發記甜品 (已結業)

昨晚我和男友再去食甜品,我有食焗榴槤卷,feel很太甜,我不喜歡太甜,再食榴槤飄香和腐竹薏米糖水,很飽~~下次我會再幫襯~~

上星期一,男友去我家比我食榴槤布甸,很正~~昨晚我和男友去食甜品,我食榴槤大菜糕和榴槤飄香,榴槤大菜糕很麻麻,我想食焗榴槤卷,可惜售罄~下次我再食^__^

上星期六人殺去發記叫左芒果布甸,榴槤布甸,蜜瓜西米露,雪糕芒果jelly,士多啤梨黑珍珠...而我呢係榴槤兩個布甸都足料,個皮好好味,但太厚蜜瓜西米露0既蜜瓜好甜士多啤梨就差d...唔應該係推介雪糕芒果jelly..等左好耐先到...點知冇乜特別。雪糕係vanilla,jelly唔覺好味,芒果就好好,多肉且甜榴槤飄香就10個好喇...果然係材料十足,而且好香榴槤。是AP級,怪不得~!!!去到係必食呀本人0既甜品係5星,但朋友的雪糕芒果jelly及士多啤梨就差一點。另外,Price都比一般貴少少,地租問題?~whtsoever,都值0既~一提,服務一流。外面明明好多人,佢都叫我地坐多陣,傾多陣~真係好好呀~

(29/10/05)同男友食完飯,行過醒起,講過要試個新野。九點,唔洗等位。粟米紫米露,甜度適中,杰身,仲有芋頭添呀。一心試那個豆腐榴槤啫喱,試左啖...並非豆腐雪糕!!而係雲哩o拿!!?太過份了,特色完全失晒!當時心情好,才沒搵人對質o羅。榴槤非常濃烈,金枕頭卦,配在黑加侖子啫喱度,其實味道&質地都唔match。

上次10月中我和男友去發記甜品, 食宵夜~~我是愛吃榴槤迷,我選榴槤飄香($25),我男友選芒果西露($25),榴槤飄香,我很津津有味很正~~見兩榴槤很夠,$25很平,芒果西露,我男友講ok~佢\比我食芒果,我feel芒果很大,我少唔夠飽~我再叫食熱腐竹清心丸糖水($18),我試吃,我見腐竹很模糊,不似腐竹,我很失望~我叫錯,清心丸是似x膏~我算了全食完,我feel很飽~男友付$68。上次10月2x號我和男友再去幫襯,我選榴槤喱者($20),男友選榴槤飄香($25),榴槤喱者,我feel很麻麻,因為提子喱者+榴槤=不合,真榴槤很好,提子喱者很麻麻~.~榴槤飄香,我男友feel很少好,佢\不是榴槤迷,佢\很少食榴槤,佢\比我食榴槤飄香~也很正><~~付$45。下次我再食

食左飯之後.去左食甜品.....3個人食左個芒果糯米卷$32+芒果班戟$23.....芒果糯米卷裡面d芒果好大舊/...好甜...正...班戟d芒果雖然甜,但係一叉落去就趺晒出黎...唔夠實....都係都好味的..

同個朋友食完文輝，硬是口淡淡的，下午已經想找甜品吃，路經這裡，見店內完全沒有客人，真的是首次見到，就兩個人來坐下。之前與眾食友食完陳記已經試過深井總店，印象不差，是日就試埋呢間分店。沒有人招呼，自己隨便坐。研究了牆上的食評一會，就一人叫了一個所謂的「鎮店之寶」，就係楊枝甘露及榴槤飄香。兩樣都係整定的，在雪櫃一拿出來就食。我的榴槤飄香真如其名，榴槤味非常之濃烈，杰身，好像是一整碗榴槤一樣。吃落是啖啖都有榴槤的香甜，不時亦吃到榴槤肉，是由頭香到落尾。在不少的地方都吃過這一味，敢說是日吃到的這個是差不多最好的了，比西灣河明記那個不准在店內吃的榴槤布甸，更香更濃，好榴槤者，真的是不可錯過；朋友的楊枝甘露，佢話也很對辦，不過佢就一路食一路唔出聲，之後才知，原來佢唔係好頂得住陣榴槤味。埋單44蚊，吃榴槤的話，值得一試。

呢排心情麻麻，所以更加想食甜品，星期五先食過APM手造甜品0既榴槤pancake。實在很愛食榴槤，琴日22/8食完大家食，又去左食榴槤飄香，細佬就食左芒果布甸。D人話佢0既榴槤飄香幾好，食過後就覺得ok啦，因為其實都係用左榴槤肉同西柚整，咁不如自己買過榴槤食？佢廿十幾蚊一碗，但舊榴槤肉唔係好大ja喎。細佬就話芒果布甸普通啦。總括黎講，有d失望，無想像中咁好，而且有d貴。

I don't think it is gd...don't know why there are so much ppl wait for the seats.楊枝甘露, i think 滿記/ 手造甜品is better.

尋晚食完飯,行左一陣,之後就指定動作,食甜品,我之前未食過發記既,我食開滿記or九龍城既多,但係我個fd講到好好食咁,咁咪去試吓law,去到等左一陣位,因為真係好細同好多人,我地等既時候見到好多人行出o黎,個個都食得好快,可能唔想人地等得太耐掛...我入到去之後,睇左一輪,冇乜特別想食,所以叫左個黃金露(即係南瓜露)湯圓,我地4個人,另外叫左3個豆腐花,一個有楊枝金露,一個栗子露既,另外一個乜都冇既,乜都冇o個個麻麻,出面公和o個d都好過佢,栗子露都ok,不太甜,楊枝金露都ok多料既,但係我食到芒果好酸,我o個個超差law,甜又唔甜,又冇味law,完全似飲水咁,d湯圓都幾好,唯一係我覺得好既野呀,仲有食左個芒果糯米卷,都ok既,都幾"in un"既;但係d service麻麻,有少少似想趕人走咁...令人都唔想坐落去,我唔會再去食law...真係坐得好唔舒服呀...我覺得食甜品係享受law...

今日忙到連lunch都冇時間食，唯有喺下一個appointment前揾啲野頂下肚！因為時間関係；一定唔可以食熱的食物，唸來唸去，於是去食豆腐花。我order了一碗熱豆腐花加綠豆沙，豆腐花真係好滑呀！綠豆亦都好香臭草味！整體算幾好，不過十八大元一碗就真係幾貴！令我一路食一路想呢問鋪唔知幾錢租？

楊枝甘露$25 with many fresh and sweet mango, taste good. Not too thicky or watery.Mango 糯米糍 very soft, not too dry, taste good! Will order again next time.

星期日飯後黎食個糖水, 我就味食過深井既發記, 男朋友話深井個間幾好, 咁經過cwb 就黎試下啦. 分別叫左楊枝甘露同鮮雜果涼粉. 楊枝甘露完全唔得, 芒果唔香, 雖然有好多芒果肉, 但境然一d楊枝(look柚)都無咁奇怪? 雜困涼粉賣相已扣分, 上桌時只見一堆橙色野響個碗上(芒汁已埋沒晒d雜果), 芒汁味道已經麻麻, 加左入生果度, 就更加食唔到生果既味道. 雖然涼粉好似麵咁一條條幾得意, 但味道就無特別! 咁既價錢食咁既糖水, 只此一次!!

食完日本菜便黎到呢間又食糖水.等左三個字好快入去坐近門口位, 一入到去便聽到數位女士尖叫, 我仲以為係咩事, 原來有小強出沒, 最後由侍應收拾左.我的朋友們信心有點動搖, 我覺得是小事一樁, 如果是米奇或者會有D驚奇.之後阿姐掉我地入埋邊張檯坐.點都要食, 最後拍板:木瓜西米露芒果糯米卷木瓜雪耳糖不甩糖不甩是返炒, 我覺得都ok, 因為冇餡所以加上花生碎剛好甜度適中.木瓜西米露幾多西米, 木瓜也大件夾甜, 但個人覺得如果冇碎冰會更好.其他都冇食, 但朋友們話芒果糯米卷芒果好新鮮, 木瓜雪耳幾好味.埋單約一百, 暫時o係CWB食糖水都係得呢間和一品齋.有好既糖水舖唔該單聲p.s. 今次小強通街走, 乾淨俾唔到3分.

一直想試下栗子糊，見發記有分店係銅鑼灣，咁就走左入去試。叫左碗栗子糊拼杏仁茶，諗住一次過試晒兩隻，唔知係咪杏仁茶唔同杏仁糊定係呢間舖d糊係咁呢，碗糊唔係糊，好似湯咁....好稀...，我鐘意食d濃味同傑d既糊..佢好似d糊擺左好耐起水咁稀...==，早知去翠宛食杏仁糊好過