甜蜜蜜甜品專門店 (已結業)

當晚大概九時多，我們一行七人到來，門口已經擠滿整條街，等了約三十分鐘終於可以進入。本人開鋪至今都一直幫襯，每逢到尖沙咀吃甜點都會選擇它。望望menu 價格上升了不少，因為當晚的晚餐吃得很小，所以就想點一個較飽肚的甜品-炸芒果雪糕，這是我首次點甜品，結果完全失望，更令我唔想再回頭幫襯。這個炸芒果可説完全失敗，它的炸皮來到已經很腍，炸皮是又冷又腍，而內裏的芒果雪糕嚟到仍然是一舊冰的雪糕，根本完全食唔到，十分硬。及後立即詢問店員，他的反應惡劣，完全沒有禮貌地回覆，他的答案竟然說這是是正常的，要炸而裡面是雪糕，要等待雪糕溶便可以食，當所有同伴食完起身走的時候，呢舊雪糕仲未溶，離哂譜。而其他同伴叫的甜品則大部分稱偏甜，一致認為它們的食物質素每況愈下。

開起1998年，至今已經25年嘅甜蜜蜜!你問我有咩特別？如果佢係特別嘅話就一早通街分店啦，開左25年只能反映佢係一間合格+正常嘅甜品鋪，幾唔錯架啦。芒果加益力多 雪花冰，一般貨色，淡味左D，口測落左唔夠一支益力多。小丸子漿口得濟，唔係幾掂。椰果居然幾好味，唔知佢起邊度入貨呢，好少見椰果唔錯。PS 朋友話「榴槤雪花冰」相當好味喎，有條友瘋狂起度NTR佢碗雪花冰。如果係佢寫呢篇野嘅話，佢應該會比推薦，可惜係我寫

【 🥭爆爆珠芒果小丸子 】---💰價錢：$55 ～～～📍評分：8/10～～～⏩ 個晚同班friend喺尖沙咀食完野，諗住round 2去食糖水😛，就黎左呢間人氣甜品店！都真係好多人排隊，等位就預左😂，食完都要快d起身俾其他人入🙇🏻‍♀️！～～～芒果粒好多汁好鮮甜🥭，食左咁多舊 冇一舊係酸既😳！芒果汁底一樣係好濃好出既芒果味，口感好稠唔稀😚，食得出係好重芒果香😝！而且有好多爆爆珠、海藻珠，一咬落去就爆汁既感覺jeng🤤！三色小丸子既份量又係非常足料🍡，口感夠灑煙煙韌韌，煙韌控必愛啊👅！成碗食落就係好juicy好sweet好煙韌，足料又好食👍🏻！～～～✅ 整體黎講，甜品真係整得幾出色，唔怪得咁多人排隊啦😹！價錢黎講我覺得少偏貴，但係好食真係好食既😋！～～～性價比：4/5回頭度：4/5賣相：4.5/5環境衛生：3/5服務態度：3/5

尖沙咀嘅甜品舖寥寥可數 🥺所以一想食甜品第一時間就諗起食街厚福街 今次就去咗甜蜜蜜甜品專門店 😋 店舖嘅裝修正正常常 😆朱古力疏乎厘 $65 大家如果真係要叫嘅話，記得要提早嗌 真係需要大概20分鐘先有水準ok , 雪糕口感豐富 甜味拿捏得可以心太軟 $65呢個都幾推介 ❤️ 因為心太軟係真係做到流心效果 香蕉窩夫 $68 窩夫都幾脆口 不過略嫌價錢性價比一般如果有埋雪糕會更好香蕉卷 $65 呢個推介，因為好少喺其他甜品舖見到有另外食落去非常夾 有凍有熱 😆 幾得意桃膠小丸子 $48 幾足料 🥰 不過桃膠略嫌有小小稀🥹

好多人都知尖沙咀厚福街多嘢食❤️識食之人應該知道呢條街有間開咗好多年嘅甜品專門店😊蕉媽都唔記得究竟甜品店係我中學定大學年代開，總之就係開咗好耐如果過開尖沙咀搵甜品食💓首先都係會諗起「甜蜜蜜甜品專門店」🥰是日蕉媽點咗「勁爆米紫米露」MM就點咗「紫醉金迷」聽到甜品個名都有個紫字，其實都係紫米露做底「勁爆米紫米露」內有紫米露、芒果粒、芒果雪糕、大明珠、海藻珠、三色Q果，點解叫「勁爆米」？因為仲有爆炸糖呀！食落口真係好爆😆 口感好過癮🤣，呢道甜品玩味十足。MM爸嘅「紫醉金迷」配料就少啲，包括紫米露、芒果、黑珍珠、椰果、小丸子和椰汁。味道和我嘅甜品有啲似，不過口感就着重𡁻口煙韌度多啲。甜蜜蜜長期都有人龍，張櫈未坐暖食完甜品就要起身俾個位下家㗎啦😆甜蜜蜜甜品專門店 （尖沙咀)尖沙咀厚福街5-6號地下2號舖

喺尖沙咀食完晚飯意猶未盡，朋友提議去厚福街呢間甜品鋪食埋甜品，入到嚟鋪仔細細，裝修雖然冇咩特別，但都有好多人排隊，朋友話呢間鋪頭係老字號，一於試下佢有咩特別爆爆珠芒果小丸子有芒果爆珠，芒果粒，小丸子同海藻珠，咬落好有口感，味道唔錯，就係甜品鋪應有嘅質素，所以冇特別影相🤣炸香芒春卷伴芒果沙巴翁朋友特登叫呢個叫我一定要試，真係俾佢驚豔到，外面春卷好香脆又熱辣辣，配埋入面又嫩又甜又冰凍嘅芒果真係好match，沙巴翁係指用碟上面用蛋黃，砂糖造成嘅醬，伴住芒果春卷嚟食真係好香甜好味，我哋一舊接一舊點埋醬好快就清哂成碟喇#foodie #尖沙咀美食 #厚福街 #hkig #hkfoodieblogger #hongkonger #foodblogger

朋友係台灣返黎香港，我地係tst食完晚飯就想去食糖水，台灣朋友想食港式糖水，但發現tst搵到嘅大都係食芋圓嘅甜品店，由於朋友係台灣食太多無特別想食芋圓，所以就搵到間比較港式少少嘅甜品店。去到我地點左2樣甜品，分別係：爆爆珠芒果戀曲 （爆爆豬、芒果粒、小丸子、芒果雪糕）面面俱圓 （椰皇、海底椰、湯圓、小丸子、芋圓）朋友食嘅係爆爆珠芒果戀曲，佢覺得好好味，芒果都好甜而我點嘅面面俱圓，入面嘅椰皇好香，而且超級足料，朋友試咗一啖都覺得非常出色、好味！好推介大家下次可以叫呢個，又養顏又好味😋不過超多料，食完會好飽🤣

首先點左心太軟，荔枝冰。5分鐘後點芒果冰。心太軟首先到。食到一半。芒果冰都到埋。我只係多口問一句,小朋友個荔枝冰呢？嘩，個女人“碌”大對眼答我，“”整緊啦“”。個一刻呆了。本來打算輕輕食個甜品就算，沒有想過突然會有這些服務態度。以後不了。

喺尖沙咀食完晚飯，想要下場，梗係要揾下附近糖水鋪，填飽第二個胃啦。呢間糖水鋪位於厚福街，容易搵，而且比起隔離嘅芋圓糖水舖冇咁多人，唔洗等位，一於入黎啦。朋友揀左流連忘返，成碗椰汁味好重，但榴槤味就唔特別香濃，我唔食榴槤，但坐起朋友對面，都接受到糖水所帶來嘅少許榴槤味。我選擇左古堡傾情，有兩塊酥皮，兩球雪糕，仲有雜果。酥味冇咩特別，冇咩牛油味，有大量唔同水果，士多啤梨酸，芒果好甜，其他都唔錯。綠茶味雪糕味道唔算好假，曲奇味雪糕還可以，仲有其他3種味揀。甜品正常，但服務一般，好趕客。

食完飯食甜品係常識!🥰呢間甜蜜蜜甜品專門店真係好耐, 記得中學開始已經食, 真係好好食!今日經過, 特登去食! 叫左 --😋朱古力心太軟-必食! 心太軟外脆, 超級流心, 朱古力味非常濃郁, 好味到不得了🤭😋荔枝玉露-都係必食! 鮮奶 + 荔枝沙冰, 好清香, 超軟滑既雪糕咁, 配上少少爆珠, 食多碗都仲得!😋朱古力梳乎里-空氣咁梳乎里, 但熱辣辣好香好好食!地址 : 甜蜜蜜甜品專門店尖沙咀厚福街5-6號地下2號舖評分 : 9/10

當晚，我跟好友在尖沙咀 Ashley Road Trading Company 食完薯條飲完酒；當時，開始落毛毛雨，我們便走到厚福街的甜品店 <甜蜜蜜甜品專門店>！印象中，幾年前跟3 位好姊妹來這裡食甜品，今次重溫甜蜜滋味！ 多謝好朋友請我食甜品！我們走到甜品店，已經將近 9:15pm，入座時，跟店子收舖時間尚餘約半小時！他起初都想先落單，話哂有些甜品製作需要時間，加上還有其他人等位！店員聲稱甜品出得快，所以，拒絕我們未入座先落單！店方把大眾化的甜品，加上創意，變奏版的特色甜品，帶給食客新鮮感！炸芒果雪糕班戟 $68需時約 10分鐘他讓我先選擇甜品，這是我的首選！外層是炸至金黃色的班戟皮，輕輕切開，內裡是冰凍的芒果雪糕，冷熱交融雙重感受！ 相對雪糕質感較為死實難切開；旁邊還有新鮮香甜多汁的芒果肉、奇異果及士多啤梨片...！焗冰火芝士木糠布甸 $65需時約 10分鐘以咖啡杯盛載，看似一杯咖啡雪糕！頂層是焗蛋白、中層凍芝士、底層是餅乾碎！焗蛋白散發香氣，既香脆又軟綿綿！他建議由上而下舀料，就可以嚐到了3款食材及不同口感嘞！整體口感濕潤不甜膩，份量恰到好處！炸香芒春卷伴芒果沙

喺尖沙咀想食個飯後甜品其實都冇乜選擇，呢區極少甜品店。唯獨呢間真係喺度好多年⭐️焗朱古力心太軟伴雪糕⭐️心太軟標榜用上比利時朱古力製作焗到外微脆 內軟 流心程度普通 只有少量朱古力漿 唔係澎湃嗰種朱古力味幾香濃唔太甜 味道可以雲呢拿雪糕 就係普通品牌嘅雪糕 冇特別⭐️爆爆珠芒果戀曲⭐️芒果汁底幾香甜 芒果雪糕正常配料有芒果粒 小丸子 爆珠 海藻珠 整體味道正正常常總結💫食物可以 正正常常冇驚喜環境服務普通 價錢少貴西式甜品價錢還可以 但糖水就偏貴

落咗兩個幾禮拜雨，飯後天氣有啲涼，諗住食碗熱糖水暖下胃，叫咗碗薏米腐竹蛋糖水，甜度可以，薏米有兩三粒，碗糖水非常熙，賣$32我覺得唔係好值，如果得我真係想攞返去退款。我前幾日去完附近另外一間糖水舖，係貴幾蚊但係好食好多囉。唔知呢度主打係咪凍嘅甜品，所以忽略咗中式甜品，我建議直頭唔好買中式糖水，咁樣啲品質會好啲，以前成日同朋友食完飯都會嚟，但係質素真係差咗了。。不久嘅將來都唔會幫襯住，希望未來有改善。謝謝。

本身好鍾意食榴連，嚟到甜蜜蜜，點都要嗌返個榴連甜品🤗呢度嘅「榴連忘返」真係無得頂🤤除咗有榴連雪糕之外，仲有滿滿嘅榴連肉。入面啲芒果其實都唔差，但榴連實在太搶味，提升咗成個層次

食完晚餐唔夠飽，又想搵個地方坐下。多人等位，不過都好快。.總共叫咗4個甜品：.＊芒果窩夫🧇窩夫外脆內軟，芒果好甜。加朱古力雪糕（+$12）。.＊熱椰皇桃膠鮮奶燉蛋白🍼桃膠冇咩味，建議可整黑糖桃膠，味道應該會更豐富。椰子肉🥥好香好淋，可以成個食曬😂.＊焗冰火芝士木糠布甸🍮有趣口感又凍又熱又甜又咸。未食過嘅味道，值得一試。.＊焗綠茶心太軟伴豆腐雪糕🍵有綠茶味，心太軟仲係流心。綠茶同豆腐味雪糕好夾。.整體來講，甜品唔錯。不過唔係一個傾計坐下嘅好地方，店舖好快就會執枱招待下一班客人。.