甘味讚岐手打烏冬 (已結業)

和朋友三個人，在一起在這間餐廳食晚餐，味道不錯，特别是脆的芝士餅，十分好吃！價錢又不算太貴，三碗鳥冬、四件壽司、四件芝士餅、三杯飲品，都只三百二十多！環境整潔、企理！桌面十分整清，沒有一些垃圾在桌子和椅子下！員工態度不錯，我們落了單，再加食物和轉食物，員工的態度十分好，不會像一些餐廳有不耐煩的面孔！我們因自己的過失，忘了將飲品叫走冰，員工還幫我們拿入廚房拿去冰塊，還加满飲品，來補充拿走冰塊的空位，員工十分好！值得推介！

lunch同同事搭車去咗杏花食飯，打算見乜食乜，行過見到甘味塊午市定食牌有鯖魚，即刻好想食，所以入咗去。喺港島東返工成年，附近可以食到鯖魚lunch嘅餐廳不算多。六十蚊有鯖魚，二十穀飯，前菜粟米，仲有一杯嘢飲，我揀咗熱柑桔蜜。鯖魚燒得幾香口，落嘅鹽分岩岩好，不錯。前菜送嘅粟米一般，但better than nothing啦。主要想講嘅係個二十穀飯，由於我係一個白飯超級愛好者，今次畫單我竟然畫錯咗二十穀飯而唔係白珍珠米，知道畫錯果一刻我勁緊張！我個美好的白飯呀～咁但係錯咗都無辦法，自己問題亦唔好意思問店員可唔可以換，所以就接受了呢碗少見嘅二十穀飯。近年流行吃粗糧，我知道健康，但從來無食過，原來味道係咁有趣。食落去咸咸地，口感同白米好唔同，唔知係咪因為有薏仁，所以咬落口有少少彈，如果果啖係多紅米呀糙米，又會有啖啖嘅米香，都幾有趣。今日又有一個新嘗試

早前與朋友到杏花邨商場逛逛，之後搵地方食晏，最後選擇日本餐廳「甘味」享用午餐。餐廳門口新裝修，裏面格局大致開揚簡約😌我地兩人分別叫了兩個午市定食套餐加一個小食🤤自己叫的番茄吉列豬扒柳川鍋燒珍珠米飯，送到面前時熱辣辣，滑蛋煮得剛好，跟豬扒配飯，口感不會太乾，鹹味適中，相當不錯。朋友點的鹿兒島薄豚豬骨湯鍋燒讚岐手打烏冬也不比下去。烏冬頗有質感，且湯底與豚肉搭配得好😋最後還加$18四粒紫心香芋丸，同樣即煮夠熱，口感不俗👍🏼隨餐跟飲品，分別是凍檸茶和凍奶茶，中規中矩，感覺大致上良好。

2018.04.15 同屋企人去食晏，一落街就落大雨，走入地鐵站，於是諗緊有冇啲地鐵站上蓋，唔使開姐嘅食肆，最後揀咗依間餐廳。時間尚早，有好多吉枱，俾左張落地大玻璃側嘅抬我哋。係甘味我哋當然係食烏冬啦，選擇左燒牛仔骨，雞排，同埋豬脛肉。另外都叫咗餃子，雞翼，同埋炸雞粒。燒雞同埋啲餃子上枱嘅時候仲係熱辣辣，好好食，雖然熱氣，但的確很惹味又香口，其他就普普通通啦。都係一餐姐。

午餐時段行過甘味烏東見有位，坐入去食個普通lunch，叫左個黑咖哩牛肋肉蛋包飯配凍柚子密。原本諗住一個普通 lunch set冇咩期望。黑咖哩牛肋肉蛋包飯一黎到，心諗﹕咦，賣相唔錯wo先試一啖蛋包飯，蛋上面有沙律醬，飯係咖哩飯重有咖哩汁係入面，沙律醬令蛋味大大提升，配合咖哩飯底既香味有三個層次。黑咖哩牛肋肉有d似紅酒燴牛肉個種味，甜甜地有豐富既咖哩香料味，介乎日式咖哩同印度咖哩之間。牛肋肉淋身好有牛肉味，部份位置更有芝士拉絲，牛肉味加黑咖哩加芝士拉絲又有三個層次既味道。同蛋包飯一齊食，調味非常豐富，以一個普通 lunch set 味道上完全滿足。凍柚子密正常野，幾香柚子味，好多地方都飲到。性價比唔錯，連服務費66蚊，味覺好滿足，絕對可以encore再食。

其中一樣 和牛漢堡烏冬 烏冬面無問題 湯底是豉油水 個所謂漢堡感覺是由湯渣揀成一餅又鞋又硬又乾可以擲死人嘅肉渣 嚼到口攰 kick 住口嚨 要出力先吞到 吞完口嚨會痛 ！完全不知所謂 下世再下世都唔會再去

星期四中午，我們到杏花村用膳，星期四杏花新城比較無甘多人，餐廳唔需要排隊便有位，我們去了這間日式餐廳。甫坐下不久，看過菜單，這兒的set lunch的款式唔算太多，想了一會便有了決定，我點了鍋蛋鰻魚炒飯配柚子蜜。因為我十分喜愛食鰻魚，所以選擇了鍋蛋鰻魚炒飯，鍋蛋是溫泉蛋，看上去晶瑩剔透，食起來亦很滑，鰻魚粒的份量亦足夠，燒汁配上鰻魚和炒飯，味道唔錯，但炒飯的配料只有紫菜絲和鰻魚，令炒飯口感不夠豐富，若配料豐富點會更好。餐飲是柚子蜜，柚子蜜唔會太甜或淡，柚子味道很清新，底層沉澱著柚子皮，證明是真材實料的，而不是調味色素，柚子蜜很夠涷，夏天喝涷飲最能消暑解渴，一口氣便把柚子蜜飲完，亦吃得津津有味。 總括而言， 儘管這一頓午飯食物質素沒有特別驚喜，但亦算是稱心滿意的一餐。

星期日晚，間間餐廳食館都爆滿，所以簡左試食呢間。食完……原來係咁既味道！Oh……No！😖😖【吉列豬扒烏冬】烏冬質感完全唔彈牙，可以話同惠康牌子既平價烏冬質素差不多，得罪講句！湯底冇特別，冇得形容！吉列豬扒，肉質比較實，冇肉汁，家庭式冇技巧做出來的吉列豬扒果種味道。【和風牛扒蕃茄湯烏冬】烏冬唔彈牙，蕃茄湯唔係蕃茄煲出來，而係好似蕃茄汁，一啲都唔正宗，唔好飲，牛扒唔韌，都有牛肉味，算幾好！【天婦羅蝦】$13/隻，每隻計。天婦羅蝦好細隻，可想而知，未沾粉漿之前既蝦身仲更加細隻，$13一隻，簡直去搶，唔抵食，味道近乎冇乜調味料，不建議食，浪費金錢！【紫菜炸魷魚鬚】雖然細碟，但跟價錢$34，成正比，脆漿炸得香脆，全晚唯一最好食既餸。【燒八爪魚餅】勁細碟，6件迷你魚餅，八爪魚味冇乜，粉團多，唔太彈牙，建議不吃為妙，將$30叫其他小食比較好！【紅豆冰/紅豆涼粉冰】有大大粒既紅豆和紅豆蓉，味道濃，都算幾好味！ 總結，第一次試食，我諗都係最後一次食！😖😖😖

話說，最近興app儲積分或者做會員，好多連鎖餐廳都有，而我最初竟不知呢間餐廳原來都係大集團。店內都有宣傳單張叫客人點菜時順便打開個app比員工過目，但就當日，小妹並冇得到即時回應，直至埋單時，我再提醒，員工先慢騰騰行去拎部機來對住我部電話個code scan,😒咩態度？咪就係驚死做多咗果d咯！我承認我其實對烏冬麻麻d，入到來都係想食飯多d，特別係呢到有十二谷米飯，配照燒鯖魚，仲送埋個玉米沙律，不過，條鯖魚太多骨，勝在夠香口。而且夠餸曬個十二谷米飯，都幾好。朋友叫咗個照燒麵豉雞扒配番茄烏冬，同我預計嘅一樣，個烏冬湯底完全係由濃縮蕃茄湯泡製，味精濃郁！但個雞扒幾出色，肉質好滑，望落去係dry嘅，食落又唔會，兩面都煎得好香好脆。午餐可以加錢食個芝士香芋丸食開嘅都應該知道，呢味小食好多餐廳都會有，相信係現成嘅貨，咁就真係要睇個炸爐控制成點啦，外皮鬆脆，內裡嘅香芋仲清晰可見，香味誘人，要食真係趁熱，正呀！我地見成個午餐都係肉，所以就點咗個鮑片炒牛油雜菇食唔到咩牛油味鮑片酸咗d菇好濕😐😐😐😐😐😐真係傻咗，原來唔係炒嘅，應該係滾水漉過溝埋一碟！好失望！總結:每次到杏花村搵朋友傾偈都得一個選擇，就係杏

坐位舒適,高樓底配上落地玻璃,空間感十足,點選左照燒雞扒烏冬定食,烏冬口感不錯,可惜湯底十分之罐頭味,配上蔥蒜挽回了湯底的不足,照燒雞扒燒得脆口,但肉質變得有點老,不過味道仍不俗,另外點選了壽司拼盤,雖然不夠鮮味,但勝在價格平宜,若想選擇平價日本餐廳,這裡會是其中一個選擇.

今日去杏花村，食依間甘味，見食評好多都話難食，雖然食物質素唔係話好高，但其實都中規中擧，今次我叫左午餐A.麵豉雞扒蕃茄湯烏冬$54，蕃茄湯味濃，雞扒夠厚身，我鐘意佢燒到個皮燶燶哋幾香口！加左$15要個紫心香芋丸，依個我覺得最好食，吉烈外層，裡面有非常幼滑同甜甜哋嘅紫香芋！好食！紫菜炸魷魚鬚$32，上枱時剛剛炸起熱辣辣，味道冏質感亦不錯！牛油炒素鮑片雜菇$40，依個差少少啲味道未炒到平均，一啲有味，一啲冇味！滑蛋蟹籽蟹柳烏冬$54，蟹㧕份量都幾多，味道還可，烏冬亦合格！總括嚟講，你入嚟唔好話食什麼好高要求，其實都唔係太差！

下午茶時段見店內選擇多，便進入店鋪但侍應只給了下午茶餐牌和午餐牌，並說有兩個餐冇，已覺很少選擇選後點餐那個阿嬸級穿綠衣短髮的侍應態度惡劣，不屑，很不願意點餐的樣子還未點完餐就想走另外飲品在之後很久未上便想問一下，但三四個侍應見到我舉手但沒有理會，包括那位阿嬸服務態度惡劣另外串燒配木魚烏冬(忘了拍照)，冇味，湯底像白開水 味

之前食過一次葵芳果間, 覺得都ok, 所以今晚去開杏花村就選擇左呢間, 我地點了煎餃子, 吉列豬扒烏冬, 牛肉烏冬,  三樣都無一樣好食, 煎餃子係唔熱的, 兩碗烏冬非常林, 一d 都唔彈口, 湯底無味, 得個鹹字, 豬扒又硬又乾, 牛肉好少少, 但都唔係好, 總之真係好差, 一定無下次!!!!

相隔一段時間, 我們又來到這間甘味, 今次食的溫泉旦牛肉烏冬認味道真不俗, 真正價廉物美之選!味道一直保持美味的水準. 另外叫了個燒頂級美國牛肩烏冬, 烏冬及湯都好好味, 但可能我個人對牛肉有較高要求, 佢餐牌寫的"頂級"美國牛肩, 我就對此有少少保留(一般的味道), 因為味道及質感上都不能說是"頂級", 我只能說是合理價錢, 合理味道.

大約下午時段,周圍行黎行去搵黎下食邊間LUNCH,但BB話好想食烏冬,所以就去左甘味◕‿◕➨好快就有位入去,食物大約系$50-150,之後就照舊叫我最愛既蕃茄雞排烏冬,BB就叫左佢至愛既牛肉飯❶主菜:蕃茄雞排烏冬 推介程度❤❤❤❤❤ (哇哇!!呢個蕃茄湯底真系好濃郁,好重蕃茄味,系我至愛!!另外既雞排,佢煎得個皮好脆,少少焦,但系OKAY既,真系好好味!!)❷主菜:五穀燒牛肉飯 推介程度❤❤❤❤❤(呢個我都極力推介!!因為佢個飯真系食吾出有五種飯,平時我對於健康食物都一般喜好,但呢個飯真系好正,加埋個燒牛肉系絕配!!真系好食過吉野街牛肉飯!!配菜:栗米+湯 系牛油栗米,味道OKAY的,但個湯就咸左少少)總結:我個人覺得烏冬既水準系好好,比起出面果D真系比得上板長,讚歧!!價錢又平民化,我覺得真系值得一試!!回頭指數系推介❤❤❤❤❤❤❤❤❤9分外表♛♛♛♛♛味道♛♛♛♛♛環境♛♛♛♛服務太態♛♛♛♛氣氛♛♛♛上菜速度♛♛♛♛衛生♛♛♛♛情侶必到處✓✓✓✓