甜匠

營業中

休息中

因為我係外賣自取嘅關係，所以冇影到相，幫襯過呢間甜品舖頭好幾次，通常都係外賣自取，特別鍾意呢度嘅芋圓同地瓜圓，返到屋企隔左一陣食都仲幾煙韌，我試過嘅多數係中式糖水，椰汁紫米露、紫薯薑湯雙圓、腐竹糖水等等，整體試過嘅甜品都唔太甜，可以食得出食材原來嘅味道，同埋都幾足料，好似紫薯薑湯雙圓入面通常都有2-3舊大嘅紫心蕃薯，都幾重薑味，但混合左紫薯同紅豆一齊食反而平衡返薑辣同甜嘅味道，而且見到menu有一啲唔常見嘅item，e.g. 桂花寒天、季節性食材等等，我覺得係區內一間都頗有心機嘅甜品舖頭。

布朗尼😎（$50)依個朱古力布朗尼鋪滿了棉花糖😍，再加上阿華田醬和杏仁片在棉花糖，朱古力雪糕味道正常😍Brownie都幾好食，配埋棉花糖幾夾，口感鬆軟，朱古力味濃郁🤩-玉桂蘋果金寶 😋（$50)依個甜品有提子乾，蘋果肉🍎和雪糕😚，味道都不錯，好香玉桂和蘋果味，食落幾香脆😘，配埋雪糕都幾好味😚-宇治金時 😀（$55)依個甜品有紅豆粒，白玉，玉米片😀，窩夫，鮮奶油和抹茶雪糕，賣相幾靚，白玉好煙韌，窩夫都幾好食，有點脆😉，要將所有野（紅豆粒，白玉，玉米片，窩夫，鮮奶油和抹茶雪糕）一啖食曬😀，口感幾豐富，味道沒有太特別😌-總結：依間甜品店賣相幾靚😀，只不過，甜品份量偏少，像迷你版甜品😌，價錢有點貴，不太值😅-Name🏠: 甜匠  Soul SweetLocation📌:馬鞍山鞍祿街18號MOSTown Street 新港城中心大街(2期)地下12-13號舖(港鐵馬鞍山站 A2 出口, 步行約9分鐘)價錢💰: 宇治金時 （$55)，布朗尼（$50)，玉桂蘋果金寶 （$50)

Dessert time🤤🍽 成日都話馬鞍山係美食沙漠🏜 今次就要平反下😆甜匠呢間甜品舖都已經開左好幾年🍮 舖頭細細，但店員態度好好😍 唔會限時趕你走🙈 同啲朋友食住糖水傾下計就啱晒☺ 佢啲甜水款式仲幾有心思架❤ 半熟芝士配3.6牛乳雪糕🍦 個感覺好似大版嘅半熟芝士撻😍 烤到表面金黃 上碟嘅煎pan熱辣辣 keep住好似新鮮出爐咁🤤 超滿足😍 抹茶雪糕🍵加丸子🍡 丸子熱辣辣上碟 撈埋雪糕食好夾😍 不過份量比較少 好快就就食完😂😂仲有個期間限定嘅榴槤布甸超正，將榴槤肉打埋落牛乳布甸入面，口感好滑，仲有好香榴槤味，仲要價錢唔貴

可以係馬鞍山食到呢間甜品真係好幸福🥰🥰雖然話馬鞍山係美食沙漠， 但其實都有唔小的小店。呢間就係我最喜歡的！佢樓面唔係好大，當日3:45左右到達，店剛剛開門，但已經差唔多座滿了，唯有坐bar枱😛😛叫了2個甜品，當中推介的waffle 配埋花茶都係$60 好滿足呀！呢個組合好襯呀 可以解了waffle 比較飽的感覺😌另外，店舖有好舒服的環境！😌如果黃昏去會有一點曬，但都唔會影響食tea悠閒的心情😍😍

每次經過呢間甜品都想試下, 每次都好多人🙈今次終於試到啦😍呢度最低消費一人一個甜品, 我哋叫左酒釀桂花湯小丸子, 薑湯紫薯雙圓, 玉桂蘋果金寶~薑湯紫薯雙圓有好大舊紫薯, 芋圓, 蕃薯圓, 小丸子, 全部都好煙韌, 好有咬口😁酒釀桂花湯糰子, 我揀左小丸子, 好暖胃, 仲有紅棗同杞子, 補血明目。玉桂蘋果金寶一上枱已經聞到好大陣玉桂味, 我自己本身唔太中意玉桂, 但呢個個蘋果係煮得幾好食,煮完都仲有啲爽口, 金寶脆脆哋。

馬鞍山冇咩甜品店就真系大家都知。。。呢間平時行過路過見過好多次，但一直都覺得價錢小貴，anyway今日就俾個機會佢。店舖裝修好文青，全木系列感覺好舒服好relax。睇哂成本menu都真系勁多野簡，眼花撩亂。黑糖仙草芋圓老實講一上枱真系嚇親我，40蚊好細碗。。。。仙草系好少見既一塊塊，正常但唔夠爽口芋圓（以個碗size黎計）數量都算多 ，幾煙韌，但可以再煮透少少，黑糖水底幾好味，甜度岩岩好。紅豆一食就知系叫貨番黎冇咩特別。草莓窩芙。。。。講真，得個乳酪雪糕好食。。。55蚊。得一粒好細既草莓一開四。。。再搭多幾粒藍莓。。。窩芙即叫即整我唔覺得系賣點黎。。。呢家坊間既窩芙，pancake 都系即叫即整。加上窩芙好乾身。。。乾身是不等於脆。。。脆是指鬆化的乾是指實淨地。。。如果個窩芙咁乾身，希望個忌廉可以大舊番少少。。可惜個忌廉真系同個茶匙一樣大。。。如果問我有冇下次，應該就冇了

雖然而家馬鞍山已經陸續開多左食肆，但都係連鎖店多，講到食甜品既，就更加無乜幾間。甜匠係一間小店式甜品舖，座位唔多，但好彩我去到唔洗等位。我點左個海鹽牛奶拖肥配香蕉waffle, 六點前叫，加埋茶飲都係$60。我覺得佢既sauce 甜甜地，配落waffle 到恰到好處，waffle 既軟硬度適中帶點香脆，係望落好似燶左少少，雖然對味道影響唔係太大，但如果再做好啲賣相就可以再高分啲啦。茶餐配既茶係茶包茶，唯一唔好係無得refill ，都係加啲滾水，既然佢話唔限時坐應該容許加一兩次水都好，茶包沖一次有啲浪費。

一間係美食沙漠馬鞍山既甜品鋪，佢係食啲新派甜品既，啱曬港女呀哈哈～ 餐牌上有曬相值得加分，因為甜品賣相都好重要。坐底見到款款都好想食，最終揀咗Brownie，但轉咗雲呢拿雪糕因為兩樣都朱古力就太heavy啦。甜品黎到時同相一樣樣無令人失望，用木盤加小鐵pan係新派甜品既特色。Brownie好濃朱古力味亦有朱古力粒好好食，但稍嚴雪糕有啲遜色，食落似啲平價雪糕，其實雲呢拿味既最能顯出個雪糕好唔好食，可惜佢就唔係貴價雪糕既味道。男朋友叫咗個薄冰寒，係黑糖加寒天。呢個就有啲普通啦，不過配我個brownie食清清地都唔錯既。

已經幫襯過幾次，終於寫番一次食評比甜匠啦~其實呢間小店都已經開左好耐，而且次次去都一定有幾個人等位嫁，以甜品店來說，價錢算中等，唔會好貴，而且款式都幾特別幾吸引，味道都唔錯，都算係馬鞍山美食沙漠中既小小美食，特別係甜品方面馬鞍山都唔算好多~店入面好細，晚上時間通常都要等位。個人已經試過窩夫、台灣芋圓地瓜圓小丸子，都唔錯~今次繼續叫番呢D我的最愛，叫兩款可以兩個人SHARE~薑湯紫薯雙圓(熱) $38之前食過凍既，感覺薑湯紫薯都係熱既正D，碗野真係超薑，岩晒冬天飲，紫薯好味好甜，最重要係芋圓一直都好好味，有咬口又唔會好似橡筋咁，仲好香芋味~仲夏野莓窩夫 $48窩夫好脆，好味，點隔離篤白色cream再加埋雪糕好夾~ 窩夫真係好好味

今日和太太往馬鞍山甜匠食宵夜, 我們點了京都宇治林青川和熔漿巧克力蛋糕。京都宇治林青川材料有綠茶, 西米、厥餅及和果子, 綠茶茶味香濃, 甜度適中, 西米食落爽口、厥餅食落軟綿有香茶味, 口感十足；最後和果子食落美味彈牙；熔漿巧克力蛋糕溫度適中, 蛋糕食落軟綿, 朱古力熔漿甜度適中, 食落不會感到油膩,朱古力雪糕味道香濃, 生果有士多啤梨和藍莓, 食落味道鮮甜, 配上朱古力醬食落美味, 口感十足。餐廳座位舒適, 甜品賣相吸引, 份量適中, 高質素的甜品。

甜品有邊個唔中意食先，我覺得每個都最中意啦，只係爭在中意食邊類型既甜品姐，今次去左個世人形容為美食沙漠既馬鞍山食甜品，講真呢間甜匠位於大型商場既地下，就地段同價格黎講有少少貴，不過周圍都搵唔到甜品店，唯有將就一下。本身我地只係叫有3個甜品，熱既冰糖雪梨桂花雙丸，朱古力心太軟同埋焦糖牛乳香蕉窩夫。本身見桂花雙丸個個幾好食決定嗌埋紫薯個個啦，點知好似食緊番薯糖水咁冇乜特別，而且啲糖吸收得快食到最後成碗糖水都好乾，唔太好食。而心太軟同窩夫都無乜特別，反而佢既牛奶雪糕好好食，好滑溜有好重既牛奶味，加埋熱辣辣既窩夫或者心太軟都邪惡感極重呀🤤

今日和太太於新港城甜匠食甜品, 我們點了冰糖雪梨雙圓和熔漿巧克力蛋糕。熔漿巧克力蛋糕賣相吸引, 材料分別有藍莓士多啤梨, 朱古力雪糕和熔漿巧克力蛋糕。藍莓士多啤梨食落新鮮, 甜度適中；朱古力雪糕食落香濃,而且食落口感順滑；最後熔漿巧克力蛋糕食落熱辣辣, 熔漿甜度適中, 蛋糕食落軟綿, 整份熔漿巧克力蛋糕食落口感十足。餐廳座位舒適, 環境闊落, 很適合朋友聚會,價錢合理, 甜品有水準, 材料質素高, 賣相吸引的甜品。

「甜匠」內外裝潢簡約，走文青路線，深得我心。 印象中平日飯後時間，要等位。今日打風，加上時間尚早（才七點鐘），只得我們一枱。*「甜匠」走年輕簡約路線 從門外已感受到其乾淨舒適今次點咗兩份食物，分別係受歡迎的芒果同朱古力。照舊係相機食先，然後到我食😋 *價錢 $52雪糕面有一層薄薄的可可粉裝飾，雪糕朱古力味濃，質地結實，溶化速度較慢~ 差唔多成份食完時，都仲係雪糕的模樣😂 Brownie 好吃，質地唔乾。而且甜度適中，食落唔會咬到一口糖。底部有一層薄薄的朱古力慕絲，吃完超濃的雪糕球、brownie後才吃慕絲，造成味道太淡的錯覺。但是其實慕絲味道剛好，再有調整就會破壞咗件事🙈。 整體我給4.5/5分😋*補上close up一張 雪糕質感沙沙地 唔係好順滑個種 *價錢 $52 再睇一睇，雪糕球是不是圓得有點過份？🤔 haha 芒果頗甜，唔酸。配料配搭好好，唔同口感都有齊：茫果珠一咬就爆開、蘆薈珠有咬口；仲有果肉同芒果乾；底下嘅芒果布甸口都好滑，無令人失望！芒果這份，我會給滿分，5/5😋 *雪糕質地同朱古力味唔同 明顯比較軟滑這個價位在街外很難找到。加上店員（估計是老闆之一）製作用心、態度友好

中大夜粥暑假收咗爐。暑假都要開夜嘅同學冇宵夜食，唯有走去馬鞍山食糖水。熱屎辣辣嘅仲夏夜當然想搵透心涼甜品啦雖然緊雨川小學棒球場附近有間多年來屹立不倒的中式糖水。但凍左嘅中式糖水都冇寒天啫喱咁消暑經常被大排長龍嘅甜匠真係好高質好吸引，由於甜匠好少位只係大概得十二三個位，通常假日前夕都會大排長龍。閒日夜晚先食到。我雖然食到好飽但係真係好想食啲涼浸浸嘅甜品，所以揀咗一個好輕盈嘅黑糖薄寒天。鍾意食滋補野嘅女同學就揀咗雪耳甜品，白雪雪又靚又清新仲好滋潤。呢款用玻璃樽裝住嘅甜品有好多種口味，有雪糕有不同口味果凍加其他配料，一啲都唔單調啱晒貪心想食多幾款野嘅朋友。最欣賞嘅係呢款甜品可以連埋個玻璃樽外賣，只需要加＄20按金，下次還返黎鋪頭又可以退＄20，不過佢循例都會比隻膠匙同膠袋，想環保啲可以自己帶袋拎走。我已經試過無數次外賣返大學。其他食品也很受歡迎例如鐵板窩夫及台式芋圓鐵板窩夫冬天食嘅時候真係好正但夏天我真係推介食玻璃樽呢款

我諗呢一間甜品舖已經數一數二好嘅甜品舖了，佢間舖店面唔太大，不過裝修靚，好木系感，坐著嘅感覺好舒服，最好嘅係佢不限進餐時間，不過其他食客都自律唔會食完坐半日先走。我食過呢間幾次架啦，覺得好食所以先回頭服務員嘅態度十分好佢嘅甜品幾特別，有別於傳統甜品店有雪糕，窩夫，仲有一啲自創嘅甜品