甜蜜蜜甜品專門店 (已結業)

因為在公司被引誘所以下班後突意來吃2家店選一家在下選了這裡一來是想回來看看這裡的變化二來是另一家是上樓的..好熟悉的Mean回憶回來了隨後還發現他們的是日熱糖水有紅豆沙太好了 在下難得地沒選錯店紅豆沙很快便到了 👍👍熱辣辣的 讓在下放著一陣子才吃得下紅豆沙煮得很溶 豆鵴佷多是有花時間心思的見証現在有太多的紅豆沙只是把它煮透沒做到「沙」的口感隨了自己在家耗時間去煲之外真的真的好久沒吃到紅豆「沙」了紅豆沙還未吃完主角心太軟便降臨草莓伴碟 香草冰淇淋 還有會流出來的心太軟香濃的朱古力味熱熱軟軟的蛋糕卻好像有點乾 🤔唯有用朱古力的熱力把冰淇淋暖一暖一同吃吃2口冰淇淋..應該沒事的 😆今天還吃得真多巧克力整個月的上限都吃掉了 😅

而家冇左晚飯既時間，但都冇阻我同朋友搵地方坐底食少少野，傾下計～ 去到厚福街見鮮芋仙要排隊，我地就揀左甜蜜蜜餐牌都好多選擇，樣樣都想試店舖比較細，所以啲位都比較迫椰王桃膠燉鮮奶蛋白鍾意佢夠哂熱辣辣香滑燉奶蛋白，味道清甜一啖燉奶一啖桃膠，口感有層次食到最後食埋啲椰子肉，夠哂滋補香橙朱古力梳乎厘伴青檸雪葩雪葩好好好酸呀～一定要點芒果醬，酸甜酸甜梳乎厘普普通通鮮什果窩夫窩夫外脆內軟，口感不錯什果份量適中係一個同朋友傾計不錯既地方，甜品不過不失

厚福街真係食街，甜品舖都有幾間！友人揀左甜蜜蜜，真係揀得啱呀！有好多款唔同種類嘅甜品！👉🏻焗朱古力心太軟伴雪糕$64用左比利時品牌朱古力，非常香濃，一切開就有熱騰騰的朱古力流心湧岀，我中意佢個蛋糕唔硬又唔厚身，再配合雲呢拿雪糕，好滑，冰火交融就是最完美了！👉🏻椰皇海底椰燉鮮奶蛋白$62椰肉好清甜，d汁再連埋鮮奶蛋白好好味，而且真係好滑，微奶香，份量亦唔少！真係好推介！雖然環境比較狹窄，但食到好味嘅甜品都係令人開心幸福！

2021年12月1日 晴最近轉左新工, 環境同工作量都唔同曬, 未適應有壓力男朋友知道後話帶我去食甜品打打氣Sweet焗冰火芝士木糠布甸 $62入口有冰火交融的感覺, 好食炸香芒春卷伴芒果沙巴翁 $68下面ge 醬有炙燒過, 春卷皮脆, 點埋芒果醬好食食完個人真係開心返曬多謝男朋友

Had dinner with friends in the area and were non stop chatting, and none of us want to go home. So we decided to look for some local dessert place. But considering it was a Saturday night, most places were quite full. We came across here and the queue wasn’t too long. We waited for about 10 mins and got our table. It was like another regular local dessert place. I wouldn’t say it was bad, but definitely wasn’t really amazing. It’s ok to have it once in a while, it’s not something you’d crave for

食完飯行咗一陣街，想搵個地方食甜品，諗起厚福街有好多甜品舖。差唔多九點都仲要排隊，等咗一陣就有位啦紫醉金迷 $52入邊有紫米露，芒果，黑珍珠，椰果，小丸子 椰汁。份量唔多，芒果好甜撈埋椰汁同紫米露好夾。小丸子好煙靭。友人既爆爆珠芒果小丸子 $50普普通通，勝在夠多小丸子煙煙韌韌！

今晚剛吃完此店的所謂甜品，朋友吃了裏面有一些椰汁奶凍，十分硬，別的甜品店活得較為軟熟，濃郁奶香味，此間完全沒有這個感覺，正如咀嚼一粒擦子膠般。朋友食了一個椰皇燉鮮奶，從未見過一個椰皇的肉是用鐵匙羹都刮不出來，終於最後用九牛二虎之力，才能刮出肉來，完全不似是椰皇，似是一個椰子，超級極度難食。我們三少只坐了20分鐘左右，居然有職員趕我們走，態度十分惡劣，她說出邊很多人等位，食完可以離開，那個職員的態度十分冇禮貌，只是坐數十分鐘，就這樣趕客，我付費的時候，也同此職員理論，表達我對他的不滿，如果你需要適合半個鐘頭內要食完就即刻要走，那麼為什麼不一開始入即是告訴客人有多少時間進食，不是食完後，就趕客人走，我們都是消費者，簡直完全沒有下一次，我永遠都不會再來！

以前好喜歡來這間食甜品，今次來到不用等位，叫咗焗香橙朱古力軟心疏乎厘同紫霞仙子（巨峰提子）。兩款都麻麻地，香橙太酸，巨峰提子係好化學味道，覺得佢啲質素已下降，唔怪得知現在不用等位了！

啱啱喺尖沙咀食完晚飯，口痕痕想食埋個糖水先走，去Openrice搵到呢間糖水鋪，因為都幾多人like，所以即刻去試試😎見到個餐牌發現都有幾多款式，有選擇困難嘅我最後揀咗『荔枝玉露』同埋『勁爆黃金俠』🥭荔枝玉露（5😋為最高）賣相：😋😋😋味道：😋😋😋😋😋價錢：😋😋😋回購：😋😋😋😋😋評語：成個甜品好清新，唔會太甜，就算食完一整碗都唔會好漏，絕對會encore勁爆黃金俠賣相：😋😋😋😋味道：😋😋😋價錢：😋😋😋回購：😋😋😋評語：當爆炸糖遇上芒果係幾得意，不過略嫌味道有啲人工製造

同朋友夜晚食完飯之後，因為時間都比較早，我哋決定就要去搵一間糖水舖去食糖水，因為好多嘢都仲未傾完，所以決定搵間糖水舖可以坐下傾吓計。去到厚福街呢邊，本身諗住去食鮮芋仙，但係因為已經排晒籌，所以揀咗呢一間糖水舖。雖然都等咗20分鐘左右，但係都總算有位可以坐。我哋最主要都係因為想搵個地方坐傾吓計，所以食物質素方面我哋都覺得普普通通嘅，我就點左個紫米露芋圓，朋友就點左香蕉窩夫，同埋榴槤冰，仲有雜果雪糕。我覺得個芋圓唔算好好食，都算好一般。朋友個榴槤冰就好好食。所以我覺得搵個位坐下傾吓計呢間糖水舖都算可以嘅，但係你話想好食嘅就未必係邊呢一間喇。

雖然係星期六，但因為老闆娘很好客，人哋未食完就已經叫人快d走，所以我哋好快有位。🍼椰王桃膠燉奶 $64香滑燉奶，加埋椰子肉桃膠，唔會太甜口感有層次，可以幫我呢啲行走嘅老字號補充骨膠原。🍫焗黑白朱古力疏乎厘 $62超凍雪糕加上超熱疏乎厘，一起在口中溶化。冰火交融🧊🔥係測試敏感牙齒嘅時候🦷貌似濃濃嘅朱古力係Nutella😳細我2年嘅1998年老字號可以喺厚福街屹立不倒一定有原因，就係因為特別好食。但的而且確今時今日嘅服務態度真係好重要，希望老闆娘忙之餘都可以多啲休息唔好發咁多脾氣…

🔻魔鬼天使 $66 (6/10)令人懷念嘅綿花冰 畢業後好似冇再食過🤣特濃朱古力味唔會太甜 似黑朱 👌🏻*🔻榴槤飄雪 $59 (7/10)因為食咗心太軟先試呢款甜品已經食唔出任何味🤣但朋友就大讚 榴槤肉又軟又甜與椰汁同紫米幾襯*🔻心太軟 $62 (7.5/10)永遠都抵擋唔住流心嘅誘惑明知好甜 但都係要食😝但呢次甜度適中 好濃朱古力味流心做得好好 皮薄外脆內軟❤️配埋雲呢拿雪糕 一凍一熱 經典又完美的組合——————————————————好耐冇食過港式甜品味道雖然正正常常 唔算特別但讀書時嘅回憶就返晒黎🤣by C

夜晚喺尖沙咀食完飯就想食返個甜品，要我諗尖沙咀附近有咩甜品鋪？🤔 我就只係諗到梳乎厘班戟店，又或者係一啲好靚好fancy嘅高級蛋糕鋪，但我又唔想食呢啲～😣 但出到嚟尖沙咀，我又唔想食太普通嘅甜品，例如楊枝甘露、芝麻糊呢啲好多地方都有嘅糖水～🧐.到底尖沙咀有冇啲特色甜品，而價格又OK㗎呢？🤔🤔 於是我就去咗厚福街度搵下，呢條街咁多嘢食，應該會搵到間啱我心水啦啩？最後就入咗嚟呢間甜蜜蜜甜品專門店！.甜蜜蜜嘅menu有超多甜品揀，淨係睇份menu都睇到頭暈眼花，🥴 大部份嘅甜品都有附圖，見到啲甜品咁靚，選擇困難症又開始發作了，🥴 唔知揀咩食好！最後叫咗兩款甜品，第一樣係老闆見我哋揀到頭都痛埋而推薦的：炸香芒春卷伴芒果沙巴翁！🤤.平時去酒樓食春卷就食得多，今次真係第一次食甜嘅春卷，感覺好新奇好特別！🤩 呢個甜品係用一隻長碟裝住，擺盤好精緻～一大盤沙巴翁漿浸住6件芒果春卷，仲配一兜芒果醬汁！春卷外皮炸到非常香脆，入口酥脆鬆化，仲熱熱地，而個餡係用新鮮芒果整成嘅芒果蓉，鮮甜又多汁，仲凍冰冰，外脆內軟、一凍一熱嘅感覺非常刺激又好滋味！😝😝.另一樣甜品就叫咗香蕉窩夫，窩夫炸到外面好香脆，入面係好鬆軟的

琴晚3大2小8點去左呢間食甜品,係門口巳經有店員講定要分2張枱坐，唔緊要都預左.坐低無耐就即刻叫左碗中式糖水，榴槤忘反同埋雜果西米加雪糕.甜品黎到之後我地食左10分鐘都無，有個著住白色衫白色鞋紅色褲類似老闆娘既女人就不停係我地面前行黎行去又不斷望住我地睇下我地幾時食完俾番張枱佢,當時我地坐左15分鐘都無,雖然出面有其他人排隊但係我地都唔係食左好耐姐,小朋友食野係需要啲時間嫁啦！你唔鐘意招待小朋友又或者你有限時規定你可以係入坐前講明俾食客知道再由食客自己決定用唔用餐,其他枱都有小朋友又叫人地唔好行黎行去坐定定.如果唔係會罰錢.唯一係有個廚房既4眼男仕出黎招呼態度比較好.最後我地食左半個鐘都無就走左.呢個女人既態度真係好差.絕對唔會有下次.簡直係垃圾.如果你係老闆娘你似趕客多過想做生意,同埋如果你唔想客人坐得耐同招待小朋友你最好寫明限時幾耐定大家有心理準備.唔洗食到一半就俾你望住曬.

3大2小去了久違的甜蜜蜜，限聚令關係，被安排坐咗兩張枱小朋友太細，只叫左3款糖水一路食，d待應全程行過𥄫實，好似俾人監視住咁⋯⋯當時8:30pm, 門口無客排隊, 我哋已經極速食，費事阻住人哋做生意埋單嗰陣，又被不禮貌望住，呢間真係無下次