甜點

營業中

休息中

廁所鎖匙唔見咗,唔去處理,一係配番,一係配多幾條做後備,一係同客解釋未配番要勞煩個客行遠少少,前題係做人又好做服務性行業又好,首要係有禮貌而唔係忽略客人。我唔信你地員工個個行去熊貓解決,一定鎖匙,係唔拎出黎比客用。又唔配番,叫客人行去熊貓酒店,又無服務態度。一個咁小嘅問題都唔識解決,食物再好食都唔會有第二次,點知下次去食物質素有問題,佢又叫我自己去熊貓解決㗎。

💨以前係荃灣食甜品會去路德圍 呢幾年先發覺大窩口呢邊都有好多小店😇/////Hearts Dessert個名有心 甜品都整得幾有心機🥰有時食甜品想飲水清下喉嚨 呢間有花茶可以無限添飲.👉🏻芒果窩夫🧇($48)粒粒芒果味道唔酸 仲好甜😚 窩夫食落暖暖地 口感煙韌 不過個外皮可以脆番少少雪糕簡左香芋 味道香濃似雀巢嗰隻牌子.👉🏻黑糖豆粉味刨冰🍧($52)平時好少食刨冰 第一啖哇凍冰冰好爽🥲刨冰入口即溶 奶味都算重 唔會食到碎冰好Surprise入面仲有球曲奇味雪糕🤩嚟緊夏天熱辣辣呢個真係最佳甜品——————甜點 (荃灣) 荃灣荃華街44號富麗花園B商場地下62號舖

聽聞呢間甜品ok咪去試下，第一次食唔到甜品之餘仲一肚氣，老闆態度係比員工態度更為重要，如果你唔介意服務態度差都可以去試下！榴槤豆腐花係椰汁底就寫清楚，唔係人人都鍾意食椰汁，初頭話menu有寫唔換得，睇完知道無寫又話無可能乜都寫喺menu度，仲話唔食啲乜要喺落單前講先，原來而家做生意可以無理取鬧，不知所謂，唔會有下次，反正甜品唔係必食

工作關係會不定期到大窩口工作，偶爾發現呢間小店，試過一次就愛上了。今次再有機會到大窩口，又可以黎到呢度午餐，佢嘅肉丸好味、意粉好味、醬汁都好味，所以每次都會叫午餐黎講$50有個意粉加杯熱飲，真係好抵食今次仲試左牛油果煙三文魚意粉，就係同肉丸長通粉同一個白汁底加牛油果同煙三文魚喺上面。唔算太特出，但大窩口區黎講算係唔差了。最後仲有飲品，每次都係叫熱咖啡，同樣都係同區黎講算係好味嘅。不過就未試過佢嘅甜品，今日先發現佢有芋丸，好想試

今日中午，係openrice尋找附近有咩好食，睇到呢度甜品舖，除甜品外，仲有拉麵同三文治可揀，所以決定試吓舖頭位置唔算當眼，但都好容易找到，外面貼滿好多甜品介紹，餐牌有兩個價錢，一個係正價，一個係優惠時間價錢，中午12:00-18:00係優惠時間叫左個煙三文魚厚多士，份多士真係好厚身，煙三文魚同芝士，真係好夾，入口咸咸香香，多士焗得好鬆脆，非常美味可口另外加一份沙津，有一隻蛋，下面加粒粒粟米，椰果，都幾清爽香甜呢度仲有免費英式花茶任飲

係荃灣食完飯就口痕想搵間甜品食。可惜，原本想去個間竟然無開，不過行前一個街口就見到呢間，姑且去試下啦。舖頭地方唔算大，我叫咗一個黑糖味芋圓刨冰都係$48，價錢都算正常。個冰黎到都比我想像中大少少，外型都幾靚，幾有心思。但點解見唔到啲芋圓嘅？原來佢收埋哂係冰入面😂食落口，好重奶味加埋紅豆泥，好似食緊紅豆冰咁甜。再食多幾啖冰入面除咗芋圓仲有珍珠，即刻覺得變咗食緊黑糖珍奶加芋圓加紅豆冰，雙倍甜。🤣不過，好彩佢有免費花茶提供，食完咁甜都有啲茶中和下。

黎到一間叫甜點既鋪頭食lunch叫左卡邦尼意粉🤤黎甜品鋪就梗係要試佢甜點叫多個同埋黃布甸甜椰 🍮實行食個豐富既lunch💪🏻呢度既卡邦尼意粉係選用 平時最常見圓身意粉 加埋 煙肉 芝士 雞蛋 香草 不過唔多覺呢度有落黑胡椒 反而落左小小微綠色既香草粉落下 都係同普通鋪頭仔一樣落忌廉煮 都係唔正宗 但條條意粉都掛汁 入口幼滑 郁濃不過到個黃布甸到既時候 真係呆左呆 點解白色 唔同我記錯 好似見到menu係黃 咁我再睇曬全個menu佢得1101同1108 一係黃布甸一係黑布甸 但唔知點解出到黎白色然後我得到個menu話黃布甸真身係淡黃色 可能係淡黃到變左純白講下味道 布甸個感覺特別 平時既布甸係雞蛋 佢呢個係雞蛋加椰皇水蒸 種感覺寧舍不同 特別 只係個feel 微奇怪 但唔難食 布甸底下係椰清水啫喱 口感超級滑嘟嘟 重椰水味 超解渴 所以我鐘意呢部分多啲呢間餐廳中午12點到6點 有平幾蚊既優惠 總括黎講 我覺得好味又幾抵食

近期，夜晚變得愈來愈危險，也愈來愈少人在入夜後出來「搵食」，可能只有小妹這種加班後趕返回家的人，在夜間急急腳的走動。平時路過這間店，晚上是有很多人聚聚吃甜品的，擠到店裡很忙碌。但今晚小妹在它對面的天橋望向，發現旁邊的商舖都拉閘關門，唯獨是這店泛出燈光，都幾通火光明，看到內裡比較冷清，客量寥寥無幾，而小妹加班後又肚餓，不如走入去看看。原來這店主打甜品之外，也有意粉拉麵的食品。店裡真的少了很多顧客，或許平常人的生活或多或少都受影響，不出外了。即使如此，這店裡的燈光倒有一種暖意去凝聚食客的力量。點了一份「卡邦尼意粉」，不要以為是碟大量小，其實因為這是深深的碟子，所以意粉的份量是足夠的，至少足夠小妹晚餐不需要吃太多的要求。上碟的賣相不錯，採用了扁意粉，煙肉碎佈滿了碟子中心圓的表面，香草碎和黑胡椒碎舖在煙肉碎之上。挑起一口，扁意粉沒有沾上卡邦尼的白汁。嚴格來說，這碟卡邦尼意粉屬於乾身的煮法，沒有沾上白汁並不表示沒有白汁的味道，實在小妹是吃得出卡邦尼的味道，相信廚師的功力都不淺，煮調到收汁恰到一個點，不會有多餘的白汁留下來，僅僅的薄薄的沾到扁意粉上，滲到煙肉裡就足夠了。煙肉碎夾雜著更碎小的洋葱粒，

嚟到附近，見這間主打食甜品店，午市有拉麵，意粉，多士等，想食甜的我，想先食個麵，然後食個甜品好多餐廳，午餐時段唔會有優惠，但哩間就唔同，12:00-18:：00係優惠時段煙三文魚厚多士配蛋沙律，嘩，份多士嚟到，成寸厚，煙三文魚幾大塊，上面鋪上一塊芝士，口感有啲似食pizza，多士好脆，好厚，真係要用刀叉食，沙律有蛋，椰果，粟米，加咗蛋黃醬，入口好清爽百香果紫背天葵，百香果味較重食完份多士，都食唔到甜品了，聽見隔離枱話好好食，下次嚟一定要試

陪呀豬媽等人，兩口子與其喺街到踱步，不如坐低休息下啦🤗食個糖水慢慢等，店內裝修唔錯，光線充足，牆壁貼左唔同嘅食物素材，佈置方面有心機，感覺良好。叫左個花膠燉鮮奶，花膠幾大塊，鮮奶亦都幾滑，味道唔錯，只不過同豬心中想嘅有d唔同，所以有少少失望。呀豬媽要食番薯糖水，夠薑味，甜度適中，番薯夠腍。最後離開前叫左2個外賣，有楊枝甘露同芋圓，賣相都唔錯。題外話:呢度除左甜品多選擇，亦有一d正餐可選，一條龍買晒晚餐都幾好，方便又滿足👍

上星期日同家人吃完午飯後，心思思想吃一點甜食，便到這店幫襯一下。這甜品店我之前試過幾次覺得不錯，所以今次帶家人一起試。打開餐牌，發現我之前愛吃的益力多綿綿冰已經没有了，失望之下只好點芒果刨冰。但可惜，這刨冰可能加了忌廉的關係，非常甜，而芒果卻非常酸，跟之前吃過的綿綿冰味道簡直差得太遠了！家人看到餐牌被黃布甸甜椰的相片吸引着，便叫了一客，怎料來到的樣子跟圖片卻不太相似，我們甚至要問職員是什麼來的。原來餐牌上是有註明圖片跟實際是不同的。黃布甸我真的不太懂欣賞，下次還是點普通的布甸吧！我們穩穩陣陣的點了一客芝麻糊。芝麻糊不過不失吧！最後我們點了小吃 - 蜜糖鷄肉腸配蛋沙律。出乎意料地這小吃竟是這幾樣之中最好吃的呢！

食完晚飯，同老婆想食下甜品。經過大窩口附近，諗起未食過尼間甜品，就諗住試下啦！點知一試就中伏啦！（其實附近仲有兩間較好既 自己貪新鮮）本來老婆想食桃膠 點知冇晒！咁唯有轉過人氣甜品金露小丸子，我自己要芋圓紫米露。一黎到碗野，我以為佢比錯我！同埋張單寫雪糕丸子！問返個侍應話係金露丸子！🤦🏻‍♂️my god! 張相成碗係多芒汁，點解現實係冇汁，乾撈咁！首先個底係芒冰底，真係冇咩汁，冇味既冰，淡⋯⋯另外冇汁下、攪到丸子又凍又硬！痴實晒！ 乾哽咁呀！個芒果唔甜⋯⋯⋯成件事錯晒！ 🤦🏻‍♂️真係未食 賣相都唔知點⋯⋯！另外紫米露不過不失，感覺似紅X堂既椰汁紫米一樣⋯⋯冇芋頭唔香！紫米要配芋頭粒先係最好！可惜完全係紅X堂貨仔，自己買支飲仲好。芋圓冇咩可能係手工自整，來貨料。正正常常，冇咩驚喜！你問我會唔會再食？我話一定唔會！因為價錢唔值。

叫左個雪糕小丸子西米露，之前堂食都覺得唔錯嘅，都仲有好多西米露，多到食唔哂😆☺️但宜家無論係堂食；定係外賣都好少西米露，係超少囉😢可以話係得一小湯匙咁多😢芒果汁反而多左，我都唔知我自己係飲緊芒汁啊定係食佢地啲西米露😢🤦🏼‍♀️🤷🏼‍♀️⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

香港人最喜歡飯後食糖水，除咗甜品屬於另外一個位之外，仲可以透過食糖水是同朋友傾吓計，增進感情今次同朋友黎左呢間甜點Hearts Dessert，喺熊貓酒店對面，地點方便，座位都比較多天氣咁熱，而且係芒果嘅季節，芒果一定好甜，所以我同朋友都叫咗芒果糖水芒果布甸西米露：布甸係細個食開既小布甸味道。芒果好甜，而且份量有半個芒果。西米露亦煮得啱啱好。芒果豆腐花西米露：豆腐花不似盒裝豆腐花， 似自家製作，滑度一般，可以再滑啲

放工諗唔到食咩好，就諗住喺附近搵啲嘢食，咁岩見到呢間未食過，就諗住過嚟試吓！呢間鋪頭嘅位置都幾偏僻，唔細心啲真係搵唔到🤔🤔以為咁偏僻就價錢相對會平啲，但其實都唔係🙄🙄今次先同同事各人叫一碟意粉，我就帶咗卡邦尼煙肉意粉，另外一位同事就叫咗香草帆立貝蜆肉意粉，意粉可以選擇轉長通粉都得。好老實講呢兩碟意粉要食50幾蚊但係分量就真係唔係好夠🤦🏻‍♀️🤦🏻‍♀️好細碟🤦🏻‍♀️🤦🏻‍♀️如果肚餓嘅話真係唔係好夠食🤦🏻‍♀️🤦🏻‍♀️味道一般般，好似用金寶湯罐頭整出來咁嘅味道，所以覺得熱食係唔太抵食嘅😡加$2有一杯凍飲，我哋都叫咗蜂蜜金橘，好純粹地係用一大罐柑橘蜜沖出嚟嗰一隻，冇咩特別，所以總括熱食係唔推薦！不過好彩個甜品真係夠全家！我哋叫咗一個鮮果窩夫，呢個甜品就真係唔錯啦，上到嚟擺得好靚，雪糕仲有得揀味，價錢都係$50，都幾抵食！