瘋狂小面 (佳德商業大廈)

營業中

休息中

肚腩時不時就會同朋友黎，今次黎都幾多人😍叫左兩個套餐，最平加飲野其實80蚊咁上下，如果加小菜就貴啲，90蚊，加甜品就110左右~大家可以按自己preference 試唔同菜式~ 肚腩每次黎都好欣賞佢個紅油，今次都唔例外，叫左肥腸麵😍值得一讚係腸衣洗得好乾淨！不過如果朋友仔唔係好食得辣，都係小辣好啲～仲有要襯熱食呀～如果唔係啲油會結身啲呢朋友叫左碗雜麵，都好驚艷😍碗雜麵係豆加炸醬🤩估唔到超夾！肉碎本身好惹味，加上creamy 嘅黃豆好正！下次黎都會叫～我地另外點左夫妻肺片同青瓜，開胃😎😎不過如果大碗Ｄ就好了～除左熱食，同跟餐叫左酸梅汁，酸酸甜甜好特別🥰

瘋狂小面位於中環，環境打造成中式傳統小店風格，營造出一種街頭小店的氛圍，感覺十分地道🥳🍜 瘋狂大排面嗌咗紅湯、BB辣、BB麻🍜，麵條Q彈有勁，搭配香濃的紅湯，一點也不膩，辣度剛好，吃起來麻辣爽口👏🏻🍜 自家製鮮茄醬牛肉面🍜瘋狂小面的自家製鮮茄醬牛肉面，牛肉入味，鮮茄酸甜適中，與麵條良好融合，別具風味👍🏻🍹 金柑檸檬（凍）🍹清爽可口，酸甜適中，解渴消暑效果佳🍵 紅棗銀耳湯（凍）🍵鮮甜清爽，溫潤順喉

好耐之前曾經食過一次好回味佢嘅酸辣粉💕所以今次見喺中環附近就決定咗去食瘋狂小面- 瘋狂大排麵個排骨好入味一啲都唔會鞋身咬落去淋淋地😝而個麵身 亦都唔會煮到好腍食落有咬口🫶🏻- 酸辣粉（加牛肉）平時都好鍾意酸辣粉😝今次嘅酸辣粉煙靭得黎 但係又唔會好難咬得開仲有啲保寧醋的酸 食落酸酸辣辣 好開胃😍而且花生好脆口帶來不一樣嘅口感☺️- 茄子酸酸地好開胃呀而且茄子好淋身食落唔會有種咬唔開嘅感覺😝配埋麻辣 辣辣地😍

呢間係港漂 fd 子強力推薦嘅四川麪館，大讚口味正宗又好食。嚟到仲見到佢哋有成都小面十強嘅牌匾🏆果然係好嘢嚟~ （小麵係以葱蒜醬醋辣椒調味嘅麻辣素麵，但都泛指豌雜麵、牛肉麵等，係重慶本土的一種特色小吃。）瘋狂豌雜麵食落麵條有嚼勁，啖啖都帶有軟糯粉粉嘅豌豆蓉同麻辣香濃嘅肉醬，令口感好順滑🫛揀選咗正常辣度一開始食落唔覺得好勁但越食越飆汗，去曬啲濕出嚟🔥~ 開頭怕齋麵會太寡所以配料揀咗牛舌，但唔加都已經好夠滋味瘋狂牛肉麵就揀咗唔辣嘅白湯，白湯湯底除咗豬骨味之外仲有好濃嘅胡椒香；牛肉唔係嫩滑路線，反而係筋肉相間，層次分明🐮配料肥腸滷得入味，脂肪清得好乾淨完全唔肥。小菜嘅棒棒手撕雞已經去骨；雞肉浸滿紅油好開胃，細細份食得過癮又唔會太飽肚烏梅汁酸甜解膩又解辣，但係點解得常溫 option🤭 凍飲寶寶表示不太習慣

平時食得慢啲，都唔可以過嚟呢度食飯，入到去個店家告知限時淨係可以食45分鐘，但係比較唔明嘅係現場仲會有好多吉嘅位，叫咗個套餐差唔多要成$100 ，酸辣粉偏油，個香味唔係香辣，整體係偏油嘅感覺，呢個係艱難嘅難，但係都唔覺得辣，個粉比較韌。記得要帶現金！

朋友喺中環收工，佢介紹咗一間成都嘅小店叫麻辣小面，話好好食。咁就一於信佢去試一試。佢已經send埋個google map定位畀我，我去到嗰條街完全搵唔到嗰間餐廳。跟住我在仔細咁睇下，佳德商業大廈1樓。我搵就搵到佳德商業大廈，但係佢個格局完全唔似有餐廳喺入面。跟住我再望多兩岸先發現到原來門口右手邊黐咗一個勁細嘅廣告招牌🤣🤣🤣🤣強烈建議要遲一啲大啲嘅，顯眼啲嘅招牌🤣🤣咁搭𨋢上到去一樓一出𨋢就見到間餐廳。睇完個餐牌我就叫咗個擔擔麵，加個前菜係泡椒雞腳，一杯嘢飲同埋甜品一個套餐就係108蚊。我泡椒雞腳雖然有啲辣，但係勁開胃🎉佢個擔擔麵啲棉衫係勁有咬口，唔係淋曬一pat嘢，同埋佢個用料係勁香,,麻辣味好重,食得好過癮。👍 差不多係我食過最好味嘅擔擔麵。如果經過喺呢頭都會出去想食多次😆

最近就喺想食啲重口味嘅野，發現喱間樓上小店，門口就掛住塊成都小面十強，睇嚟真喺唔簡單。主要喺套餐，分A主食、B飲品、C小食及D甜品。由＄87-109左右，額外可加料或轉特飲。簡簡單單叫個ABCD全齊嘅＄109套餐，分別咗但瘋狂擔擔面同埋瘋狂大排面，最欣賞喺面嘅辣同麻度喺可以選擇，排骨真喺炆得好入味同好軟身，如果擔擔麵的話，推薦要加麻，超級好食，配上傳統烏梅汁，適當時候解一解辣。小食揀咗蒜茸青瓜同埋泡椒鳯爪，泡椒鳯爪真系超级啦食唔到辣嘅朋友仔要小心，其實兩樣小食都好開胃好。最后加埋成都甜品冰粉作結， 冰粉其实嘅作用真系可以解辣同埋清新一下口味。

有同事推介，收工約左個朋友去左中環食牛肉麵🍖 兩個set都係$109💰，有麵之外仲有小吃、飲品🥤、同埋甜品🍡中環黎講性價比算幾高🤑瘋狂牛肉麵🤯：牛肉帶筋，大細恰當，食落唔會柴口。湯底嘅麻辣比較溫和🔥，唔係有後勁個隻，就算唔食得好辣嘅人都可以試bb辣😌仲要有杞子木耳糖水🍹，甜甜地，中和辣味啱曬！第一次食豌雜面🫛，原來個豌豆泥都幾清新，唔會係一種好重口味嘅配料。食落好舒服，同其他配料好夾，食完有飽肚感🫄，感覺又幾健康🤣

每次想食辣嘢，都即刻會諗起呢一間瘋狂小面😎 佢屹立咗喺中環已經好多年，我都幫襯咗好多次😜 一個人嚟食最啱就係食佢嘅麵套餐，有唔同嘅選項可以配搭😎 A+B+C+D $109 呢個配搭都幾抵，有涼菜、麵食、甜品同飲品👏涼菜：涼拌木耳呢個唔錯，唔會太辣，木耳夠爽👏麵食：瘋狂牛肉湯麵每次必點🫶🏻牛肉有好多塊，塊塊都好靚仔，炆得又軟又腍👏 我好鍾意佢嘅面質，夠晒彈牙👍 preset咗嘅辣都幾辣㗎,辣得好過癮😎 如果唔可以食辣嘅朋友都可以揀小麻小辣😀 甜品：成都老冰粉呢個夠晒冰凍，最啱襯麻辣嘅湯麵，食完真係好爽😃飲品：烏梅汁唔會太甜，非常好飲👍呢度除咗麵食之外，仲有好多其他嘢食，例如串串、經典四川小炒等等，全部都好好味，好正宗🫶🏻

榮獲四川省烹飪協會頒發，"成都小面十強"的瘋狂小麵，隱藏在中環士丹利街的商業大廈之中，硃砂色的雕花屏風，彷真的磚牆和瓦頂，塑造出街頭路邊攤吃小麵的畫面，感覺挺用心喔~ 😍🌟套餐 (小食，主食，甜品，飲品) $109特別推介：👍🏼 瘋狂大排麵賣相鮮豔奪目🤩，香辣的氣味撲鼻而來。浸泡在那誘人的紅油中的排骨也酥爛入味，一咬連軟骨一起都能吃掉。調味恰到好處，不會過鹹，卻足夠惹味😋。❤️ 瘋狂擔擔麵香辣濃郁的肉醬拌著Q彈的麵條，清爽的青瓜絲🥒，脆口的花生增加了口感，把蔥粒也拌上，味道會令人上癮！❤ 泡椒鳳爪酸辣十足，比小麵更刺激🤩越吃越辣，十分過癮🤪！ ❤ 羅漢果冬瓜水 特別稱讚！超解辣！非常回甘～真材實料！❤️ 紅棗銀耳湯 膠質的甜湯說明了用料十足~ 不會死甜，而是清甜潤喉！以這個價格有整份套餐，實在是難得！

無意中同朋友喺中環發現咗呢間食重慶麵食嘅專門店，呢到嘅食物有辣有唔辣，唔辣嘅湯底有蕃茄湯同白湯，口味夠大眾化！另外餐廳位置比較隱蔽，位於Donki後面嘅佳德商業大廈一樓！餐廳嘅裝修設計亦加入咗中國風嘅元素，個環境係幾特別嘅～瘋狂牛肉麵套餐💰HK$102朋友唔食得辣，所以湯底簡咗白湯，原來呢到嘅白湯即係鮮甜嘅豬骨湯底！牛肉份量多，而且口感軟腍！麵質係偏幼身，又帶有少少煙韌口感，掛湯能力高～酸辣粉套餐💰HK$120正宗重慶酸辣粉表面有好多花生、炸醬同幾條菜芯做配菜！辣度簡咗小辣，味道唔會太辣！酸辣粉口感煙韌，整體味道幾出色～棒棒雞(小)💰+HK$33感覺似係紅油手撕雞，雞肉整到一絲一絲，夠哂入味～檸檬可樂💰跟餐+HK$15熱 羅漢果冬瓜茶(跟餐)冬瓜茶味道唔會太甜，仲有淡淡嘅羅漢果味～

中環正宗四川重慶小麵中環這間樓上餐廳主打傳統重慶小麵，可自選，辣度和麻度，十分惹味，留意店面要加一。① 瘋狂大排面「A+B+C+D套餐」$109 🔹A: 瘋狂小面 - 瘋狂大排面，大排的口感有點像豬軟骨，不過肉質上比豬軟骨瘦少少；麵條用上新鮮水麵，非油炸或掛麵，口感有點像日式拉麵；可選辣度和麻度；🔹B: 瘋狂飲品 - 紅肉柚子 (凍) +$7🔹C: 瘋狂小吃 - 泡椒鳳爪，愈吃愈辣，有後勁🔹D: 瘋狂甜品 - 紅棗銀耳湯（凍），消暑解辣② 瘋狂大排面「A+B+C/D套餐」$98🔹A: 瘋狂小面 - 瘋狂肥腸面，肥腸內壁裡沒有油脂，很乾淨；麵條用上新鮮水麵，非油炸或掛麵，口感有點像日式拉麵；可選辣度和麻度；加點了牛舌$14，非常值得！牛舌薄而軟腍。🔹B: 瘋狂飲品 - 凍檸茶 +$6🔹D: 瘋狂甜品 - 成都老冰粉（凍），清涼解辣📍 瘋狂小面 (佳德商業大廈) 中環士丹利街66-72號佳德商業大廈1樓

這間專門食重慶麵食的餐廳裝修成重慶小店一樣。午市餐牌只有一張紙，全是套餐，有三種組合，主食可加配飲品、小吃和甜品。全日都要加一。酸辣粉套餐（$120）正宗重慶酸辣粉+烏梅汁+棒棒雞酸辣粉用了粗身薯粉，又爽又滑，配以肉碎，芹菜粒、芫荽、花生和青菜等配料，酸辣交織在口腔中，令人回味無窮。棒棒雞類似口水雞，雞絲無骨啖啖肉，非常滋味。最後飲杯偏酸帶甜的烏梅汁，滿足。蕃茄牛肉麵套餐（$109）蕃茄牛肉麵+羅漢果冬瓜茶+蒜泥青瓜+成都老冰粉麵條是新鮮水麵（即重慶鹼水麵），幼滑有嚼勁，搭配酸酸辣辣的蕃茄湯汁，牛𦟌切得薄而鮮嫩，與湯汁味道相互融合，口感出眾。蒜泥青瓜完全不辣，爽脆清甜。冰粉甜而不膩，清涼解渴。羅漢果冬瓜茶味道清爽、甜潤。

「瘋狂小面」位於士丹利街佳德商業大廈一樓，非常隱秘，佢主打麵，亦有素食嘅選擇喎。😛各款瘋狂麵可選紅湯或白湯，白湯就唔辣，瘋狂素小面可轉全素（另有瘋狂豌雜面係乾撈麵都可轉全素，仲有蕃茄煎蛋麵）。店員叫我選辣度時我都怕太辣，就叫 BB 辣試吓。😅麵，飲品加小食套餐 $98。主打麵嚟講，麵質唔覺得太特別，BB 辣就幾乎係唔辣，所以想食辣可以進取啲。湯底都算濃郁，但冇咩麻味（可能 BB 辣關係，麻都少咗）。麵嘅份量夠多，配料有菜心，秀珍菇，花生，另外我加了豌豆（加 $9）。🫛燒椒茄子（加 $33烏梅汁跟餐唔使加錢，不過係常溫，加冰就另加 $3。夠大杯，清涼同解渴。😃值得一讚係出餐超快，啱哂遊客緊張嘅節奏。如果嚟香港旅遊，响石板街瘋狂打卡後，不妨上嚟食返碗瘋狂小麵充吓電再去下一站。😊💪🏻

瘋狂牛肉麵🐂牛肉細嫩多汁，麵條筋道有嚼感，再配上一個煎蛋，口感更加豐富。一口咬下，牛肉的香味和煎蛋的酥脆在口中迸發。蒜泥青瓜🍀爽脆的青瓜配上蒜泥的香辣，再適度添加米醋和麻油，味道剛剛好，既能提味又不会過於辛辣。這是一道既下飯又配麵的好菜。紅棗銀耳湯口感糯滑，甜度適中，加上紅棗的甘甜，營養又美味。這一道甜品，既能解暑又可滋補，是餐後的最佳甜點。羅漢果冬瓜茶羅漢果的香甜配上冬瓜的清淡，這杯茶味道非常醇厚，既解渴又清熱，非常適合夏日享用。