生記鮮魚湯米線 (已結業)

又到星期五去上環嘅日子，今次要試吓之前無喺上環食過嘅食店，由於時間關係又唔可以四圍搵，只可在永樂街附近兜一兜。行過見到有米線，唔諗咁多就入去坐低睇餐牌。見到有雞翼三寶就二話不說落Order。等咗一陣終於送到，原來餸&米線係分開上，幾好喎！由於佢地係打正旗號寫住魚湯米線，所以都係試咗啖湯先。雖然我討厭食食魚，飲咗啖湯好彩又唔會好腥，米線就無咩特別。而雞翼三寶分別有滷水雞翼、炸雞翼同埋醉雞翼先講吓醉雞翼，酒香味好濃，而且好入味；滷水雞翼都好入味，而且好滑；而炸雞翼明顯係即炸，所以好香脆，三款雞翼都好好味！要試嘅朋友要早D嚟，因為收8點。埋單$62，仲要有6隻雞翼，好抵食😋

前2天在店內吃了一個招牌魚湯米線，在吃魚腐後發現有異物，起初以為是魚骨，到厠所内扣喉吐出幾口鮮血，立刻離開！及後發現口腔給及喉嚨𠝹了幾處傷口，醫生說若是骨不會這樣⋯⋯⋯可能是玻璃！希望店主多加注意，因為這樣的確是很危險！

今日下晏因為要去招商局上堂所以去左上環食飯。同事介紹下，一齊食左生記。見佢門面貼住幾張報紙同推介都睇得出佢都真系幾有名氣。雖然我地都過左一點先到，但門口都重好多人排對。等左20 分鐘有多後，終於可以入去坐。 間餐廳內籠其實同一般麵鋪無乜分別只不過系梗家逼。 今日我地三個人叫左招牌湯飯，蠔仔湯飯同肥牛米。我食嘅系招牌湯飯，以料而言算幾多有鯪魚肉，雞翼，腩肉，魚蛋同菜。味道其實無傳聞中好，其實同系屋期用濃湯寶淥野食差唔多而且味精味都幾重。 但五十幾蚊系中上環區黎講都okay 不過環境同服務就真系唔好expect 任何野。

🔹微博：邵思睿_Daisy, ins: eatwithsirui🔹工作日排队到天际的一家小店，店面不大，不算难找。🔸招牌杂锦鱼汤米线：首先鱼汤太鲜了，真的太鲜了，好评。里面卤肉丸子米线蔬菜，肉卤的不腻又足够入味，非常好吃！完全没有负罪感。丸子吃起来像是自己捏的，Q弹可口，米线煮的火候也很棒，弹牙劲道，力荐！！！🔹人均50，环境6/10，口味10/10，服务7/10。

平時好少會去上環搵野食～今次同朋友約左黎上環上堂學野，所以先有咁既機會～大家都想食濕濕地既野，上網搵左呢間魚湯米線決定去試下！我叫左個醉雞翼米線，因為我係雞翼控⋯見到醉雞翼一定要叫黎試下⋯朋友病病地，所以叫左個冬瓜粒湯飯，重加左個邪惡食物⋯芝士炸雞⋯一開始我都會驚個湯底腥，但估唔到佢個湯底一d腥都無，但就好好飲～係鮮魚湯既味～值得一讚！但醉雞翼就硬左d，芝士炸雞係炸得好香口，但可能有d太大舊⋯有d位好似唔太熟⋯另外個鋪位唔係好大⋯侍應姨姨既態度時好時壞⋯有時嗌佢會無反應⋯有時又講得好仔細～係有點搞笑既⋯多點包容就得～總括黎講下次有機會都會再去食既，但我會試其他款式啦～

一直以來都很愛吃湯米線的我，呢個魚湯米線都可以話係我至愛。湯底係白色魚湯，如果堂食的話你會見到每個人都在拿起湯匙在喝湯😋一碗麵的湯底真的很重要，而佢可以話係很出色，經常都坐滿人的用心餐廳👍

星期六 發現好多附近餐廳都唔開門做生意見隔離生記排哂長隆 又好肚餓所以就揀咗呢間米線入到黎就度聽到一個侍應阿姐態度比較勞氣咁同啲客講野 覺得譚仔啲阿姐服務態度好好多我點左個芝心雞扒魚湯米線碟雞扒嚟到 好似同我理解嘅芝心有出入以為係咬開雞扒會流啲芝士汁出嚟但係如圖所見我淨係見到芝士汁淋在雞扒上面整體雞扒依然外脆 芝士汁都幾香而且個魚湯真係幾好飲 食米線嘅時候見到湯會有啲好似魚皮碎 佢應該真係用真材實料無魚腥味嘅以50幾蚊又有魚湯有填飽個肚都算係咁啦老公食咗韭菜餃米線 餃子都做得幾好 感覺上冇咁肥膩 適合健康人士另外佢嘅糖心蛋都幾好食 有少少花雕味我諗佢哋嘅服務態度如果可以改善一下一定會有更多客人來光顧

我如果食呢間，通常都會選擇自己一個人黎：(1) 佢好逼，坐近牆重可以，坐出面望住呀姐拎住一碗碗麵係你頭上擦過，真係好動魄驚心(2) 好爆，你唔好expect可以同朋友慢慢談心，會比呀姐趕呀！(3) 佢地啲位真係好逼！你只想快快食完就走！雖然係咁，但佢地個鮮魚湯底再拼魚腐，真係好好味。鮮甜魚湯，真材實料，再加上佢價錢宜人，難怪成日都人頭湧湧，但如果一個人去，通常都會即刻有單丁位坐！唯一係有時佢地既米線會太硬，唔知係咪太多單所以未煮稔就上

One of my favorite places in Sheung Wan !!!今日介紹朋友去食 又排左成半個中 先有位 都係照樣 叫左雜錦魚湯泡飯 個湯好好飲 又飲哂成碗 魚腐好好食 雞翼同腩肉炆得夠味 正

上環生記除了有我最喜愛的鯪魚球魚片粥外，清湯牛腩麵上次亦試過了，今次便嚐嚐鮮魚湯米線吧。細碗自選米線只供應至下午六時，選了兩款配料：順德魚腐和鎮江骨。先呷一口魚湯，滿滿魚鮮味，也能吃出絲絲魚肉碎，是出色的湯底👍🏻😋鮮魚湯米線之名實至名歸！米線質感則比一般吃到的滑溜口感更實在，可以說是有點粗糙，感覺有一點點像魚麵。魚腐有五大粒，可是不太熱，有一兩粒中間部分有點凍的，味道不過不失。鎮江骨肉質可以接受，不算粗糙，味道較濃，與鮮魚湯不太配合。整體而言魚湯味道最出色👍🏻亦見有白領只點碗魚湯時菜作輕便晚餐呢！另外要注意的是樓面姨姨比較率直，以真性情待客，雖不至於態度惡劣，但最好有心理準備吧，哈哈。

行過上環，又想食得輕盈D，就隨意搵左呢間以鮮魚湯做招牌既米線小店，結果完全比佢既份量嚇親，因為真係好大兜招牌魚腐蕃茄鮮魚湯米線 $46睇餐牌睇左好耐食咩好，因為太多選擇啦，可以自己揀拼一款兩款定三款餸餸就揀左蕃茄加魚腐，淡淡魚香加埋甜甜酸酸既蕃茄👍🏻正！湯底真係飲得出鮮魚熬成！好清又好香魚湯味😍而且飲唔到味精味～招牌魚腐真係要讚下，一碗有6舊包你飽！佢同其他舖頭既魚腐唔同，係一粒粒魚蛋形狀咬開係滿滿既魚肉😍完全唔係空心，係啖啖肉！而且炸到金黃色好香口，但浸落d湯度食又完全唔熱氣😀魚味香濃！推介！成碗米線份量都好多😆兩個人share絕對得

今晚六點左右同太太行入舖，有一個女員工阿姐叫我哋坐低。見張張枱都有人，於是响一張已有两個客嘅圓枱坐低。嗰两個客靠牆，我哋就同佢哋隔咗一張凳之後坐得較近走廊。阿姐叫我哋坐近两個客，即係唔好隔一張凳，話會撞到。我哋覺得成間舖當時完全唔多人，條走廊另一邊張抬先得一個客坐近牆，咁冇理由有位都迫埋本來嗰两個客度坐，於是冇坐近佢哋。奇怪嘅事就發生。個阿姐响行過我太太旁邊去同人落單嘅同時，撞咗佢一下。明明人又唔多，走廊又夠位，阿姐又冇拎嘢，又唔係行得急，咁樣撞埋嚟，根本係專登。問佢做咩事，當然佢話冇，一味話有個客叫佢落單。之後睇番其他人响openrice嘅comment，原來態度差已經唔係新鮮事，仲有人話又係俾人撞背脊。而且非常同意佢嘅觀點，生記叫做出咗名，一條街幾間舖，生意唔憂做，D客多成咁，員工冇禮貌態度差又如何？

上環的食肆一向轉得好快，尤其係蘇杭街，幾乎每個月都會有新店開張。隔離嘅禧利街反而有好幾間屹立不倒嘅老字號，例如孖沙茶餐廳同生記生滾粥。根據我已退休嘅老細講，佢細細個時生記已經喺上環打響名堂，當年嘅粥品屬於貴價貨，一般打工仔唔可以日日食。時移世易，香港地食粥已經係最平民嘅選擇，生記啲粥亦都唔可以話貴。而家佢仲喺禧利街開咗三間舖，一間做粥，一間做牛腩麵，另外一間做魚湯米線。到咗食晏時間，三間都會排滿晒人。今日叫咗豬頸肉魚腐米線。呢度嘅湯底係順滑但魚味唔重，適合我呢的唔鍾意腥味，但又想有非化學湯底嘅人。魚腐吸收咗湯汁，無咁熱氣；豬頸肉就有小小甜味。整體不過不失。

已經有一年多沒有光顧了,我最鍾情它的鮮魚湯底,由於不太肚餓,所以只點了一碗淨鮮魚湯和一個小吃(椒鹽金沙骨),但這次覺得鮮魚湯太咸,魚味沒有以前那麼濃郁,感覺確實大不如前,反而金沙骨炸得外脆內軟,有點咸香,不錯不錯,但願這次魚湯只是偶爾失手而已,有機會再試多次,希望下次不會令我再失望就好...

每天中午一到食飯時間，上環出名的生記粥店和生記魚湯米都大排長龍。我這位貪食專員也是常常到這店光顧的常客。主角魚湯是店主每天新鮮熬製，採用新鮮靚魚，客人可選米線及泡飯，同樣美味。鮮蕃茄牛肉魚湯米線 ($48)，是本人的No.1之選，魚湯顏色呈珍珠白，飲落去唔會覺得是味精湯，還有濃濃而帶點甜味的魚味，可以放心連湯底都一同飲用。這碗米線的配料牛肉牛味十足，而且份量都唔少，連同鮮蕃茄和洋蔥，感覺真的是營養豐富食得健康的午餐，食完會有一種有飽、有暖胃的感足感呢！