發記甜品 (已結業)

天氣咁熱要食返個芒果綿花冰先得，呢度既綿花冰有紅豆和湯圓伴碟，綿花冰上淋了淡奶，食左一啖入口即溶。綿花冰有芒果的香甜，真係好啱依家既天氣食~湯圓煙韌美味加埋綿花冰一齊真係好美味。綠豆沙就不過不失，糖不甩，軟硬適中，配上黃糖芝麻和花生，喜歡食甜既朋友一定鐘意

門口停左部林寶堅尼, 原來是發記老闆黃生的, 食完之後我才明白為何做甜品可以發大達了。至專榴槤水晶粉 ($46)QQ 水晶粉加了不太香椰子味的椰汁及沒有榴槤香的疑似榴槤汁, 再放上一粒1開為2的榴槤肉, that's all.  QQ 水晶粉不夠彈牙, 本身又沒有味道, 如果連個用黎帶出甜品的香甜的椰汁及榴槤汁也欠椰子味及榴槤味, 這個甜品真是好一般而己, 幸好那粒榴槤肉夠熟夠香甜, 且臭臭的, 才能加計分, 但成個甜品份量很少, 盛惠 $46, 有點貴, 心想 甜品真是一門非常賺錢的生意, 朋友叫的榴槤飄香反而有看得出杰杰榴槤溶, 她說成碗也很榴槤。

差唔多半年無食過深井發記，突然興起就揸車去食，諗住天氣凍，食返碗傳統中式熱辣辣糖水，我點左陳皮紅豆沙湯圓，先生點左紅豆沙豆腐花，一黎到，睇到已經覺得水潦潦，無乜豆，一食落都真係淨係得水，仲要唔甜，陳皮紅豆沙無陳皮又少豆點叫陳皮紅豆沙？d湯圓又細粒，唔彈牙，一食就知唔係新鮮。而我先生果碗紅豆沙豆花，就9成豆花1成紅豆沙，豆花ok正常，但紅豆沙就同我一樣，水潦潦無乜豆，不如叫淨豆花好過。點解差左甘多？

正月十五元宵佳節，諗住食個湯丸應下節。有時唔係好明，點解時不時發記都排哂大隊，有啲人甚至乎揸車長征入深井食糖水。之前食過幾次，其實質素好鬼一般。如非今次無買湯丸，又懶得自己煮，但求食碗糖水應下節，基本上甚少會去呢間發記食甜品。見天氣凍凍地，今次我地兩人order 了一式一樣的熱蕃薯糖水+湯丸。糖水:略為甜咗啲，不過薑味還算濃。蕃薯:好硬，仲要切得好大舊，基本上係啱啱熟而咬得入口，但質感不佳咬咗幾啖放棄了。湯丸：size 都幾細粒。同我喺銅鑼灣或其他新派糖水舖食過的完全比下去! 不過湯丸皮都OK薄，算數啦...如果喺呢頭食開飯，順便喺度食個飯後甜品都還OK嘅. 不過如果山長水遠只來為咗朝聖嘅話，必定失望...

食完燒鵝來這吃個糖水好似係指定動作咁,叫咗個栗子茸湯丸,食落略嫌不夠甜,$35一碗仔, 真係幾好賺,間唔中食下都ok既.我們晚上8:30分左右來到, 當時都冇乜人,到我們走人時已發覺接近滿座,大概人人都食完晚餐來吃甜品, 厲害!

行完山有點累和口喝，便和朋友去食個甜品享受一下，來了發記便進入。一人一甜品，甜品還可以，吃飽便坐車離開回家去。************************來到看見發記甜品，行完山有點熱，進入內找個有冷氣的坐位坐下。朋友要了個芒果班戟，HKD25，朋友說不錯。我要了一杯木瓜奶，HKD25，因為太口喝，所以只飲飲品，太久沒吃木瓜，所以要了木瓜奶，都幾香木瓜味，不會放很多糖水，味道不會很甜，不錯。

夜晚食飽飯，突然間好想食甜品。 於是就同男朋友揸車入黎呢到食最出名既發記甜品，佢地既甜品好多款式, 搞到我成日都心大心細， 但每次到最後我都會叫我最愛既楊枝金露同榴槤飄香。 楊枝金露內面有大大舊既芒果肉，一啖食落真係好juice。而d榴槤都唔輸蝕, 真係成舊榴槤肉放Q哂入去(我心唸係咪痴線架!)，所以好多時候都一定會特登入黎食。 另外環境都幾浪漫, 真係偷情既好地方。

日日都返工，假期想到郊外地方睇下風景，行下沙灘都幾好呀！是日就駕車到了深井行下。天氣炎熱，途中我們到了深井較出名的”發記甜品”飲杯野，傾下計，涼下冷氣。由於不太肚餓的關係，所以只點了2杯飲品。紅運當頭、芒果盛燕2杯飲品同餐牌相片有出入的，杯只是一隻普通茶餐廳用的杯，賣相確實減了不少分數啊。紅運當頭 入面都有不少材料，芒果汁、紅豆……，但芒果汁太甜，飲曬成杯野都覺得好口渴。是日行街睇風景第一，食物返而其次。論價錢及味道，”發記甜品” 確實另我有少少失望。 

今日同幾位朋友系深井食完飯後,有朋友建議食糖水...之後就走到深井出名必食既甜品].我地幾位分別叫左榴槤糯米卷, 日式黑糖雪榚布丁, 榴槤沙冰, 冰糖海底椰.果個榴槤糯米卷, D榴槤酸是酸既,好明顯就是已經壞左,都介拎仟D客人食,我地同個阿姐講, 佢只系一聲'哦'咁就走左去另一張檯台TAKE ORDER另外日式黑糖雪榚布丁, 無特別, 個布丁同平時出面食既有D吾同, 怪怪地味.榴槤沙冰, TAKR ORDER果時阿姐話要等20分鐘,以為慢工出細貨, 點知一啖就要放低, 系膠味, 可能只用香精加冰整, 完全沒有榴槤味,真系離晒譜!!!最差既系冰糖海底椰, 個糖水系無味既, 好似水甘既色,再加4片海底椰...嘩....我都吾明甘既出品都可以俾客人食, 佢就真系發啦, 吾怪得叫啦, 我最吾明白點解介可以有甘多好評, 真定假架?

係荃灣食完飯特登坐車入深井食發記，事關母親大人要食榴連飄香，本人其實對發記興趣不大😅母親大人話呢個榴連飄香好好食，好濃，但就細碗左d我就叫左綠茶綿花冰，上到黎個底已經半溶，而且份量亦係細左d，味道唔難食，但茶味唔重，偏重奶味，隔離個兩粒係芝麻湯丸豆腐雪糕好食，窩夫好香同偏甜，但又係幾少下，砌番埋應該啱啱好得一塊整體黎講味道係唔差，平均都40幾蚊碗，但份量唔多

跟朋友散步 走到了深井 當然要去發記食甜品!天氣熱的時侯，點一個綿花冰就最適合不過，於是我叫了個芒果朱古力綿花冰，這款綿花冰有紅豆和湯圓伴碟，綿花冰上淋了淡奶~嚐了一口 雙色冰和奶味混和 入口即融!甜度適中~食了一顆湯圓，是豆沙餡的 還帶點溫熱~配上冰涼的綿花冰味道很可口，下次一定會再嘗的!

其實我次次都係叫芒果糯米卷，今次諗住試下其他野就叫左個士多啤梨窩夫配雪糕，點知…lai野…佢個擺碟其實好奇怪，毫無美感…個士多啤梨醬好似係話特製，酸到喊…窩夫口感一般，不過最奇怪係個雪糕，佢冇問我揀咩味，我以為係云呢拿，點知一嗒…豆腐味，我個人覺得豆腐味同窩夫係勁唔夾…做人都係專一啲好，超後悔…

上個星期日, 行完川龍又行去深井, 之後即刻去發記食糖水, 見到朋友的楊枝甘露好似好好味咁, 所以我都叫左, 嘩, 好多芒果, 有三大舊, 又甜又凍又好味, 沒有好酸的柚的苦味, 好好食呀. 朋友們都叫榴槤飄香, 榴槤水晶粉, 攪到我全個鼻都是榴槤的味道, 但係見到佢地的榴槤都好似好靚咁. 佢地話超好味, 啖啖榴槤肉架. 榴槤水晶粉真的是成舊榴槤, 那碗榴槤飄香又係成碗都係, 好落足料呀.

才剛步出裕記，又被發記甜品吸引了~對呀，再飽也食得下甜點的呀!!每人點了一個甜點我點的是心太軟，雖然很飽，但見到心太軟總忍不住想食呢~~成品很對板，外面焗得香脆的，入面依然是流心的，朱古力味濃郁，雖然不是最好食的心太軟，但都收貨了~雪糕只是普通的貨色，但冰冰的雪糕配著暖暖的心太軟，不會難吃啦~另外也點了棉棉冰明明是點了朱古力味，但竟然食到榴槤味.....大概是機器未清潔好就做下一份，所以才會有這樣的情況出現吧~也試了紅豆沙及綠豆沙，稀稀的，不推介~不過，最最最不推介的，是芒果布甸呢!!螢光色的芒果布甸，看了也覺倒胃口食落也是怪怪的，布甸的質感竟然是粉粉的，很怪呀!!!!絕不推介呢....這頓甜點，為我們劃上不完美的句號呢.....

難得去開西貢，除左食馳名既海南雞飯同泰國菜之外，當然唔少得要去發記個總店食翻個甜品啦。喺旺角朗豪坊分店後食完之後就覺得麻麻唔想再幫襯，點知今次有驚喜。總店真係好食好多，我點即綠茶雪山幾好食，個綠茶雪糕好夠味，同埋等位唔使等好耐。推薦要食發記就去總店，但市區分店就唔建議喇。