生記粉麵

營業中

休息中

生記重開梗係要黎捧捧場啦，店舖既門面十分乾淨，明亮，職員態度良好。今次真係好肚餓呀! 碗米線🍜大大碗，肚餓既我見到都好滿足。今次叫左鹹菜豬肚麻辣🌶米線(中辣)，加出名既炸春卷同凍奶茶。炸春卷果然名不虛傳，外脆內軟，大大件，呈圈狀。豬肚又爽又滑，最欣賞佢幼切又清理得好乾淨，能放心食用。另外，🧄蒜蓉辣椒醬真係超級好味呀。可惜問左無得買返屋企，如果唔係撈粉面一流。雖然叫左中辣但都忍唔住不斷落碗米線🍜度，好好味呀。

細個成日跟媽咪去路德圍食雄記，2020年結束營業既時候都特意去買左打返屋企俾老人家回味下。知道雄記回歸做生記，點可以唔返黎再品嚐下。六點半到店，門口已經有小小人龍，好在食客們都好好，食完即刻起身，不多留一刻，等門口既人龍可以好快就消失。排隊時已經心有所屬，一坐低就可以落單，食物好快都到，也難怪人龍好快清。⚫️鹹菜大腸米線加春卷滷水大腸，夠淋身唔肥又入味！鹹酸菜超級好食，唔鹹夠曬酸，好正。春卷keep 到，必點！⚫️上湯小窩米線加春卷（小辣）唔好睇佢辣粉少少但都好辣。實測湯底無太多味精，因為食完都無乜口渴🤣

雄記粉麵而家改咗名叫生記粉麵~記得雄記粉麵結業嘅時候，我試咗佢嘅清湯， 感覺冇咩特別麻麻地🤭細心啲睇，原來佢仲有酸菜、鹹菜、小鍋米線嘅湯底等等！今次佢重新開咗喺生記粉麵都係位於荃灣區， 見到最近都比較多人去食， 經過荃灣區又試下啦😂今次要咗鹹菜大腸河粉加春卷（我自己將米線轉河粉）個湯底酸酸辣辣都幾惹味， 頭幾啖食嘅時候覺得冇咩特別， 食食下就會開始上癮， 慢慢覺得酸辣辣幾過引😁咁啱我嗰條春卷係即炸嘅， 咬落去仲喺脆脆地， 比較熱， 店員好熱情， 會行過嚟話比你知小心燙口， 因為係啱啱炸起~春卷嘅味道拍得住南記， 佢仲要係自家製， 所以都會加分👍🏼因為一入到去就聞到好香嘅酸菜湯味，覺得配豬腸應該好夾， 所以我另一份配菜就叫咗豬腸😂 一放入口都幾有驚喜， 豬腸甜甜地， 都住得比較淋， 唔會好硬好難咬🤭 同埋都幾入味，都幾滿意！！！整體嚟講今次呢碗嘢都合格， 仲有啲驚喜添， 經過荃灣區都可以試下， 而且可能係小店，人情味都比較重🤣

今日中午經過荃灣，就諗住去生記食一碗牛𦟌米線回味一下，畢竟中學時期已經食開雄記。 現在係星期六下午兩點左右，我明白客人會比較多，所以都預左要等一陣。我去門口同女店員拎號碼籌，佢應左一聲「喔」，但之後無其他反應。我望一望張輪候紙，叫到19號。如無意外，應該輪多兩張枱就到我。 食完既客人陸續出黎，我提一提店員仲未俾籌號我，但佢只係望左我一眼。當下一張枱應該叫到我時，門口黎左對情侶，店員竟然俾左張枱佢地😨 我以為店員唔記得左前面仲有人等緊，就再次提醒佢我其實等緊位。店員同我講：「等人地坐底左，我就俾籌號你啦。」 店內又有一枱客人出黎，我諗住今次應該輪到我掛。呢個時候門口又有一對客人黎左，店員竟然再次俾左張枱啱啱黎既客人🤯 今次我忍不唔住啦，即刻同個女店員講：「我黎先架喎，點解係佢地入去先！？」佢竟然答我：「2人枱係俾2個客人入先，你1個人就再等下啦。」店內全部都係2人位！頂你丫，即係前面無1個人既食客走，我就唔駛食啦🙃 我嬲到即刻走左💩 我明白生記係小店，座位有限，所以預左要等位。但生意唔係咁做丫嘛！？

自從我喜歡的荃灣雄記結業後，還以為再沒法品嚐那美味的魚肉春卷！原來班底已經悄悄在荃灣另一方開設了新店，知道後我跟車爸爸當然第一時間去捧場。新店名叫生記粉麵內裏裝修跟舊店一樣簡簡單單，但吃的全是舊店招牌粉麵，就連餐牌亦是一模一樣感覺很親切感。吃這店從來我只會選擇魚肉春卷河＄34，一碗兩條春卷加上滿滿爽滑的河粉，就是我的Comfort Food。這裡美味的冬菜和辣椒醬也是亮點之一，但我覺得這趟再嚐辣度好像沒有那麼高，可幸的是味道依舊香口惹味。魚肉春卷亦同樣煙靭美味，車婆婆也非常喜歡吃這兒的春卷，我更買了半打$12/件回外家跟她一起分享。車爸爸本來想吃豬手河的可惜這天沒有供應，所以轉點上這碗牛筋河＄34。牛筋淋得來有咬口質感恰好可惜味道非常之甜，令到整碗河粉味道也非常奇怪。點選粉麵均可加＄8跟冷熱飲品一杯，車爸爸例牌飲熱奶茶聽聞質素也不錯。而我也桄榔樹一條心飲凍檸檬茶走甜！我很喜歡這杯茶的檸檬好新鮮，茶色清澈最重要是帶有茶香味。某記怎樣似也模仿不了這個口感和味道，再來這兒也必定是為了他的魚肉春卷哦！

係呢排好多人關注嘅新開麵店😗不過啲人通常係食酸辣米線🤣同埋其實係重開😛聽講以前叫雄記😗出名食魚肉春卷(類似南記嗰款)今次試咗麻辣腩肉，麻辣豬肚絲，魚肉春卷，麻辣牛展😋首先麻辣腩肉係普通嘢冇乜特別不過味道都ok😌然後麻辣牛展就都幾入味，有口感，唔係鹵到好淋嗰啲😌個個都必食嘅重頭戲魚肉春卷🤔入口係有少少淋，味道冇乜特別，可能因為我本身對春卷冇乜興趣🤣不過個人覺得好食過南記🤣因為覺得南記嗰個有陣味係唔討好🥲但up唔出嗰種係咩味道😂跟住就係覺得最好食嘅麻辣豬肚絲😗好入味又切得啱啱好唔會好難咬但又有口感🙌🏻湯底就係好清嘅色水但又係有辣度😗本身見啲人講話食開小辣就要食中辣🤔但係食落其實陣辣味係慢慢滲出嚟🌶越食越辣的🌶

✨✨老字號粉麵✨✨同事介紹，話呢間粉麵係必食！千叮萬囑叫我一定要試，仲話晏少少好多人排隊！講到咁，無理由唔去試啦😆😆魚肉春卷係自家製，係必點！⭐️腩肉魚肉春卷米線腩肉好瘦，薄薄的，唔似出面d勁肥嘅腩，但太瘦又好似好怪😅😅可不叫呢個餸魚肉圓形大大條😍😍，啖啖肉，好有魚味，外面個皮有少少炸，好味👍🏻⭐️豬大腸魚肉春卷米線呢個大腸係走晒肥膏，有d人唔鍾意無膏就未必啱，但我就鍾意食呢款😍，感覺好似健康d😆😆不過份量偏少，食完唔係太飽，價錢偏貴一點，所以未必會翻轉頭。

係荃灣大河道麥當勞附近重新開業作為半個米線精一定要去試一試·中門去到門口已經企哂人等位唯有同同事外賣番公司share食-鹹菜豬肚絲春卷米線 （$51）-酸菜春卷牛展米線 （$51）-酸菜春豬腸米線（$51）米線同湯分開上咁樣可以避免米線淋哂。魚肉春卷炸到金黃食落煙韌彈牙魚香味好足。鹼菜豬肚絲切到幼幼一條條豬肚絲入哂味鹼菜單食都唔會好咸但加落湯底即刻令個湯底更惹味個人認為呢個配菜係最好食🤭。牛展豬腸牛展同豬腸分量都算多同樣滷到入哂味豬腸處理得好好 無異味而牛展好有咬感 食落煙韌唔痴牙。而米線煮得岩岩好食落仲有少少Q彈感。湯底酸味偏弱少少辣味就岩岩好但整體食完會口渴🤭

以前已經好鍾意食南記嘅春卷，今次行完山落荃灣就決定食呢間近排開翻嘅老字號。之前已經係米線關注組留意到佢地。我今晚就揀咗食酸菜米線加牛展春卷同埋貢丸。辣度可以自行選擇而我就揀咗中辣。湯底普通，酸菜夠多，辣得夠出色？-春卷方面肉質非常彈牙，同埋佢係將兩條春卷冇剪開咁變成一條。👍🏻👍🏻-牛展都非常推介，夠晒入味。👍🏻-貢丸味道非常濃郁！👍🏻- 朋友嘅腩肉都好夠味而且唔怕好鞋～ 下次想試埋佢地嘅麻辣牛肚！

剛過的星期日，一邊行山、一邊想著魚肉春卷的美味，心情好不耐煩，全程急步走，上了逾千級梯級，四小時走畢十五公里..........直至走到「生記」焦急的心情才放緩，不過還要多等一小時方可重溫魚肉春卷的味道，就好像挾著肥肉的筷子突然掉下，雖然總算放下心頭大石，但仍需按捺忍一忍！新開張不到一個月的「生記」，原來下午三時至五時是落場時間，未到五時，門口已有數名食客在等候，包括了我倆！大家太掛念魚肉春卷了，一聽到舊「雄記」伙記把魚肉春卷復活，不光幾十年的荃灣街坊來捧場及回味，也有如我的區外知音！順利第一輪入內，現在的「生記」的面積相比從前的「雄記」好像還小一點，故每轉能接待的客人並不多，幸好大家都不會久坐，吃畢後馬上離開，好讓其他客人盡快入座。太好了，我的酸辣豬肚絲春卷米粉 HK$51 來了，賣相和以前沒兩樣！另一碗是酸辣腩肉大腸春卷米粉HK$62，不只賣相，兩碗酸辣的湯頭和酸菜也是記心憶中的味道！最緊張的當然會是春卷，開心這獨特的「牛脷酥」返來了，一咬魚肉依然彈牙，香氣似乎沒以前那樣突出，下次要光買春卷來試真一點，不過已經感到非常的滿足了！至於豬肚依舊保持新鮮軟彈的口感，太讚了！老公表示滿意大

見新開業， 即試小鍋米線同春卷， 見到話同雄記差唔多味道，都有啲期望，但食完......完全係兩回事， 至少食唔返小鍋米線嘅味道， 湯底完全唔同曬， 就係欠缺咗雄記獨有嘅味道， 春卷味道亦只有7-8成相似， 雄記春卷真係令人一試難忘， 小鍋米線湯底亦都有自己嘅特色。 唯一係鹵大腸做得唔錯嘅， 既洗得乾淨又炆得夠淋入味。星期六午餐時候去都坐滿人，唯有買外賣，唔想等位， 三碗外賣等大約八分鐘左右， 時間價錢合理。 至於會唔會再幫襯，未知之數啦

據說這間就是以前路德圍雄記粉麵重新開過，不過好似話老闆不同了，難怪以往雄記都比較好招呼，這天剛剛好在它將營業中的牌子轉為「休息」。我剛好內進叫了一客淨春卷外賣，收錢的阿姐態度差劣，有時好像客人欠她錢一般的。跟住叫咗淨春卷之後，很快便有人將三條春卷放入袋，但是你沒有要求，他有沒有給你辣椒醬，雖然我都不算太喜愛這種辣椒醬，不過如果有一半食客都會吃春卷時點辣椒醬，其實店方即使不主動給你，都應該問一問你要不要吧。春卷，結果我覺得內裏的質感比較軟林，而且沒有以往的魚香，外皮即使都算脆，但中間的魚肉有點分離，質感不算太可口。現在這樣生記的模樣，就像小小一間麵店，內裏廚房細小，而且不透明，店面的桌子以及間隔都非常簡陋，只像普通地區小店，與昔日透明玻璃看見內裏廚房在煮食的氣氛差得遠。

平日下午本想慳慳地揾下午茶食，但見呢間人少少，又心掛掛雄記魚肉春卷，一於入內試試。睇完都唔知雙併、三併係幾錢膽粗粗叫春卷牛腩河，希望唔會太貴啦。由於前身雄記不是米線出名，所以無興趣試。新鮮炸起的魚肉春卷，熱到辣親嘴。牛腩夠淋，只係嫌唔夠肥，全是肉。貪得意落少少枱上盒咸菜，超咸望落餸的份量足夠，反而河粉比例上少d。

最近#米線關注群組🍜都緊關注呢間米線😆今日趕住係3點落場嚟試吓🙇🏽‍♀️嘩都真係幾多人等外賣+排隊！好彩2:50pm到，拎到飛🧾𝚅𝚒𝚎𝚗𝚗叫咗 #鹹菜麻辣肚絲米線 $39 （大辣🌶）🍜 +$11 豬腸 ～ 豬腸滷過都ok肥味，冇異味💩🍜 +$12 春卷 ～「必叫」超級大條，好味🍜 不過叫到大辣都唔辣同埋唔太麻辣🥲有d失望，加咗4🥄匙羹 🧄#蒜蓉辣椒醬🌶️肚絲不過不失🌟值得讚係米線好滑唔爛，仲有個「酸菜」超級無敵好食👍🏽👍🏽下次要另外再加，仲有#茜友🌿勁中意嘅勁香濃芫荽味🤩肥仔果碗叫咗 #牛𦟌米線 $39 （中辣🌶）🍜 店員話賣晒 #牛𦟌，所以改咗 #腩肉 ，腩肉有滷過都👌🏼🍜 +$12 #春卷🫔 🍜 +$12 #魚皮餃🥠 呢個好普通，係四x果間嘅味道，達濠仔果間好食好多，肥仔話中辣都冇味，而且愛濃味嘅佢覺得比較淡口，加咗豉油+ 🧄#自制蒜蓉辣椒醬🌶先夠味🥬#腐乳通菜 $16 ～普普通通🍹凍檸茶跟餐+ $8 （冷熱同價）生記前身係#雄記粉麵，老闆娘退休，是隔成年由班後生再開返，今日隔離枱熟客2姊妹同肥仔老闆講味道冇變，而且仲見佢哋叫嘅 #牛筋 都相當吸引..下次可以嚟試！用心經營的小店！值

讚1.大腸酸菜米線既大腸係幾似以前既味道2.環境真係幾似雄記，無論係牆上既餐牌擺法，同埋毫不掩飾咁放盒味精出黎既做法，都好似當年，呢度連拆油菜既牌都同以前一樣3.服務真係好左好多彈1.叫唔到春卷，評唔到主角，但大腸既切功係差左，一嚿大一嚿細咁，酸菜就諗左同淡左好多，味道係差左啲