豬扒烏冬先..吉列豬扒好脆!不過多左少少油同有少少怪味..烏冬就好好味好彈啊雞扒烏冬就黎左拉..佢啲雞扒買相就幾好既^^但係食落就麻麻地..雞扒個皮係硬既,我諗佢想整少少脆但失敗左..雞扒既肉都un左啲!烏冬都係彈牙既不過冇咩味侍應都幾好,1叫就既^^

昨天跟家姐去屯門ua看戲,還有時間先去醫肚,見到戲院對面的烏冬店舖,咁就腳唔使諗就入左嚟食呀! 晚餐有些特價既食物可以選擇, 我地兩個人每人叫左一個三文魚它它手卷,一客三文魚壽司, 仲有一碗香蒜蕃茄雞絲烏冬一齊食.d嘢都上得幾快, 先嚟三文魚它它手卷, 唔係好大個, 唔記得映相添. 賣相ok, 紫菜好脆, 入面的三文魚它它都好多, 好味呀! 三文魚壽司兩件細細件的,唔算好肥美,好薄的一片不過都幾新鮮的.蕃茄湯烏冬嚟啦,都幾大碗喎,顏色好吸引,都好多配料架, 有蕃茄數件, 一些香蒜係面, 冬菇絲, 雞肉絲, 個湯好濃, 好好味呀! 我好鍾意食蕃茄, 呢個唔係好酸, 配撘得好好, 烏冬好彈牙又滑身喎, 正呀!!真的很好味!!仕應服務都好好,不時加茶及收碟, 都好快手, 平時夜晚可能唔會太多客人.

烏冬也好吃彈牙，番茄味好濃，雞扒一半好一半不好（有一般肉質還行，皮脆，有一半很干），三文魚壽司一般，下午有套餐，選擇這個套餐48元（跟餐飲料），三文魚壽司12元（跟餐，只能點一份），還叫了個忘了名字的18元，要加一

看電影出來已是晚餐時間，肚子空空的，步出戲院第一眼就看到它，自然就會來，新餐牌下也多了些定食和二人套餐等，最後點了鐵板牛柳粒番茄湯手打烏冬和免治雞肉冬菇二十穀米釜飯，再加一個鐵板炒野菜。免治雞肉冬菇二十穀米釜飯[$46]:鋪面的免治雞肉冬菇都是用燒汁醬油煮成，咸咸的好拌飯，雜穀飯的薏米、紅米等質地較為硬而彈牙，吃多次都沒試過「蛋糕飯」。而且釜的深度夠，所以是一定吃得飽，女生還會吃不完。鐵板牛柳粒番茄湯手打烏冬[$50]: 酸甜醒胃的番茄湯，鐵板牛柳粒別奢望是鐵板上，只是煎好放湯，冰鮮牛味自然不多，算是安安穩穩，手打烏冬彈牙滑溜，之前試過較便宜的普通烏冬，韌度認真差一截。炒野菜的份量比平時多了，但有點過咸，盡量吃面面沒有汁浸著的，加上鐵板熱辣辣上，感覺良好。吃到尾聲，約四五個籌號等候中，但店員都不會催趕你交檯，加水等服務都算不錯。

呢一日同屋企人去左屯門一間手打烏冬店食野由於岩岩員工用膳時間完左 (6pm)所以唔洗等就可以入去坐我叫左個滑蛋雞肉撈烏冬爸叫左個滑蛋豬排飯媽叫左個蟹柳湯烏冬我果個撈烏冬就麻麻地雞肉好老 蛋唔夠滑真係得烏冬好食爸話佢果個都係麻麻地佢話啲飯唔係用珍珠米好難食媽果個個就好好多烏冬同啲湯個味好正啲蟹柳都好好味始終呢間野係主打鳥冬叫鳥冬食係最隱陣另外仲叫左一碟壽司拼盆啲壽司都係一般同附間元X壽司無乜太大分別當日埋單都200蚊有找算係價錢合理掛住食唔記得影相所以只有一張相