甜椰椰 (已結業)

琴日夜晚七點幾無野做，約左個朋友落屋企樓下間「甜椰椰」食糖水，我地兩個叫左個即撞木桶豆腐花食，幾好食又幾多啊💓而且價錢合理，堅抵食！！以後都會成日再同朋友去食

河畔無左一間甜品店, 惟有來呢間。入到去樣樣都話無, 果陣才11點, 正值食甜品最旺的時候, 佢地竟然好多野都無!講下雪糕吧, 呢D 最基本GE 野, 無理由咁少貨, 俾10樣味道你揀, 有7樣都無哂, 連最基本VANILLA 果D 都可以無最後叫左STRAWBERRY 綿綿冰, 都幾大兜, 但STRAWBERRY醬少左D LAW, 單係食冰雖然都有味, 但淡左D, 多D 醬會好D, 另有D 爆珠,夾埋一齊食都OK以咁GE 服務來計, 呢間野D 價錢好貴!!!果晚仲有跌左成舊PANCAKE 在地, 我地唔小心踩中左, 好核突!

2號星期日晚大約9:00想找糖水食時， 見到舖內坐左7成人， 無什麼頭緒之下選擇了這間。我們5人共點了 布甸3重奏， 朱古力4部曲， 士多啤梨配曲奇雪糕窩夫， 紅豆窩夫配綠茶窩夫， 椰皇雞蛋布甸， 我們大家 share食， 滿足大家什麼也想食之心態食物質素: 90分 (特別推介雞蛋味布甸, 3重奏之1有, 而窩夫也是整得幾脆架)!!! 好有意外驚喜!!服務: 90分 (有禮貌， 一叫即到， 上菜快)環境: 80分 (細舖， 坐得迫一點， 但乾淨企理)

平時星期五星期六都中意同朋友去食下甜品 甜椰椰食過好多次 其實已經算係得閒就同朋友聚舊既地方 放假日子甜椰椰係一定會坐爆架 但係都值得一等😻 依個好多款甜品都好好食 而且價值合理 食左咁多次等一次叫窩夫 因為都比較大份驚食吾曬 但食食下停吾到口😹我叫左士多啤梨窩夫 $58 我覺得好抵 因為仲有燉蛋 雪糕 同埋水果 58蚊抵到爛 而且賣相幾令 岩曬女仔影相 佢d窩夫加埋d醬好夾 好好味 真係值得一試😻 我個朋友食左朱古力窩夫 評價一樣咁好！大家都覺得好抵 因為有幾樣野 😻其實吾餓既時候可以同朋友分享食 一樣咁正 ❤️😭👍🏻 而依到既心太軟我已經食過幾次 佢地係即叫即焗既 廢事搞到硬曬一舊咁 。心太軟加雪糕黎講$48算十分抵食 因為依到既心太軟比我係岀面食過既大d架 岀面個d細d都要40幾50幾蚊。 依到既心太軟焗得岩岩好架 我吾太中意太多流心 佢吾會多到成個係 又吾會無 非常適中 有野咬下之餘又有d朱古力流心 總之好食。😻 另外因為我成日黎食 我覺得依間甜品既彈性好大 好多配料佢都俾你轉。好多配料都可以加。仼何一款既甜品雪糕都可以轉味 我覺得咁樣

同朋友遊車河，去咗沙田河畔嗰邊食甜品。益力多綿綿冰，同個餐牌嘅圖好似有少少出入，綿綿冰食落益力多味唔太出，上面嘅topping就係類似台式飲品嗰種煙煙韌韌嘅啫喱，糖漿就係黑糖味，分開食都OK，但夾埋一齊嘅配搭就有少少怪（啲topping唔係我揀，係佢本身set好咗嫁）。楊枝甘露綿綿冰，又係同餐牌嘅圖有啲唔同，個圖係得金柚同芒果嘅，不過實物就有埋爆珠，口感係就係幾得意，不過唔係個個都鍾意新奇嘢。

甜品係每個女生都又愛又恨既東西， 但「甜椰椰」 既甜品我無法抗拒，因為佢係好大份既甜品，又特色，又好食， 可以一次食幾種不同既甜品，好多時都食唔哂， 可以 2個人食一份，好 sweet，同另一半黎就非常好， 加上沙田圍呢度既特色甜品店唔多，次次去佢都坐無虛席，一定要等位。

成日都會黎食😂最正係佢個椰子乜乜乜（吾記得咩名椰子味夠 d奶又吾會蒸到好老 岩岩好 又滑格仔餅加雪糕又係一流ge 仲要有埋焦糖蛋食平時閒日去都多人試過有次係外賣 質素同堂食一樣好味😝😝

公司聚餐後，和平時難得碰面的同事走到河畔這間甜椰椰甜品店坐低繼續談天說地。店內雖然面積不大，人與人之間坐得比較近，但感覺很自在不焗促。 甜品種類很多，中式西式都有，價錢亦很大眾化。我們今次選擇了兩款甜品，第一款當然是招牌甜品原個甜椰椰！ 原個甜椰椰有冷熱供應，還可以另配其他甜品在上面，我們選擇配雞蛋焦糖布甸。這晚原個甜椰椰只剩下熱的，配上凍的雞蛋焦糖布甸，意外地非常合拍！先嘗一口原個甜椰椰內暖暖的燉3.6北海道牛乳，溫度剛剛好能入口，一放入口中，牛乳內椰香就在口腔內散發出來，入口即融的牛乳順著食道滑入胃內，感覺好溫暖好幸福。再食一啖雞蛋焦糖布甸，口感軟滑，雞蛋味香濃。最後一匙牛乳加一匙布甸一同放入口，冷暖交融感覺非常豐富，兩者的味道都存在之餘，令整個甜品味道提升，每一口都令我非常滿足！ 第二款甜品雪山意式芝士林餅，雪糕有不同口味提供，我們揀了曲奇口味。起初我倆從餐牌的照片看見都以為這個甜品會類似忌廉包住意大利芝士蛋糕(Tiramisu)，但食物來到眼前才發現是脆脆入面有芝士忌廉，感覺頗特別不過和我們想像有些差距。坐着聊天的時間過得

這晚夜是公司部門的周年晚宴，初來報到兩個多月一直都覺得自己是個幸運兒，遇上很多好人好事，雖然工作上還要不斷學習，但起碼得到大家的照顧，已經很幸福。周年晚宴盡慶過後，仍然沒有歸家的念頭，很想繼續延長像放假般的心情，於是便與其中一位投機的同事來到附近的甜品店，繼續下場。夜晚十一時，店還有長長的人龍。妳說著要給我來個心理測驗，我便把心底裡的都一一告知，很快就渡過了等位的時間。店內空間不大，但牆上都貼著不同甜點的相片，更有每日更新的每日推介。座位有一點擠，不過屋村的小店都是這樣，香港地就是寸金尺土。 來到甜椰椰首選當然好像是椰皇，我們兩個人，再從幾十款中再選一個。 原個甜椰椰配雞蛋布甸謝謝甜心的你，為了我放棄你愛的朱古力布甸。但很可惜，凍椰皇來到晚上十一時多已經賣完，剩下的只有熱食，所以雞蛋布甸只好另上。吃一口布甸，蛋黃味甚濃，看樣子是自家製的，口感結實中又有點軟滑。再吃一口暖椰皇，暖暖的燉鮮奶滿載椰汁的清甜，軟軟幼滑，一不小心就跌進喉嚨裡。兩者放在匙羹上一口享用，蛋味奶味互相輝映，在口裡迴盪很滿足，真的有「甜椰椰」的感覺。 雪山意式芝士餅看著Menu上的圖片，我倆單純地以為

2015/08/07抵食甜品店!（$35）布甸三重奏，芒果布甸清新但與自家製的味道一樣，不過不失。朱古力布甸美祿味濃郁 ，好感特別似musse,不會太甜，好味( ´▽` )ﾉ蕉糖布甸無蕉糖味，只有蛋香味，口感嫩滑，不過不失。 芒果汁，較密西瓜沙冰甜，味道也不錯。密瓜沙冰，甜店剛好，濃郁好渴。

試了這款心太軟配綠茶雪糕。心太軟熱烘烘的，处層口感夠鬆化，內層朱古力流心夠多，還有些木槺墊在雪糕底夠心思！配了餅乾條，增強了处觀感。可是餅乾條應該是salad味那種，鹹的，和心太軟不搭配，如改為甜的，應該更好！另綠茶雪糕奶味較重，綠茶味欠奉，打了折扣。

女仔有兩個胃 係河畔食完雞煲下一站當然是甜品今次試左呢到既焦糖燉蛋 面上既焦糖比例岩岩好 又唔會話整到好甜 底下既燉蛋就不過不失 但唯一唔滿意既地方係個碟太細 而且好淺 就算食完雞煲黎食都覺得唔夠喉 而我朋友就叫左個西瓜涼粉 十分普通 唯一要講既係當時可能係西瓜當令 所以非常甜

短短兩星期已經忍不住要再幫襯～第一次去同一大班朋友share ，叫了朱古力四重奏同埋芒果四重奏，超讚的！價錢有點貴，因為每款道甜品有四款的關係，其實每款份量不多。我覺得朱古力四重奏比芒果出色，因為朱古力做得很香濃，朱古力布甸、brownie、心太軟、雪糕！再去幫襯就試了另一個很想試的原個椰皇3.6牛奶，再加了至愛朱古力布甸在上面，份量澎湃，這次感覺上比較抵食，連隔離枱都忍不住點了同樣的～

當晚同女皇係沙田新城市用膳後 , 散步黎到河畔附近搵下甜品食,今次就試左呢間甜椰椰 ,一入到去就見到門口大大個雪櫃, 有d 生果可以買, 睇落幾靚, 不過今次目標唔係佢地一坐低老闆就黎招呼我地, 我問有D咩推介 ,佢就suggest左招牌椰皇燉3.6牛奶 , 朱古力四重奏 同埋 芒果烏冬 比我地,因為女皇比較想食心太軟同埋芒果 , 就試左後兩者 ,講返朱古力四重奏有d咩啦 , 有朱古力雞蛋布丁 , 心太軟啦 , Tiramisu 啦, 同埋雪糕 ,論過癮程度真係無得頂 , 一次過滿足我地四個願望 , 尤其Tiramisu , Rum酒味好夠,心太軟都如其名, 真係會流心 (試過出面太多心太軟係唔識流朱古力漿, 係Haagen Dazs 先次次得)賣相同味道都唔錯, 會再黎奏過而芒果烏冬d 烏冬應該係椰汁打成, 好香, 好彈口,呢個一黎到我地已經掛住食, 唔記得影相lu最重要係: 分量絕對唔少, 無因為平而偷工減料睇到同場其他客人食西瓜盅同埋綿綿冰就知足料,絕對值得再黎,要彈既就係menu未夠多圖片 , 下次再去同老闆傾傾先 !

當晚同女皇係沙田新城市用膳後 , 散步黎到河畔附近搵下甜品食, 今次就試左呢間甜椰椰 , 一入到去就見到門口大大個雪櫃, 有d 生果可以買, 睇落幾靚, 不過今次目標唔係佢地一坐低老闆就黎招呼我地, 我問有D咩推介 , 佢就suggest左招牌椰皇燉3.6牛奶 , 朱古力四重奏 同埋 芒果烏冬 比我地,因為女皇比較想食心太軟同埋芒果 , 就試左後兩者 , 講返朱古力四重奏有d咩啦 , 有朱古力雞蛋布丁 , 心太軟啦 , Tiramisu 啦, 同埋雪糕 , 論過癮程度真係無得頂 , 一次過滿足我地四個願望 , 尤其Tiramisu , Rum酒味好夠, 心太軟都如其名, 真係會流心 (試過出面太多心太軟係唔識流朱古力漿, 係Haagen Dazs 先次次得)賣相同味道都唔錯, 會再黎奏過而芒果烏冬d 烏冬應該係椰汁打成, 好香, 好彈口,呢個一黎到我地已經掛住食, 唔記得影相lu最重要係: 分量絕對唔少, 無因為平而偷工減料 睇到同場其他客人食西瓜盅同埋綿綿冰就知足料, 絕對值得再黎, 要彈既就係menu未夠多圖片 , 下次再去同老闆傾傾先 !