甜源居

營業中

休息中

叫左2個甜品...炸雪糕同埋芒果班cake講下個炸雪糕先,一睇個餐單真係幾貴下,但我係為左lei樣野而泥既,幾貴都會試泥到之後,原來有2個既,仲要咁大個@@計落都幾抵既個雪糕好好食^^個皮都好好食,有d奶味,但厚左少少,總括泥講我都好滿意或者佢可能整多d味比客人簡^^之後就係個芒果班cake,個d芒果有d酸,麻麻地個皮就太厚喇,個邊位直頭係食唔落口,剩番係度下次再去,我仍然會叫炸雪糕^^

八點左右入到西貢，第一站就去左依間野依個時段都仲未開始多人，所以一入到去都已經有位可以即刻坐底叫左個芒果河粉。個賣相好靚，好香芒果味有多舊芒果，個湯底係用芒汁加埋西米。個啲河粉係用蒟蒻整既，食落口覺得好幼滑而且份量都幾多!如果當飯後甜品既話，一個人應該會食唔晒，因為好大碗下次得閒都會再去食不過如果價錢平啲就會更好

成日都好想試,但無奈個價錢真係有D貴啊爸經過話試下,於是就叫左期待好耐既炸雪糕><四十幾得兩大粒,的確唔係好抵!不過純粹係想試下!之前已經係度食過芒果河粉同其他甜品!覺得幾好炸雪糕,幾好味,推薦雪糕用紅豆味!有D奶味咁,幾好食個皮就略嫌有D厚但唔會食多次,太貴,唔抵><

朋友話有一間好好食既糖水舖一定要試!咁我地就一行三人去影完相就去左西貢搵好食既糖水估唔到以前係滿記隔離既甜源居搬左位因為好耐都唔去一次西貢所以一直都唔知以前就已經覺得佢地既野食好過滿記!今次重試左好多唔同既野食~重有同老板娘好好人好好傾^^~又介紹左D特色野食比我地重同我地講佢地每季都會加入一D新野食~叫我地得閒就去下

細妹推介這間甜品，今晚咁啱約朋友入嚟食海鮮，見時間尚早，又有點肚餓，便與男友先到此吃一個甜品作Tea。我選了妹妹推介的河粉，因為想吃多點生果，所以我選了什果河粉。河粉做得不錯，味道適中，也不會太甜，配合芒果汁，真的很美味。男友的蘋果魔芋露，清清地，內有少許雪耳，也不錯。不過，男友略嫌不夠凍。下次要來試試石榴飄香，因為我極愛石榴呢!

今晚去左個零收鑊chok墨魚團~落左船朋友仔提議話去食炸雪糕 貪得意既我當然唔會say no啦去度先知係原來黎甜源居~記得好耐之前食過,間鋪仲係滿記隔離 宜家搬左鋪位置幾偏僻下但都爆埸呀 等左一陣先有位呢炸雪糕 外表圓looklook好似炸魚蛋 吉列豬扒的皮包住大大球雲呢拿雪糕 切開左個雪糕都仲未溶 唔錯wo~外暖內凍 又冰又火既口感都幾得意 炸皮唔算厚食落唔會好油膩 我同好友都一匙一匙咁食到停唔到手 值得一試呀白雪公主 唔知食咩好 咁就試下個店員推介呢位白雪公主啦 仲聲稱有去濕解毒養顏功效 arm晒我呢d經常燥底人仕 其實即是椰汁露內加山竹,清心丸同薏米. 山竹甜品好少地方有 不過呢度既山竹幾酸配埋奶味重重既椰汁露唔太夾 食完真係有俾店員搵笨既感覺= ="芒果涼粉 大大片芒果肉絕不欺場 濃郁芒果汁底可以當湯飲咁 加埋消暑涼粉食完即時透心涼 惟一要彈既係涼粉切到勁大粒,求求其之作 玩完成晚再同朋友食個糖水吹下水 十分滿足的一個晚上~謝謝友人請客

may 01, 10去完橋咀洲地質公園,同大家醫吓肚,7大叫咗以下 : 1) 川貝雪耳燉木瓜 (hk$22)-無試到,估計正常 2) 金沙寶藏 (hk$28)-個面做得要讚因個糖面燒得很脆,用匙"羮"敲下時,卜聲裂開-可惜底下嘅布甸味道真喺不濟,布甸中有好多西米,呢樣嘢喺無味,連甜味都唔多覺,整體無嘜味,幸好滑度都合格的-很沒癮的甜品 3) 蘋果魔芋露 (hk$28)-友人話成碗無嘜味,個蘋果底無果甜-相信2款生果嘅甜度也不高,所以拉不起全碗嘅味道上嚟 4) 榴槤飄香 x 2 (@hk$35)-對榴槤好敏感嘅我,坐喺旁邊,d味已經撲埋嚟,令到我要背住友人們咁食-不過好此道嘅友人就覺得好似滿x好d 5) 生果皇后 (hk$28)-個底好似喺芒果味-似乎全晚味道叫做第2似d樣嘅出品* 友人話以前佢嘅水準好d.........雖然佢嘅另1名物芒果河粉我哋無試到.........但試咗今次之後,我對芒果河粉都唔會有咩寄望..........我個人覺得嚟多次都可以慳番 * 當晚西貢嘅所有食肆都爆到滿瀉............連這間甜品也不例外

我好鍾意個芒果河粉, 個河粉質質無咩味清清地, 但加埋香甜既芒果汁底都唔錯, 楊枝甘露好味過其他店, 我比較鍾意呢度既出品, 其他都無試過. 不過外賣既碗好細, 果次外賣芒果河粉, 我諗個份量係堂食一半都無, 勁唔抵, 佢用番芝麻糊果d碗仔邊載得晒成碗芒果河粉喎, 起碼都比番個車仔面碗咁大呀, 可以既話我一定唔會再買外賣.

食完晚餐, 行到過來食甜品.好多人, 開左好多 摺枱!叫左兩個甜品, 都係生果, 其中一個係榴槤!等緊果陣, 見到店內勁多明星相~睇都睇左好耐, 時間過得好快!起碼, d 甜品好似馬上已到枱上咁~榴槤我唔食, 大豬女友話好正~我只食了另一個西瓜的, 個瓜半生喇, 幾硬, 瓜唔甜, 但因多其他甜耶耶的汁, 打平均都ok喇.榴槤愛好者必來!

黎到西貢最尾1站;就梗係食甜品啦!睇完OR話呢度有芒果河粉;就同男朋友叫左1碗SHARE30蚊就有D貴囉不過...蒟蒻整成O既河粉;望落已經好吸引!加埋芒果汁做O既湯底同埋少許西米;再加埋半個新鮮芒果切片;加埋1齊就好似魚片河粉!湯底O既金黃好吸引!!呢個河粉最特別係冇味精;仲要成個湯底飲晒河粉好煙UN好有咬口;芒果好甜;加埋個湯底真係好正!!下次要再黎~PS;西貢吾係淨係得滿記姐我又覺得!呢度假錢貴得有道理;滿記吾係話吾好;但係價錢偏貴我又吾太覺得值果個價!

同朋友在西貢食完晚飯,當然想食埋甜品la,不過唔係滿記,而係甜源居,貪呢度唔似前者越做越差。由於朋友第一次來,當然order芒果河粉俾佢地試下,結果不出我所料,個個讚不絕口,賣相靚,味道一流,真係可以把芒果汁底當作湯咁飲。而我就因為之前已試過芒果汁底,所以今次就轉試番石榴汁底,又香又清甜。另外再order炸湯圓,如果就咁食,就好普通,但如果淋上芒果汁(隨炸湯圓附送),即刻fresh好多

吃過了海鮮之後，一行近廿人拉隊來吃糖水，西貢除了有滿記之外，原來近海傍的甜源居也是非常旺場，其實應說是要比滿記的更多人，但人家現在已經是做到連大陸也有Franchise店，西貢店的存在，似乎已經變成一個象徵性的總店而已。說回此店子，相信都是家庭式經營，所以感覺上其安排真的很雜亂無章，一行人要等上近十五分鐘才有位，坐好之後，大家各自選自己喜歡的甜品，問住在附近的陳真兄這兒有什麼出名，他說可試有果后山竹的白雪公主，另外一款是芒果河粉，最後由於店家沒有山竹，所以除點了芒果河粉外，最後就找了有男仕恩物石榴在內的石榴飄香。先來的是芒果河粉，看上去已經夠賞心悅目，芒果切片如魚片或腩片，吃起上來無根又香甜，而河粉用上了蒟蒻及海藻粉搓成，起初吃還以為是椰青及椰果等打成糕狀後，再切成河粉狀，因為本人明明是吃到了點椰青味的，但怎說也好，質感煙韌而口感幼滑，還想如何，伴着濃濃的芒果汁為湯底一邊吃，真的美味，芒果汁內的西米也是大小軟硬適中，是沒什麼可以彈的一味甜品。另外的石榴飄香未吃，已經嗅到有很香的石榴味，用上新鮮的石榴打成石榴汁，加入西米同吃，吃起來有石榴肉粉粉的質感，而石榴味仍是非常強烈，西米也是如上一

五月中旬•芒種 在比利時餐廳走出來，找甜品店吃甜品。在西貢，很奇怪，食店的種類及數目不少，偏偏是甜品店就只得兩、三間。不去滿記，自然就要來這邊，就信步行來海傍街。時近十一時，這裡是燈光火著之餘，還要是人氣旺盛，差不多是座無虛席的。 這裡沒有什麼空調，坐在近門口的地方，似乎也會越坐越熱，也是喝杯沙冰較為正路，就要了杯益力多紅豆沙冰。 冰凍的益力多沙冰打在紅豆上，涼快甜美，酸乳的味道很清新，是炎夏必選的一味甜品。難得的是墊底的紅豆也軟稔香甜，十分不錯；朋友選了的白雪公主，是在花奶內加入山竹、椰果、薏米等等，聽起來已經知道幾飽肚的；另一位朋友選了熱的酒釀丸子，在晚上也有28度的日子，吃熱甜品也有點吃不消。 埋單80蚊，越夜還越多人，這裡是受歡迎的。

剛從餐廳步出來, 問問大鳥要唔要溝貨? 我提議再去食河粉, 嚇得大鳥花容失色! 哈哈哈...西貢區人氣甜品唔多, X記市區大把分店, 無必要响西貢食. 這間甜源居就得只此一家, 梗係要嚟試吓啦! 見好多開飯食家都嚟試呢度嘅河粉, 咁就用河粉來溝溝貨吧! 芒果甜心河粉 - 個河粉份量倒不少, 如一個人食應該太多, 因蒟蒻都幾飽肚, 所以我們只一碗倆份吃. 河粉味道則略為淡左d, 芒果湯底味道也較淡. 如成碗當健康食品吃還可以, 當甜品則麻麻.... 我看還不及而家流行的雪花冰吧!下次應要試試其他款色嘅甜品...

店員推介甜河粉，不過茫果汁只有甜味無茫果嘅香甜，河粉完全無味，分量少價錢偏價，下次唔會再點呢樣