留家廚房

營業中

休息中

A scrumptious dinner of traditional Cantonese cuisine and nostalgic flavors! Their menu is carefully curated and we loved all the dishes ordered, especially the stir-fried beef sheen with fermented bean powder, braised pomelo peel and assorted vegetables, Kin’s barbecue pork, a signature dish freshly roasted to order using the finest blade shoulder cut marinated with sauce from the famous, century-old Liu Ma Kee, fried rice with shredded fried scallop and egg white. The restaurant staff are also

一到夏天就想食冬瓜盅，即刻book 位同一家人去留家開餐，再訂定個冬瓜盅大快朵頤。冬瓜盅份量依然充足，夠曬一家5口食，同埋依然勁足料，有瑤柱絲、蓮子、火鴨絲等，配埋個大大冬瓜，清甜消暑。我地一家去過留家勁多次都食唔厭，真係不得不讚嘆除了冬瓜盅外，留家其他菜式亦非常美味，極有水準。例如他們的招牌叉燒和煙燻雞等。蜜汁叉燒肉質鮮嫩，燒得啱啱好，亦唔會太甜，好入味。煙燻雞味道香濃，肉質韌身，仲要好多汁。如果喜歡傳統菜餚，這些菜式也是不錯的選擇。

平日記得要訂定枱先。午市叫咗二人餐，包括兩個點心、兩個小菜、仲有老火湯，白飯同甜品，另外仲加咗幾樣點心，最欣賞係某啲點心可以單件叫套餐嘅湯係章魚眉豆瓜湯，老火湯但又冇味精嘅。點心揀咗牛肉球同蝦餃，各有兩件。牛肉球比想像大，芫荽味夠出，仲有馬蹄粒，蝦餃皮薄，幾好食！小菜揀咗咖喱牛腩，雖然份量唔算多，但薯仔同牛腩都炆得好淋好入味，帶點辣，用嚟送飯一流。另一樣小菜係帶子蒸豆腐，豆豉豉油味略嫌太鹹，份量比想像中多，都算OK。甜品就係綠豆沙，足料又唔太甜點心中最值得推介係芋角，外皮鬆脆，內裏足料亦有蝦粒

留家廚房食過幾次今次難得好多人一齊食可以叫啲一圍圍先食到嘅菜式！例牌必叫留家煙燻雞雞肉滑，雞胸部分都好冧極香煙燻味，好好食！留家叉燒即叫即燒肉質軟熟，烤到好香仲有啲脆脆燶燶地嘅邊位🤩艇曬蝦醬蒸玻璃肉蝦醬好香又甜又會死鹹上次食過虎掌菌扣肉念念不忘啖啖滲出泡椒香氣，肥而不膩非常正圖中為兩份份量京酥鴨🦆鴨內釀有蓮子薏米瑤柱仲有好香嘅鹹蛋黃🤩鴨炸得酥脆，上菜時淋上鴨汁份量都大，最好要有半圍人先勉強食到🤣梅菜蒸芥膽有驚喜本身怕芥菜會苦，但呢個好甜陳皮牛肉餅好香牛肉味口感不俗，可以送好多飯男仕們好喜歡涼拌醉鮑魚用酒糟，玫瑰露同味醂醃製酒味濃郁而帶微甜羊肚菌豆腐都有菇香，豆腐滑溜最尾個炒飯叫雪山飛龍即係黃鱔炒飯

友人提起此處，食物價錢合理，令我再來看看，久違了，點心勝在可單件點，叉燒包，細細個，粉皮滑，@10， 鬆子雞粒酥@$13,皮鬆脆，二粒鬆子放面，嫌少，雞肉調味可口。 喜歡家鄉粉果@14，不是晶瑩粉皮，白色薄薄皮，不黏牙，炒香蝦米及肉絲餡， 飽滿，特别，懷舊。 豬潤燒賣$30， 賣相麻麻，薄身豬潤， 估你唔到，好爽脆，有酒味，限三希樓花雕豬潤有得揮，正 迷你冬瓜盅$36, 細細盅足料，鮮蝦瑤柱冬菇，湯鮮甜，小小冬瓜肉，吸收湯精華又有冬瓜瓜甜上次來午飯有客人已開酒飲，今次又見同樣情境在一張大枱，另有一位單身男士隨身一枝酒擺上枱，準備開餐，熟客。

讚1 菜式基本保持水準 釀四季豆夠惹味 水魚湯好足料 夠晒清甜 炒水魚絲好夠膠質 而且條條均一 銅盤雞既雞肉好爽彈 燻鯧魚好厚肉 又入味彈1 番薯釀大腸實在唔太夾 腸味同番薯味太衝突啦

之前一家人去咗試位於灣仔的留家廚房，試吓佢哋嘅傳統菜。我哋叫咗江南百花雞，呢度菜嘅樣子係🐓白切雞，但實情雞皮下嗰層肉，係用蝦漿🦐而及雞湯製成，絕對係考功夫的手工菜。👍🏻另外叫咗招牌嘅留家叉燒🐖，只於晚市供應，肉嫰香口，值得一吃🤤。還有點了煎鯪🐟魚肉餅，十分香口，附上的硯芥醬汁不是死鹹，明顯自家調製，特別開胃😋！差點忘記咗個前菜，我哋叫咗太史戈渣，本身原為北京街頭小吃，用上湯和🥚雞蛋製作而成，感覺精緻，口感香酥軟糯，十分特別。留家餸菜每碟份量也不少，價格也不是便宜，所以最好一家人一起吃，這樣就可以試多啲唔同款式的食品。

有人請食飯😂三家大細有老有嫩齊齊去飲茶留家廚房隻煙燻雞，已經食過好多次，份量好足，今次叫咗一隻，8個大人都差啲食唔晒😅雞超嫩滑，超入味，煙燻味好香，不過有人話煙燻味唔夠杏汁燉白肺好足料，好甜，好彩「杏」味道不太濃，因為本人其實覺得「杏」似藥水味😅蜂巢芋角人地話幾脆（自己搶唔到所以冇食到😂）蝦餃皮厚薄適中，餡夠爽燒賣肉質夠實在仲叫埋叉燒包、粟米湯鮮竹卷、山竹牛肉波叉燒腸帶子腸餡好多好多，好滿足百花釀魚肚仲有粉粿飽到反艇🫠服務唔錯，店員都幾nice，環境算幾舒服，不過當日幾full，人有點兒多😅

做咗幾廿年人 第一次留食評 只因極之唔好嘅經驗長輩朋友嚟香港玩 因為長輩朋友俾錢 所以搵到呢間價位比較近民嘅餐廳 亦預訂了出名嘅鹽焗鷄 因為同長輩食飯 所以5:52便到達 但餐廳堅持6:00才可以入座 (?)6:10點好菜 餸菜陸續上 食物非常一般 (叉燒亦麻麻) 所有希望望喺隻雞 但唯獨佢遲遲未嚟 6:50同waiter跟單 waiter回覆”催咗”到7:10再催 waiter竟然話要再7至8分鐘(?)直至7:30依然未見雞影 再催多次 今次話斬緊 到7:35終於決定cancel一隻訂好咗嘅雞－個半鐘都出唔到嚟 全程一句唔好意思/對唔住都冇

老牌傳統酒家不多，留家廚房算是為數不多之一，名字改得好，留住客人，留住傳統，留住好聲譽。這裡樓底高，裝修簡單清雅，既傳統又不失時代感。喜歡來這裡用餐，從小到大，從天后到灣仔，忠實粉絲，希望可以一直食到老，但今日失望了，最喜歡的菜式野山椒肉碎冬瓜竟然失準。🙄野山椒肉碎冬瓜＄108冬瓜切成均等厚片，用肉碎蝦米野山椒燜淋，再埋番個芡上台，冬瓜香軟鮮嫩，索曬蝦米肉汁，少少辣更帶出鮮味，刺激味蕾，越食越想食。但今次的冬瓜是爽脆的，不知是否客滿原因，廚房太忙，無時間煮淋冬瓜，敷衍了事，連肉碎都有點腥味，明顯未煮夠時間，太失望了。😪留家煙薰雞半隻＄208辛好今日的煙薰雞保持水准，獨有的煙薰味道，拋離其他餐廳幾條街，皮薄肉嫩，煙薰的顏色光亮嫣紅，份外吸睛，👀，煙薰承度剛剛好，香味特殊，肉汁豐滿，還有幾塊雞腎和雞肝，是最精華部分。😘😘食肆受歡迎，服務水准是重要元素，這裡的侍應工作主動，態度友善，有求必應，令人賓至如歸。希望下次來時，菜式不再失準。💪💪

情人節嚟咗呢間嘢食中菜，一隻知道呢間嘢評價唔錯，每樣嘢都令我哋覺得好驚喜。 留家明蝦好入味，我隻貓都好彈牙，而且醬汁都有驚喜，好重蝦膏味，下面啲菜索晒啲汁好鮮味！另外個蟹肉羹都好有驚喜，鮮而不膩，估唔到呢個價錢都有幾多蟹肉係個湯羹入面。美中不足嘅係個叉燒燶咗啲，不過都好juicy, 唔會太影響味道！總括嚟講係食得好滿意嘅一餐！

黃色中菜店選擇不多，有留意開圈內的便不會對留家陌生。和家人聚餐慶祝因為他們絕大多數時間只吃中菜，亦令留家長期在我們家的清單上。長期光顧不只是因為顏色，而是性價比算很不錯。.雖然吃了多次，寫卻是第一次，因為….每次都拍得不好…哈。菜式沒有花巧的擺盤，很踏實，但味道不俗勝於一切。.每次必食有煙燻雞，作為招牌菜式，當之無愧。雞被滷汁浸熟後再以乾玫瑰花蕾、片糖及甘蔗煙燻，獨有的香氣滲透雞件，片糖和甘蔗加持後，大大提升了雞件鮮甜度。另一道必點的小吃是醉鮑魚。個人認為醃製任何‘’醉系列‘’，只要酒調得好，醃得入味便已很不錯。這款醉鮑魚還很脆亂彈牙爽口，鮮美得令人回味😋呀…重點只是$58一隻…哈哈…很可以呢！留家還有一樣我很掛念的食物，不過今次飯聚沒有拍，太急不及待了，它便是咖啡糕😋 希望快點再吃到。

年初四和親戚吃晚飯，自助餐、西餐吃得有點多，想吃點不同的。留家廚房 Kin's Kitchen 是吃傳統手工粵菜。有些菜式在訂座時要先下單，餐廳要預時間準備。🐓 留家煙燻雞 ($408/隻) - 看菜名就知道是招牌菜吧！所以點了這個。一上桌就是很香的煙燻味夾有點點的玫瑰露香，雞皮吃落有濃厚的醬油香，雞肉嫩滑得來還很入味，另外還有雞的內臟可以吃。🦪薑蔥廣島蠔 ($188) - 蠔都算大隻的，不過略覺得濃味得來太鹹。🥬魚湯什菜煲 ($148) - 奶白色的魚湯清清地沒什麼腥味。✨咕嚕肉 ($148) - 這個價錢，這個份量感覺有點太少了吧!?🐟蜆芥生煎鯪魚餅 ($128) - 重點在於鹹香鮮味的蜆芥！鯪魚餅有點紮實，還以為會是彈牙的口感呢✨柚皮扒羅漢上素 ($148) - 綿糯的柚皮壓在最底，應該是泡水夠久，沒什麼苦味。再加上羅漢上素是口感很豐富的菜式。🐟鳳凰焗魚腸 ($128) - 用缽仔焗的魚腸絕對是懷舊菜。魚腸沒有又腥又苦的味道，證明師傅處理得很好。雞蛋偏實淨，用來送飯很不錯喔！🥬梅菜蒸芥膽 ($138) - 芥菜膽吃落沒有渣亦沒有苦澀味，反而吃落其實有點微甜。另外還點了兩碗白飯 (

第一次食㽞家廚房，當初睇openrice 係見到最快既booking 都要等around 1.5 weeks 同埋見到老闆佢地咁有心💛餐廳主打農家菜同粵菜，味道原汁原味！ 餐廳適合一家大細，同親戚朋友食飯💛2個人叫左3款菜式： 㽞家叉燒黑白墨魚蒸肉餅 野山椒肉碎冬瓜每一樣都非常之出色同有驚喜😋㽞家叉燒係燶邊。 叉燒都頗多肉汁，但脂肪又唔多，可以一口接一口咁食但又唔覺得好肥，個蜜汁好特別，又唔會過甜又食到有玫瑰露酒味☺️但等侯時間較長，聽講係即叫即燒！黑白墨魚蒸肉餅應該係我食過咁多肉餅之中最好食既肉餅，必叫！ 首先肉餅係mix左墨魚汁，已經好特別，墨魚汁無特別既怪味，唔會食到成個口都黑色🤣 肉餅係蒸到岩岩好，爆肉汁，色香味俱全！ 肉餅有土魷同冬菇粒，mix埋真係食3碗飯都得！ 而咸蛋蒸到唔係平時食開好硬好實而係好滑同好滑，打破左我舊日對咸蛋蒸肉餅既概念！ 野山椒肉碎冬瓜係完全估唔到係呢個味道，冬瓜係後勁出左野山椒既辣味，食完大約2-3秒先會感受到，好適合食完兩款肉類之後食下冬瓜解下油膩感，肉碎配埋細細隻既蝦米真係好香，估唔到呢幾樣食物煮埋一齊係會咁夾！ 2個人飽到都講唔到野，食到好滿足！㽞

這間餐廳walk in通常無位，於是提早訂了枱。我們一行八人，坐10人大枱，枱與枱之間十分濶落，環境安靜，用餐體驗十分舒適。最欣賞這間餐廳點心可以自選件數。留家炒飯$148炒得夠火喉又乾身，粒粒分明。雪菜肉絲忟米 $148雪菜肉絲分量多，不油膩，屋企長者連吃兩碗。咕嚕肉 $148用筷子夾起有拔絲，皮脆肉嫩，甜酸味道剛好，好味。叉燒餐包 $39/3件外皮香脆，叉燒又夠多，肥瘦適中，食完一客忍唔住點多一客。芋角 $45/3件炸得鬆化，芋頭軟棉，足料。煎糯米雞 $45好少地方有得食，煎得香脆，足料。山竹牛肉球 $36/3件比想像中大件，味道恰當，因為其他食物實在太出色，相對之下顯得失色。松露燒賣 $48/4粒非常足料，口感彈牙。芝麻卷$28濃香芝麻味，甜味適中，口感煙韌。