生隆餅家 (已搬遷) 新店位置

之前朋友介紹生隆餅家的糯米糍， 多次都想買，但又好少經過深水埗， 今次終於有機會啦🤩！位於深水埗北河街68號地下， 是一間老店。 這裏有各式各樣不同種類的傳統中式餅， 當日去到都要排隊， 我就買了豆沙糯米糍和白糖糕。 豆沙糯米糍軟綿綿😋， 糯米糍啲皮好薄， 是我喜歡的口感和味道。 白糖糕鬆軟但不夠酸， 不過整體都幾好。 下次有機會要試下芝麻糕和其他中式糕點， 真心推介這裏的糯米糍， 食完一次就上癮了😚🤞🏻。    生隆餅家地址: 深水埗北河街68號地下

是咁的生隆餅家真係每逢中秋都要幫襯下好多傳統月餅選擇又唔貴又有良心但其實除左月餅之外佢地其他糕點都真係平靚正所以自己有時有時行過都會買番一兩樣食下——今日就去開深水埗時間6點左右生隆又未收工所以特燈行過去買下野食過下口癮同埋幫襯下啲良心小店其實佢地好多傳統糕店都會有燒餅 砵仔糕 白糖糕 花生糖 杏仁餅 炒米餅真係總之係傳統糕點就有我都有啲未食過而今次就簡左我至愛既砵仔糕同埋糯米糍砵仔糕同糯米糍都煙煙銀銀好正糯米糍個皮都好軟啲餡甜度岩岩好砵仔糕最好即日食曬如果雪過/擺左一日就會無咁軟而糯米糍我就有一粒擺過夜但都係咁軟咁好食唔會硬左總結：好好食，得閒去買多啲新年有年糕，好多糕中秋月餅都係必買

今日做節，特登去深水埗買啲懷舊嘢俾婆婆食，貪在呢到全部細細粒，可以多人開心share😚 又可以試多啲唔同款式嘅嘢😆 我買咗砵仔糕一盒 $15 - 呢嗰size令我加咗佢好多分😎 因為平時食正常size嘅砵仔糕食完都飽哂😂糯米糍一盒 (6粒) $20 - 我只係買咗花生🥜 爆餡，皮又好軟雞仔餅 $30 - 我不太懂欣賞，但婆婆好中意食🤔 呢間嘢好多人，我要排隊先買到😂 唔知係咪今日做冬🤨 不過真係值得一試😝 又平又好食😋

🍡【糯米糍】$10/3粒✨推薦✨超級推薦糯米糍！一拎上手就已經勁激動 好興奮!!! 超級軟呀!!!!食落糯米皮超級軟糯 皮有少少厚 不過好味花生餡幾多好香 唔會太甜～ 正！$10/3粒抵呀!!!-🫓【燒餅】$10/3個有紅豆 蓮蓉 原味 燒餅煙煙韌韌好好味～ (比糯米糍煙韌個人最鍾意紅豆味😋 蓮蓉味有啲太甜&漏原味表面有芝麻 好香 但冇餡有啲單調🙈-🖤🤍【芝麻卷x椰汁紅豆卷】$12/盒2條芝麻卷芝麻味好香 不過卷得麻麻 一把開盒已經裂開咗🙈個人覺得椰汁卷滑啲 椰汁味好香 仲有粒粒紅豆😋-✨推薦指數：9/10

🗝懷舊糕點-黃糖糕🥠呢排做project 做到好頹 所以靠食野減壓😂呢排去多左深水埗 認識多左呢個地方😋發現呢個係一個幾特別嘅社區❤️除左一大堆coffee shop 以外🙈每間舖都有佢嘅特色 都用緊佢地嘅行動去搵緊答案 😆.路癡嘅我搵呢間舖搵左好耐🥺兜左一個圈先搵到🤣本身諗緊食黃糖定白糖糕好 但我見伯伯都食呢款 所以今次就食黃糖糕😍佢嘅口感比較實 但仍然好軟熟😎果陣黃糖嘅你香味都幾出 食落真係好香🤭佢唔算太大舊 所以用黎做飯後甜品就啱哂🥳大家經過都可以去留意下💛.回頭率💫： 🌕🌕🌕🌕🌑.#yms_深水埗#yms_港式.💰$5

經過呢間深水埗傳統餅家，買咗啲傳統餅家先見到嘅糕點，雞屎籐、雞仔餅、花生糖、燒餅、同埋生薑皮蛋酥。生薑皮蛋酥買返嚟仲係熱嘅，見到好多街坊都買，自己都唔執輸買返一個，返到去食嘅時候皮蛋係實淨嘅，而生薑攝咗喺啲酥皮裏面，感覺有層次，雞屎籐比較失望，應該係落粉太多，所以冇咗雞屎籐獨有嘅苦澀味，而質感都好粉，所以應該唔會再encore，花生糖脆口，麥芽糖沒有一貫的死甜，加埋吵過嘅黑芝麻，口感好香，令人一食再食。

行過深水埗諗住買返個大神遙控器見到有傳統嘅餅舖😙又係時候買小食屋企一家大細都鍾意食呢啲傳統嘢 所以一次過買幾樣費事爭來爭去 點知佢到最後 ，我錯了我每樣嘢都係只係食咗一啖。。。👍👍👍花生糯米糍🥜🥜🥜十蚊有三粒🍡本來好驚食唔曬 但屋企三個大人一個靚仔 計落條數根本唔夠分 結果我只係咬咗一啖😑就係食咗呢一啖， 跟住全部畀屋企人分食糯米皮好新鮮 清甜濕潤 但唔會淋劈劈 花生脆，椰絲香，仲似乎落咗一啲香葉好似之前食''嬲'' 葉茶果嘅味道咁🍌 香蕉糕🍌$5炸最基本就係要煙韌唔會過甜但係又唔可以硬屋企嘅小朋友好鍾意所以我都係咬咗一細啖 仲要係小朋友賞賜我食 其他就落曬工人姐姐同埋佢老豆個肚 佢哋開心我食少啲有咩所謂買得都係想佢地開心食麻🥣椰汁砵仔糕crossover原味砵仔糕🥣 白色椰汁香又多豆，唔會過甜糕底軟滑爽彈牙唔會粉同埋細細粒食左都唔會食唔落飯黃糖味更加好食，比椰汁更香加埋紅豆又粉又糯除咗大人食之外今次連隻貓都同我爭埋一份 本來我每樣都食到一粒點知貓佢吖～咬咗我放低咗個粒椰汁砵仔糕天～點解貓都同我爭 🙀係咪真係咁鍾意呀你哋😂

同事間傾開計，偶然咁發現原來大家都好中意食蛋卷。我同佢講，龍記蛋卷真係幾好食㗎，但千祈唔好食咖啡味……；佢就同我講「我屋企附近有間叫生隆餅家嘅蛋卷都幾好食㗎」隔幾日之後，我枱面就多左包蛋卷😍人間有愛。淨係睇個包裝，好似細個嗰時，呀媽落街買餸順手經過雜貨舖買俾我食嘅蛋卷包裝，好懷舊。$20包有8條，真係好抵。當然咁抵嘅野，某啲野就被迫作出犧牲，包裝/味道都唔可以太高要求。蛋卷有啲硬，脆嘅但唔鬆，唔係好似龍記蛋卷咁卷好多圈，所以口感只算係正常。味道都算正常味，唔太甜，講真，咁嘅價錢收貨了。以前細個未見識過依個世界，呀媽買咩番黎就會食咩，牛奶公司雪糕都會覺得好味，dryer’s雪糕算係人間極品；到依家見到HaagenDazs/Movenpick都要指定味道先至有少少興趣。味蕾不斷有更高嘅要求，好味道嘅定義愈來愈高，偶然一次食番小時候嘅味道，另有一番感慨。時間都去哪兒了？Mcmug綜合評分：4/10😐，質素對得起個價錢，經過附近都可以買包試下。「好食7級🐽」：☹️👹極度難食，中伏 very very bad bad☹️難食 very bad🙁幾難食 bad😐普通no good no bad 🙂幾好

雖然唔太愛食月餅，都想應下節，而又quota有限，所以更加要重質不重量，只選擇生隆月餅🥮。可能9月中先去買，再加上午飯時間過去，人多唔在講，有啲月餅🥮已經缺貨，只好買1個單黃紅豆沙月餅同1個單黃黃蓮蓉月餅（我想要雙黃呀😩）。1. 單黃紅豆沙月餅🥮皮薄，焗得夠色夠香，紅豆沙甜度適中又唔糊口，蛋黃漏埋油就更正🤤2. 單黃黃蓮蓉月餅🥮細個跟屋企人食開黃蓮蓉，大咗覺得大多數人係食白蓮蓉就跟下風，而家又掛住黃蓮蓉，你問我食唔食得出2款蓮蓉嘅分別，我係分唔到㗎🤫，而就係想懷念下😂。餅皮一樣出色，黃蓮蓉唔死甜只係有啲糊口，個黃漏油又加翻分！下年要早啲買，或者試埋白蓮蓉。佢其他懷舊糕點我都好想食🤤🤤

🥮四黃黃蓮蓉月餅💰$5X😈月餅節同新年既概念一樣🥮過左節依然都會繼續咁食😂上次就介紹左四喜奶黃同伯爵茶🥮今次就介紹返生隆既傳統月餅💛我本身已經買左一盒傳統既單紅豆沙同單綠豆沙😝兩個都好好味同平時食既蓮蓉口味有啲唔同😬我就反而鍾意紅豆多啲食落好香一個蛋黃食落都無咁漏😈以往生隆都係要親力親為一早去搶現貨😢而朋友仔仲好成功搶到呢個四黃俾我🥮佢一切岀黎真係四黃超誇張😰但蛋黃好香其實食四份二已經好滿足😝再食太多就怕會太漏💛同埋四黃都有分白蓮蓉同黃蓮蓉🥮我呢個就係黃蓮蓉食落好香同埋蛋黃個香真係蓋過蛋黃香

生隆餅家原本已經係賣傳統糕點好出名嘅老字號，每年中秋仲會有即烤月餅，本身諗住拎月餅嘅時候順便買啲砵仔糕同芝麻糕，不過臨近中秋就只專整月餅，無其他糕點，唯有下次再介紹啦～即場買就可以一盒配唔同味嘅月餅，亦可以散買，但散買的話每日供應都有限，最好都係早d預訂啦！除咗蓮蓉月餅，仲有五仁、金華火腿月同豆沙月餅，全部都係傳統口味！•🥢 雙黃白蓮蓉 $220月餅皮好薄，表面有啲油香，但明顯見到烤出嚟嘅色唔太均勻，蛋漿搽得唔平均所以d字唔夠清晰。切開月餅，蛋黃顏色比較淺色暗淡，唔會太油，比較乾身，但都算大隻，蓮蓉唔會太甜，但連埋蛋黃食就蛋黃嘅鹹香味會遮咗啲蓮蓉嘅甜味。•🥢 金華火腿月 $250金華火腿月入面嘅材料超級豐富！有金華火腿、叉燒同冰肉，仲有五仁月餅本身有嘅芝麻、合桃、瓜子、欖仁同杏仁，但食落主要係金華火腿味，其他就係令到個口感豐富啲😂 不過比較之前食過嘅金華火腿月，感覺呢個可以多啲啲調味。🙈

又到中秋 網店好多都係奶黃/茶味/新口味專成過黎生隆餅店預訂傳統月餅 雙黃白蓮蓉($220盒) 雙黃黃蓮蓉($220盒) 雙黃紅豆沙($190盒)除左訂月餅 當然順便買埋其他糕餅細砵仔糕$15一盒有8粒 我要左4黃4白當時人少少我麻煩店員唔用即棄膠盒直接入自己食物盒 店員都好好無嫌我煩 重入盒時將d細砵仔糕排得靚靚好食紅豆足料 細細舊又方便食 另外買左蛋卷$20包 酥脆薄身夠鬆化 唔算太易碎有蛋香 味道又唔會太甜 正傳統餅店買少見少 同區另一間因為加租而被迫結業真係要好好珍惜多d幫襯!

以往買月餅都係啲連鎖店到買.. 覺得不過不失就算啦..今年朋友介紹我話生隆餅店有四黃白蓮蓉上網搵下 原來依間舊式餅店係咁出名🙈🙈所以有日出開九龍.. 特登去深水埗買點知.. 我3-4點去到已經賣晒 得返單黃月🥲🥲我心都碎埋跟住過兩日鄰居朋友早收工 特登幫我去買左個四黃白蓮蓉勁開心話晒四黃都真係驚肥😂 今日無食lunch 留肚食月餅一切落去已經感覺到係軟外皮唔硬 蓮蓉係好軟同埋唔會好甜個黃有少少起沙添😍😍真係大鑊 食唔停口我對佢真係有種相逢恨晚既感覺😂 我好鐘意食佢個白蓮蓉.. 亦都明白點解佢會出純白蓮蓉月 因為真係做得好出色*留意返 月餅只可存放2星期架咋

🐲生隆餅家🥯深水埗～生隆餅家～由1997年開業直至現在真正見證時代變遷呀･*:.｡..｡.:*･'(*ﾟ▽ﾟ*)'･*:.｡. .｡.:以前細細個去婆婆家屋企都會有啲傳統糕點食下紅豆燒餅 雞仔餅 芝麻餅 合桃酥 摩羅酥白糖糕 砵仔糕 魚皮花生 鳳凰卷 花生餅老婆餅 杏仁餅 炒米餅 花占餅 光酥餅但係唔係間間都有咁多種類嘅傳統糕點我地一去到已經嘩嘩聲真係琳琅滿目 目不暇給呀基本上諗得出嘅佢哋都有平時好少見嘅傳統糕餅佢都有真係不愧係老字號重點係真係勁抵平靚正 又多款揀搞到我地買左好多餅♡光酥餅♡正如其名真係好Dry但係Dry得黎個餅又好香♡白糖糕♡之前係其他地方食過一個超甜既但係生隆餅家既白糖糕係清甜架食完真係返尋味呀後悔淨係買咗一個咁少♡魚皮花生♡勁香口配啤酒一齊食超正超夾其實仲食咗老婆餅、砵仔糕、紅豆燒餅不過影唔晒啦仲有其他都想試吓不過肚仔已Full啦唯有下次再戰啦

砵仔糕紅豆好少，質感又硬又實，又粉爛非常之唔掂呀！白糖糕好高質，發得夠厚夠高身而且冇酸味👍🏻時間掌握得啱啱好好得👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻黃糖糕質感同味道都冇白糖咁好帶一點酸味一般般啦！黑芝麻糕一啲香味都冇，而且質感又膠又硬完全唔掂糯米糍 $10/3粒紅豆餡 - 唔多掂花生餡有椰絲同花生香味皮夠軟夠煙韌唔太甜👍🏻 幾好全部$30