白沙樂都餐廳

營業中

休息中

首先，入到去一坐低，枱面餐牌都冇呀姐走埋黎問我食乜，我話我岩岩坐低未睇餐牌，咁佢先拎餐牌俾我，但水依然都係未有，咁睇完餐牌，見到個叫＜沙律雜菜西班牙豬扒包伴薯條＞，點知黎到係咁既樣！沙律呢？你收我55蚊凍飲再加3蚊你俾啲咁既hea野我？你唔好同我講開係啲咁既村屋山卡啦地方貴租呀，真係唔好怪人個個北上消費。價錢同份量都唔成正比

因為諗住去士多啤梨園，所以去白沙村嘅樂都餐廳，由朗屏西鐵站搭紅Van，第一個牌坊樂行3分鐘就到餐廳，門口有免費嘅停車場停車場 有幾架巴士可以上去影相，但係比較殘舊， 欠缺打理。餐廳戶外位置用巴士座位，改建好特別。我哋中午來一般嘅茶餐廳嘢食都有，叫咗一個海鮮星洲炒米$68味道唔錯，但係配料比較少。加$3有一杯凍奶茶，茶底幾香。菠蘿油，$20.1個好新鮮，外面好脆卜卜。行去士多啤梨園，只需要5分鐘，但係12月到3月先有士多啤梨，夏天有蕃茄薯仔同埋菜賣🤪

今日有揸車開工😎所以順便入嚟試吓😊入到黎見到有五架巴士真係有啲興奮😂但入到餐廳就比想像中少咗份巴士主題嘅感覺😅其實有啲似茶餐廳我叫咗個雞扒飯，而我朋友就叫咗個乾炒牛河😊味道好好😋價錢合理😊又有免費泊車😅所以我應該會再嚟食😊

住在城市多年的好朋友最近搬到村屋住，新居附近只有一家普通得不能再普通的茶檔，一時間好不習慣，所以今天就和她走遠一點，四處探索一下。走著走著，看見一架燈色車身的巴士，車身畫了不同的泰國美食，應該是餐廳的宣傳「廣告牌」。我們兩眼頓時發光，難道附近有餐廳？🤩再往內走，發現有另一間餐廳的傳宣橫額在不遠處見到一群小木屋，泰國餐廳沒有開，但旁邊有一間茶餐廳，估計兩間餐廳是同一集團的吧🤔裡面還有屬於這間餐廳的巴士原來不知不覺已三時了，行得有點熱也有點餓，茶餐廳也不錯，就試試這間吧。餐廳有室內冷氣區和小屋區，小屋內有風扇，所以不覺得熱。而且小屋裡有驚喜——巴士櫈！我們當然選擇坐小屋🛖餐牌上的選擇也不少，除了一般的常餐，粉麵、焗飯、咖喱、扒餐應有盡有，朋友見到這裡的餐牌，已經感動得想哭😂朋友是個很惹蚊的人，所以便拿出蚊怕水來預防一下，店員立刻為我們點了這個來驅蚊，很貼心。我們都很喜歡這種天然草本的味道，人畜無害之餘，更加添了一份東南亞風情呢雜果刨冰、菠蘿刨冰以冰涼的刨冰開始，爽！XO醬豬扒撈一丁XO醬很惹味，豬扒煎得很香，肥瘦適中，不會油淋淋和攝牙芝士火腿烤多士滿滿的芝士烤得微燶，煙靭的芝士加上鬆脆的厚

很久沒有外出走走，所以，還趁着天氣清涼，跟友人到元朗大棠一帶走一走，行程全由友人安排，只要跟着走就行，省時省力。而第一站就是來到白沙村的「樂都餐廳」吃個早餐，為全日行程上上力才起步。為何選這稍微有點偏僻的地方來吃東西，來到就知，周邊都是村屋，環境自然很鄉郊，視野廣闊，最大賣點就是這裡以巴士為主題，座椅都是巴士座位，更有一部真巴士（已退役），極具打卡度，真是巴士迷必訪之地。此外，亦有不少露天位，坐着感覺十分舒服，當然，亦有少量冷氣開放的室內座。適逢今早天朗氣清，感覺就更加舒服。而早餐餐牌，不要以為村屋餐廳只有早餐ABC，選擇不多，其實，種類、配搭十分多，定價亦合理。我試的是A+B組合的「醒神早餐」（$45-$50），從A項及B項各揀一款，前者選了A10潮州紫菜魚蛋湯河，後者則選B10了芝士蛋菠蘿包，是非常豐富的組合。河粉很滑溜，魚蛋及魚片也很爽彈，又是魚味十足；而菠蘿包十分軟熟，外皮鬆脆，加上芝士及煎蛋，着實超美味。店員推介他們的咖啡，說是即磨貨色，當然很感興趣。的確，質素很高，咖啡的香氣很醇厚，入口很芳香，不愧即磨貨色。友人真是大胃王，所以要了一客「大衛扒餐」（$55-$57），真不是

元朗📍白沙都樂餐廳行完元朗大棠就嚟呢度食午餐，巴士迷必訪，聽講餐廳老闆買了退役巴士回來，連餐廳部分座位都係巴士座位，好特別既用餐環境。元朗站一出有架39號小巴直達-白沙村劉屋 呢個站落車，行2分鐘就到餐廳講返餐廳食物，行到咁累一坐底就order左兩杯飲料-咖啡紅豆刨冰和奶茶紅豆刨冰，紅豆嘅甜度撞埋咖啡或奶茶，又一驚喜作品，最緊要係用碎冰，一個字，爽！樂都公司三文治，份量同相片一樣大大份，而且餡料豐富！麵包烘得脆卜卜，大件到一個女仔口係咬唔晒，要分層食。雞扒蔥油撈出前一丁，雞扒不是鞋颯颯，而且好大塊豬扒包伴薯條，麵包好脆，肉好軟 無骨，薯條好多，夠脆，仲要係我最鍾意嘅波浪形。餐廳食物有水準，份量大，價錢合理，支持支持！

🔆打卡巴士餐廳🔆白沙樂都餐廳 (元朗)元朗白沙村532號地舖好耐冇去過旅行😫😫😫係時候帶個仔去下遠少少嘅地方聽講呢度有一間好有特色嘅巴士餐廳咁就慕名而來啦，男仔都係鍾意車㗎嘛過嚟打下卡都好呀，試吓喺巴士🚌座位食飯嘅感受不過真係唔識黎，加上今日落雨，我係去到朗屏西鐵站之後就飛的過嚟，因為我係路盲好易蕩失路，的士司機都要搵路，重俾左張卡片我回程call的岀去🥳🥳🥳今日落雨就坐唔到喺巴士嗰度食，因為係露天今次只可以影兩張相，雨中巴士🚌今日我哋食咗啲乜嘢好食嘢呢？我仔飲凍特濃朱古力🍫 $24我就飲招牌紅豆刨冰 $32星洲海鮮炒米粉 $70肉醬意粉 $72雞翼薯條沙律 $52特濃朱古力🍫就係必飲之選擇，因為係個人喜好，差唔多每一次出去食都係朱古力，佢夠濃香甜到剛剛好，好味😋招牌紅豆刨冰🍧睇到嘅時候真係嘩一聲，咁高嘅？第一啖飲落去奶味係好濃嘅，紅豆都係好有咬口，甜得好岩我胃口。食物嘅份量好充足，勁大一碟。星洲海鮮炒米粉入邊有好豐富嘅材料，叉燒絲、火腿絲、蛋絲、青椒絲同埋好多嘅蝦仁。夠鑊氣，放心唔辣嘅小朋友都食到。肉醬意粉🍝我仔就最欣賞個焗芝士皮，話好好味😋啲肉汁佢話食得好開胃。即叫即整，薯條好脆，

元朗站📍白沙樂都餐廳-超多村民幫襯嘅打卡餐廳，第一次去有大大架巴士係門口嘅餐廳🚌半煎炸咖哋西多士（$42）四嚿大金磚上枱，配埋溶緊嘅牛油同埋煉奶，未食都知一定夠甜夠好味😻外脆內軟嘅西多士，入面有香濃加映醬，女朋友都讚🙌🏻自選雙拼三文治（$38）我就揀咗鹹牛肉拼雞蛋，加多$1烘底，大大份，好滿足😋芫荽皮蛋生滾牛湯米（$50）先飲一啖湯底，成個人暖晒🌞淡淡芫荽味，配埋份量超多嘅皮蛋，清熱下火，生滾牛肉嫩口彈牙👍🏻黑椒牛扒餐（$52）呢個餐本身包法蘭克福腸、煎蛋、薯餅同牛油粟米。牛扒比想像中好食，幾腍身，其他配料正常發揮，另外仲加咗$12叫個火腿通粉，新一年食得豐富啲對自己好啲🤪以上套餐包一杯熱飲。環境方面，大大㗎巴士當然係打卡之選，呢度都可以帶貓貓狗狗一齊嚟，而且小朋友仲可以上巴士度玩，好適合一家大細嚟👍🏻呢度比較適合揸車嘅人士，喺度慢慢坐食個早餐都幾悠閒。

同左一個少入元朗嘅市區人行下元朗，搵下啲特色餐廳就見到白沙村開左間巴士主題嘅茶餐廳，好似幾得意咁就入黎睇下，search google map無教有咩車撘…見行入去都係三十分鐘左右就揀左行，哈哈，一條直路咋唔難搵，同埋我地發覺沿途係有一架39號小巴嘅。餐廳環境幾靚喎，木屋周圍放左唔少燈籠同桔樹，好有新年氣氛。油左白沙村嘅巴士係可以比人入去打卡㗎，而餐廳嘅櫈全部都係用巴士櫈，真係幾特別。我地揀左間房仔坐，哈哈，有關愛座同安全帶添呀。先來杯紅豆冰同奶茶紅豆冰，紅豆煮得剛好喎，淋淋地又唔太爛，甜度啱口味，最正係用碎冰，唔使一邊食豆一邊掉啲冰走。再黎係呢度名物咖吔西多士，用上三片方面再切成小塊，上枱時好香呀，仲會震下震下好似梳乎厘班㦸咁。咬落軟綿綿有蛋香，多牛油又多煉奶好正，咖吔都塗得唔少，好味好味。另外見好多人叫菠蘿油又叫左個，菠蘿包暖笠笠，牛油冰凍，咁樣冰火食係至正㗎。最後就係焗咖哩豬扒飯，咖哩幾香，微辣，豬扒軟腍，飯係粒粒米唔爛，多汁幾正。餐廳幾有特色啱晒打卡，食物有水準又唔貴，值得一試。

去完千島湖就嚟呢度食午餐～ 出面泊住好多架退咗役、老細買返黎嘅巴士，有架仲裝飾得好靚添，連餐廳嘅座位都係巴士凳，巴士迷必訪！聽夥計講仲有客專門由九龍入黎食飯添🙌🏻常餐 $68份量十足，好食又飽肚👍🏻🔸蜜汁叉燒湯意粉：叉燒半肥瘦，肉質鮮嫩，肉味香濃，仲有少少燶邊脆脆地💯🔸火腿炒滑蛋：炒滑蛋入口順滑，半生熟幾嫩口，有蛋香味🤤 火腿嘅水準正常～🔸鮮油菠蘿包：好邪惡吖😈 個包又香又有咬口，中間夾住大大塊牛油，搽均勻之後一啖咬落去真係好正😋奶茶紅豆刨冰 $32大大杯又唔會太多冰，有好多大大粒又甜嘅紅豆，真材實料🙌🏻 奶茶甜甜地，比例均衡，幾啱我嘅口味☺️夥計態度好好，人情味濃厚。另外餐廳推介嘅菜式仲有西班牙豬扒飯、斑蘭咖吔西多士、熱狗同埋公司三文治等等。下次好想試埋斑蘭咖吔西多士🥰

環境唔錯，成日同fd揸車嚟食，鬧市之外～遠離喧囂，食物份量夠大碟，多士炒牛河必食超好味，味道服务都非常好，食完仲可以玩揸巴士打卡，帶小朋友過嚟都會好鐘意，好放鬆。