生記粥品專家

營業中

休息中

今日終於去咗生記食出名o既清湯腩. 真係好好味.肉質幾嫩,有牛味,有d脂肪得唻又唔覺得肥. 仲有個湯底味道都好一流,只係飲咗覺得少少油. 一碗份量都幾多,我一個女仔食唔晒分咗少少俾老公食. 老公就點咗個牛腩面一樣咁好食. 值得推介.

材料豐富豬肝、豬心等簿片，豬肚，豬肉丸(2粒)，粉腸

19/3/2008 晚同細佬探完病~join左姑姐去食飯~行行下就就衝左入呢間~因為阿蘇介紹禾我叫左個牛肚牛腩麵細佬就要左個鯪魚球粥(細)鯪魚球粥~都好多鯪魚球下ga,有8-9粒~粥就唔算係好綿,鯪魚球夠彈牙,唔鯹, 有魚味~不過細佬話落糊椒粉重手左少少~我就唔覺啦~牛肚牛腩麵~牛肚麻麻地~有d蘇味~不過個湯真係唔錯呀~唔鹹而且好味~無咩味精~我個人覺得幾好飲~牛腩就真係好食啦~新鮮~而且肥瘦適中~幾滑~牛腩都幾多舊下~$28一碗都覺得比得值~下次叫只會叫清湯牛腩河全就麻麻啦~服務一般~算係幾乾淨姑姐請~多謝~

朝朝返學經過都見到好多人o係生記食早餐,由於之前唔知生記咁出名,而睇佢個店舖同其他無分別,但唔知點解明顯比其他粥粉麵店多人woo..所以襯今日考完mock早放就去試試佢d粥~(因為好早之前都有試過佢d麵,但都無咩特別..但果次就係特別在o係我坐緊果,全部人都係食魚粥!)所以唔可以唔幫襯佢地d粥啦~~我叫左個魚腩粥外賣(本來覺得28蚊幾貴,不過外賣係平3蚊的^^!)嘩x3!個粥底真係好綿~!!!!好味!!以前都未食過咁綿!又多又足料~~~因為本人好鐘意食魚~所以覺得其魚腩特別好味~﹏~太滿足啦!!!由其用生記附送的醬油可來帶出魚腩的鮮味~!正x99

由於同男朋友都係鍾意野既人，所以今日來一個上環之旅! 我地叫左一個魚球豬潤粥(小$28)，一份煎魚肉($10)。魚球都有成十幾粒，而且都好大碗，但係豬潤就得四片, 加左7蚊得四片又好似有啲唔抵.魚球好滑，唔同出面求其搵d魚整出黎畀你食，豬潤都唔錯, 有重甜甜地既味, 令到成個粥好豐富﹗粥底幾好，服務亦good~ ps. 如果係外賣的話減$3 添呀! =)

有乜咁特別呀，又排哂隊咁....食lunch 度度都要排隊啦....坐得辛苦，人肉背對背，筷子可以叉到人哋好似一個擠迫的飯堂，個個係咁食清湯即係清湯，只不過好過水而已份量小，食完一碗當然要叫多碗淨麵，因為唔飽蘿蔔只係車仔麵貨色，駛唔駛吹到咁大味道真係好一般過一般不過我未試過個粥，希望唔會令人失望三十幾蚊碗又有幾好味呀???究竟值唔值呀(only 味道)?我就覺得好貴啦，真係食唔起!三十幾蚊可以食到個set有湯有嘢飲啦!!

要了碗細的魚丸肉丸粥。就是細的，也夠大碗，而且魚丸有七八顆，肉丸四五顆，相當有睇頭。粥本身已經有味，加上魚丸肉丸，還有些唐生菜，味道就更豐富。米煮得開爛，粥又軟又綿，經過大火的洗禮，更是燙口窩心。魚丸大大粒，散發着蔥和果皮的清香，點了薑蔥豉油，更是鮮甜。手打肉丸細細粒，用料新鮮，結實彈牙，同樣好味。這裡的生滾粥，能享譽四十年，絕對有理。

要寫番曬之前無寫既野呀...今次大單la...生記之前都寫過一次la..今次再寫,係要講佢個粥同魚餅...個粥係艇仔粥加皮旦.個粥d料係好足ga,份量不少. 個皮旦唔係溏心ga,只係一般貨色. 只於個朱什..幾新鮮丫,點d姜蔥豉油食,唔錯. 最好係個朱心,爽口無腥味.至於個朱潤,就切得有點太厚la. 對於本身唔太食朱潤既我..真係有點受不了.粥底幾綿,不過食唔到米香,佢好似無落白果同付足去煲.唔知係咪呢..個魚餅係招牌小食,差唔多係必食之選.好似係9蚊3件,佢真係心機之作來的. 魚肉加入0左少少陳皮同好似有d切碎0左既"立"味.煎到金黃色,食落好脆口,魚肉彈牙,並無加入大量生粉去打魚肉.

Lunch時間未到一點就到達，當時已經有個Ｌ字圍住間舖排緊隊，不過最後等左差不多15分鐘就可以入坐喇！職員十分快手，好快落order好快上食物，我叫左一碗牛腩蘿蔔綾魚球河粉，蘿蔔好入味，牛腩都不錯食落好淋身，綾魚球就好彈牙，整體來說都好好味！其實仲有好多選擇，當然首選係粥喇，見到對面三個人都食粥，牛肉粥同魚肉粥都似好好味，仲有一碗蔥+豉油，下次一定要試試喇！

今次早上去食及第粥。有味的粥底加上沒有苦味的豬內臟, 好吃! 原來於非繁忙時段食粥減3元, 幾抵喎.

一向想食有真材實料的粥, 但找了很久也找不到。見到大家於openrice 內紛紛推介生記, 終於上星期五找到此店一試。雖然過了午飯時候, 但都坐無虛設。第一次光臨選了細魚球雞粥。以為細粥只是細細一碗, 想萬一不夠飽的話才加炒米粉。幸好沒有加, 原來細粥也不少了, 而且整碗都是魚球和雞。粥底夠綿、魚球夠彈牙, 只是雞肉沒有鮮雞的味道但巳經不錯。吃完碗粥後巳飽到不能動。差不多30蚊的粥不算便宜, 但生記真的是收得你咁貴就俾番咁多料你, 冇呃你!

咁岩有朋友係附近打完波,聽講呢到d粥好出名就黎試下啦排左1陣隊就有位.我地3人分別叫左牛肉粥,肉丸粥同雞粥"d粥好綿,加上薑葱既配合,真係好好味!醉雞既味道真係一流,有機會1定會去再食!

如果大家想食佢d魚粥,一定要下午6點前來,我試過7點到來到,無曬d魚粥食...前排食lunch試0左佢個牛腩魚旦河,又真係幾好食,牛腩係坑腩,味道較為清,肉質爽口.魚旦細細粒,但係有5粒,都幾彈牙。河粉係普通交來的貨色。好似係...28蚊呀雙拚.

上周末到这家餐厅吃饭,还别说,味到还真不错.

那天放工後,記得睇完open rice後,立即拉男朋友陪我搵生記,點知唔難搵wo..一坐低即order豬潤粥鯪魚球粥(細) 細既其實都夠食,d鯪魚球有好多粒,我諗over 8粒,豬潤比較小但好爽,粥底好棉好好味。