田中日本料理

營業中

休息中

一直都想介紹一些抵吃又好味道的餐廳給大家，這次終於有CP值很高的餐廳啦～這家元朗田中壽司長期排長龍，些次都等了十五至二十分鐘才有位。與友人點了幾碟壽司刺身，刺身有手指這麼長！而且一律厚切（也太不吝嗇了吧？）！而白飯都有壽司醋味，不是普通白飯～刺身質素還要很高，不會腥或者感覺不新鮮，吃每一口都很放心～哈哈！兩位女生吃平均點3-4碟都絕對夠飽，因為份量是很大的，不要眼闊肚窄呀！私心推薦甜蝦及三文魚腩！很新鮮又厚切！

有時收工收得早都會專登入元朗食飯 基本上唔使諗一定係田中 唔好睇佢價錢好似好貴但其實份量超級多就以三文魚壽司為例 佢一件壽司用嘅三文魚嘅份量基本上已經等於你喺其他壽司店食嘅三文魚起碼超過 兩三倍 仲要一碟兩件 細食啲嘅朋友分分鐘一件起兩點止 其他推介包括軟殼蟹反卷 蟹肉蟹膏

每個月外賣必選之一，甚少堂食，用餐時間又唔多，只有四十五分鐘，出面人龍又多，又要預先揀定野食落單，又要齊人先可以入內，裡面環境又唔大，又迫，服務就更加唔洗諗啦，顧唔到你，最重要一點，冷氣唔夠凍。所以每次我都係電話落單，佢哋整好之後，就先會打電話俾我，又方便又就到時間，佢哋d野食又大又平，三人份都係$200以下埋單，夜晚營業時間又早，5:30pm 就叫得，有時仲可以預早少少打電話order,幾方便，佢哋附近仲有好多間珍珠奶茶可以買。

多年不見的好友，相約在元朗大馬路，度過一個愉快既晚上。朋友在元朗工作，雖知香港人特別勤力，永遠工作到最後一刻，於是特意在公司附近嘗嘗日式小店。雜錦刺身既魚生厚切，新鮮海膽亦有驚喜，雖然份量一般但誠意滿分天婦羅端上的時候還是熱乎乎的，炸皮則略厚。比筷子長的多春魚，凈系相機食都已經非常滿足啦燒牛舌為每次日本小店必點串燒之一，牛味在嘴裏久久不散海膽，玉子，三文魚壽司中規中矩，飯團顯涼松散，稍微失望。如今誠意小店越來越少，食得一間得一間啦！

和朋友去元朗行下想起很久沒有在這兒吃東西了六點幾去到 已經開始有人排緊隊侍應俾咗一張點餐只俾我哋 要我地喺街外即刻點 匆匆點完就入座要咗三文魚壽司 鰻魚壽司 火炙左口魚壽司海膽火山卷 燒茄子 鯖魚定食 蟹子沙律 叫咗超級多野佢係限時一個鐘頭內要走 所以啲嘢好快上嚟每一件壽司都係超大件 個刺身係拉尾 我覺得食一件等於普通嘅兩件 蟹子沙律超大碟 其實我極鍾意食蟹子沙律 所以我勁滿足 反而我隔離嘅同伴已經有啲吃不消 燒茄子感覺正常 不過稍嫌唔夠香 冇乜味 落得唔夠多調味料海膽火山巷 其實海膽只係比咗好少 反而又係啲飯好多 最後咪因為實在食壽司食到我哋好飽 個鯖魚定食我哋係要成個外賣 完全食唔落最後埋單$320兩個人 如果想簡簡單單食餐日本菜 價錢都OK嘅

系元朗一間日式餐廳以壽司大大舊做特色同朋友去完元朗yoho行完街佢就到介紹到附近田中食日本野試下無妨就決定左去啦叫左1個雜綿魚生飯黎既時候見個碗高大以爲得好小野點知食落原來系好夠飽飯唔會一味塞俾你 試面既魚生大塊新鮮又附種類 絕對可以一口飯夾魚生 但食哂飯都未食哂魚生之後再叫左個黑蒜厚切叉燒拉麵湯底唔系太特出 但都夠濃郁個人鐘意瘦叉燒 佢又幾好唔太肥 同正宗日式叉燒唔一樣叫左蟹子沙律 抵食推介大大碗抵食蟹子絕對可以豐盛黎形容大大塊三文魚🍣令人好滿足 三式壽司既飯略偏大但都好新鮮啊！絕對系會再去既餐廳之選

記不清是多少次來到元朗這家日式小店，從教育路搬到青山公路，真真是有很長一段歷史燒牛脷，美味甘香。而呢個只喺套餐附送的刺身小食，是否很吸引呢?三片刺身，超級厚切，是主打食物，幾乎係每次必吃。

夜晚去元朗食飯，都好多年無食田中，心血來潮想食日本野，男朋友又未試過，就帶左佢嚟開餐。仍然係齊人先入得，只可以食45分鐘。大約六點幾，都已經要搭枱坐。叫左個飯會跟個麵豉湯，個湯同平時無咩分別，但係料夠多，有成幾粒蜆，仲要都唔細粒架。加州卷，中規中矩。三文魚刺身，對我嚟講係必食，呢度嘅三文魚係極厚！大大塊，食落先滿足架嘛。呢度六片，平時餐廳應該會切成十片蛋豬扒飯幾好味，蛋夠多可以撈曬成碗飯。豬扒又幾大塊中意d洋蔥，好好味鰻魚壽司，真係好長，又唔會好薄特登影多張對比圖，同筷子長度差唔多。我地兩個都食得好飽，食物質素雖然無以前咁好，但整體都唔算好差

呢間喺元朗大馬路旁既日式料理小店 #田中壽司刺身店 夜晚都吸引左唔少人流 最可取之處應該係大件又抵食既壽司 偏大既壽司唔只係飯多 連面頭片魚生都比一般既大塊🍣---------------------------鰻魚壽司 $38/兩件如圖所見 鰻魚足足成隻碟咁長 都幾厚肉 如果烤味香啲、肉質更彈牙會更好評分：8/10.三文魚刺身 $75/六片本身諗住嗌三文魚腩 但果時咁岩賣哂😢厚切既三文魚食落好厚肉好正🤤魚肉尚算新鮮 但就少左陣魚脂既回甘評分：7/10.太極壽司 $48/兩件太極即係三文魚子加海膽 兩樣野既口感同味道都幾夾 個人認為三文魚子既鮮鹹味會提升海膽既鮮味 唔錯🤩可惜紫菜唔夠脆 食落有啲韌😟評分：8/10.蔥吞拿魚腩碎壽司 $28/兩件由於覺得吞拿魚食落好腍身好似魚蓉 所以其實本身唔太好吞拿魚碎😗呢個吞拿魚碎切得唔係太細碎 食落都有少少咬勁 所以都ok評分：6.5/10.玉子壽司 $18/兩件呢個我冇試到 同行朋友話味道好清甜幾好食 見兩片玉子都幾厚身 鐘意食玉子既可以試試😛

黎田中食日本菜最緊要快，因為佢係限時45分鐘，作為忠實粉絲，我未坐低已經諗好點咩。今次，我點左一個薑汁雞肉飯套餐，套餐跟幾件細既刺身，麵豉湯，同埋前菜，好豐富！另外，我仲點左三件三文魚刺身（$40)，佢既三文魚刺身係超厚切，又新鮮又肥美，簡直一流！最後，份燒牛俐亦都冇令我失望，燒得好香！

做大西北既人點可以無食過元朗既田中壽司，係我中學既時代已經出名大件夾抵食，去到依架都仲係咁不過唔知點解人流就好似無幾年前咁多啦。岩岩入秋既關係口乾乾咁，之後我把嗌左個湯豆腐鍋物，入面除左有豆腐之外仲有金菇，菜等等，湯底好清甜，如果有碗飯就正啦！我本身食開呢到既三文魚腩碎飯同雜錦魚生飯，但係無乜胃口，所以就無嗌到如果唔係呢2個飯係MUST既item黎架🤤今次我剩係嗌左帶子壽司燒三文魚腩壽司同軟殻蟹反卷。每樣都大大舊，而且燒三文魚腩真係好好食，但我就嫌佢燒得太過熟啦而我都好中意軟殻蟹配埋既青瓜絲都岩岩好，令到唔食青瓜既我都唔會簡佢出黎☺️

強烈建議大家留肚黎食，因為呢到既份量好大份，質素以呢個價錢黎講，算係唔錯。六片三文魚刺身，係真﹒厚切。我地坐左45分鐘，基本好似每枱都會見到呢碟野，可想而知三文魚有幾受歡迎。份量黎講，呢到真係贏其他人幾條街。我地兩個人叫左一個壽司定食，其實都好夠飽。因為壽司既飯偏大舊，我地兩個人都覺得好夠飽。席間見到隔離枱既兩個人，佢地一人叫左一個刺身飯定食，碗飯真係超大...如果你係飯桶既話，相信黎呢到食野可以滿足到你！最後見到有牛脷... 心思思就算好飽都叫左黎食。呢串反而無刺身咁出色，差少少鹽調味。不過你可以問佢要，加左少少個味已經好出，係好有牛味既牛脷，唔錯。我地兩個人都淨係食到咁少野... 大家加油！但呢個價錢食琴日本野，真係無得話。推薦！

雖然行街成日去元朗覓食，但已經有幾年無黎食田中，呢次見無人排隊就快手入左去嗌左碟帶子壽司、火灸三文魚腩壽司🍣、軟殻蟹反卷同湯豆腐。每一樣都保持住以往水準，抵食夾大件。如果想平平地食壽司既話，呢間性價比黎講算高，絕對唔會令你失望。不過係座位方面可能逼少少要同人搭枱，無其他鋪頭咁坐得舒服，不過見啲食物質素幾好就原諒佢啦～

我係一個好鍾意食日本嘢嘅人。講到日本放題。到食元氣板長...都係我心中所愛。每次我都會叫好多碟。同魚生食。因為我住元朗嘅關係。每次搭巴士返屋企都會系又新街落車。附近有一間日本餐廳。次次喺車經過都會見到佢大排長龍。起碼有十幾20人喺度等。今晚可能夜少少嘅關係。我見乜冇人等。就即刻走入去食我最中意食嘅，魚生。我坐低梗係嗌我最鍾意食嘅魚生啦。呢間田中最出名就係魚生夠厚切。最重要係夠肥美。夠口感。我最鍾意係將好多嘅哇沙b混入豉油度溝勻。等佢變成好濃郁嘅醬汁噉當你點三文魚嘅時候就滋味無窮。再嚟一個三文魚火山卷。我都好鍾意食呢度嘅蟹膏蟹肉壽司。因為勝在大件頭。而且又捉料尤其是呢個鰻魚壽司。直頭係我每次來必食嘅。因為佢唔單止夠厚身而且勝在夠大夠舊長身💥💥淨係食兩嚿都不得了...因為實在太有分量最後叫埋我鍾意食嘅鯖魚。食完真係飽到上心口下次又嚟食過。

黎到元朗想食日本野一諗就係田中！大件夾抵食，性價比超級高但因為餐廳好多人食，繁忙時間每桌得45分鐘食，如果想好好坐低慢慢傾計就未必適合了選擇很多，基本上刺身 壽司 鍋物 基本都有店舖還有限定推介 是比較特別既食材雜錦天婦羅 有蝦 茄子 南瓜 蕃薯冬菇配上蘿蔔蓉蘸醬 減低油膩感炸物是新鮮即炸 入口還是燙的炸蝦略嫌粉漿過厚 而且蝦唔大隻南瓜非常香甜 入口即溶 鰻魚炒飯鰻魚份量不多 炒飯配料也只得丁點鰻魚粒味道有點濃 鰻魚汁很甜煎蛋無蛋香味 加州卷配料有玉子 青瓜 蟹柳 卷物大大件 外面的蟹子都幾香一份有6大件 十分抵食三文魚刺身太肚餓 食剩一舊先記得影相三文魚係厚切 口感一流 食落很滿足可惜無魚油香 亦不算太新鮮三文魚茶漬飯三文魚份量很足夠湯頭鮮甜 很好下飯