甜匠

營業中

休息中

不錯的初體驗，平常在馬鞍山冇好選擇，閒時某時想食甜品，只能焗住食附近唔好食又唔好服務的甜店，呢次終於為馬鞍山帶來一點泉源。以後多了一個好食堂，裝修不錯，格局雖小 ，可能初開人小小不會嘈吵 相當舒適。

同朋友去食糖水叫左兩個鐵板.味道係好食既但我地12點幾去到。見到已經掃地以為關左.，咁個丫姐就叫我地入去話未關，咁甜品大概25分到，之后有個丫姐就同我地講就收工(態度差)咁就有個带帽既男仔就話個丫姐(佢講你咁趕你收工先 話個丫姐)之后個男仔好nice咁走過黎話唔好意思唔駛急，1點先收鋪你地慢慢食之后仲畀左兩杯水我地㖭咁我朋友就話快啲食吾好阻人地收工之后我地食完走個丫姐就好急咁拖地搞到我地好似阻佢收工咁。總括黎講食物好食，只係員工態度差，一個人既態度好有咩用另一个差。

寧靜簡單的甜品舖，員工好親切裝潢好有日式既感覺，同男朋友黎最岩！但舖頭面積唔大，一大班朋友黎就唔係好適合甜品既味道幾好，又有日式又有中式又有西式，下次會再黎試其他甜品

很喜歡甜匠裝修既日式又有個性。上次吃過waffle大爱，apple crumble是這回必試目的。见小妹妹很用心地煮蘋果但脆饼反而系预備好再放面番焗。這個程序有d誤時因為煮蘋果需時亦因為咁我地等左20分种，食落萍果系未煮得夠更帶強烈燒焦味，而crumble再焗5系脆系碎同硬。配合埋牛x公司(?)雪糕球真系神仙難变出好味。其實看出店主很認真製作自家甜品，但確实難食，問題系煮萍果時間，曲奇碎5夠大粒新鲜，雪糕品質etc.5系想挑骨頭明白现今小店生存空間好少，只係想講尼味甜品差在味道，心機也輸埋！

好想食呢間馬鞍山既甜品舖好耐終於去到試了唔知係咪expectation太高 有少少少既失望間舖用木黎做主調有一長條高bar枱 同平時糖水舖既setting好唔同似咖啡店多d 同時都好舒服好chill好岩坐低傾計男朋友嗌左呢個海鹽牛奶拖肥伴香蕉窩夫($48)比想像中大份窩夫好熱 配埋個凍冰冰既雪糕一啖食真係極高既享受個拖肥醬一齊食意想不到唔會太膩好香好好味d香蕉係caramelized左 上面個層焦糖甜甜脆脆的真係好好味我就嗌左黑糖金時($46)相反睇相以為呢個好大份黎到原來得手掌既大細個pan係熱既 店員都好細心提左次唔知點解個凍既雪糕比個pan搞到唔熱唔凍暖暖咁 有d怪同埋d材料都係普通宇治金時 所有野都唔凍唔熱咁自己覺得麻麻地下次試番正路會熱既pan上蘋果金寶好d

終於可以嚟試甜匠，好鍾意呢間舖嘅裝修，好舒服好簡約，之前一直未有時間嚟試。今日揀咗Apple Crumble, 之前未曾食過Apple Crumble但睇住個menu樣樣都想試就膽粗粗試吓，果然冇揀錯，好好味好想再試埋其他我地仲叫咗一杯西瓜沙冰

馬鞍山本身唔多食店, 糖水銷更加得幾間可以選擇, 今次就揀左甜匠鋪頭以簡潔裝修設計, 燈光光猛, 對比其他糖水鋪, 甜匠就比較鮮明, 可以俾人睇清潔成間鋪感覺坐位好舒服, 服務態度好, 唔會俾人感覺好想你快少少食完要你走feeling今次叫左幾款租品, 去圖:

第1次嚟這間甜品店，聽講平日等位要等好耐，今晚或者係早嚟所以等咗10分鐘就可以入去。超鐘意食甜品嘅我見到咩野都想食，女4采有4個人就可以試到唔同嘅款式，4款都幾好味，同埋賣相好吸引，都可以再來試其他款式。今次食咗玉桂蘋果金寶·熔漿巧克力蛋糕·朱古力心太軟·仙草°雙圓

甜匠係馬鞍山少數有水準既餐廳，佢既甜品精緻，特別又好味，百吃不厭。佢會定時更新餐牌，今次試左個有中式甜品fusion 西式甜品感覺既甜品，有椰子雪糕配上桂花果凍，雪耳及杞子，口味清新。另個係鐵板上面有棉花糖， 朱古力雪糕阿華田粉同埋杏仁片， 味道配搭好夾，又唔會好膩。每個甜品都睇得出佢好有心思咁配搭不同的食材，既清新但又夾，所以真心推介呢間甜品舖😋😋😋

馬鞍山雖然被稱之為"美食沙漠"但都有唔少好野食嘅講到甜品 呢間新式甜品質素都唔錯呢間甜品鋪行fusion路線 款式都幾多元化今次我地就試左呢幾款😋《黑糖仙草雙圓》入面有仙草、芋圓、地瓜圓、紅豆蓉同小丸子芋圓同地瓜圓食得出係自家製香得來口感岩岩好 唔會過硬/ 過淋《蘋果金寶》我地一行4人都最鐘意呢款甜品👍🏻以鐵板上賣相非常討好😍焗過嘅蘋果依然好爽 唔會冇哂口感配合焦糖牛奶醬同牛奶雪糕呢個配搭100分😋《心太軟》夠熱、夠濃、夠流心👍🏻最欣賞係旁邊嘅藍苺同raspberry 中和左心太軟同朱古力嘅飽滯感《布朗尼》底層有朱古力brownie，鋪上朱古力雪糕、阿華田粉、麥片同綿花糖鐘意食甜嘅朋友應該會好鐘意呢款甜品😂但對於岩岩食完心太軟嘅我地來講呢款甜品實在太滯😂總括來講 呢間甜品鋪都算係沙漠中嘅青泉😂希望馬鞍山愈來愈多好野食啦🙏🏻

夜晚食完飯唔少得甜品既生活，打開menu見到吸晴既心太軟，唔洗諗 係你喇！不負眾望，甜匠既朱古力香氣濃郁，好有牛奶朱古力既味道，而流心方面都幾滿足，好似熔岩咁流出黎😊個朱古力雪糕雖然唔係主角，但比起心太軟絶對唔會比下去，唔似平時屋企食開既桶裝雪糕，呢球雪糕又滑又濃朱古力味，唔會得個甜字，一個字 正！

估唔到MOS而家都會有咁有心機既甜品鋪, 雖然真係等左好耐位 !!! 但都值得既甜品賣相都好靚 ! 桂花 - 脫俗淡雅食起來好清香 !!! 將中式既甜品變成西式甜品, 好有諗頭 ! 名副其實脫俗淡雅既味道同層次 !望落平平冇其, 冇咩色彩, 但..食落清香優雅 ! 好名 ! 榔子雪糕好香, 桂花味岩岩好 ! 贊~!~!呢個相信係愛吃甜既朋友既珍品 !!!! chocolate 仲要有埋marshmallow, 不過唔知點解食起黎又唔會太甜wor ! nice！　ｔｈｉｓ　ｏｎｅ　is really a bit disappointed !!!味道唔夠濃....有點太硬

次次美國返黎我點都去食次三哥，果晚行去買三哥見到隔離有間甜品鋪有芋圓，咪買碗雪梨桂花雙圓返屋企試下，果晚食完真係好有衝動行返去買多碗食😂，難得唔係死甜，所有野都岩岩好，結果第二晚特登call個best friend由中環入馬鞍山去食，可惜我第日要趕下午4點機，唔係我會再encore，下個月返香港一定要試埋佢個抺茶心太軟😁PS: 店員態度好nice, 男果個仲好搞笑😂 果晚我同朋友因為佢一句說話笑左成晚

由於大部份朋友都住馬鞍山既關係, 於是我明明唔係住馬鞍山都成日出入馬鞍山...是日一行十幾人幫其中三個人慶祝生日, 一下就將甜匠半個場包起咗 由於太多人, 而甜匠不嬲都要等位既關係其中一個朋友一早同老細講定我地多人.雖然一早講好, 都最後都係要等位...(始終人多, 冇可能要佢 hold 住半個場唔做生意既)今日突然唔想食士多啤梨, 就嗌咗香蕉朱古力 waffle! 估唔到有幾好食bo!因為我對朱古力既要求比較高, 加上我本身都成日整朱古力味既甜品所以我好少會嗌朱古力類甜品自己整易控制甜度嘛~朱古力少少苦, 應該係用 56~70% 朱古力整?食到好濃可可味, 但食落去係回甘而唔係得個苦字.仍唔會有澀喉既情況出現香蕉就冇咩好講 = =反面今次要彈下個 waffle雖然都係外脆內軟, 但我嫌佢太燶好彩焦香仲未覆蓋蛋味鐘意焦香既人會岩食

Lee個甜品好正！好豐富！口感一流！入面有桂花，椰子雪糕，海底椰，桂圓，雪耳...個底好似係桂花糕，唔知有冇錯！我覺得好正好好味，第一次食咁嘅配搭嘅甜品，好創新！雪糕好清新，品太甜！好正！Apple crumble 好細份！冇乜驚喜！等左都幾耐，即焗，所以都好熱！位好少！私位等好耐