生記鮮魚湯米線 (已結業)

每逢經過上環，我都一定去生記探下班，好掛住佢。。。D魚湯米線尤其每次都係叫雜錦魚湯米線，鍾意佢咩餸都有，因為我係貪心的雜錦魚湯米線主角係魚湯，飲一啖入口鮮甜，味道不是太濃，似阿媽屋企煲既魚湯，無潻加，真材實料；米線很滑，可以殊殊聲啜哂入口介紹下D餸先：最出名係魚腐-入口彈牙，而且帶點黏韌，似係人手將D魚肉撻左好耐既效果，外層炸過帶點香口。而我最鍾意係魚滑－同個名一樣，真係好滑，入囗同魚腐差不多，又帶點陳皮香味。魚片頭－咸咸地比較爽口。豬腩肉－很腍滑，雖然有好多肥膏，但我一樣照放哂入口。雞翼-鹵得好夠味，肉質很滑，不會過熟過老。為左証明我冇講大話，有圖有真相，真係食哂仲連湯都飲埋下次再經過，我會再黎探你！

生記鮮魚湯米線 - 豬頸肉米線$39（下午二點至六點$29添😊）📝呢間位於上環既米線舖頭，主打每日用新鮮魚🐟熬製而成既鮮魚湯底😍😍，配上不同既餸：如豬頸肉、魚腐、鯪魚滑、雞翼等⋯⋯款式都唔少。有選擇困難證既我都諗咗好耐下😂😂湯底好鮮甜，有一點點胡椒味，熱辣辣，冬天食一流，飲幾口湯已經開始身暖，快過暖貼啊😝！豬頸肉切得厚身，外層煎得酥脆，不錯！個湯係精華，飲晒先走😋😋！走出舖頭，四個字：又平又正！行開上環推介一試！味道：7/10抵食：9/10 （尤其優惠時段）.....

I didnt feel like having a heavy dinner so I came here. The taste of noodle was good and nice to keep myself warm. Some slices of pork tasted like KFC chicken somehow but it was good overall. People came . recommendable for travelers staying near Sheung wan.

今日午餐，係樓下揾野食，行到路口，發現有好多人排隊，見到招牌寫魚湯米線，凍凍地就試下佢，叫左個招牌雜錦魚湯米線大概等左十分鐘，拎完外賣行返公司一打開米線個碗，有雞翼，腩肉，再打開碗湯，有菜，鯪魚滑，魚片頭，炸魚腐，第一啖就係試過魚湯，由細到大，因為屋企關係，飲魚湯大，可以肯定個碗係真正魚湯，無加味精啲湯倒落米線碗後，見到係碗邊有煲爛左既魚碎絲雖然第一啖有少少咸，但加左落米線到就唔覺咸，啱啱好雜錦料，最值得讚係個腩肉，有好香鹵肉味，色澤唔太黑，肉嫩，唔太咸好食！

今日lunch 食魚湯米線值得讚係魚湯好有鮮味 good👍🏻可惜係啲米線偏軟 不是我杯茶 比起譚仔,較少我叫左個魚腐米線👍🏻 推介 因為我上次食左雜錦米線 覺得佢地個魚腐好得👍🏻雜錦 個魚腐 鯪魚球 魚片頭 都好食👍🏻

位於上環嘅🐠湯米線。真❤️覺得好好味。炸魚片頭夠彈牙。鯪魚肉鮮甜。魚腐味道濃郁。湯底先係主角湯中有好多魚肉渣。個湯好鮮甜。真材實料。份量多。兩個女仔share 都ok 。睇唔睇到湯入面仲有生菜C 。好健康。溫馨提示：星期日休息

早幾年在中環上班，差不多天天都會吃生記。即使每一天點同一款都不會膩。今天，送舊同事月餅，正好經過，就再回味一下以往的魚湯米線。記憶中，這間的米線已乳白色的，這麼多年沒來，湯底已沒了回憶中那種白。價錢也由當年$23變成$29了（袖珍版）。細版的米線也多，但相對譚仔，南記，米線當然較少。我點的是豬腩肉米線。豬腩肉大大一片，一碗也有4-5塊。鹵得挺入味，脂肪跟肉是50 50，入口不會太鞋口，不錯。米線煮得有點淋，但也未至於夾不起。湯喝下口不會過咸，魚味重，嘗到魚鮮味。水準與多年前比是下降了。但是依然好味。

上環返過工的你，冇可能唔識生記，由靚粥底聞名上環，幾年前更做埋魚湯米線。離開上環多年，今天有幸再返嚟食番一餐。大雜，有滷水雞翼、魚腐、魚片頭、鯪魚滑和腩肉 ，最重要係米線係即用魚湯滾的，米線好彈牙，最重要係魚湯爆清甜 ，加上湯底有很多魚肉，可知老闆用料有幾足。另外，魚腐亦是非試不可的配菜，炸得少許金黃色，內裡的鯪魚用料新鮮又彈牙。

今日賴生要睇牙，係睇之前，梗係要搵屈小姐食個lunch啦! 容乜易一陣睇完牙醫乜牙都甩晒嫁!上次up錯左個名，今次同你食番啦!呢間野lunch，dinner不嬲多人嫁啦，所以賴生出發拎位先，好好彩每次去親多人既地方，我地都咁岩排頭位，唔駛等太耐!入面位置其實都逼既，但麵檔麻，係坐逼d既，都ok啦，勝在冷氣夠!我地叫左3樣野，魚湯浸菜，雜菇雞絲魚湯米線同蠔仔肉碎泡飯!魚湯浸菜 - 超正! 個魚湯最濃! 屈小姐同我都爭住飲! 而且夾埋d菜好好食呀健康又好味 (5星!)雜菇雞絲魚湯米線 - 呢個魚湯淡d, 雜菇表現正常，最正係雞絲! 嫩滑帶酒香，超正! (4.5星，雞絲加1星)蠔仔勝瓜肉碎泡飯 - 個湯都有蠔味既，但真係冇西環富記咁濃郁，而且蠔仔略有腥味，合格啦 (3星)#與你食盡天下

鮮魚雖然阿媽成日煲,不過就絕對唔會係屋企整米線食,所以有時出開街都會特登食依類形既米線米線夠多之餘,亦都好滑,食落都有煙韌感鮮魚好夠味,米線既魚湯都好清甜份量亦都唔錯,食完都好夠飽夾出黎既味道好有屋企feel,但多一分特別價錢唔貴,路過必食

香港的美食有很多, 最簡單的不一定不好的。上環的生記鮮魚湯米線就有這種簡單就好的幸福。生記在上環區有茶餐, 粥品, 同時也有這碗米線。湯底是由魚湯熬成的，配合彈牙米線，還有幾片豬腩肉，肉質很好，一層瘦一層肥的。上環區鬧市中的一間比較貼近平民的食肆。推薦!!

生記的米線沒有它的粥來得讓人驚艷。點的招牌雜錦，除了魚頭片很脆其它的都一般。米線也是沒有嚼勁，輕輕一夾就斷了。相比之下譚仔的米線真的好很多。不過能感覺到生記米粉很純，沒什麼化學成分。生記米粉的湯底也是不錯。魚湯雖然不濃，但是滿清的。

好耐無食生記魚湯米線，今晚外帶回家同阿媽撐枱腳。魚腐豬腩肉米線 － 白白魚湯味道頗濃郁，湯底有不少魚肉碎，啱晒愛吃魚嘅人。魚腐軟腍帶有魚香味，至於豬腩肉就同我有得揮，又肥又鬆軟！帶點點滷水汁香味。米線爽口幼滑，至於配米線嘅椰菜同芽菜就比較少咗D。

話說今日唔記得帶飯，就試下呢間魚湯米線啦！大概一點半去到一入就有位啦。叫左個炸豬頸肉魚湯米線，五分鐘就黎到，夠晒快手。望落去D湯唔算好奶白，有小小深色，飲落就不過不失，可能我比較鍾意濃郁D既魚湯，呢個對我黎講略嫌太稀太水。到D米線啦，望落去正常，點知我一夾⋯⋯d米線斷哂！！！！！！！我夾每一次都斷，最後要用匙畢黎食喂魚湯米線喎，米線都算係半個主角呀，點解咁對佢先？！米線無咬口，真係同食pat米糊無分別，我諗係煮到過左火位，所以林晒，真係林到唔洗咬，用條脷一晏就爛。好彩，D炸豬頸肉都OK，浸左好耐湯麵無話林到，歸功於佢少少炸漿都無用，直接生炸，外皮浸幾耐都仲硬，雖然稱唔上係脆，不過浸左湯都KEEP到咁算好好，食落仲好夠豬頸肉油香味，如果下次黎會直接叫個炸豬頸肉小食。但礙於D米線粉碎左我既食慾，真係喊住咁食，真係有機會再黎食都只會試泡飯。

晚上離開公司，雨粉霏霏，天氣涼涼地，就決定去生記食碗粥暖胃！平時太晚到炒米粉一定沽清，今晚7:00左右到還有炒米粉，真好彩！米粉上枱時還有煙冒出，不似有些粥店不夠熱，而且這裡的炒米粉味道很好！由於以往一定吃魚腩粥，因啖啖肉，鯇魚又新鮮，今次試下魚片粥，但魚片太碎🙁不過勝在粥底搭夠，粥食到最後一匙都不會變稀！晚上時段粥品減3元👍🏻