田中日本料理

營業中

休息中

昨晚點了雜錦刺身，那個海膽臭的，我問我朋友覺唔覺得海膽好似臭的，她說覺得，但因為她從未吃過海膽，以為是這個味道，所以沒有出聲。鑑於同朋友已經分了2/3，所以沒有即時投訴及退換，但付款時反映給收銀員知道，結果是她們是知道最近的海膽有問題，有些食客還即時退換食物。既然知道海膽有問題為何不更換供應商或坦白告訴食客以另外一款魚生代替海膽上碟，好過硬推有問題的食物給食客博客人不出聲。公道自在人心，不出聲不代表食物冇問題。我以後也不會再光顧這食店了

真係好多好多好多年前去過田中之後就冇再嚟過。嗰陣時，覺得係要山長水遠，長途跋涉咁入嚟元朗，我諗大約都有十幾年前。當時出名嘅係三文魚🍣，好大舊٩(˃̶͈̀௰˂̶͈́)و 其他嘢我已經唔記得喇。 今日下午同朋友經過，見佢冇人排隊，於是乎膽粗粗就想再試多一次。 眼睇都幾多嘢食嘅，但印象記得佢哋係好大份，所以唔夠膽叫太多。叫咗一個壽司飯附送鹽燒三文魚邊。我再加左$5轉咗做Coke Zero。 唔鍾意食魚嘅我(除咗魚生炸魚)，試咗少少，都覺得幾脆嘅。我朋友話覺得幾好食，雖然係送嘅，但都有質素。魚生飯不過不失，裏面都有好幾種魚生，我覺得最好食都係甜蝦。叫咗一份三文魚🍣壽司，其實自從三文魚好多人都話有菌之後，我都盡量少食，但今日嚟到田中，真係唔可以唔試吓佢嘅特大三文魚！ 一如以往啦，”條”三文魚好厚，係抵食嘅，感覺都好新鮮(即係唔係放咗好耐嗰隻)。再叫咗個蟹子沙律🥗， 一嚟到真係嚇親我，太大兜，我哋真係冇辦法食得晒。不過我見到人人每枱人人都有一兜咁滯╮(￣▽￣"")╭ 當食菜囉，冇話特別好唔好食，大份囉，抵食嘅$38。我再叫咗份蟹膏蟹柳壽司，以佢嘅價錢OK嘅，但係唔好expect個蟹膏好有味，我接受覺

吃了n次，每次必點4件三文魚壽司，超大塊的三文魚，抵食又好食，比較新鮮，甜蝦也好大份，吃過年糕有一般，小丸子開頭食就好食，食多了就有點膩，三文魚碎飯，也好足料，鰻魚壽司也超長，總之首選三文魚壽司

呢間係我最中意食堂之一 最出色係佢三文魚壽司 我係香港食過咁多間日本壽司 田中壽司食最大件既 仲要質素唔錯喎 又新鮮喎 肉質鮮嫩 入口即溶 我自己會叫三文魚碎肉飯 佢成碗都係三文魚 價錢好抵食 叫一碗兩個人食👍

一睇就知我黎咗元朗🙂山長水遠搭車入嚟就係為咗食呢度啲巨型壽司同埋我最鍾意嘅蟹子沙律❤️ 刺身全部大塊+厚切🥳 三文魚壽司塊三文魚16cm長得嚟仲要唔係薄切🍣😋 我只係隨便叫左幾碟都已經好飽食唔到其他嘢🤷🏻‍♂️ (其實嚴格嚟講我食完個沙律已經飽咗🙃)蟹子沙律 (HKD 35)鰻魚壽司 x2 (HKD 32)三文魚壽司 x2 (HKD 28)油甘魚刺身 x3 (HKD 45)羊架 x2. (HKD 58)下次我要試更加多嘅刺身

好耐都冇食過大大件又好味既壽司了⋯田中🍣🍣係元朗都算數一數二嘅都係佢🍙🍙雖然D服務員有時會串D又冇乜禮貌，但食物新鮮又唔太貴都可以嘅😛😛中午食會比較好D.....人又唔多唔駛排好耐就可以入去食了😁😁（我試過疫情前⋯夜晚去堂食要等成個幾鐘先有得入去重要只係得90分鐘😖😖噢⋯有點趕！淨係食唔好講咁多嘢🤨🤨）

好耐無入元朗食田中，成日都心思思想入去食，咁岩今日同朋友入開元朗，就決定夜晚去食啦我地大約19:15去到，正直晚飯時間，所以門口都有唔少人等位，職員首先比張menu我地點餐先，邊點邊等其實幾好等位有野做得黎入到去又慳返少少時間，等咗大約15分鐘左右就有位行入去見到每枱嘅大大舊壽司仲有大大碟炒飯，真係令我急不及待我地總共叫咗7碟壽司，1碟軟殼蟹反卷，同埋1碟燒三文魚頭。軟殼蟹大大舊超多蟹肉！唔係好似平時出面食得個脆殼其他壽司都好鮮味唯一少少失望係牡丹蝦壽司，感覺甜蝦仲好食，但係佢價錢係甜蝦壽司一倍（$56/2件）

呢間鋪頭應該大部份元朗人都聽過，係元朗都經營咗好多年💛💛我自己都食咗好多年🙊🙊-可能因為佢都幾多人等位，加上地方偏細，所以你等位個陣，佢已經會叫你落定單，基本上你一入到去就有得食👍🏻👍🏻當然你想入到去再加單，都係可以既🤭-呢度啲壽司全部都大大件，大舊過出面好多餐廳，食落感覺特別滿足😍😍味道方面都幾好，對得住個價錢，完全滿足到我🥳🥳p.s.特別係三文魚同鰻魚壽司，2個都係特長！！！但太肚餓，唔記得咗影低😢😢-不過都因為佢大大件，所以其實食唔到好多野☹️☹️今次2個人去食，叫咗12件壽司 、4件軟殼蟹卷、8隻甜蝦刺身，已經飽到差啲食唔曬👻👻（如果舊飯細返啲就更好🤩🤩可以再叫多啲壽司食🤩🤩）-埋單都唔算貴，300幾蚊，算係抵食-

前日我就去左呢間田中日本壽司店到食晚餐,其實我覺得總體黎講一般,首先我會逐一講下我食過咁多款入面最中意個款先呀,我最鍾意個個係火炙三文魚壽司,因為佢入口唔會太有黎,又大件,跟住我再講下我食過呢d壽司後ge感受。。。果個三文魚腩碎飯喺可以ge,OK大碗,但係竟然佢跟餐個個麵豉湯先係重點,湯竟然有蜆肉喺入面,而且啲蜆肉好彈牙,湯又唔會好鹹。三文魚刺身就麻麻地,冇乜鮮味,帶子壽司就乾咗啲,海膽刺身還好,冇乜異味,軟殼蟹反卷d軟殼蟹係比較林,鰻魚壽司還好啦,芝士鰻魚卷反而仲好食啲,啲芝士係會入口即融果隻,又唔會已經溶哂,ok, 三文魚火山卷就一般。 總括嚟講我應該唔會再去食，雖然唔係話難食，但係整體質素和真係好一般，如果你係話為飽肚想食壽司既話，呢間平平地的確可以係你以ge選擇,但係對於我求質又求ok飽肚已夠嘅人嚟講，我諗我會食其他。。

三文魚刺身 $40 （三片）好大件切得都好厚身！ 如果一個女仔食晒三件應該會好膩 兩個人share都ok,味道係正常三文魚😂蟹籽沙律 $38呢個係最正常亦都係最好味嘅一道菜。$38真係好抵而且份量好多，好足料。蟹籽亦都俾得好多！一啲都唔孤寒👍🏻軟殼蟹反卷 $48軟殼蟹反卷味道正常，但飯偏多，好大一舊。燒牛舌$42最伏其實係呢個😂😂 呢個真係難食到我食唔晒..好似同緊隻牛打茄輪咁🤢諗起都覺得好嘔心🤮個原因係因為佢切得太厚同埋口感太淋身。同平時食開嘅燒牛舌好唔同。平時其他餐廳係爽口彈牙 厚度適中。總括，如果住得遠嘅，我覺得可以唔洗試😶

住元朗嘅朋友個個都推介呢一間平民壽司店因為唔接受訂座 如果想來食一定要早啲排隊事關大熱天時喺出邊等個幾鐘都幾辛苦😥😥眼見唔係堂食嘅 買外賣都好多成條行人路都企滿晒人排隊 相信成條街最旺就係呢間野🤣🤣🤣等咗個半鐘終於有位 平民街坊價 就唔好expect裏面環境好靚 有啲似Canteen 至於order紙就係墊枱紙 一物兩用 簡單方便呢度最出名係特長鰻魚壽司 賣相真係好有驚喜成條鰻魚一啲都唔孤寒！仲好好味😋！正！三文魚刺身超級厚 一件等於平時餐廳嘅三件 確實物超所值！👍🏻👍🏻仲有蟹子沙律超級大bowl!!! 青瓜絲新鮮爽口 夏天食真係好正😋😋😋至於值得改善係個章魚小丸子 口感一般 一pat pat🙃 同埋凍的 可以再做好少少仲有蝦天婦羅 每隻蝦都好大隻 粉唔厚 正！🥰值得再嚟食🥰

政府宣布香港所有食肆由15/7日起晚市都冇得堂食，收工諗起突然好想食壽司，就叫左呢間壽司外賣返屋企慢慢嘆，大件夾抵食。.食物觀感十分吸睛，每一件都俾其他壽司店既尺寸黎得大件，我當晚點左三文魚壽司、鰻魚壽司、黃金魷魚壽司、芝士飛魚子壽司、蟹膏蟹肉壽司、吉列蠔反卷、蟹子沙律等。.味道方面，我其中講吓幾樣食物，三文魚壽司不過不失，鰻魚壽司因為冇鰻魚汁食落感覺比較乾，黃金魷魚軍、芝士飛魚子軍艦，外賣關係紫菜已經霖晒，但都係我其中最愛嘅壽司，芝士控必食推介，蟹子沙律大大兜超滿足。.價錢方面，總共食咗$43x，價錢合理，總括嚟講會再食。

元朗除左出明老婆餅 呢間田中都係我係港島人都聽過既壽司店出明抵食同大件！ 食到你不要不要der~ 我地嗌左幾多野食 但其實我都唔係好記得我哋嗌左咩 🤣🤣但值得推介嘅係 鰻魚壽司 （成隻碟咁長）軟殼蟹反卷火炙三文魚腩壽司蔥吞拿魚腩碎建議大家盡量嗌刺身 唔好嗌咁多壽司 因為壽司啲飯會飽到你食唔落了🤣 同埋建議大家分兩次落 食完再落 因為份量真係無法預計🤣🤣🤣

元朗有間好出名既日本餐廳，住元朗都認識呢間野。呢間野出名價錢平同埋分量多，所以就入黎試下。我地去到大幾7點幾，門口有經一堆人等緊位。不過等位期間， 侍應比左張點菜紙我地，方便等食既時間，因為呢間野得45分鐘用餐時間。叫左2個飯附送湯，湯入面有蜆肉。鰻魚壽司好新鮮，好大件成隻碟咁長。值得推介。d壽司好大件， 刺身好新鮮嫁。。。燒秋刀魚都好正，有肉汁，唔太乾，附上 檸檬汁 正。如果想平平地既壽司，呢間性價比算不錯了，抵食夾大件，絕對唔會太你失望。不過唯一缺點就係座位比較逼。

喺元朗一諗起食日本嘢第一時間就會諗起田中，加上天氣太熱啦好想食日本嘢田中出品大件夾抵食永遠唔會失望，價錢方面CP值極高，但有心理準備一定要等位，快則15分鐘慢則半個鐘之後.每次必定會點三文魚壽司🍣，非常非常之推介，今次朋友仔太飽所以冇點到，另外鰻魚壽司永遠冇失望而且足16吋，其他地方我未見過有咁足料.雜錦魚生飯我每次都會點今次就轉左拉麵🍜，拉麵非常彈牙，配料都好足，如果嫌太多飯嘅話可以好似我哋咁食下拉麵.