田中日本料理

營業中

休息中

我相信大部份元朗人都一定知道"田中"，出名多人等位，壽司刺身都係大大件，價錢亦係唔貴，十分合理，今日我同老公早左到元朗，見唔洗等就入去食喇，亦因為多人食嘅關係，用餐時間限時45分鐘。我地今次點左：蟹肉蟹膏壽司蟹膏略為有少少腥，不過可接受腐皮壽司甜甜嘅腐皮包住酸酸地嘅壽司飯，十分開胃亦好適合素食人士三文魚壽司長長又肥美嘅三文魚，好新鮮，食兩件已經過足口癮帶子壽司大大塊嘅帶子，好厚肉，又鮮甜，真係無得輸吉列蠔卷吉列蠔唔腥，只係略為凍左少少，尚可接受上菜速度算快，所以大概35分鐘已經食飽飽，睇落好似好少野食，但其實每件都好有份量，田中值得一試名符其實抵食夾大件

肥爸挺愛吃鰻魚，但不敢吃壽司😅同事M推介我來吃這間的大碼壽司，我在網上看見鰻魚壽司這般大件，便用此引誘肥爸出省來吃😏鰻魚壽司幾乎有我手掌般大😂肥爸說味道不錯👍🏻我點了火灸三文魚腩壽司🍣尾部超長LOL 吃下去味道一般，覺得有點油，可能我不吃慣火灸版的三文魚腩吧😅我還點了海膽火山卷😋用料新鮮又夠足，只是一夾(可能我太大力😅)便解體，吃起來有點論盡🙈我還替肥爸點了三文魚頭煲👋🏻魚頭有煎香，肉質嫩滑，肥爸很享受魚頭😆我試了湯頭：可能有金菇、蘿蔔及菜等，湯頭很甜😋👍🏻其實這間餐廳食物味道不差，大碼壽司很有視覺震撼🤩雖然壽司飯比上面的壽司較小，但我吃了4件但飽了😵我見其他客人都點了三文魚刺身或壽司，我想下次來試試😍喜歡吃日本菜的朋友不妨來試試吃🤗題外話：這兒限食45分鐘；逢星期一休息；週末及公眾假期則另收加一

元朗呢間壽司鋪門口永遠大排長龍,食完我終於知原因啦火炙三文魚腩: 大大片三文魚腩,經火炙之後,所以三文魚油逼哂出來,好甘香,我一個男仔都要分兩啖先食得哂蟹膏蟹肉壽司: 蟹膏大大篤,蟹肉就係由蟹棒拆出來,多到滿瀉,蟹膏似韓國罐頭嗰種,唔腥,仲幾鮮味燒帶子: 一份有兩串,每串仲係大大粒,聽聞橙色同白色既膏係佢地既生殖器官,所以我就冇食,不過中間粒帶子肉質彈牙,加埋燒汁絕配總括而言,呢間鋪成功之道就係大份夾抵食,我叫3樣野加埋都係$120左右,份量絕對對得住價錢有突,自然大把食客返頭啦

兩公婆放假入咗元朗行街，晚餐唔駛講一定係去田中食刺身同壽司啦。晚市五點半開始，我地六點幾去到門口，舖頭內已坐滿人，唯有在外登記等位，揀嘢食先。經驗話我知，唔可以揀太多，呢度出名大大件，以前叫得太多食唔晒，好浪費。等咗二十分鐘左右就安排入座。我地揀咗1.三文魚刺身(六片)$752.鰻魚壽司(兩件)$383.帶子壽司(四件)$644.海膽火山卷(兩件)$385.軟殼蟹反卷$48食材新鮮，兩個人食啱啱好，食飽飽，非常滿足。

鐘意食刺身，特別係三文魚既朋友一定要黎食田中呢到既刺生選擇多，份量已經唔係足咁簡單，而係有突😂原來真係有咁大蛤乸隨街跳架！琴晚7點零去到，店員先會登記籌碼，再俾一張menu你，叫你揀好就落單，到時入到鋪頭就會自動上菜，限時食45分鐘。我地大概等左半個鐘倒啦，就可以入去啦。上菜啦～三文魚壽司勁大舊，片三文魚我估有10cm長，仲要厚，我食哂舊飯都仲有半塊魚剩。三文魚刺身40蚊3片，片魚好似唔洗錢咁，厚2-3cm，如果係其他鋪頭，3片先等於呢到一片…另一推介係鰻魚壽司，鰻魚唔腥，煮完都好軟滑，加上鰻魚汁真係好好食，而且目測都有10cm長，好過出去食貴既鰻魚便當。由於所有食物既份量都好大好多，其實食少少已經勁飽😂😂鋪頭既賣點絕對係厚切+大件夾抵食有個溫馨提示，鋪頭只收現金架~所以大家撳定錢先入去啦～

朋友介紹這家食店壽司抵食夾大件，就來一試。晚上來，人流比較多，餐廳規定客人用餐時間為九十分鐘，所以輪後時間也不算太長。在外面等候期間，店員讓我們先點菜。店面比較小，有點擠。點了三文魚壽司、鰻魚壽司、甜蝦壽司。樣樣都大大件，性價比高，壽司也算新鮮。唯獨壽司飯比較硬身，偏酸。朋友還點了羊架，燒得也不錯，及格。最喜歡是蟹子沙律，蟹子很多，沙律份量多，四個人吃剛剛好。整體來說，這店員服務不錯，食物抵食，若是想快吃壽司的朋友值得一試。

上次遇著星期一例休冇得食，今次星期日經開唔洗等位即刻入去食😋😋比起上次食，應該都有十年以上😅😅 依然係45分鐘就要起身、份量足...但唔知係咪星期日冇左d lunch set 講番今餐，叫左一個魚生飯set 有湯、有前菜仲有勁多魚生種類之後有小朋友叫左個烏冬，味道唔錯但個黑蒜油太油😖黎田中食熟野緊係唔夠啦...所以叫多左我最like既吞拿魚蓉壽司😋😋果然食落冇根，正👍🏻👍🏻你話刺身係咪好top? 只可以講一般但新鮮，咁既價錢份量，no complain 啦！

中學時代應該食嘅田中壽司刺身日式料理店，這天在元朗想不到食什麼好，朋友就提議再次去回味這間日本壽司店，這間日式餐廳選擇頗多的，我們點了三文魚壽司、蟹肉蟹膏壽司、鰻魚炒飯、芝麻雞翼、燒一口牛。三文魚壽司依舊成塊肥豬肉撻喺大舊飯上面蟹肉蟹膏壽司，好食，蟹肉係普通蟹柳絲，蟹膏幾好唔腥，紫菜唔脆鰻魚炒飯包一麵豉湯，湯有誠意，內有蜆肉，唔錯，炒飯穩陣之選芝麻雞翼炸得脆脆的，幾好食燒一口牛性價比高，雖不是高質牛，但肉質不錯，好食

第一次黎田中食，之前成日聽男朋友講想食田中，話d壽司上面塊刺身超長又厚。今日約左佢去元朗大棠摘士多啤梨，所以夜晚就決定食呢間。omg原來真係冇呃人，三文魚真係又長又厚，雖然我影唔到個厚度，但食落真係啖啖肉嫁！我地仲叫左個帶子壽司，一樣係好肥美！但個人認為三文魚鮮甜d。我地仲平平地叫左個豆腐鍋，個鍋整得一d都唔馬虎！連豆腐都整得好食證明間舖頭真係整得好有心機。埋單唔洗二百，仲要食到好飽添！會之後再黎食！

2018/04/28 AhBwui這天千里迢迢來到元朗，Beauty說要帶我吃間抵食又美味的日本料理。作為一個喜愛日本料理的吃貨的我二話不說便答應了😂我們抵達時正好準備開店，已經有不少客人在外頭迫不及待地想進去了，由此景象可見這真的時間熱門餐廳這個太極壽司真的不推薦不行，集兩個我個人最愛的食物為一體。海膽的海味很鮮，三文魚子應為真的三文魚子，舌頭輕輕一頂便能頂破，不像爭X or X鮮 😂軟殼蟹飯卷炸得香脆，但可能油沒有瀝得太多，吃完之後有點反胃帶子壽司上的帶子相當大一份，也很新鮮，推薦！

成日經過元朗都見呢間日本餐廳排隊，今天6:20pm去到已經要等位，等了15分鐘已經有位，原來6:30pm已經第二輪客，因為每枱限食45分鐘。一坐下已經立即order, 之後5分鐘即到，超快！帶子壽司大粒，新鮮。龍蝦沙徫軍艦，蟹肉蟹膏軍艦，葱吞拿魚軍艦，好食！蝦子沙律超大碗，可以分到6碗。但沙律醬比較少。唐揚魷魚圈，一般。鰻魚炒飯: 炒飯上面有塊炒蛋，怪怪的，味道一般鹽燒牛脷: 有8塊，好厚，好吃鹽燒雞軟骨: 好吃今晚3人吃，估唔到壽司太大件，太飽，所以一半鰻魚炒飯，魷魚打包。埋單$535, 壽司因為大件，份量等於元氣1.5倍，所以價錢比元氣貴，但流量大，食物新鮮！

難得黎到元朗..當然要黎出名既田中食壽司...知道冇得book..所以特登早d黎等位..但係等位前店員會要求我地先點左野食先安排座位..入到去好快就有野食..有45分鐘進餐時間..我淨係知呢度d野係好平..但冇諗過連份量都咁大睇相真係睇唔出..但實物應該差唔多係1件等於平時既3件!!!!唔係淨係飯多..係連料都多!!所以真係食到嘩嘩聲!!沙律都係好大碗...芝麻雞翼好好食!!海膽半板$68 - 我地揀左加拿大海膽..舊飯已經食唔落喇...好彩本身點得唔多..唔係真係食唔哂呀..一件應該有半碗飯?!

因為某一啲原因要入元朗，所以第一時間就諗起呢間 咁老字號嘅元朗壽司店，因為以前食嘅頻率實在太多，一共食過幾多次都數唔到，一有時間就入元朗食佢，差唔多當飯堂咁濟，所以今次有機會一入元朗 第一時間就諗起佢，質素同當年都冇乜太大分別， 食物嘅size都係好大大件， 如果係大食嘅你， 一定食得飽你，魚生同以前一樣咁新鮮， 可以話係大件夾抵食，由於趕時間既關係， 雖然我今次只係食午餐，叫咗一個set lunch，希望下次有機會可以再試返多啲唔同款嘅食物，放心我一定會再來幫襯！

田中話說朋友話要帶我去澳洲牛奶公司（日本版）⋯⋯⋯⋯。原來係元朗田中🙈第一次去，等位期間已經要order所有嘅食物😱分量好大件，但係品質一般🤔。從來冇見過蟹子沙律，係咁大碗，對到成座山咁高。見到隔離枱嘅三文魚刺身，真係好厚身，可惜賣晒啦。限時45分鐘，雖然而家生活好繁忙，但係呢個時間真係好趕，同埋座位好迫，同人一齊搭枱，感覺真係有啲奇怪，如果係食一碗粉面，就話冇所謂啫，食一次就夠啦。不過多謝朋友帶我去體驗🙈

是日大大件壽司特別推薦，因為真係好大件，好抵食，夠新鮮!真係唔講得笑，黎到元朗突然又想食日本野，第一時間真係會諗起田中。我記得4年前我去過一次，同4年後，我夠膽講2次經驗同食品質素係一樣無分別，都係咁新鮮油甘魚魚生，呢款個職員話無壽司只有魚生，厚度岩岩好，食落唔會太溜呢個三文魚壽司，認真不得了，講真對我黎講食完呢4件都已經飽哂 不過我係咁易都食左1件，另外3件叫男朋友仔食哂睇落雖然好大件，但唔會太薄亦唔會過份厚，大大件食個感覺真係好爽好豪食1件個feel正過食3件正常size，仲更加有飽感，因為佢地d飯係實的的雜錦魚生烏冬沙律龍蝦壽司，同樣都係大大件，但對我黎講咸左少少呢個係我重點推介黑豚肉荔枝燒，宇宙級好味! 真係唔講得笑，但呢個要熱食，佢燒左都無影響到粒荔枝，依然係咁多汁。以上開飯食評，只係本小姐個人食後試後感