甜公館

營業中

休息中

❌❌好差，唔會再幫襯1.圖文不符我地嗌左日式「大盛」抹茶蒙布朗，但實際上成個甜品得半個手掌咁細，仲要係用紙碗（嗰底再窄）裝住成個甜品，再擺係細碗入面，勁細碗，嗰餐牌呃人。2.員工態度差我地坐底無5分鐘個店員已經催我地嗌野食，之後我地嗌左個「大盛」甜品，已經同店員講另外幾個我地想再諗下，佢話佢驚我地4個人淨係食一個甜品，係咁催我地嗌野食，又話我地4個人嗌得一份，叫我地起碼要嗌3個，但佢嗰餐牌無寫有最低消費。

人生第一次食到咁難食嘅甜品，食到懷疑人生，嗌咗個椰皇燉蛋白，甜品完全冇椰皇味以及甜味，個蛋白好似蜂巢咁一啲都唔滑，口感似老豆腐，然後朋友嗌咗個椰奶紫米露，超級無敵甜，完全食唔落，搵錢買難受！真係超級無敵難食！好好好好好好難食

先寫總結：好適合介紹仇家黎食成個環境好窄好嘈，好似工地施工現場咁～店員仲要行來行去唔小心撞左我N 次（唔怪得佢，因為間鋪真心幾逼下🫨🫨🫨），同啲friends逼埋坐，逼到食食下差啲唔記得咗呼吸。甜品賣相唔差，味道如下：1.椰皇燉牛乳：似溶左既蠟燭水2.榴蓮椰皇凍：似三日冇洗嘅抹布鋪左層洗潔精3.焦糖燉奶：最正常，但超細份，唔值呢個價D店員工作壓力應該幾大下，甜品上左一陣，未食完就好急收野，又突然同我地講話限時食30分鐘，話舖租好貴，要10萬蚊個月，食既過程不停用眼神臉色明示暗示你快d走，oh 左嘴🤣

難食到不知所謂，想挑戰人性極限嘅可以試吓🤬碗碗糖水完全唔甜啲人態度又唔好，同佢講個咖啡苦到飛起，想要糖水或者焦糖醬，問我個咖啡係咪好濃郁🙄濃唔濃郁我唔知，我淨係知道苦過廿四味點知糖水上到嚟完全係好似白開水一樣🫠知唔知咩叫糖水？食糖水食到一肚氣都係第一次未試過椰皇入邊嘅燉蛋白（我都唔知到底係咪燉蛋白）係鹹嘅，因為喺個蛋白度可以食到椰水味但係又鹹又甜真係完全唔知自己食緊啲乜最垃圾係個雪花冰，未見過人將啲配料擺喺碗底😤

第一次寫食評，亦都係因為太差而要寫食評 😤有次行過想搵糖水鋪，周圍都要排隊，見哩間唔洗排，就試吓啦，點知勁中伏。。。叫咗個熱既桃膠燉鮮奶，上枱既竟然係，一兜熱既水狀花奶加少量桃膠，我問店員，你地d燉奶係咁架？ 佢O咀望住我，答係呀，我：唔該晒。。。從來未見過燉奶唔係半凝固狀，今次真係發現新大陸。。。另外叫咗個焦糖燉蛋，份量細，無蛋香味，唔ok。。。食物質素完全對唔住個價錢 🤦🏼‍♀️🤦🏼‍♀️

夜晚肚餓諗住食糖水攞單嘅時間大概係九點幾已經過咗繁忙時間 等咗好耐先整好 啲嘢完全唔好食 份量超級少根本唔夠食 閑閑哋一碗嘢都 4 5十蚊 又貴又難食份量又少 完全係中晒伏建議搵過第二間

首次價錢偏高，入座點餐後店員先表示每位需最低消費$60，即時有種感覺被老屈欺騙的成分，餐牌裡有的懷舊糖水例如芝麻糊價錢是$45一個，那麼一個人入去咪要最小order兩個。另外點餐後才表示限時用餐30分鐘，但聽到隔離格order 燈椰皇店員向他們表示需時20分鐘，那麼咪只有10分鐘用餐，要係一個熱辣辣的燉椰皇，冇可能在咁短時間內食完。我order 是凍仙草芋圖，但竟然是室溫的溫度超級難食。店內負責收銀及接待位阿姐，黑口黑面地對住客人，隔離枱的客人仲有半碗糖水未食完就想收走及向客人表示用餐時已到。總之我一定不會再去，去返佳佳糖水排隊等30分鐘都冇咁嬲，起碼係好食先。各位我勸大家不要中伏。

佐敦有不少的甜品店，這間甜品賣相唔錯，雖然入去唔係太多人，但係見到Google Maps評分都高，諗住不如試吓，就坐低試吓佢哋選擇都好多，中式的例如芝麻糊、核桃糊、桃膠、紫米露等等都有，仲有燉椰皇系列（不過價錢貴少少）還有日式甜品，睇餐牌覺得水準應該都唔差，唔會比松記差的感覺我自己點咗：紅豆蛋白，份量覺得細咗少少，紅豆都算可以，味道偏甜，咁樣，性價比感覺上差少少，我比60分朋友點左：日式大盛栗子蒙布朗賣相唔錯，好多亁冰營造噴煙的氣氛，份量都可以，但係味道就好大落差栗子味道偏甜，那種甜味係之後添加的下面那個 Waffle 感覺去咗廣西超市買的，有兩件，但係一件都食唔晒雪糕都一般咁樣就收$89，明白點解冇乜人

This dessert place is kind of small. After coming in with a group of 5, there was not much seats left. Menu serves a lot of dessert types which definitely covers Japanese, Westernised, fusion and traditional ones. We asked for the Tang Yuans in ginger soup, red bean monchi coconut pudding, mont blanc rice balls and sweet purple rice soup with tang yuan. Ginger flavour was intense. Personally found it too strong. Tang yuans was alright. Soft chewy glutenous rice with sweet black sesame stuffed. W

係尖沙咀食完韓國嘢😆之後同老公行咗去佐敦，經過見到呢間『甜公館』有得食椰皇，所以入咗去試吓😋老公叫咗楊枝甘露丸子椰皇🥥賣相好靚，仲有煙霧效果😍芒果好甜🥭椰汁蛋白好滑🥥椰汁蛋白加楊枝甘露一齊食超好食👍🏻丸子好煙韌☺️我叫咗榴槤椰皇🥰榴槤肉勁多，仲好甜，椰汁蛋白都好好味😋整個甜品，甜度啱啱好，唔會好甜👍🏻2個椰皇都好大個😍呢度用咗啲星球和太空人做裝飾，座位都好舒適，重點係冷氣夠凍，甜品好食😋賣相好靚😍推介大家嚟食💖

《Doux》甜公館 - 位於佐敦白加士街地下，小店裝修以黑色太空為主題，簡約細緻。小店門口特色心型二人卡座，啱曬邊食邊打卡。至於入面共有18座位，整潔乾淨。供應有多款特色糖水及甜品：椰皇系列、西米露系列、酥皮拿破倫系列、窩夫系列、法式焦糖燉蛋系列。甜品更更設有乾冰效果，認真有心思。此外 ，亦有傳统中式糖水，選擇多元化。中式糖水「冰糖紅棗杞子燉桃膠雪燕」（$50），呢個有驚喜，本人特別喜歡，入口十分清甜滋潤，而且超級足料。「搖搖貓仙草紫薯芋圓」（$58）搖搖貓仙草，震騰騰真係好過癮，芋圓口感軟糯，甜度適中。「紫薯西米露」（$38）超多紫薯粒，亦有紫薯蓉，令口感更豐富，味道香濃。今次未有試佢嘅特包甜品，下次有機會要來再試試下。

差點以為店舖不見了，原來個招牌轉換了黄色，中文名叫甜公館，店舖位置就係佐敦地鐵站斜對面，門口位置仲有個大型心心座位，店內掛了太空人及不同的星球坐定定看餐牌叫甜品，女士最愛，滋補養顏的 [ 鮮奶雪燕燉椰皇 (凍) $72 ] 大大個椰皇，椰皇鮮奶口感香濃又幼滑，淡淡椰香味，滿滿啖啖雪燕，配搭桂花啫喱，口感有層次，味道更豐富[ 搖搖貓仙草紫薯芋圓 (凍) $58 ] 好可愛的搖搖貓仙草，口感滑捋捋好正，煙煙韌韌的芋圓、大大粒甜甜的紅豆蓉、黑珍珠、軟綿口感的紫薯，另外追加配料加了份 [ 榴槤肉 $20 ] 超香又啖啖肉的榴槤，超綿滑口感，整體食落超豐富超滿足

在油麻地電影中心看電影後，通常想找個地方，與朋友吃點東西，分享電影細節。最近在佐敦找到一個好地方—— Doux，品嚐了令人難以忘懷的甜點榴槤燉椰皇與法式焦糖燉蛋配乳酪雪糕，甜品全自家精心製作，絕不是外購預製食品，為味蕾帶來一場絕妙饗宴。首先，我們試的是榴槤燉椰皇。用上原個椰子殼裝著綿密的榴槤蓉和奶凍，散發出誘人香氣。第一口榴槤便將我帶入榴槤天堂，跟接每口都能品味到榴槤的鮮甜與椰漿的滑順，榴槤的香氣與濃郁的椰香完美融合，令人陶醉。榴槤肉夠滑夠香口，仲有絲絲果肉！接下來，我們又品嚐了法式焦糖燉蛋配乳酪雪糕。這道甜品以一個特色載盤送到客人跟前，首先以其出色的外觀吸引了我的目光，加上蛋燉得剛好，口感極為綿密細膩，配上焦糖糖衣，糖衣在口中化開，釋放出層層綿密的焦糖香氣，與蛋的滑順口感完美結合。乳酪雪糕的微酸感與燉蛋的香甜形成了一種絕妙的平衡，令人驚艷。榴槤燉椰皇與法式焦糖燉蛋配乳酪雪糕令人驚艷，呈現出豐富的口感和層次，每一口都讓人陶醉其中，Doux的甜品絕對叫人值得一試！doux (佐敦)地址：佐敦白加士街62號鴻運大廈地下K號舖

前排見網上都幾多人討論呢間甜品店，今日咁岩經開就過嚟試吓係咪真係咁正先🥰餐廳位於佐敦白加士街，都幾方便易搵，而且門口有個好有feel嘅情侶心型坐位😍好岩情侶過嚟打卡👍入到去地方唔算好大，但係尚算坐得舒適，仲有好多好可愛嘅太空人，加上店舖以黑色為主色調，令人有置身宇宙嘅感覺😈至於Menu,佢哋選擇都幾多，一時之間我都唔知點揀好😜最後揀左我最愛嘅果王，摇摇貓仙草榴槤芋圓同鮮奶雪燕燉桃膠😍menu多到絕對可以再回訪😍摇摇貓仙草榴槤芋圓搖搖貓超級cute🤩搖搖下好得意呀，真係唔忍心食佢🤣榴槤好正，啖啖肉，超香超綿滑👍加埋滑捋捋嘅仙草同煙煙韌韌嘅芋圓，仲有小丸子、紅豆蓉，口感豐富，超級滿足😍鮮奶雪燕燉桃膠奶白奶白嘅鮮奶，加埋雪燕燉桃膠，真係女人嘅恩物，非常飬顏🥰🥰仲有日式小食，好窩心😊😊📍doux (佐敦)佐敦白加士街62號鴻運大廈地下K號舖#甜品 #高質甜品 #甜品店推介 #佐敦甜品 #必食甜品 #yummy #sweet #佐敦 #情侶打卡 #環境舒適 #超高質 #糖水 #中式糖水 #西式糖水 #fusion #foodie #relax #love

食完飯梗係要食返個甜品，黎滿足返個肚皮！餐廳嘅位置非常之方便座位同環境都好舒服而且餐牌都有多款唔同種類嘅甜品選擇啱晒甜品控嘅你。我哋分別叫咗榴槤燉椰皇❤️芒果燉椰皇❤️一嚟到梗係俾佢嘅煙吸引住非常之IGable🤣榴槤好香甜，味道濃郁，口感綿密，如果份量可以再多啲就更好啦🤪而芒果主要有芒果肉同芒果醬！而下面係椰皇鮮奶，口感同味道都好香濃夠幼滑，淡淡椰香味。另外再配上桂花啫喱，雙重口感，味道夠晒豐富😃