發記甜品 (已結業)

琴日同男朋友晌銖記食完飯, 行番出銅鑼灣食糖水。知道深井發記晌世貿對面開左都有一段時間, 都未有機會試過, 今次一於試下佢d榴槤products。我地叫左個榴槤飄香($25)同榴槤pancake($23)。榴槤飄香裏面有一大舊榴槤肉, 有d柚肉, 好似楊之甘露, 不過仲有一d好結o既黃色物體, 我男朋友估係d吉士粉漿, 味道好濃, 唔錯。另外個榴槤pancake都唔錯, 裏面除左榴槤肉之外, 仲有唔少cream, 但係食落口一d都唔"漏"呀。食完d榴槤products, 猛咁"ur"d氣出黎, 正...

早幾日同男朋友食完飯黎左呢樹食甜品.之前都好想深井試,但係太遠啦.男朋友要左榴槤甘露(唔記得個名係咪咁)原理好似楊枝金露,不過用左榴槤.我唔食果王,比唔到comment.但佢陣味就真係好勁.呢度唔似得西貢滿記,食果王要坐街.而且地方唔同,都冇得坐.男朋友話好正,啖啖肉.我就要左栗子豆腐花,好味.豆腐花好滑,好有豆味.栗子果part都唔錯,有栗子香.不過比我預期稀.但就真係好好味.

7月1日同媽咪黎食下午茶; 要左栗子露($18)&清心丸蓮子糖水($25). 勁細碗, 清心丸過甜, 我已經好食得甜都頂唔順, 不過個栗子露就唔錯, 幾香. 不過真係唔抵食, 又連水都冇杯, 0向CWB大把選擇, 下次都唔會再去了.

睇報紙得知呢度最近俾人惡意破壞；今日經過，見門面已回復光鮮，又坐得幾舒服，便入內一試。4個人，叫o左芒果班戟($23)，西瓜西米露($23)，楊枝甘露($25)各一客。芒果班戟皮薄多餡，裡面芒果同cream既比例平均，唔會太多cream，冇咁漏，比滿記好食好多啊！西瓜西米露夠冰凍～西瓜雖然甜，但甜得太artificial，似浸過糖水咁；題外話，依家已經好少食到真係鮮甜o既西瓜～好懷念以前吃的有核西瓜，果種清甜o既感覺，實非現今所謂基因改造西瓜可比。楊枝甘露就太多芒果，感覺太杰，唔多似「露」～不過整體味道唔錯，大熱天時不妨一試。

新店的裝修較舊店有時代感．但楊枝金露味道則以舊店取勝．芒果卷外皮脆，但味道不是太特別，３０元許似乎貴了點．