發記甜品 (已結業)

男朋友叫左個芝麻糊豆腐花，佢話d豆腐花唔夠滑。我叫左個西瓜西米露，個西瓜汁底好淡，好似溝左水，西瓜又唔夠甜。食西米露，都係許留山好味d。

吃完辣咖喱又和友人買左一排野, 自然地去吃甜品作最後終結.行到黎原來勁多人, 又要拎籌等一陣.論地方當然深井舖得, 甜品又睇呢間同老舖有冇分別先.等左一排先有得入, 期間都有幾個外賣.入左去地方有點像一間中檔的粉麵檔.要了楊枝甘露, 榴槤飄香, 甜不甩, 熱綠豆沙, 和芒果糯米卷.楊枝甘露好多芒果肉又大件, 但其他料又唔係十分多.榴槤飄香係值得推介, 聞到已經幾香榴槤味, 食落更有強勁的榴槤味.而且好多榴槤肉, 論香濃會勁過甘潮, 但甘潮的是較滑.熱綠豆沙友人說普通, 不夠她家附近的糖水店好.甜不甩又唔錯, 湯丸用湯丸糖水煮過, 有一點淡淡的薑味, 再加上糖和花生碎, 好味~芒果糯米卷又做得不差, 芒果肉大大件, 加上糯米卷, 也不錯.共$110, 環境逼左的, 但侍應快手快腳和食物不錯, 可以返轉頭.

發記的招牌甜品是楊枝甘露，可能期望過高，試過後有點失望，芒果不夠香，而且不夠甜。反而甜不甩很有水準。

芒果pancake: 一客三個, 水準ok, 賣相比滿記既靚~芒果糯米卷: 一客四個, 用糯米皮包住一大件芒果(我以為會係芒果蓉, 點知原來係芒果肉, 幾驚喜), 味道好好, 芒果亦好正~~~

今日係我第二次去銅鑼灣發記食甜品, 個楊枝金露真係好正, 好多芒果同西柚肉. 個蕃薯糖水都好食, 有薑味. 不過唔好食佢o的芝麻糊, 好似用粉開咁, 唔好食.

食完拉麵, 有人話想食甜品, 近近地就去左發記.因為都飽飽地, 所以無叫果度d 招牌甜品, 而要左腐竹薏米, 出奇地又唔錯喎, 足料, 好香, 薏米亦好腍.朋友叫既栗子茸就反而令人失望, 杰得黎似係用粉開水果種, 味又太淡, 無乜栗子香, 唔掂.

食左個榴槤飄香($25)....好大浸榴槤味...都幾香....但係食果陣D榴槤怪怪的....唔知係咪D柚子肉同榴槤唔match....口感都好怪...即使超愛果王如我...食食下都放低個羹...究竟係邊度出錯呢????朋友要左個芒果+黑珍珠...要成$25..如果係什果+黑珍珠...就要$30....比起心愛既松記(鮮什果黑珍珠只要$14咋!)貴左成倍...

朋友介紹所以就試下~~1.楊枝金露~~ 好多芒果~~多得濟tim(個人意見ja)~~2.榴槤飄香~~麻麻地~~D榴槤無肉~~得番d乾~~

星期日和六個朋友到這裹吃甜品,企係門口等了半小時,聽說深井那間很出名,現在在銅鑼灣開分店.我們叫了楊枝金露,熱栗子茸,芒果班戟,榴槤班戟.楊枝金露算是最好吃的了,很有芒果香味.熱栗子茸就有D過了火,味道較淡,一陣味.(不好吃)芒果班戟都幾好,只是太多Cream了.榴槤班戟,因我不吃榴槤的,所以不知;但聽他們說,味道一般,上次(甘潮)好味D.

13/10/2004 第一次黎食發記糖水，本身不太好西式糖水，但兄長講到咁正，咪一齊去食囉~夜晚九點都要等十五分鐘到啦~ 企係門口負責排位o既姐姐，態度同記性都幾好，唔駛驚有人混水摸魚打尖。a.楊枝金露-材料十分之足丫！粒粒o既柚子同埋多多o既芒果，比滿記好食好多~ (不過25蚊就略貴啦)b.芒果糯米糍-薄薄o既糯米皮包住大大舊o既芒果，口感不是太配合，同埋個皮可能太薄唔夠煙韌，外面又鋪滿厚厚o既椰絲...4粒都要三十幾蚊，唔抵。c.熱栗子茸$18-算係栗子糊啦~ 甜度適中，只係唔多夠栗子香，不過味道都唔錯。d.榴槤酥皮卷$36-呢個係兄長堅持要黎發記o既原因！焗到香香脆脆o既酥皮包住榴槤...味道可想而知有幾濃郁！本身我係唔食榴槤架，撇不過兄長多番慫恿同極力推介，試左兩小口...結論係酥皮真係好脆好香，不過唔食榴槤o既人，都係唔好食啦~~ 會令你畢生難忘啦！酥皮卷佢依家只有榴槤同香蕉兩款，如果有其他就好啦~ 唔係個個人都食呢兩種水果架嘛！味道同格局(不過都係迫夾架啦)係好過滿記同松記，但價錢太貴...平多幾蚊會好d

同bf 食飯後甜品, 記得上次見到d芒果糯米好似幾好所以今次想試一試, 但在餐牌上冇價錢, 以為唔會好貴所以叫左啦, 點知原來要成$32 得果4舊, 實在係好貴好貴. 我想食糯米係因為想食果層煙煙韌韌既皮, 但佢層皮就好薄, 包住一大舊芒果.....如果層皮厚d我先會覺得值$8舊.另外叫左杯西瓜奶($20), 但一d都唔好飲, 沒西瓜味, 只覺有少少奶味, 杯野好淡.....

食完翔太又去食甜品，慘喇!一個星期食了幾次飯後甜品。只係叫了兩碗糖水，本來想食焗香蕉同芒果燸米滋都食唔落。清心丸綠豆沙，好耐都未食過咁香的綠豆沙喇，一上枱已聞到臭草香，同埋綠豆夠多，清心丸又煙韌。Honey食栗子露清心丸，栗子露較稀唔夠香。係CBW食糖水始終念念不忘甘潮。

天氣悶熱,要食下甜品潤一潤.2個人叫了3款如下. 1.楊枝金露$25,芒果不甜,亦太大片,很漏. 2.木瓜雪耳$25,清清甜甜,唔錯. 3.芒果班戟$23,皮有點硬,好像放了一段時間.找數要$73,不是太好食.又無新意,驚喜,以此價錢, 貴了點!!

今日食完晚餐同阿媽來食糖水, 我們叫左一個蕃薯糖水$13 同楊枝甘露$25.首先試蕃薯糖水, 薑味夠又有少少甜, 唔會太薑或太甜, 味道剛剛好, 蕃薯夠林, 唔似係本地蕃薯, 我本人就好鐘意呢個蕃薯糖水喇^^之後試楊枝甘露, 佢標明係用糖心芒果, 真係wor! 碗野芒果多過d糖水, 塊塊都係軟滑又甜的芒果, 唔係d 酸咪咪的未熟芒, 不過我就想要多d柚子粒啦, 因為實在太多芒.如果平少少就更好~

以前去過深井食,試哂佢d榴槤產品,無一樣好食,都係滿記個pancake好食d.今次見佢銅鑼灣有分店,再去食,叫咗個發記特飲,味道好怪,d生果味完全唔match.又叫咗個雜果大菜榚,呢個我就好滿意,好好味,d生果好甜,又多款.我朋友叫咗楊枝甘露,好鬼多杧果,多過响深井個間食.仲叫咗個芒果糯米,個皮係好滑,芒果肉都大嚿,不過要成$8一粒,(一碟$32),好貴,只此一次.