影片
更多
2018-04-21
1799 瀏覽
廣州有一間出名嘅酒家叫畔溪，香港都有但唔知係唔係一個集團，今日有對小情侶喺外國返嚟話愛國想食中菜，就揀咗東港城嘅畔溪尚粵菜食晚飯。食物味道唔錯而且餐廳職員有笑容亦有禮，我哋一行四人加一個Bb，叫咗一個六人份量嘅魚蝦蟹海鮮餐，再加一樣小食，職員都會驚我哋食唔晒，不過在座有大胃王，無有怕，大家都食到飽飽先走。老黃瓜湯，湯唔重味精，每盅都有唔少湯料。鴻運四式拼盆，海蜇頭夠爽口，燒腩都算新鮮，肥瘦適中，燒鴨同叉燒偏瘦。金牌咪走雞，卟卟卟咁上呢個菜，雞肉嫩滑，個汁幾好味。上湯焗波士頓龍蝦准山麵底，龍蝦唔大隻，肉唔算多，上湯嘅味濃啲會更好。星洲手抓餅，少油，香口。招牌粉絲蟹煲，蟹肉少，粉絲乾身，味道幾好。上湯紀子浸時蔬，清清哋唔錯。清蒸沙巴龍躉仔，魚新鮮嫩滑，但太細條，好似二人套餐咁大條。另加嘅椒鹽豆腐，外脆內軟，豆腐嫩滑。甜品有牛奶布甸，益力多布甸，另一款應該係南瓜布甸。
老黃瓜湯，湯唔重味精，每盅都有唔少湯料。
鴻運四式拼盆，海蜇頭夠爽口，燒腩都算新鮮，肥瘦適中，燒鴨同叉燒偏瘦。
金牌咪走雞，卟卟卟咁上呢個菜，雞肉嫩滑，個汁幾好味。
上湯焗波士頓龍蝦准山麵底，龍蝦唔大隻，肉唔算多，上湯嘅味濃啲會更好。
星洲手抓餅，少油，香口。
招牌粉絲蟹煲，蟹肉少，粉絲乾身，味道幾好。
上湯紀子浸時蔬，清清哋唔錯。
清蒸沙巴龍躉仔，魚新鮮嫩滑，但太細條，好似二人套餐咁大條。
另加嘅椒鹽豆腐，外脆內軟，豆腐嫩滑。
甜品有牛奶布甸，益力多布甸，另一款應該係南瓜布甸。
張貼
