甜入心 (已結業)

同朋友係淘大商場影藝戲院睇完戲後，就到附近的「甜入心」食糖水。我點了Top 1的焦糖布甸椰皇子 （可選凍食 / 暖食）我選了暖的，原個椰王送來 内裏有個焦糖布丁係面，賣相可愛而椰奶下層的是凝固了的椰子水，吃落似大菜糕感覺，甜度適中朋友選了榴槤飄香椰皇子，都是原個椰子上枱，榴槤肉很多，飄來陣陣榴槤香氣，配上水晶粒粒 ，凝固的椰青水及椰奶，口感相當豐富

話說食完飯經過淘大 想去食甜品，平時見呢間野都好似好多人排隊 心諗應該唔會差得去邊，於是入去一試。入到去門面裝修好似唔錯 不過d位有d迫，不過都算，最緊要好食。叫店員落order，態度已經衰好似好唔願落單咁，最衰既係我同女朋友一人叫左一樣甜品，女朋友好似叫左白果腐竹，佢一食就嘩左一聲，我仲以佢會話好好食，點點佢話陣味咁怪既，我又走去食左一啖，的確好難食。心諗咁基本既野都可做到咁難食，有無搞錯。之後到我果份甜品到左，叫左一杯抹茶雪糕既物體，呢杯野個樣係幾靚，一食落去簡直連垃圾都不如，完全唔知咩味，飲左唔夠四分一杯已經頂唔順。講真，呢間野憑乜可以賣到咁貴既價錢？味道，服務完全唔得，附近咁多選擇我諗唔到要食呢間既理由，今次係我第一次打食評，因為真係唔想其他人受害，真係信不信由你。

食完飯想食甜品，之前食過甜入心幾正，今次又再返兜啦晏就遠遠係門口望，見到已經有唔少客人都食緊野店內環境感覺溫馨最中意既位就係有自助朱古力噴泉同花茶，可以免費任添 仲有禮券買，甜入心既長期顧客可以考慮下~倒左杯花茶黎飲下，的確幾好飲，好清香，可以消除甜品既膩感先食咸點，黑松露撻，剛上枱已經聞到好大陣黑松露味，撻皮好脆，都幾鬆化，包住左好多蘑菇粒，蘑菇粒幾爽口，而且好重黑松露味，正!桃寶燕窩椰皇燉奶，感覺好滋潤養顏，桃寶同燕窩都幾爽口，而燉奶就好滑，好濃郁既椰汁味，熱食都幾潤喉芝士窩夫，咸食既窩夫都係第一次見，味道亦好特別，窩外脆內軟，而芝士醬好濃郁，呢個配搭好正，我另外仲加左$15要一球黑松露雪糕，真係好黑松露，同個窩夫出奇地夾，唔錯唔錯~雞蛋布丁，賣相好可愛，布丁質感幾滑，好重雞蛋味，上面有少少焦糖作點綴，正~燕窩蛋白燉木瓜真係好中意食燕窩，同蛋白真係好夾，木瓜好甜，而且燉得好腍，好食整體黎講，食物質素唔錯，而且價錢十分合理 ，一定會再encore!

同中同係淘大睇完戲之後，唔想食咁飽，我就提議下食番我既最愛甜入心啦😆😆咸食甜食都有，岩哂我地啲甜品當正餐既人啦💁🏻中同中意食榴槤😋我即刻介紹佢食呢個榴槤椰皇子☺️依然係有成大pat勁甜勁香既榴槤蓉係到😍😍😍中間有椰奶冰，最底有清甜既椰子水做成既啫喱😝😝我次次都食焦糖布甸個個，今次就試呢個有燕窩既😎😎潤下又養下顏嘛🙈🙈朋友仔口喝都叫左杯益力多沙冰飲😘簡直透心涼🙂🙂呢個係伯爵茶冰，之前好幾次想食都無，今次終於食到超興奮😆😆😆一上台係勁霸氣個壺噴哂煙咁😍😍啲冰幾綿密幼細，有粒粒咖啡啫喱，有微微茶香，但厭伯爵茶味唔夠出🤔呢到既黑松露tart係必食嫁！！好多爽口既菇好香呀😝加埋個薄脆既tart,都唔錯👍🏻👍🏻呢個牛肉toast即叫即烘，好香口，有啲似食緊pizza咁😋😋呢間甜品店平靚正，又多款，見我食咁多次都唔厭就知有幾得我歡心啦😘

食甜品通常都係會選擇係宵夜嘅時間, 但係晏晝食就別有一番風味, 今次係我嘅第一次, 今日經過淘大, 見到甜入心嘅甜品舖, 突然間令到我好想入去食嘅衝動, 入內環境非常優美, 好乾淨, 空間感強, 仲有個鐵嘅 千秋梳化, 都幾特別, 我嗌咗個焦糖布丁椰子皇, 有凍又有暖暖地, 我揀左個凍既, 用椰子殼做包裝, 裏面椰子汁做既啫喱, 仲有椰肉添, 上面有一個焦糖布丁, 焦糖布丁又香又滑, 椰子啫喱滑溜溜, 椰香飄飄, 仲有椰肉喺裏面, 真係唔講得笑!除此之外, 都吾夠飽, 就選擇一個牛肉吐司, 牛肉吐司既麵包皮脆夠, 牛肉再加埋脆脆嘅多士, 配搭得宜, 不錯不錯!

🤣今晚老公肯陪我顛，甜品當晚餐😆一於食盡佢☺️甜入心 呢間甜品店，曾經行經深水步分店，已經覺得裝修好靚，好想試！今晚7點幾咁岩行過牛頭角商場，見到有佢既分店，試下先！💋黑松露吐司粒粒山。$52呢個全晚最好食，首先我地第一次食松露雪糕，好特別啊😋另外吐司焗到勁香脆，沾上碟上的焦糖醬食，超搭啊～～夠飽肚，食完超滿足！必試‼️💋芒果心連心窩夫。$43窩夫烘得岩岩好，脆脆地唔會淋，新鮮即嗌即烘果然唔同d！每啖暖暖既窩夫加上粒粒芒果果肉同芒果醬，再撈埋芒雪糕一齊食，真係超級開心，食甜野就係要咁！💋OREO薄荷奶昔。$28輕輕薄荷味配上oreo餅碎，perfect Match!!💋燕窩蛋白燉木瓜。$50超夠熱！新鮮木瓜配上幼滑蛋白及滋補燕窩，美味非常！另有多一小碗蛋白燕窩，食完再倒落木瓜度連瓜肉食，正！💋海底椰燉鮮奶。$29鮮奶嫩滑，唔會過甜，多塊薄片海底椰容易入口，配上香滑燉奶，滋潤無窮😆✔️仲有免費味果茶自由添飲

星期日，行到累，又未到晚飯時候，就找間甜品店休息一下，順便食甜品補充體力！咖啡布甸椰皇子 39這款可選擇暖或凍，我選了暖的。這個椰皇子的賣相很可愛，原個椰青上枱，底層有凝結的椰青水、焦糖布甸、咖啡啫喱等，看簡簡單單，但味道就不簡單！焦糖布甸口感很滑溜溜，特別要提的是咖啡啫喱，小小的方粒，口感很Ｑ，很特別，我鐘意！朱古力心連心窩夫 43賣相很不錯的窩夫，頗精美，一層層疊住，朱古力醬滿舖，朱古力雪糕就在最頂層。留心一下，原來未切開哂的窩夫是心形架！窩夫外部香脆度不錯，內部也鬆軟，配上朱古力醬還是朱古力雪糕都是極唷！

一對情侶除左燭光晚餐可以提升甜蜜度之外，去甜品舖嚐甜都可以甜蜜一番，一入到去裝修已經令我好想不停影相，如果唔係男朋友怕羞，我諗我會影合照，平日既下午唔係好多人，但有d學生。唔洗等位就有位啦！一睇餐牌，見到我喜歡既椰皇，又有燕窩桃膠，男朋友諗都唔洗諗就order俾我，每次佢都會揀最滋養既俾我食桃寶燕窩椰皇子一上枱就已經見到好足料既燕窩同桃膠，貪靚既一定要order呢一個😂下邊用上整個椰皇水黎做既(啫喱？），配上清甜燕窩同有少少彈牙口感桃膠，整個雖然感覺清清地，但食落有多重滋味食到尾仲可以挖埋啲椰肉出黎食，爽脆清甜又消暑，而個椰皇好嫩，啲椰肉好容易挖到，師傅應該有用心挑選過黑松露吐司什菇用牛油同黑松露炒香，舖上一塊烘到鬆脆既吐司上面，中間搽上茄汁，面頭灑上芝士再焗到香口，加上木魚花，鬆鬆脆脆既吐司，吸收左黑松露同什菇滲出黎既汁，食落變得多種味道混和，芝士同木魚花既咸香，令人密密食仲跟餐送杯飲品，大大杯，真係幾抵店內更有免費麥茶同朱古力噴泉配棉花糖雖然係自助形式，但免費，真係幾吸引，我都食左粒朱古力棉花糖，亦飲左杯麥茶

同朋友係淘大食完晚飯仲未想走，咁就梗係食下甜品啦😋依家淘大唔覺唔覺開左好多甜品舖滿記、松記、金滿堂，呢間甜入心其實好似都開咗一陣子，之前見到門口有個大心心已經好想試下，今日終於有機會！舖頭裝修都好新淨，細細間都幾多位，但又唔係話好逼。仲好好彩坐到近門口嘅搖搖櫈☺個menu都好得意，有啲冇賣嘅甜品佢會痴住話"外遊中"同"種植中"😆嗌咗個雪糕椰王子，入面嘅雪糕係自家製嘅，味道揀咗個好似特別啲嘅焦糖布甸味。真係好好味好特別！而且隻味係喺外面冇食過嘅味，然後喺雪糕下面係有椰汁，同埋另外最好味嘅係有個椰子水啫喱😍本身個人並唔係話特別喜愛椰子椰汁椰子水等等製品，不過呢個啫喱真係好清甜！全個甜品都好好味值得一讚！而且佢係原個小椰子上影相一流😳見到menu入面其他甜品都幾特別咁，下次一次會再嚟試其他！

芒果出浴椰皇子第一次食甜入心，見到裝修唔錯，坐得都幾舒服，椰皇味濃，芒果唔酸都幾好食。咖啡出浴椰皇子咖啡凍甜左啲，布甸幾好食，下面透明好香椰味牛肉吐司下午茶想食下小食，所以叫咗個吐司，雖然甜品唔錯，但咸食真係一個伏黎，唔記得影相，佢焗得好窿又硬，而且有點油，唔建議食。

一直都未有機會食呢間今次終於試呢個朱古力窩夫賣相不錯 份量都幾多雪糕球好大 窩夫都好香脆 仲熱熱地而朱古力醬好多 每舊都可以食到 真係比想像中足料 下次會再試下其他甜品十分滿意呀

夜晚同朋友係九龍灣食完飯，行完街，當然唔少得甜品環節啦朋友係住附近，佢向我推介呢間甜入心，當然要去試一試。一去到，門口超級多人排隊，排左30 分鐘左右，終於到我地啦 甜品款式又多又特別，最後我地order左公主出巡同咖啡椰王子公主出巡有好多配料，無樣樣數，但至少有5 樣，芒果超甜，配埋芒果雪糕簡直岩哂我呢個芒果控。最驚喜既係，食到底仲有d奶凍，真係畫龍點精呢！呢個椰王子突破我既味蕾，10 分入面佢有8.5 分！個布丁好食不再話下，重點係收埋係底部既椰王子！佢係好似啫喱咁，簡直係好似飲緊椰青咁，非常之清甜 甜品鋪黎講，我講得呢間鋪好有心思，店員有禮，唔會hea住做咁，食品款式特別，下次會黎試下心太軟

每次去九龍灣探親戚都會經過，甜入心個門口裝潢都幾靚，我平時少食甜品，不過今次同老公行過，佢又好喜歡食甜，所以入了這間試試，意想不到的是!!!這間的甜品不是那種死甜的味道!!吃著的感覺很順口~先說說店內環境，不算大，但座位都舒適。有免費果茶和朱古力噴水池+棉花糖供應~店員推薦了一杯叫做"暴風雪臨伯爵城"的甜品，好似是這間餐廳搞的甜品設計比賽得獎作品，我自己就喜歡這杯底的甜酒奶凍~好好味~再來一個朱古力窩夫~~這個真心爆好味!!!個朱古力味好濃~個窩夫好脆~正~!!見到餐牌有桃寶燕窩椰皇子，立即點一個，養顏好重要XD食完甜品通常都會想食咸食，甜入心有吐司，哩點非常好!!!要一個煙肉、一個牛肉吐司，我個人就喜歡牛肉多一點~~~再喝杯芒果冰和益力多冰，爽哂~~~!!咦!!?明明入來之前是想食個飯前小甜品就算.....不知不覺變成了晚餐XD

同女友好耐無睇過戲，咁岩有套戲又想睇就買左飛，不過夠鐘入場前仲有啲時間，就周圍行下搵啲輕食就係戲院隔離已經有間甜品，就二話不說入左去囉桃寶即係桃膠，係桃樹既樹脂，對腸臟有好處，而燕窩可以令皮膚美白亮麗，而呢個桃寶燕窩椰皇子就有齊哂兩款，當然第一時間點左比我女友先啦原個椰皇上枱，淡淡椰香令桃膠同燕窩增添一份香味，更唔會太過甜，剛剛好而我點左份黑松露吐司，吐司上鋪滿用黑松露炒過既什菇，灑上芝士再焗吐司食夠鬆脆，黑松露既味道完全滲入菇中因為之前份量都唔算多，我地兩個唔多夠喉再加單點左個朱古力心連心窩夫朱古力醬配上榛子雪糕，夠哂香濃，窩夫外脆內軟，放上雪糕同食，冰火二重奏

回家常經過甜入心，為食的我常常不敵誘發入左去。今次試下之前睇電視肥媽介紹的桃膠，是我第一次食。 呢個叫做桃寶燕窩椰皇子，是有鮮椰青水做的啫喱在底，燕窩同桃膠在面的凍甜品。一定夠哂滋補。 食落又唔係好甜，清清的椰青味，啫喱的硬度剛剛好，好似食大菜糕咁。 我好鐘意，特此撰文推介另外，呢個榴槤班戟是我想試好耐，但次次去到都飽得濟冇叫，今次有朋友阿食，就有等share. 佢個皮好特別，同出面唔同，睇相都見列是好濕的，然後用匙羹一篤就會破，食落好似冇食到皮咁，同榴槤質感融合左，但是㗳多幾啖又會食得出面頭係d粉團。呢個成個餡都係榴槤肉，都是值得一試的。朋友就揀左呢個芒果金色西米露，面層有芒果沙冰同咖啡啫喱，多重口感，幾得意。