痴心小麵 (已結業)

今日下午拎左假. 上左嘉頓山, 睇完日落落去深水埗搵食. 真係村姑. 千年唔黎一次原來呢度咁多野食. 原先想去食越南野, 但搵唔到. 見到路口有呢間小館.朋友話好似之前唔多覺眼. 所以見價錢合理就入左黎.除左麵食外, 佢好多台式小食. 今次叫左車仔麵. 我的要組合係清湯+米線($25)另外要四個餸或以上送一杯$14或以下飲品.咁梗係要四餸啦. 我選的餸係每個$6包括有花枝丸, 魚腐, 蘿蔔同埋生菜.黎到時一大碗, 上面有好多蔥外, 重有一粒粒朋友話似炸左的黃豆. 全部餸都無雷不特止, 個蘿蔔重有少少"驚"喜睇落去平平無奇. 除左有蘿蔔味外.居然用黑椒醃制過, 黑椒味十分濃, 幸好唔算好辣... 食到最後先慢慢食個d"炸黃豆", 炸得十分之脆重極有口感.再加埋一罐烏龍茶... 呢個晚餐好滿足.食完店員收碗時發現我的烏龍茶未飲完. 還提我裡面重有. 重可以拎住一邊行一邊飲...  今次真係又食又拎

香港人要買高科技零件例必會到深水埗為首站， 原因無他貨源多以及集中、 故此亦結集了周邊無數的生存食店， 各有各做各色其色街坊風味、 地道文化的街坊食店就這樣生存下去。。還記得痴心小麵的第一檔食店在香港區當時已經很想去嘗試，但基於遙遠的路程始終躊躇而遲遲未有踏上第一步， 今日近在眼前當然定必要試試、店舖位置其實都不難找, 大大隻的四個舖號名稱清晰可見~一纸走天涯一張點菜纸記上全店的食材， 自由配襯 傳統香港特色的車仔麵作風~當日就叫咗一個(痴心重慶小麵)嘅湯底做主胆, 繼而就叫咗兩份餸、 (湯底)之份量明顯比一貫街坊麵店略略為少， 所以目測所見碗來的材料更能聚在中央、看上陣容像為多。。湯底濃重味道剛好帶有少少麻辣香， 要來了少見的(百葉結和手撕雞)做麵餸、 先講百葉結份量大致三至四件, 烹煮之稔道剛好不致鬆散、但食材其實(索味)非常， 烹煮後如沒有加上適當知味道就可令到食材略為失色、 如果這方面也得以改善就更為理想~至於另外一款手撕雞個人覺得做得亦都不俗， 手撕的肉質部分非常嫩滑、而且份量亦不算偏細， 至少選擇上不會坊間的千篇一律、魚蛋/牛丸/豬紅等, 加多幾款選擇好過沒有選擇。其實要數

深水埗真係一個平民美食天堂 今次黎到#痴心小麵 係#傷心酸辣粉 既frd 岩哂dor呢個酸辣控🤤 圖一放滿哂成張枱埋單都係$115 真係抵食夾大件 冷氣夠 仲有免費wifi😂 lunch set：一碗麵+兩款涼拌小菜+燉湯/飲品+甜品 $48 痴線$48咁多野真係好抵食！dor咁大食都食到飽😂#豆花小麵 麻辣湯上有好多滑嫩既豆腐 加埋肉碎花生粒同麻辣湯出奇咁夾 辣辣地好惹味#痴心小麵 呢個少少麻辣湯頭既拌麵 加上豌豆肉碎花生粒 比起豆花小麵呢個辣好多 不過因為唔係浸住啲湯 麵條比較爽口 唔食得辣可能要叫小辣#蟲草花燉湯 您冇睇錯 燉湯都係跟餐唔使加錢 入面仲有好多蟲草花非常足料#涼拌小菜 每日唔同既 今日係涼拌彩絲同拍青瓜 特別鐘意彩絲 有木耳 蘿蔔 豆干 青瓜 好清新#嫩滑秋葵 $19 突然health conscious 見到有秋葵咁特別就試下 原來蒜蓉黑醋醃秋葵都幾好食 不過就唔係人人鐘意秋葵既口感啦食到尾仲有超冰凍牛奶布丁幫您解辣 超抵食 下次會返黎試佢既涼拌麵！

又係食宵夜時間。每次去深水埗經過見到呢間鋪頭都好想試下，今晚終於有機會去食唔知係咪我地夜晚十一點先入鋪，侍應只係俾左張紙叫我地揀野食。好似食車仔麵甘，你自己揀湯底揀麵揀配料。因為鋪頭話叫四樣材料就有一杯冷熱既茶或咖啡送，所以同男朋友夾埋叫左四樣材料。我著重既係湯底同埋麵既質感，所以唔再特別寫配料既味道喇。我自己好食得辣，我係揀左重慶湯底再加地道辣（唔好問我呢隻叫咩辣，佢張紙寫recommend呢個我就信左）。食落米線係ok晚唔係浸左好耐，但個湯底飲落係酸多過辣。或者應該甘講，我唔係好感受到個辣味建議餐廳麵係寫番明確d既辣度（地道辣真係唔知原來係甘無辣味）不過下次真係唔會再試喇，始終深水埗本身都大把好野食

行過見到痴心小麵有位座，餐牌又睇落唔錯，就入去醫肚其中有款豆花小麵，想試又唔敢試，穩陣起見，揀左碗蒜椒湯麵，配芥末木耳螺片蒜椒湯麵的蒜茸和辣椒真係唔少還有肉碎、花生粒、粟米粒、蛋和菜食落幾好食麵少少硬身，幾有飽肚感芥末木耳拌螺片木耳爽口，螺片易咬，但芥末味幾重，食唔到一半被芥末味嗆到食唔落，要放入湯麵去一去味這間食物係ok但都要提一提服務真係唔太好事源飲品揀汽水，因為坐在雪櫃隔離張枱嗰店員隨手丟枝飲筒過黎，枝飲筒在枱彈左幾下，好似丟垃圾咁款，先再施施然在雪櫃拎罐汽水出黎，無禮貌到爆。

今日有機會試下呢個拌麵肉燥蛋拌麵之前食過湯麵，雖然係好食，麻醬香好正，但因為有湯嘅關係個味道無咁集中同淡咗少少。今次拌麵每啖都係麻醬同花生香，非常惹味香口，不過可能醬多嘅關係食到尾會有少少禁身，有“漿”住個口嘅感覺。麵身夠滑，肉燥肥咗少少，不過整體都係好食。仲有罐裝飲品，小食同甜品送～小食今次係雲耳同豆干，唔算話太好食，味道比較淡。甜品係細細杯奶凍，面上d 木槺未輾得太碎，仲有少少餅乾碎嘅感覺，但個奶凍夠滑身，希望改善返少少啦～

去開深水埗買整電腦既零件，所以就順個便去個頭食少少先返屋企，行行下見到呢間餐廳好似幾乾淨咁，於是就入左去，坐落就叫左好幾樣野先來有呢度既招牌小食牙籤雞！表面脆口而且香噴噴，一口嘅size食落好方便，雞肉嫩滑多肉汁如果唔想淨係食菜咁悶，可以好似我咁叫呢個肉燥時令油菜，好味之餘感覺上又健康啲另外仲叫左碗豬軟骨湯麵，上面除咗有花生粒，仲有適量嘅蔥花同芫荽，令碗麵更加香，麵唔會煮得太淋，啱啱好朋友B就叫了碗鹵蛋豬軟骨肉燥時菜湯麵，係比較健康嘅一碗麵，麵質都係剛好，豬軟骨都好入味~集甜品同飯品於一身既羅賓，其實係利賓立加雪糕，一杯就滿足晒兩個願望，食到熱辣辣個陣可以飲呢杯透心涼嘅飲品，真係爽爆而朋友就叫左熱菜蜜，係一個健康啲嘅選擇，同唔會太甜，OK呀！

早前同朋友出街食飯，朋友想食麵，行行吓又見到呢間餐廳，所以就入咗呢間醫肚，雖然第一次食呢間，但係都無令我失望～海蜇好爽滑，而且上面仲落咗好多芝麻，令啲海蜇更加香同有口感。本人十分鍾意食辣嘢，所以呢個重慶麻辣雞煲對我嚟講好好味，裏面仲有半隻雞㗎，雞件嫩滑入晒味，碎骨唔算多，廚師刀功係幾好！芫荽仲令個雞煲更加香，係好食既！！雞扒飯嘅雞好嫩滑，而且份量都幾多使，又唔會太肥，仲好香口添那些年涼麵有唔小配菜，例如青瓜絲、雲耳絲同蘿蔔絲，令碗涼麵食起上嚟好清爽

夏日炎炎，但係又想食啲辣嘢去出吓汗，其實就當然係我真係好like食辣！行經此餐廳門口，見裝修唔錯又幾乾淨，咁就入去食喇！店舖好光亮，座位格局亦都好整齊，餐廳夠乾淨，冷氣都開得大，好涼爽~餐牌有好多嘅嘢食，仲有一人一鍋添，不過今次叫咗其他，下次先試下呢個重慶麻辣雞煲真係好辣，但係辣得好惹味過癮，個半隻雞好嫩好滑，都無我最討厭嘅雪藏味，正！海蜇有好多芝麻灑咗响面，令啲海蜇更加香口，而且佢嘅份量都好多，口感冰涼透心~~我仲叫左碗痴心小麵，有肉醬同花生碎等，仲有少少汁响底，啲麵爽彈之餘有少少辣，都幾開胃，幾好食~杯羅賓(利賓納+菠蘿雪糕)凍冰冰，仲有雪糕响上面，可以順便當食埋甜品。朋友叫既金牛入面有柚子蜜同雲呢拿雪糕，呢個配搭好清新，甜得嚟唔會覺得膩。

位於深水埗桂林街149號的痴心小麵，主打雲南菜及麵食。本身不算吃辣之人，這小店也提供很多非辛辣的食物。而且套餐，客飯約50元一位，很抵食。點了一客手撕雞飯套餐配白飯。小食涼菜為醒胃雲耳和豆乾青瓜絲，同樣十分開胃，嗦嗦聲很正。是日燉湯為瘦肉茶樹菇湯，熱騰騰，而且味道濃郁。手撕雞的份量頗多，當中夾雜了不少洋蔥、芫茜，蔥油味頗濃。點了一客生菜芯，更健康。手撕雞飯套餐-開胃小食-星級甜品-是日燉湯爽滑海蜇幼嫩生菜芯道地冬瓜茶

去黃金睇完遊戲機, 搵個地方食晚餐, 行過痴心小麵, 見到門口幾光猛, 感覺上幾企理, Set Dinner仲好抵食喺餐牌上見到痴心小食同傷心酸辣粉原來是姊妹店關係。嫩嫩的豆花小麵 - 套餐 $62豆腐份量超多, 將豆腐加入微辣的重慶熱湯內, 突顯豆腐的豆香味, 配料還有花生碎、滷過的肉碎, 麵條雖然唔係我愛吃的粗麵條, 但口感不錯, 軟硬度適中痴心紅蔥頭手撕雞 - 皇牌小食同樣份量十足, 見到咁大碟手撕雞只能講 - 真係太抵食, 紅蔥頭同手撕雞呢個配搭少見, 但味道幾好喎! 初初只係得醬汁的咸味, 慢慢就會有紅蔥頭的刺激感茶樹菇燉湯套餐有得揀汽水/燉湯, 識揀當然係揀燉足6小時的燉湯, 燉湯原汁原味 - 茶樹菇、瘦肉、薑片星級甜品 估唔到仲有埋甜品咁抵食, 簡單一個牛奶布甸為晚餐畫上句號痴心湯麵朋友三心兩意樣樣都想食, 於是我幫佢揀埋, 痴心湯麵有齊眼鏡牛肉(牛𦟌)、鹿兒島豬軟骨、肥腸 & 痴心雲吞。

痴心小麵究竟可以有多痴，今天下班後便和友人來體驗一下。晚市套餐很不錯，每人可選一個麵，然後價錢就在於你選的小食。來這裡又怎能不試它們每天用六小時燉製的古法燉湯呢？燉湯聲稱絕無味精和用真材實料。聽媽説茶樹菇能除濕、促進脂肪代謝、治腰酸痛和消腫。燉湯真的一流，味道十分濃郁，除了有茹還有薑味，喝光也不覺口渴。還有很多茶樹菇湯渣可吃。推介！餐廳叫 "小麵 "，本以為麵的份量會很小，結果卻是大大碗呢！朋友説想吃湯麵，所以她點了嫩嫩的豆花小麵。麵不辣，而豆腐很滑漏，放在湯麵內口感一流。我則吃了古法肉燥滷蛋拌麵，味道竟有驚喜！拌麵酸酸的十分開胃。肉燥的份量也很多，而且超惹味。跟餐的小食要了手撕雞絲粉皮，連小食的份量也那麼大！雞絲多肉小肥，而底下的粉皮有咬口又滑，還有爽口的青瓜，好吃。另一個跟餐小食是牙籤雞。脆卜卜的炸雞粒不但口感一流，而雞肉非炸乾，而是嫩滑多汁，和甜辣醬是絕配。必叫！我們也不能只吃肉類同澱粉質吧。所以也散點了嫩滑秋葵。秋葵夠爽口，而醬汁酸酸的很醒胃呢！朋友最愛芥茉豬肚絲，而不是芥茉控的我就怕那種攻鼻的感覺，但豬肚絲很爽口！香拌牛展喜岀望外，牛展煮得夠腍和入味，卻有咬口，還能與伴碟的洋

來到深水埗，當然來找找有什麼抵食又好食的地方，去到桂林街看到大大個招牌 - 痴心小麵，看到門外大餐牌，下午茶由$40起，包括：一碗麵一個開胃小食一個精美小食一款飮品或一個燉湯一個甜品嫩嫩的豆花小麵（$40/tea set)湯底是酸中帶點麻辣，很醒胃，麵條爽滑，還有肉燥、花生碎和嫩滑的豆腐花，酸辣湯底配豆腐花都是第一次吃，感覺新奇但又好好味，而且麵的份量也十足，吃完足夠飽到不用吃晚餐。痴心湯麵（$55/tea set)這個痴心湯麵的湯㡳牛肉味很重，而且很多料，有眼鏡牛肉（牛腱）、豬軟骨、肥腸和雲吞，份量十足，麵質爽滑，特別一提是肥腸處理得很好，沒有異味也不會過稔。開胃小食（免費）開胃小食附送兩款，黑醋木耳和青瓜豆腐紅蘿蔔絲，兩款味道都是帶有微微酸辣和蒜蓉的味道，是一個不錯的開胃小食。精美小食（免費）每人有三粒牙簽雞，新鮮炸起的雞塊佐以甜辣雞醬，外脆內嫩！燉湯（免費）原杯的茶樹菇燉湯，可以看得出是原汁原味的燉湯，不是煲好再放入杯內，湯的肉味很濃，茶樹菇則很清香，散發著茶樹菇獨特的香氣。冬瓜茶（免費）跟餐可以選擇汽水、冬瓜茶或烏龍茶等。星級甜品（免費）套餐還有甜品附送，這是黑糖奶涷，奶涷不太

今日約左靚靚人妻去深水埗買皮，購物前要先醫肚見到呢間麵館門面都ok，店內都整潔，唔會坐到密麻麻咁，又有lunch set同小食兼價錢唔貴，所以我地就決定係呢度開餐啦睇完一輪餐牌之後，我地想試多啲小食，所以決定只嗌一個餐再另加啲小食黎share食先黎跟餐附送既燉湯，入口有強勁既肝菌香，原來係茶樹菇呀之後就有跟餐既涼拌小食我地要左“肉燥鹵蛋拌麵加抄手”套餐HKd$48+$10麵質爽彈有韌性，加上肉燥同麻醬蔥花的調味，正呀！加上份量相當多，二個女仔share都夠食呀！！！！小食我地就嗌左四款：“爽滑海蜇”HKd$19“麻芝菇”HKd$29“手撕雞絲粉皮”HKd$36“時令油菜”HKd$19整體黎講小食味道不過不失，沒有什麼特別驚喜最後仲有跟餐既奶凍，小小既一細杯，味道都唔錯總括黎講，麵類的確幾出色，兼且價錢貼地份量足，係抵食既

我好朋友住在深水埗一帶，佢常常帶我食好野。佢推介我嘗嘗新開小店以麵缐做賣點。我又見平平地不駛諗就入去試試。店舖非常光猛，又交通方便，簡單的一個晚餐是很好選擇。佢麵缐餐牌主要以上這個，仲有一些飯套歺及麵缐套歺。大部份62元一個麵缐加一個小食及甜品加野飮，野飲可以免費轉有益湯水。你知出來做野時時飲跟餐汽水，有得轉湯水是很好選擇。朋友是大謂王，挑戰癡心湯麵（豬軟骨、眼鏡牛肉、癡心雲吞、肥腸），這個因為多餸要加多$15跟餐。個眼鏡牛肉一試難忘，非常入味。其他配料不錯。我就叫左豆花小面，滷肉小小辣再豆化好match!大件又抵食。食豆腐人都滑d😋跟餐可以紅蔥頭雞，麻醬再配合青瓜絲、芝麻花生非常美味。雞又滑又不駛咬骨，啖啖肉，好正！小食香伴牛展，我冇諗過小食跟餐都可以咁大碟。食落甘香，一片片好滋味。佢個牛展不辣，食好多可以。朋友又話好想食麻辣抄手，辣辣地好嘢味。粒數又多。蟲草花燉湯每日要花上六小時，我連湯渣都食晒。又不肥膩。就算要加錢都抵。去到尾聲，我食到反肚，原來仲有甜品，消化餅碎加奶凍。細細杯好快K.O.佢。總括來說，我今晩好滿意😋