生記粥品專家

營業中

休息中

今天腸胃有點唔妥當，連晚上的飯局也未能參加，回家後睡了一覺醒來巳屆八時多，這時只感飢腸轆轆，便想起去生記吃碗生滾粥； 通常我每逢在腸胃不適時都會去生記食啖粥清一清腸胃，貪它的出品食材新鮮夠健康而又味美。 今天太晚了我的心頭好魚腩已沽清了，便要了一碗鱗魚球豬潤粥，今晚有很多客人，堂食跟外賣都有，所以等了差不多十分鐘才上檯，上次發覺炒米粉的水準一般不吃也罷，生記的粥雖然不平宜，除味道好外份量都很足，碗內有差不多十粒魚球及六至七片煮至發漲的豬潤，作為正餐也夠填飽肚皮。 軟身的豬潤入口便知很新鮮，煮得剛剛熟後不會像坊間一些劣店那樣仍有血水滲出，或者似一塊木板咁硬身。 現在通脹高企下，相對很多普通粥店都巳大幅加價，一碗艇仔粥都要二十元左右，但生記近年來都未曾加價，非繁位時段還減收三蚊，以貨論價其實生記的粥是很抵食的。

同事病左,食及第粥粥底好棉.味道又鮮.同d料加埋一齊真頭係夾呀.不過小弟最鍾意始終都係皮蛋瘦肉/牛肉粥.可惜呢樣唔係生記強項

如果你不愛吃鮮魚，嫌腥，又或者你不愛吃粥，那麼，恭喜你！你不需用上寶貴的午飯時間乘電車到上環，再到生記門外排隊等候入坐！但如果你愛吃魚粥，以上的"辛勞"絶對是值得的。生記的魚粥，在別的地方是吃不到的。生記的魚腩，肥美嫩滑，而且由於用料實在新鮮的緣故，粥身非常鮮味。為食師父一想起吃魚粥，生記一定是首選。順帶一提，如你喜歡"捐"骨的話，生記的魚骨粥亦是一絶。生記的魚腩粥及魚骨粥，是free size的，沒有大細之分。平常到粥店，一碗粥通常不夠飽。但在生記，情況便不同了，大大碗的魚粥，吃完了下午有可能飽到眼睏。今天為食師父還試了生記的牛腩河(所以現在很飽)，雖然十分不錯，肉質嫩，牛腩很香，但我還是最愛這裡的魚腩粥。

是晚要加班至十時半，當正在想要到那買晚飯時突然接到order，要立即到上環一趟。做畢工事後，也是找食店買外賣的時候了。心中一轉，想到這邊好像在生記粥店的附近，誰說原來真的就在街角轉彎之處。既然上天一再綣顧，那當然老實不客氣去買個聞名的粥品和旁邊同老闆開店的清湯雙拼(清湯腩及蘿蔔)，而粥品要了魚球魚腩雞肉粥。這個粥的價錢一點都不便宜，堂食的要$42元正!外賣的反而會給折扣(-$3)。魚球是用鯪魚肉造的，魚肉彈牙滑溜，魚味十足沒有腥味。魚腩肉質不腍有咬口，亦沒有腥味，魚肉鮮甜。而雞肉嫩滑，有一點點的咸味。粥底甚棉，也因為吸收了魚球、魚腩和雞肉的味道，一口一口的如像在吃著雞肉和魚肉般美味。如此有水準的粥品在香港不出十間，有機會再來試試魚卜粥~

頭先同埋5個壯男加埋表妹同我一行7人去到呢間粥鋪食晏, 其實佢個名已經聽咗好耐之不過就無諗過去食一來我之前係中環做嘢二來本人對粥都係一般, 但係今日有人提議就去試下啦, 我叫咗及第粥加皮蛋個阿姐仲問我想要大定細吓咁梗係要細啦, 碗粥嚟到心諗細都咁大碗大既真係不得了啦, 食得出佢既材料係好新鮮不過啲粥就爭啲啦, 食咗幾啖已經開始變水咁制點解會咁既, 我都唔係好明 but anyway 都係嘛嘛地啫唔洗專登嚟食囉呀仲有樣嘢就係除咗我地一齊食粥之外仲有隻烏鷹沿途伴着我地 ....... 趕都趕唔走 ..... 呢樣超得啦

I know Sang Kee famous of congee Last week I tried with my sister. I dont know why many people give them so many good commentsI ordered the congee but I am sure they added MSG but less than general congee shopsI think they cook some of the congee from other shopsbecause I saw some aunts carrying big buckets with congee withoutcover to the Sang Kee few times. I think it is really no good especially insummer time

上星期睇完電視介紹, 過左幾日就即刻同左我媽打過去食左一個及第粥同一個鯪魚球魚腩粥, d料真係幾新鮮, 點左佢地附上o既豉油食仲好yummy yummy !! 但個粥就唔係講得咁綿, 希了一些, 食完後仲覺得味精都幾多, 因為勁口渴, 全日都好想飲水 !!

同朋友經過，突然好想食粥，就入咗去。叫了豬肝魚腩粥，牛肉魚腩粥，淨蘿白牛腩，油炸鬼。粥有大、細之分，仲有薑蔥豉油分上，對一間粥品店來說，佢地嘅細心俾咗驚喜我。魚腩好新鮮，洗得乾淨，一啲都唔腥。豬肝煮得剛好。粥底好綿，唔大杰，唔係好覺有味精味，鮮甜味應來自新鮮嘅粥料。試咗朋友魚腩牛肉粥嘅一片牛肉，好impress，因為冇好似有啲粥店咁為咗整 ‘林’啲牛肉而 ‘拿’ 到冇唒味。蘿白牛腩又好好味wor，牛腩係根腩， ‘林’ 、爽、滑而唔散開。蘿白則好甜，果然係有師傅!油炸鬼係朋友叫的，好脆，但唔熱，不過不失啦。

其實我係附近返工~有次同幾個同事去生記食粥~我叫左個牛肉粥佢地d牛肉又滑又"林"個粥底又好~ 不過佢地d位就逼左d.

打完波, 食晚飯, 我朋友帶我去食生記, 佢話好出名, 一坐低見到餐牌嚇死我, 我叫一個牛肉粉腸粥大既要32蚊, 叫多碟油炸鬼, 碟油炸鬼一碟得半條賣5蚊, 又炸得唔好食, 失敗, 反而個粥就一流, 粥底靚, 又多料, 32蚊一碗雖然係貴D, 但真係足料, 我以後黎祇會食粥, 唔會叫油炸鬼或炒麵, 除左粥之外D野係完全唔抵食!

近日腸胃不適，整天没有吃東西，看完醫生後感到非常肚餓，想到食碗生記的無添加新鲜魚粥不會有傷胃腸吧，便走到生記叫碗細魚片粥，貪它比鱗魚球易消化一些。生記的魚片因為在煲內過，所以都斷成一片片；不像羅富記那樣將粥倒進碗內把生鯇魚片碌熟，能夠保持雙飛蝴蝶的優美形態；令到色方面有所不及羅富記，但無損食味。非繁忙時間都會收三元，這裹小的也很大碗而用料新鲜足量，價錢其實比十多元一碗的艇仔、牛肉粥要抵食。

飽飽地，夜晚食粥，寂寞的街道，生記卻燈火鼎盛，人頭涌涌，叫了魚球豬肝粥和蘿卜面。面先來，我覺得不合格，湯不成，隻得咸味，蘿卜也不夠甜。粥卻如常的好，魚球好多，食到飽晒，豬肝滑，但不夠厚；粥好夠火候，豬骨香味濃，清碗。以后只會食粥啦。兩人才50元，好飽又抵食。

同男朋友放工特登去試下聞名已久的生記!!點知, 真係好失望!! 叫左: 牛腩河, 牛筋河, 肉丸粥湯底淡, 牛腩冇咩特別,河粉太厚了><" 肉丸完全比不上羅富記, 粥就更加係好稀自己煲都好食過佢, 叫左3樣都唔飽,收咁貴仲咁省皮, 搞錯!唯一抵讚只是跟粥的那碗"豉油汁"

周末肚子有點不舒服，晚上便幫襯生記吃碗生粥清一清腸胃，今天七時多抵達，鲩魚腩還未沽清，便要了一碗魚腩粥($22)再加一碟炒米($10)，侍應隨即送上薑豉油及骨碟。炒米先上感到有點淋及不夠熱，可能好後放在房裹太久或是外面交來的貨，不吃也罷；熱辣辣的魚腩粥碗內有四至五大件完整的新鲜魚腩，白色的魚腩肉質很滑，加上薑豉油同吃更覺鲜味，没有味精的粥底稠度適中，食後不會感到口渴，雖然近日物價飛升，但生記價格依舊，也没有偷工料，保持一貫水準，依然美味，值得番尋味。

粥底雖有味及有瑤柱，但不及上次光顧的綿，難道米價上漲的影響將價就貨?鯇魚腩- 滑鯪魚球(6粒) - 有陳皮香但粉多，不算好吃