甘永泰魚蛋 (已結業)

以前每次入黎長洲都會食串豆卜魚肉 一直都覺得必食但今次再食完全唔熱唔脆 差左好多 相都懶得影我買個時都覺得佢黑口黑面 再加上親眼目睹有個女仔係我前面比錢買完魚蛋 個呀姐將佢魚蛋放左落個盤到 個女仔未攞到屬於佢既魚蛋之後望左2望 呀姐就好大聲個樣好惡咁講: 係呢到呀！雖然唔係同緊我講但我個時對正個呀姐 我都嚇親！心諗咩事，使唔使咁火滾？佢真係完全搵交嗌既款 明明個女仔乜都無講只係搵下佢串魚蛋姐 唔知仲以為係爭佢錢 定佢到底發生左咩事？以前買都唔覺原來咁惡。味道大不如前仲惡到咁，無心做不如執左佢，唔好當d客係你發洩工具，簡直係垃圾人定律，將自己情緒倒去比其他人。

大魚蛋細粒了，之前買會提供廚房紙，禮貌地問她攞，很沒禮貌說不提供😡周圍有很多賣大魚蛋的店舖，很多還有不同口味，下次一定不會在這兩裏買，老字號的通病，就係唔休賣，態度好差

🍽️甘永泰魚蛋 📍長洲新興街106號地下-💫細魚蛋（ $20/5粒 ）嚟到長洲，識食一定係食細魚蛋！細魚蛋有濃郁魚味，加埋胡椒，令到魚蛋彈牙得來完全唔腥！係食過最好食嘅魚蛋！💫三文魚丸配芝士丸（ $20/五粒）三文魚丸有獨特香味，好吸引🤤🤤芝士丸相對冇咁特別，但係有拉絲效果-🌟以前甘永泰冇咁多人認識，唔需要排咁長龍，但而家5:00啲丸就幾乎賣晒😅😅😅🌟個人心聲：黎長洲一定要食細魚蛋！細魚蛋世一！🤌🏻🤌🏻🤌🏻推薦指數：5/5抵食指數：4/5#foodloverin852 #852 #foodie #hongkong #長洲 #cheungchau #甘永泰魚蛋

老字號魚蛋店，但完全好失望。排長龍以為味道很好，但食完覺得不值得排隊，先不論價錢，魚蛋味道普通，是凍的。排到買左串小魚蛋，臨離開前突然想要多串大魚蛋，呀姐態度串串要人重新排過。沒有下次

Having waited in the queue for 10 minutes, I finally got the fish balls (not the big ones, the smaller ones) and the cuttlefish balls.The balls should have been broiled in a soupy broth, and slightly deep-fried. The texture is fine, although it's preferred that the balls could be more crispy. The seasoning is light and it is believed to let the customers have the chance to enjoy the original "fish" or "umami" flavours. Nevertheless, a bit of salt powders may elevate the joy of eating fish bal

平日入長洲 諗住食大魚蛋 街口個間無開 錦就食間老字號 以前入來都會食 今次好失望 可能係平日 唔洗排隊 買左大魚蛋食 魚蛋係熱ge 都算彈牙 $20 兩粒 性價比低d 長洲有其他更好選擇 加上ar姐d態度真係世一錦差 下次入來唔會再食

去長洲點可以唔食魚蛋！經朋友介紹得知哩間魚蛋好食值得一試嘅係「細魚蛋」＆「魚肉豆卜」好重魚味亦彈牙另外三文魚魚蛋都幾新穎，亦可以試吓～反而大魚蛋就普普通通，間間舖都一樣😂

新年入長洲，諗住呢間係最老字號就試吓啦，去到冇人排隊都諗住試一試，因為見唔到嗰啲魚蛋放喺邊，我就問阿姐啲魚蛋係咪熱架，個阿姐好晦氣咁答，俾佢鬧話唔熱點食，如果我見到嘅話就唔會問啦新年流流無啦啦俾人鬧，你魚蛋好一般，唔使錢，下次我都唔會食貼錢買難受！攪到成家人都唔開心，咁多間魚蛋好後悔揀咗呢間

Hello 大家好👋🏻！今日我嚟到位於長洲嘅大粒魚蛋「甘永泰魚蛋」。嚟到長洲唔食過大粒魚蛋等於無入過長洲。就算食到嘅飽都要隊兩粒呀！今次同大家分享一下佢哋嘅首本名作「大魚蛋」😆。知啦！知啦！已經好多人分享過呀嘛，都係果句啦！好嘢怕咩成日提成日講！美食攻略：大魚蛋即叫即再炸….番熱😅，雖然係番炸但係唔會過火， 火喉剛剛好。 魚蛋彈牙有魚味，唔係好厚粉果種。 特色在佢無任何咖哩汁呀、辣油、豉油調味都好好食。 另外，佢仲有四寶丸、鯪魚球、豬肉丸、蝦丸…. 因為小弟當時太飽，不能盡試，下次再去長洲會第一站先試晒甘永泰啲丸💪🏻。 順帶一提，甘永泰有賣急凍丸，包括大魚蛋，想返屋企都食到大粒魚蛋，可以考慮下😋。美食指數：5🌝最高味道：🌝🌝🌝🌚🌚環境：🌝🌝🌚🌚🌚服務：🌝🌝🌚🌚🌚賣相：🌝🌝🌚🌚🌚

尋日幫襯完，首先叫左墨丸同豆卜；墨魚丸淨係食粉，講開墨魚丸都係「德昌」好食啲；豆卜魚肉好食好多，豆付炸得吾太乾，魚肉煙韌有魚，一啖咬落去，好食！最後食多左2串😋😋

假期長洲一直都多人 排隊好正常 由於好耐無食甘永泰 就排隊試一試 點知一路排就聽到兩個阿姐係甘鬧人 係唔係都鬧 阿姐問:呢兩串邊度既 有個小姐舉手認領 阿姐就鬧:你唔好同我舉手 我唔係你老師(超惡) 輪到比完錢 比人逼佐行前兩步 阿姐超惡甘鬧:我好心你攞反d野走 問佢攞個膠袋又好惡甘鬧我 我個下嚇親好想喊 佢真係好多人個都甘鬧 好多人其實好唔開心 平時行過唔見好好生意 點解一忙就甘傷害d客呢 永遠唔會有第二次 真心驚佐 比錢買難受

據說呢間係好多foodie、blog都有推介過既魚蛋店，所以都買左一串試下。基本上都係肉質實正既，然後食到魚味，但都唔會係好鮮個種。下一次會留意有冇d隱世魚蛋店。

難得因工作關係要入黎長洲一定就 寓工作於娛樂完成工作就周圍食下好西JapJapJap ! 完成左第一站午餐 《火車頭米線》馬不停蹄 即係稍移玉步去拮一拮 長洲大魚蛋雖然之前都有食過既但去到長洲唔拮一串又好似爭咁D野咁！雖然長洲有好多間都有賣大魚蛋但我覺得《甘永泰》係比較好食的長洲大魚蛋 已經演變到有好多唔同味道有咖喱呀 辣味呀但我始終最鍾意食 原味！原味 最能食到食材本物身味道！原味 大魚蛋魚蛋爽口彈牙都有魚味既 食完口腔都有魚蛋餘香魚蛋外表比較多油兩粒最盡 食得仲多會感油膩

平時唔係食開呢間嘅大魚蛋，但見到網上有咁多好評，就一於試吓，叫咗大魚蛋同蝦丸，但食完真係有啲失望，個魚蛋都OK嘅，但係差咁啲汁，而個蝦丸完全係唔好食😂仲要勁貴，冇咩事我都係食返平時食開嗰間算。

對上一次去長洲是五年前，記得當時到時周圍掃街食嘢，見到哩間舖大排長龍一定好好食，個個都攞住一串豆卜，當時覺得真心好食，炸得好脆，不油膩。今次是隔5年，舖頭依然健在，想再回味當年的美食，可惜只換來一串很油膩又攞凍左的魚肉釀豆卜，食左都唔知有食到魚肉，其實諗返轉頭，佢而家冇人排隊買都伏伏哋😅😅咁樣一串就承惠$20，我諗下一次都唔會再食了，因為而家長洲開咗好多好靚好chill嘅新Cafe，又多咗好多唔同嘅小食。