甜入心 (淘大商場) (已結業)

因為疫情食過好多唔同餐廳嘅外賣,機緣巧合下喺糖水舖買過一次lunch就返唔到轉頭, 連自己都估唔到🤣根據幾次外賣經驗,佢地都係會準時喺pickup time整好。我拎到返屋企仲熱辣辣, 良心外賣🥰我嗌嘅係佢四十幾蚊果個 意粉／飯+甜品。意粉除左熱之餘, 仲夠汁夠餸👍

今日同同事一心係諗住收早去食我最愛嘅甜品店金滿堂,but原來年29收爐冇計啦再諗住轉場去小方糖,都係年29收爐,深深不忿之下係都要搵間甜品店食下咁就突然醒起有間叫甜入心都係係淘大咁就一枝箭咁沖過去,見到有開門就2話不說咁沖入去入到去就睇嚟睇去都冇嗰邊兩間店咁吸引,咁就叫咗戀上椰皇子有比較之下就係叫普普通通無特別,佢入面有芋圓,小丸子,2粒湯圓同埋燉奶底加椰汁,份量都正常,但係全部都好一般,我埋一路食一路催眠自己話ok啦,ok啦,因為實在係金滿堂粉絲冇辦法

戀上椰皇子 (芋圓/小丸子/芝麻湯圓/椰汁/燉奶）（$69)賣相：🐧味道：🐧🐧賣相方面，餐廳只用錫紙輕輕覆蓋椰皇便安排外送，導致外賣到達時，椰汁已翻倒漏瀉。椰皇內的燉奶亦因運送原因，全然碎成一小舊一小舊的奶塊，令人失望。味道方面，椰皇香味普通，燉奶中浸透椰皇椰汁味，口感一般，不算特別嫩滑可口。芝麻湯圓有2粒，湯圓皮煙韌不算太淋，芝麻餡芝麻味濃，甜度適中。芋圓、小丸子口感偏淋身，本身淡而無味，粉味濃，要靠椰汁搭救。外送等候時間：🐧在公眾假期晚上8點幾下單，本身預計外送時間為30分鐘，但最後需要1個小時才能送到，延遲了30分鐘。🐧❤️結語：不推薦外賣。

食完夜晚飯心思思想食下甜品 淘大附近有兩間比較出名嘅連鎖甜品店諗咗一陣再睇埋Menu決定試吓呢間甜入心原因就係因為佢哋嘅王牌係呢個榴槤飄香 入邊有榴槤肉椰奶水晶同埋椰子水啫喱 朋友係榴槤甜品嘅忠實fans 諗都唔使諗就決定食呢個 榴槤肉好香 成個椰皇上 有feel 加埋啲水晶粒粒 口感豐富而我就叫咗個比較正路嘅芝麻糊加湯圓 夥計話佢哋嘅芝麻糊係即磨 食落去唔太甜 加$5送兩粒湯圓算合理總括來講兩個甜品得幾好食 得閒可以再encore

見網上好多人推介呢個焦糖布甸出浴椰子王所以親身嚟試吓呢款甜品呢個配搭係幾新鮮 有諗頭但店員都好忙 同行朋友其實仲嗌左個主餐 不過冇乜特別 不過不失😮但係服務上就普通啦因為都追咗兩次單🤔環境上就麻麻咁啱佢嗰日啲燈壞壞哋 不停閃下閃下我坐喺佢嗰邊眼都花要求掉位背住盞燈 咁先至可以稍為舒服咁食一餐好啦講返呢款甜品椰子味幾重佢啲啫喱其實冇乜特別嘅味道 不過增加左成款甜品嘅口感椰汁對我來講就偏甜咗少少但大致上都OK嘅椰殼入面有好多椰子肉布甸不過不失 只係浸左落椰汁嘅普通布甸不過呢一個新奇嘅配搭會令到成款甜品加分我全部都食晒成款食完其實都好飽變咗一個好飽嘅下午茶

喺九龍灣睇完戲又未想返屋企住就喺淘大都搵甜品食🥳雖然淘大都有幾間甜品舖但見到呢間嘅椰皇好似好出名咁就揀咗呢間試下.雖然枱同枱之間嘅距離比較近🥶但啲食物係好食嘅🤣.戀上椰皇子$50入面有兩粒芝麻湯圓好多芋圓、番薯丸同埋椰皇成個甜品都好好食湯圓同芋圓煙煙韌韌個椰皇味道就好香濃係初冬嘅時候食好係暖粒粒😆.因為都幾大份嘅關係🤣食完已經好飽可以心滿意足返屋企🥳

甜品時間❤️同大佬嚟食大佬（甜品個名）🤣慢煮焦糖布甸🍮·椰皇凍布甸軟綿綿好有口感🥰網紋瓜芭妃子🍈其實係蜜瓜軟雪糕同埋輕乳酪芝士蛋糕🍰成個甜品好似貴妃出巡咁

平時去淘大都係食開金滿堂同小方糖一直都有心思思想試甜入心趁住夜晚又口癢就叫外賣試試佢.榴槤仙草丸Description寫係2021年夏天新品一於試試佢 有乜咁新～榴槤沙冰看不見的榴槤 但係個味幾好食嘅 但榴槤沙冰反而唔冰 仙草就變咗冰？仙草有幾舊變異咗 應該又係雪得太凍變咗仙草沙冰 同豆腐花一樣 「究竟係咪一早整好咗 放落雪櫃雪到咁？」小丸子幾好啦 淋淋的珍珠唔硬 都有咬口芋圓本身應該係煙靭嘅，但食到幾粒似係雪得唔凍得滯，所以變咗好硬 sosad西米正常 無乜特別 .風花雪芒果勁酸，好酸啊！依家諗起都酸到出口水雪米糍入口似cream 但應該係雲呢拿味雪糕冇乜特別驚喜不過不失啦 同平時七仔買到嗰啲差唔多椰汁沙冰椰汁🥥同豆腐花陣味又幾夾喎！豆腐花應該改名叫豆腐花沙冰 如上 你明啦.總括而言不過不失啦 無乜特別驚喜

話說夜晚唔想食飯，又好耐無食甜品，打算買個甜入心個椰皇嘆下，openrice落單有優惠，於是外賣自取個（戀上椰皇子），翻到屋企見到包裝得唔錯，食欲大開跟住打開咗即刻拿起餐具動餐結果大為失望，個燉奶無乜椰子味，仲要好似糊咁，好難食，丸子同湯圓正常味道！唯一值得欣賞係都幾香下，但食落去係兩回事！我睇下次都唔會再買呢種雖然佢相比其他同地方甜品店平，但味道真係有待改善～未試過其他野，可能其他野會好食～～～～

下午茶時段去開淘大，入左黎love dessert tea 下，天氣太熱想食凍冰冰甜品，所以試左冰系列風花雪& 丸丸不忙，椰汁冰好香好香椰汁味，仲有2粒雪米糍！另外仲叫左個丸丸不忙, 芒果就生左少少，芋圓口感不錯下午時段，好在唔太多人座得幾舒服，店員有推介椰皇類既甜品，因為太飽食唔到，留番下次再黎encore 先甜品店都有意粉set (意粉、燴飯）仲伯爵檸檬茶，有d surprise 個set最貴都係$48有興趣試下!

2021.07.03 15:15左右，本人一家三口進入九龍灣淘大商場“甜入心”，小朋友想食麥當勞雪糕，就自己去對面麥當勞買咗杯雪糕，我同老婆繼續睇緊“甜入心”餐牌，準備叫兩個甜品，突然有個服務員對小朋友講“你杯雪糕要去門口食完才可入來…”，我問個服務員點解？服務員話不可在店內進食非本店食物。我都明白大部分食店都有此規定，但從未試過會有如此對待，竟然叫個9歲小朋友去店外食杯雪糕，我即時起身，好彩未叫嘢食，我同個服務員講，唔使叫小朋友出去了，我哋都唔食了，我一世都不會幫襯你間舖頭了，太過分了。

同朋友去九龍灣食甜品，走咗入嚟試呢間，本身我係極度鍾意食芝麻糊既人，因為天氣太熱嘅關係，咁叫咗佢嘅凍芝麻糊，雖然知道凍食無熱食咁好食，但係冇諗過難食都食唔落第三淡，我以為係我問題啦，然後我個朋友都試咗一啖，直情話係水溝劣質嘅芝麻味。其實呢碗芝麻糊應該係我人生中最難食嘅一碗，似飲緊水，最後吞個陣先有好淡好淡既芝麻味。之後重點黎啦，我冇話退款，只係同店員反映返碗垃圾芝麻糊同買多另一款芒果椰汁沙冰豆腐花。個店員係有跟進，不過唔知係咪因為我反映個陣有幾枱客。佢竟然係我面前試食仲話有芝麻味，好食，平時唔食凍野，今次專登為咗我食。仲繼續推介呢款咁嘅芝麻糊，話熱食會好食好多。我同我朋友非常尷尬，親愛既店員，我已經解釋左好多次，我平時食既芝麻糊無論凍食定熱食，都無你呢碗咁難食。同埋其實唔洗咁做戲，知道你十分盡責，三十蚊我比得起，我無話要退款，但難食就難食啦，唔難食我一早食曬啦。雖然呢個過程有啲不滿，但係後來個甜品真係好好食，不得不讚。朋友個甜品就不過不失。埋單二個人$97，個店員比左9折。

淘大商場都有多間糖水店， 經過看到招牌椰皇糖水很吸引， 就想嘗試一下😋 不過第一次堂食體驗欠佳，剛好遇到店員是見習生，一開始上錯糖水，之後我一直以為焦糖布甸椰皇要製作很久，因此等了半小時，原來是她一直忘記了拿給我🥴————————————————焦糖布甸椰皇子 $43 就是等了半小時的糖水， 首先焦糖布甸🍮真的有驚喜到我，口感很滑溜溜不會過份甜。但它的椰汁跟椰皇啫喱真的對我來說太太甜。有點雷的皇牌....🤭🤭榴槤飄香椰皇子 $50這個絕對是讚！喜歡吃榴槤的必點！榴槤蓉份量算多，加上表層有爆珠，口感相當豐富，最後亦可以刮椰肉出黎吃！————————————————環境：👅👅👅食物：👅👅👅👅性價：👅👅👅服務：👅👅

嗌左3個甜品，鋪頭出名椰皇甜品，所以諗住嗌一個尼試下，點知一試就中伏！焦糖布丁椰皇子，底下係椰皇果凍，但係食落似大菜糕多啲！仲要好甜。芒果豆腐花啲芒果超酸，豆腐花唔滑。另外果個甜品就平平無奇。員工態度唔好。

🥥出浴椰皇子 $40(折後$37)😋：9/10呢個係我係甜入心最喜愛甜品冇之一！價錢都合理～份量都夠佢另外有款係連埋個椰皇既～不過懶人鐘意呢個 椰肉都幫我起埋🤡布甸嫩滑香濃而又重蛋香味！椰汁好濃～如果再比多啲更滿足🥰而椰青啫喱就好清甜～底下仲有椰肉 不過就比較硬身🤪成個椰皇甜品真係大滿足🤤椰子控真係無法抵抗誘惑💓🍧🍮🍨🍮🍬甜入心📍：九龍灣牛頭角道77號淘大商場三期地下G281號舖🔗其他分店：沙田橫壆街1-15號好運中心地下L8F號舖