甜椰椰 (已結業)

地方淺窄，我完全明白香港土地問題，但品質方面令人失望，完全冇心機做，真心超難食！ 尤其是用爛嘅芒果去做，叫人點食先！我以後一定唔會再幫襯..............................

三個發夢既staff,外賣等30分鐘，一個望住張單發夢，仲要爆單都要督電話，一個收銀但唔知自己做乜，化行妝既廚房女仔啲單亂晒籠，唔會有下次！其實如果唔想做可以唔做，或者直情休息啦

我同我老婆仔一人嗌左個甜品，分別係楊枝甘露烏冬同心太軟。呢間野好特別，真係比對筷子你夾黎食，我覺得幾有特色既，而且d透明珍珠好彈口，而我老婆嗌既心太軟，第一個整完話個心穿左，甘我老婆梗五開心啦，店員有問等五等第二個，甘都要啦。甘就等左30分鐘先出到黎，店員幾有心既。地方方面係細左d，味道係五錯既。

今日同groupmates食完新廣發嘅打邊爐放題之後，去咗附近嘅甜椰椰食甜品。.有個甜品嘅名好有趣，叫做「雙白線」，所以我點左！.雪糕係荔枝味，清清淡淡唔會太甜。配有一啲白色珍珠同埋椰果，幾有咬口！下層係椰汁同埋爽身嘅涼粉。.盛惠＄40，質素OK！

有日係附近食完飯，諗住食個糖水做個完美既結束，就搵左呢間糖水鋪試下。呢度既環境係好街坊既，座位都較多同狹窄，可以同到隔離枱搭咀。食物呢，我地叫左兩個窩夫系列同兩個椰皇燉奶系列既，椰皇既都真係唔錯，不過窩夫就真係無下次。唔同味既窩夫都係跟雪糕同法式焦糖燉蛋，要等大約十五分鐘，上碟時都叫新鮮出爐。不過窩夫就係一個好普通既窩夫，有點乾同硬，味道缺乏；雪糕應是最一般的那種，人工香精味較強；而個燉蛋真係好甜，甜到食左一半都決定放棄；最後仲淋左d螢光糖漿上面。其實都幾後悔叫左窩夫，早知都係食椰皇啦。

甜品店開到四圍都係，仲多過7仔，但認真製作的真係唔多！今日經過呢間，見人地食緊燉椰皇，E.....呢度個椰皇堅大個 wor! 我自己在家都有整燉聖皇，但好難買到咁大個. 要燉咁大個椰皇要足足45mins ga! 就因為個椰皇就決定入去試試！呢個椰皇真係好大個，第一啖食入口就覺得唔夠滑，但食完個面，入面就好滑. 可能因為要保溫，攪到個面老左少少. 但整體都好好味！另一最愛既甜品係榴連，始終榴連已過時，所以 d 肉唔夠甜. 但 d 西米&大西米就係用心製作. 粒粒都彈牙有咬口，大愛！小朋友最愛芒果西米露. 用鮮打芒果汁理應係必然. 但食過太多甜品店溝曬椰漿花奶糖水. 幸好呢度都係足料芒果汁基本上3款都好滿意，絕對可以再來

A busy sweet joint in Sha Tin serving all of the thinks you would expect. Yes, all the things we ordered were nice. But there are other great dessert places nearer to the city. The coconut sago were quite nice and smooth. Durian pancake were decent too. By the way, there's no English menu.

見到價錢已經覺得好低窩夫外脆內軟 加埋個雪糕食真係好夾超正另外仲有好多唔同嘅窩夫好想全部食曬佢今次我食嘅係朱古力窩夫 十分推介入面個焦糖布丁入面好滑 焦糖面好脆 唔會好似其他出面啲咁苦如果我未飽 我一定單點一個焦糖布丁嚟食因為個窩夫真係好足料 好彩每種窩夫都有一個最重要係整得好靚 睇得又食得我另外仲叫咗個芒果沙冰 甜度啱啱好 唔會話太過甜又低又大杯 夏天飲真係好正服務太態十分好 笑容滿面 仲好多靚女待應 好nice 環境好舒服見到餐牌仲有好多嘢食 好似咩都齊曬噤下次會嚟食下個心太軟 見到其他人食 整得好靚

上星期六晚喺附近食完晚飯後就想話去食個甜品。我以前係未去過嘅。到嘅時候，門口有一個男人問我地幾多位我就話兩位，隨後有一班三個男士。咁我地就入去坐低攞餐牌睇吓有乜好食啦。大約五分鐘後正當我地準備叫嘢嘅時候，有一名少女隨後又有一名中年女子（當然係職員啦）竟然問我地有冇攞飛？我就話係門口嘅男店員叫我地入嚟，果個中年女人話唔得要我地出去，我想因為我地將枱仲有兩個位但出面有三個男人等緊。無辦法同埋我已經冇心情喺呢度食嘢啦。最後祝去生意+興隆啦。咁冇禮貌嘅人同店舖我都係冇資格喺度食嘢架啦😡

今日我生日一般朋友食完飯，打算食埋甜品先走。去左附近一間糖水舖，是但嗌個焦糖燉蛋布甸，但係個焦糖面真係好正！食過好多間，好難整到個面咁脆卜卜 又唔會太厚朋友嗌左個綿綿冰 好大兜，我諗可以2-3個人share，性價比算很不錯了！

上次同朋友食完飯經過河畔花園 大家又唔係好想返屋企仲想吹多陣水 見到附近嘅甜椰椰就去咗等位 諗住食下甜品吹下水😍去到門口見到都有好多人喺度等位 應該係好好食 我哋一路吹水一路等 時間過得好快。🌸因為第一次食所以唔知揀咩好 問老闆佢就介紹呢度嘅椰皇 佢話又香又滑。 其實係出面都食過棷皇 但係係啫喱底所以覺得麻麻 不過依度嘅棷皇係類似燉奶底 未試過又覺得幾吸引所以就嗌咗熱椰王。而我朋友就嗌咗最新出嘅雜果窩夫。椰皇好快黎到 真係好似老闆講咁好香好滑！不愧係最受歡迎嘅👍🏻💕而且佢份量好足 滿滿 唔會話得一半 非常抵食 。雖然個椰皇睇落唔算話好大個 但係都好夠食👍🏻💕真係又抵又好食 雖然夏天食有啲熱 但係都好滿足！👍🏻冬天食一定一流！遲啲冬天一定要再嚟食😭另外我朋友叫咗嘅雜果窩夫就要等得耐少少。因為係即刻整嘅。佢嘅份量比較大 有4塊 質地係外面少少脆 裹面係軟既 蛋味明顯 。我朋友就好鍾意食 因為佢鍾意食偏軟嘅窩夫👍🏻 窩夫配上朱古力醬都好夾🌸果然冇入錯黎😭另外佢啲水果都好足，食飽飯食下水果可以幫助消化 ， 同埋啲水果好凍又可以順便消下暑👍🏻太好啦！另外仲有配埋焦糖燉蛋 真係超級超級超級抵食！不

外賣叫左兩個芒果西米露，自問對食物要求唔算好高，但都覺得個西米露好難食 西米露個底好稀，無咩味西米唔係全部煲到透，所以每啖食落d感覺好怪。芒果偏酸，33蚊食呢碗野真心唔抵。

食完飯經過入去食甜品, 入到去已經覺得有伏, 冷氣機冇開, 舖頭入面勁熱. 見入面都坐左幾枱客, 心諗食物應該唔差. 叫左一個楊枝甘露加一個多芒小丸子, 應該都穩穩陣陣啦, 楊枝甘露極快送上, 唔凍不特只仲浠leil leil, 扚左成碗都冇見過一條西柚/碌柚肉, 味道真係好麻麻. 十幾分鐘之後再送上多芒小丸子, 賣相係合格的但碗野係冇味既... 芒果汁都係冇味既!!! 只能夠講呢間舖不論環境, 食物, 定服務, 都一致咁差, 唔使旨意再幫襯!

一去到 個陣唔多人 同朋友坐低後其中一位staff竟然隔住張枱飛三張餐牌過黎真係離晒譜 😤😡之後啲餐具又唔洗乾淨拎起個陣竟然發現匙羹上面有條菜😵一定唔會再黎幫襯！！！！！😡😡😡

同朋友係西貢燒完野食, 雖然勁飽, 但係意猶未盡, 於是揸車去沙田河畔個邊食埋個甜品先夠皮。一行7人凌晨1點幾去到, 當然唔駛點等位啦! 甜品店有得揀坐出面, 不過我地唔想食二手煙, 於是揀左坐入面。朋友見到餐牌入面招牌推介原個椰皇既甜品, 個個都叫番個黎食咁濟, 話燒完野食想滋補下喎。原個甜椰椰燉北海道3.6牛奶 $48原個甜椰椰配焦糖雞蛋布甸 $55 原個甜椰椰配楊枝金露 $55朋友話燉奶同布甸又香又滑, 滲埋椰汁嘅清甜, 椰香奶濃, 都幾特別, 幾好食。楊枝金露 $34 呢款就普普通通, 唔似平時既楊枝金露用芒果汁底, 佢用左奶底, 奶味偏重, 而且都幾稀, 西米都算大粒, 不過好多都煮到一舊舊, 芒果得2,3片, 而且都幾酸下。宇治金時 雖然燒完野食真係堅飽, 都忍唔住要叫個綠茶心太軟黎食! 心太軟既綠茶味唔算香, 茶味都唔太夠, 勝在唔係好甜, 切開中間唔夠流心, 熟左小小。 配埋大粒紅豆同綠茶雪糕都算ok, 不過用煉奶點綴就奇怪d, 寧願用朱古力醬會更合適。雪山意式芝士餅 $45 朋友呢個甜品外型都幾特別, 脆米入面加有芝士, 不過朋友既評語就一般。