甘味讚岐手打烏冬 (已結業)

都有好一段日子冇黎過呢個商場, 難得上星期黎過, 當然要食埋野先走啦, 但咁啱師傅又唔係好肚餓, 咁食咩好呢? 最後諗左一陣就決定黎呢間食店, 皆因從來都未試過!去到門口, 當然又係例牌嗰種攞飛, 等嗌冧把啦, 好彩師傅唔肚餓, 等下都冇所謂; 由於過左晚飯時間嘅高峰期, 所以都幾快有位; 一坐底即刻睇下有咩食先, 師傅起初唔知仲以為呢度淨係食烏冬, 點知睇下餐牌先發現原來係食日本野, 皆因刺身壽司樣樣有!好, 唔理咁多, 師傅都係想食烏冬, 所以最後揀左牛柳粒茄湯烏冬, 而友人就要左肥牛茄湯烏冬, 再加多一客煎餃子! 等左一陣就有得食, 師傅第一時間試下個湯底先, 茄湯酸味味幾開胃, 味道真係唔錯; 再試下牛柳粒, 牛柳粒好有牛味, 而且好腍好鬆, 一d雪味都冇, 唔錯; 而烏冬就煮得煙煙韌韌, 口感唔錯, 幾好喎; 至於肥牛就係薄切, 都幾鬆身, 可以喎; 煎餃子一客有五隻, 餃子煎得幾油, 加上個皮幾硬下, 絕對唔吸引, 師傅就唔鍾意喇! 總括黎講食物質素一般啦, 以烏冬質素較佳, 服務都係一般, 完全冇大和民族嗰種精神; 地方都係一般啦, 價錢都唔算太貴, 埋單百鬆d, 可以

J & A代表 我JOEY 同我老婆ANGIE但今次依篇係我同屋企人既食評勉強話係我同細佬 ANDY 都ok既8月6號 八號風之後同屋企人一齊黎依度食野可能係5個人既關係等左差唔多半個鐘至入得五個人一人一個 烏冬 / 飯 ($35-$40)加一個燒墨魚餅($16) 十碟三文魚壽司 (特價 $10/碟)我叫既係 肥牛蕃茄烏冬同上次一樣 勁好食 肥牛唔un 好好味烏冬彈牙 蕃茄湯 好好飲至於三文魚壽司就普普通通媽咪話有幾塊三文魚無禁新鮮我就覺得ok 10蚊兩件唔可以要求禁高始終依間sell既野係烏冬埋單 $ 34x平均一人 七十幾算係幾抵 幾好食唔多人等位都唔得啦

平時經開見有咁多人排隊~心諗應該唔會太差~即管一試~~昨天我同男朋友兩個人~叫左個以下食物 :刺身拼盤 ,好似有三文魚,吞拿魚,北寄貝,蝦,蟹柳(原本叫有海膽個隻,點知話冇得供應)<只有蝦刺身有小小鮮味~其他又冇光澤又唔新鮮~吞拿魚仲要係硬~蕃茄吉列豬扒烏冬<D豬扒炸到好硬~蒸蛋<同MENU個張相完全貨不對辦,我仲要拍著個menu問個waiter係咪個個款,佢話係~真係非常失望~章紅魚刺身 (薄,10片) < 完全冇光澤,又冇味~赤貝,帆立貝,三文魚子,甜蝦 =壽司 < 好似食緊刺身乾一樣~同埋d waiter 及waitress態度又差,又唔加茶,簡直趕客走!!!!!!我以後都唔會去呢間野食飯!!!!!!!

去親都係為左佢一碗小小的烏冬..我同男朋友都唔會叫其他野咁滯~10蚊一碗烏冬就夠了..如果驚唔夠,可以加大啊..都不過係15蚊..湯底好味,烏冬又有咬口...所以基本上唔駛任何配料都夠了..仲有,特別欣賞佢本身送上果杯茶...=p

尋日同朋友約出來打算食完野之後就一齊去自修室做功課一行5人其中一個朋友話不如去ua對面果間野食其實之前我都想同呀媽來食不過次次都好多人今次晏就來食冇咁多人一入去個環境都相當唔錯..d位都幾闊落嗯..叫野食朋友推介就係一個加大烏冬再加送食我叫左粟米同天富囉番薯個烏冬幾好味我一向食麵都係最鐘意飲果d湯咁烏冬係酸酸地嫁嘛..所以d湯酸酸地..我自己唔太鐘意哩種烏冬湯啦..但係d烏冬真係好彈牙好好味呀下次一定要黎哩到同呀媽食因為自己同fd黎食唔到咁多野..因為其實對一個中學生來講都算幾貴..不過真係一試難忘呢!以下為我記得既價錢烏冬---10$加大烏冬---15$天富囉番薯---8$粟米(唔係一條果d播-,-)---5$記得仲有加一

一直好愛食烏冬~一知道屯門竟然開左間手打烏冬,見到價錢又平~即刻去試~一試,wa!難忘!!!甘ge價錢食到好味手打烏冬真係一件好開心ge事!!!!豬軟骨好味~另外蕃茄湯底都好好~值得一試!!!可惜太多人等...........又一過3張tickets就要再輪過,成日搞到我好忟law.....

昨晚同朋友來了這裏食飯,7:00幾已好多人在等位,我們等了不是很耐就有位,兩個人叫了一碗蕃茄牛肉粒湯烏冬,一碗咖喱雞扒飯,一客介辣八爪魚壽司,一客三文魚刺身,烏冬都幾重蕃茄味,很入味呀,牛肉粒也很淋,都幾好味.咖喱雞扒飯很特別,因這裏的飯是十二殼,所以很特別,另有一碗麵豉湯,一碟粟米粒,也幾好味,但咖喱味就不重.朋友很喜歡的介辣八爪魚,她說不是很重介辣味,三文魚都幾新鮮.另加六元可叫一杯熱柚子蜜.

呢間野d食物好好味,睇佢條龍重長過板X壽司就知啦D淨烏冬好抵食,只賣$10(小)和$15(大)一份配烏冬既料就貴左DD,28蚊天副羅得3件,2只細蝦,1件果D人做CRAB STICK,要改善如果有凍烏冬我諗都幾好

星期日下午去食, 可能係公眾假期無tea食於是叫左番茄薄切牛肉烏冬, 無諗過D湯底咁入味, 真係OK WOR另外叫左個甘粟餅, 番薯多過粟子, 有D失望屋企人叫左個牛肉手打烏冬, 湯底好清LOR, 可能我食慣濃味野仲有叫左個照燒雞扒五谷飯, 飯都好好味屯門D位都幾好坐, WAITER又好有禮物, 食哂D野會問左你要唔要先拎走

見今晚落大雨又唔想買餸，就同老豆同女友去左食lee間手打烏冬。事隔幾個月再黎食過，但D食物都係無乜新意，平平無奇。我地分別叫左三個烏冬: 1)蟹子蟹柳炒蛋湯烏冬, 2)香蒜雞絲蕃茄湯烏冬 & 3)岩海苔麵豉湯烏冬。上菜極快，擺明預先煮好咁。除左D烏冬麵質彈牙D之外，其它真係冇一樣特別好！D燒雞燒到極乾，D蟹柳同百佳冇今別..3個人$136我自己覺得唔抵食！隔離"上海婆婆差唔多價錢可以食到質素好好多既晚餐..

yesterday同幾個朋友去食,可能係晚餐時間所以都要等20張...叫左個 一個炒雜茶,餃子,幾件壽司,黑豚肉煲...都幾好食...服務態度都不太差

因阿妹試過d烏冬掂! 所以今日同亞媽,細佬嚟食 lunch. 叫各式烏冬$30幾, 配普通飲品+6蚊.d烏冬煙韌又滑, 值得一試啊! 可惜是份量太細, 女仔ok夠食, 男仔一定要加其他...服務ok wor! 遷就後到的bb車, 要求從卡位調到其他位, d姐姐都好快手腳, 沒有怠慢, 該讚一讚呢!5個人 total $22X.... 似乎貴咗 d, 因為响屯門係平慣... 上星期响新墟食焗飯/pasta lunch, 平均每人不到 $30... 夠食又好好味! 忘了名字... 在呂明才中學旁, 遲d有空一定寫佢讚佢!

星期六下晝打完波，同男友來左呢間甘味度食午餐，之前都有諗過黎食，但次次都因為太多人有排等所以放棄...今次ｌｕｎｃｈ黎到，一樣要等，但見排２０張枱度咁就等下啦...等左１５分鐘倒就入得～入到去，叫左煙肉波菜薯餅，漢堡牛肉，雞肉二十穀米飯ｓｅｔ同岩海苔牛肉烏冬～野食上得幾快，煙肉波菜薯餅幾好味，但細件左ｄ，漢堡牛肉真係比佢幅圖呃左....勁細件囉........男友同我一人一啖就無左，唔抵，仲要焦左雞肉二十穀米飯，好香同個汁都幾好味，但都係細！岩海苔牛肉烏冬，烏冬幾彈牙，唔算差，牛肉量ｏｋ多，同湯底味道夾，幾好味！服務ｏｖｅｒａｌｌ唔差，員工有禮貌，間中都會加下水但如果要再等咁耐我就唔會黎喇，因為屯門市廣場有其他更好既選擇～

今日同朋友一齊黎食晚飯各人都嗌左吾同既飯同烏冬個價錢係平 ..不過我覺得個飯既份量較少我食左烏冬個烏冬冇咩咬口 ..同真正好味既手打烏冬差好遠其實最差係d 服務羅 !真係令人食得吾舒服 !!果個侍應企曬係到啤實曬 ..好似吹你落單咁大佬 ..比人睇多陣都吾得 !食完之後諗住坐一陣姐個侍應黑曬面口羅..仲要叫個經理黎收野勁吹人走搞到我朋友食得好有壓力 !!d 野又吾係話好吃d 服務又差仲有牙 ,,叫左個壽司d 飯勁鬆d 赤貝一d 都吾肥美真係勸大家吾好食佢d 壽司都吾明點解仲咁多人排隊我吾會再去食羅= =

尋日同親戚來左食甘味,令飛仔先,wa..要等100張..等左成個鐘先有位,間野又細,2位桌好多,我地5個......等等等.終於有位...講真呢到d 服務真係有待改善, 不過又未至於係差既..一人叫左一個烏冬/飯set,我就叫左蕃茄湯雞扒烏冬42元, 如果唔係蕃茄湯30幾元就有,都算 幾抵食. 來菜速度真係幾快, 個湯好好味好似飲緊字母蕃茄湯咁濃,雞扒都煎得好香口雖然有d雪味, 再叫左客魚生食,有4-5塊30幾元, 都ok 啦.冇乜特別.鳥冬話係手打,不過我就真係唔識食啦..我只係覺得冇乜特別啦!食左唔夠30min 走人了