甘味讚岐手打烏冬

營業中

休息中

甘味既蕃茄湯食極都吾厭🤍而且價錢相宜 屬糧尾之選～次次都食雞扒蕃茄湯烏冬🍝一個湯烏冬再加一碟燒雞扒 份量多到都食吾哂🤣🤣燒雞扒好正 皮脆肉嫩 仲有肉汁 勁juicy

打齊兩針嘅人士，夜晚六點後可以免費入工展會😆收工過去岩岩好～行左個零鐘又攰又肚餓，近近地走咗去皇室堡搵嘢食😛見到好耐無見既廿味，二話不說拉著友人衝過去。星期1既晚上，估唔到成八點鐘都仲有咁多人等位，最後等咗差唔多半個鐘先有位。牛舌泡菜鍋燒讚岐手打烏冬 ($74)有5大塊牛舌，唔厚唔薄，而且燉得十分軟淋，烏冬彈牙，泡菜爽口，湯底比想像中香濃，食得好舒服。我連湯都飲晒～咖哩吉列豬扒蛋包飯 ($75)朋友想食飯，所以嗌左呢個。但呢個反而一般，吉列皮太厚，豬扒有d硬，個蛋無味，好在咖哩夠香，薯角亦炸得香脆。總體黎講不過不失既。另外加左$10要個味噌湯同沙律。小食放面，要左唐場墨魚咀，好似30幾蚊。呢個好食，香脆可口夠熱氣🤣唯一要改善嘅地方都係炸皮太厚既問題。總結：烏冬專門店都係食返烏冬啦😆

星期六一點去食，不過都唔洗排好耐，唔洗10分鐘已經入得。入到去啲位好迫，枱面好似無抹過甘，要自己再抹多次😅落單要自己寫紙落，好唔環保。之後叫咗兩個主食同一個小食，第一個主食等咗十幾分鐘，食完晒之後第二個都未到，重點係分開食唔係share食🥸之後吹佢，吹左兩次，個侍應講完OK之後完全好似冇事發生咁繼續周圍行扮下野都好丫，佢完全扮都費時扮，當無聽過。之後要去叫個類似經理嘅收銀吹，我佢先入廚房幫手吹，之後就好快嚟咗。但係又係到食哂之後都未有小食到。又係要叫個經理黎吹先到。等嘢食到嘅時間仲耐過排隊同食嘢嘅時間。

前晚行完工展會後去皇室堡食飯，揀咗甘味烏冬食，夜晚都唔算多人，一入去就有位坐燒河豚乾 $48呢個好特別未試過，口感好似魷魚乾咁樣，不過除咗鹹香中帶點魚香味同醬油味，好香脆好惹味，點埋沙律醬食非常夾🍅麵豉燒雞扒番茄湯讚岐手打烏冬 $68蕃茄湯好濃郁嘅蕃茄味，烏冬爽口彈牙，燒雞扒外皮香脆，不過肉質有啲乾，但都幾大塊幾抵食黑蒜油豬手鍋燒讚岐手打烏冬 $69黑蒜油豬骨湯好香濃黑蒜味，豬手皮爽口，肉有鹹香，而且豬手有5件都幾抵食

📍#甘味讚岐手打烏冬🇭🇰香港銅鑼灣告士打道311號皇室堡4樓403號舖味道: 👅👅👅賣相: 👀👀👀價格: 💰💰💰💰環境: 🌹🌹🌹服務: 👨🏻性價比: ⭐️⭐️⭐️回頭率: 🔆🔆🔆人均消費: HKD86估計十年無食過 #甘味 😂 想當年學校附近商場有一間，都幾鍾意去食烏冬💕 午市定食由$5X-$7X，價錢唔貴🆗刺身丼🍱$78今次無食烏冬，揀咗食刺身丼！刺身有三文魚，北寄貝，吞拿魚腩碎，蟹柳，甜蝦，鯛魚，蟹籽，玉子！雖然唔係咩靚嘢，不過算多料！刺身新鮮就算不上，全部都無乜味🤣🤣 不過唔係難食 下次都係食返烏冬🤣🤣

呢間既烏冬set幾抵食 次次去食都會叫蕃茄湯底 湯底幾香濃 仲落左d炸蒜 令湯底昇華😍跟餐叫左個雞扒 雞扒整得好香 皮脆脆地 食落仲有肉汁 好juicy😋烏冬亦都好彈牙 好食

甘味讚岐手打烏冬專門店貫徹日本手打烏冬的精髓於皇室堡旗艦店帶來多款冷熱烏冬選擇之餘再配上傳統的木魚湯底及自家製的特式湯底如蕃茄、麵豉等壽喜燒鍋  非常大鍋足料,有海帶昆布,豆腐,各類野菌蔬菜壽喜燒汁甜香,食材新鮮,清新不油膩既一道鍋物 沒有落肉,素食者可食用番茄濃湯烏冬 配煎魚扒 手打烏冬,由工場每日新鮮製作,口彈煙韌有麵香番茄湯係新鮮番茄打成,湯味濃郁,加上蔥蒜,味道更加香 配以即燒魚扒 魚油甘香肥美 肉質細嫩清湯烏冬配吉列豬扒 鰹魚清湯手打烏冬 獨有既清香配彈牙麵條,味道一流小食餃子,雞泡魚乾 餃子細隻而薄脆,味道出色 雞泡菜魚乾口感煙韌似魷魚絲~消費$300 銅鑼灣告士打道311號皇室堡4樓403號舖

星期日喺銅鑼灣食lunch ，四圍都排哂長龍，見呢間唔洗等就入咗去食.雖然客人唔算好多，不過啲員工都勁急勁趕咁，服務態度認真麻麻.我地叫咗一個咖哩雞扒飯同牛肉蕃茄烏冬。之後一路等一路等，呆坐咗半粒鐘先上咗個咖哩飯.一見到個樣已經知奶野，食落果然出事，啲汁杰到成pat屎咁，個味係有喺到，但撈飯一啲都唔好食，想像下咖哩汁撈飯個口感變成薯蓉撈飯，個雞望落係脆脆，但其實乾到不得了，零肉汁，以為自己食緊紙皮，不個佢飯量好足，只係啲汁唔多，去到後期係乾吞白飯食完個咖哩飯，個烏冬都未嚟，想催下個侍應，佢又係態度勁hea，之後等多幾分鐘終於食得.賣相好蕃茄，但個烏冬係無味，佢完全索唔到蕃茄湯嘅味，個牛又係同個烏冬同蕃茄分離咁，乜味都無，三樣食材無好好融合終結：四圍排長龍，而呢到唔洗等係有原因。

第一次食，聽聞食評麻麻，係貪佢有梳化位坐得舒服又近維園，不過試過之後我都覺得真係好一般，寧願食隔離間和民好過。🥢雜錦鍋燒讚岐手打烏冬 $76⭐️⭐️個湯底都幾清下，只得雞粉味，材料普普通通無乜特別好味，隻雞蛋打爛咗，烏冬算煙韌。🥢沖繩黑豚餃子芝士鍋燒讚岐手打烏冬(番茄湯底) $64⭐️⭐️番茄湯底相對地較濃郁，但餃子皮非常厚身兼唔肯定全熟未，所以只好放棄個皮，整體嚟講試過就算。二人共消費：$154

有日放lunch 係銅鑼灣附近見有lunch set 平平地 就走咗入黎食物同想像中一樣$60-80 一個烏冬配野飲無咩特別 勝在入面位置較多 唔洗浪費時間等位番茄湯底配烏冬面一向係我既最愛再加塊雞排 雞排煎得香脆 有肉汁 👍🏻配埋杯熱飲 凍飲要加錢 💰另外可以再加錢要小食有餃子 炸雞 中華沙律 etc 揀整體幾好食 銅鑼灣$60 一個lunch set 配飲品CP值都高😃可以坐低唔洗同人逼 都幾好食物上台好熱初頭以為佢麻麻 但驚喜發現比想像中好食 ～

行街行到攰就是旦搵左間餐廳食野，點知原來是中伏野。吾單只是食物中伏，連員工質素都低。😵‍💫炸雞微暖，味道差，沙律醬似係被迫甘一野pat落去。Not secured👎🏻👎🏻👎🏻豚肉un到咬吾開，又無味，泡菜似係擺左好耐，得個酸字，成碗野擺得落口既就係啲薑。Not secured👎🏻👎🏻👎🏻加$9既炸餃子，炸到萎縮哂，無咩餡，不予置評。Not secured👎🏻👎🏻👎🏻員工態度不佳，直行直過，其中一位女員工仲一路行一路將條抹台毛巾甩黎甩去。🤭

因為我得半個鐘，所以入到手打烏冬店都唔食烏冬，店內人唔係好多，環境清靜三文魚赤丼：因為怕烏冬熱會食唔切，好彩下午茶餐有個三文魚赤丼，呢個無論預備或食都唔需要好多時間😅。雖然係下午茶餐但一啲都唔hea，三文魚尚算新鮮，而且有醃過嘅洋蔥粒，青瓜絲也清爽，入口鮮甜。跟餐有個酸汁，加點芥末一起點三，好開胃；餐飲可跟熱柑桔蜜，無加一，下午茶真係抵👍🏻

今日自己一個吃晚飯, 之後又有事做, 所以唔可以食一D太長時間嘅嘢, 但又想要有D質素行下行下就搵到呢間餐廳, 原本以為佢地只得烏冬, 但原來都有好多烏冬以外嘅選擇我揀咗蟹耔沙律, 雞軟骨同三款刺身我覺得餐廳食物價錢都算幾抵蟹耔沙律頗大兜, 重沙律醬同多蟹耔, 唔同出面得少少蟹耔, 價錢只係$40雞軟骨唔會太厚粉, 脆口好味, 份量同樣多刺身亦切得厚, 亦只係$88, 大塊過元氣果D好多, 都算新鮮

前排去咗灣仔電腦城買咗部新手提電腦，商場送咗張甘味讚岐烏冬既100元coupon, 今日就攞住佢去銅鑼灣皇室堡個間用咗佢。去到門囗唔駛排隊就入得，同樓下牛角排哂隊既情況差好遠。D午市定食定價相宜，大約都係六七十元左右，叫咗個什錦猪骨湯底烏冬因為睇相唔錯，結果是相當失望。料份量就好足啦但係除左個烏冬麵比較正常外其他都低於正常水平。湯底淡而無味，個流心蛋比較散，炸蝦完全無蝦味，炸猪扒太乾太柴，片腩肉一樣又老又乾，好彩係用咗 coupon, 俾正價我實喊出黎

夜麻麻係銅鑼灣未諗到食咩，就揀左甘味烏冬，就係皇室堡好就腳，門面都幾靚好日式咁入到去坐卡位真係幾舒服同精緻，餐廳主打讚歧手打烏冬，同時有飯同便當，都有常見既日本小食好似雞軟骨、日本年糕、餃子咁黑蒜油豬手鍋燒讚歧手打烏冬，上枱賣相幾正下成個鍋咁，又香，黑蒜油味未入口先入鼻，湯底奶白色不錯，先試個湯，好淡以為好濃豬骨湯，點知都幾淡，撈開晒啲黑蒜油加埋啲七味粉後都算ok讚岐烏冬係烏冬入面算係粗身，以彈牙口感為名，入口試試，一咬就化，完全唔似讚歧烏冬，味道黎講又唔係難食既，都掛到湯豬手雖然好港式但味道都唔錯，另一個叫左個天婦羅蝦拼蟹柳讚歧手打烏冬，天婦羅蝦望落去好吸引，但食落無咩蝦味，不過味道唔差既，同埋食湯烏冬夾天婦羅真係好夾烏冬既意見就唔再講，配依個湯底會好食少少🤏🏼雞軟骨餃子，外皮真係煎得唔夠脆，可能太忙只係用低溫煎唔使望住佢，入面都仲係個句，唔太特別但味道又唔錯中規中矩成餐黎講其實係讚歧烏冬唔夠讚歧，特式差啲，但整體成餐都算唔差，銅鑼灣食日式烏冬仲要依個價錢，性價比都真係ok諗唔到食咩都算可以接受既選擇#食完可以出門口食yo mama#可能飯先係王道但我無見到鋪入面有任何一個人食飯