甜之迷 (已結業)

見有新糖水鋪又要試下先~杏仁茶 no good,朋友話係用杏霜溝出黎既,仲要超甜芒果撈河 ok,蒟蒻河粉雖然冇咩味,但個質地幾好,芒果都幾大舊心太軟 只能夠話ok,個蛋糕唔夠香至於伴碟o舊雪糕,咪牛奶公司囉我個fd又係搞笑,食左一啖話個心唔夠熱,個店員立即好緊張話要換過個俾我地我心諗,個心梗係唔熱啦,熱就熟晒啦,仲邊鬼度有野流出黎呀?我咪話唔駛囉,其實係冇問題既....個店員仲係好緊張,猛話唔緊要喎,換俾你地啦....搞到我都有d唔好意思其實個環境就好舒服既,d櫈幾好坐,又闊落d員工都好有禮貌好細心,我地食完仲俾左杯暖水我地同埋d碗都洗得好乾淨, 抵讚不過d野食就...麻麻地啦,可以好d同埋份量又真係少左d,適合d食完飯仲好飽但又想食甜品果d人囉

首先要講就係眾所周知我係唔好甜品的, 居然會推介一間甜品屋, 可想而知有幾好了...ccccc食完燒肉, 大家既胃部雖然都已經好滿足, 但口部卻未滿足吹水意慾仍然甚高不過燒肉店一陣味, 坐得太耐恐怕自身難保, 再加有個朱古力fans猛話要食甜品, 於是想起剛才見樓上既甜品店睇落好像唔錯, 於是一行六人立即動身當時時間都唔早, 好在營業時間到12點, 於是二話不說就坐低了又由於放左, 成店得兩台好似包場咁就非常舒適間店既裝修真係唔錯, 吧位仲有獨立電視, 望入去vip房都好靚本人唔好甜再加個肚一早已有價錢, 所以二人share一份就已經好夠, 兼要揀一款清淡d的餐牌上既木糠豆腐布甸就岩晒要求另外四人則不約而同地睇中左朱古力流心湯丸+玫瑰湯, 朱古力fans再外加一件朱古力雪糕批, 豆腐fans就再加一個豆腐布甸, 以上就係order了先來既係朱古力雪糕批, 真係成件雪糕, 朱古力味濃, 唔錯唔錯再來係我同人share既豆腐布甸, 入口就充滿左豆香了, 布甸又軟又滑, 味道清新唔會太甜呢個甜品真係非常令人感動!! (?)不過呢, 如果可以再多d木糠就好了...cccccccc最後係四份上既

去完樓上的佳寧娜開餐，有朋友話樓下有間新開的甜品店，不如落去試下。個場裝修得好靚，好少有甜品店有咁大間，最緊要唔使背貼背，坐得舒服。女仔都是貪心，想試多d款又怕肥，叫咗幾個一齊食，女侍應無嫌我哋吱吱喳喳，主動介紹，又拿碗和餐具俾我們自己分，抵讚！先來木糠豆腐布甸$19，上枱時個豆腐震震吓，好得意，食落好香豆腐味又夠滑，幾個女仔搶住食。男仔朋友叫了榴槤腸粉$33，食完一件又一件，勁話好食！連食四件，好誇張，我唔食榴槤，唔知有幾好味。另外又叫了cake，Tirumisu cup $21，上枱大大杯都幾抵食，偏好Tirumisu的我，真是食到有香濃有意大利芝士味又有酒香，唔係偷工減料混入好多cream個種貨色。朋友叫了至愛的甘筍合桃蛋糕$35，講真我咁大個人第一次食，食落口感好得意，甘筍和合桃，原來都幾夾，合桃有少少咬口，如果多d合桃粒會更加好。仲有流心朱古力湯圓$20，朱古力味都幾濃，又唔太甜，忍唔住食多兩粒，今餐真是飽飽飽。

Just bumped into this brand new dessert place - simply a nice surprise - delicious desserts, nice decor at a reasonable price!We ordered 4 desserts, listed in the order of my preference:1 - 芒果腸粉 - the wrap is delicious and chewy, like jelly. combined with mango and cream is pretty good match! 2 - 木糠豆腐布甸 - texture is very smooth and softness is just right with rich tofu taste, a decent surprise! 3 - 朱古力流心湯丸配玫瑰甘露 - the rose tea is pretty refreshing when it was brought to the table ... chocolate d

【2009-10-7 晚】我同朋友們在九龍城廣場裡面食過晚飯之後，其中一名友人見上層有間甜品店，就上去了看看，看過MEAU，看似幾吸引，一行人就去食甜品啦~~~環境都算不錯，可能因為人少的關係 (差不多成10:30pm有多~~)，坐得都幾舒服~~~XDDD坦白說~我還是第一次見到有甜品套餐，個人覺得這個很好呀~~喜歡甜品的可以試多款~我們叫了2個2人套餐，雖然都是叫了同一樣的東西~~~XDDDD(木糠豆腐布甸 & 朱古力流心湯丸配玫瑰甘露)另外一個朋友再點了朱古力雪糕批。先來了個朋友點的朱古力雪糕批~根據朋友說碟子是預先雪凍來盛甜品的~~~雪糕批朱古力味都幾濃~又夠凍~之後來了木糠豆腐布甸，我吃了一口，豆腐味好濃，但不太過甜，對我來說剛好~~~(我想家中不吃甜的家人也可以吃到吧~)之後來了我想要的朱古力流心湯丸配玫瑰甘露啦~~~一上枱就聞到一點香氣~(好似人地沖玫瑰花茶一樣的香氣)朱古力流心湯丸咬下去都很有嚼勁~~內裡真的有流心~~~~食了完全覺得好幸福~~~~(但對於一些湯丸要好熱的人士來說……這個可能會令他們失望~因為這個甜品是不太熱、偏溫的~結帳時也覺得不是太過昂貴~有機會想再