白羊 • 座

營業中

休息中

不明白為何那麼高的評語，食物淡而無味。 同等價錢可以食更好的餐廳。 點了一份黑松露滑蛋雞扒意粉 和水牛城雞翼，沒有任何味道可言。 滑蛋黑松露意粉， 份量少， 沒有任何黑松露，意粉白烚， 雞扒細塊冇味。

之前多次經過呢間餐廳，都未有機會試，因為通常都有好多人排隊，今次見人少少就去試一試。Lunch set 叫了炸蝦蛋包飯，炸蝦很脆，蛋很滑，但揭開𥚃面，只是白飯，如果白飯變成炒飯就會更加好！芝士白汁煙三文魚意粉，芝士焗白汁就好多，煙三文魚份量都OK，不過賣相就一般。反而隔離枱食肉醬意粉，香味很濃，聞起來很好吃。同埋，原來他們的熱狗是很出名，看到賣相也不錯，下次可以試試！地方比較少，亦很迫，所以坐得不太舒服。

今個星期六，特別多人幫手做野， 但係你都知「人多手腳亂」。忙完一個上晝⋯收工嘅時候，太陽都開始落山啦，因為⋯⋯《秋天黎到啦》自由揾食， 因為今日老公有啲野忙； 又唔知幾點走得。咁自由地去揾食啦！原本去開個間，又好多人喎！咁同自己講唔緊要啦大圍有好多新嘅嘢可以試吓既。 咁就開咗open rice search 🔎 呢間餐廳我覺唔係輕食、唔係咖啡店、唔係食蛋糕麵包，但就係你吸引到我。我好多款，只有一款即磨咖啡。還可以， 沒甚麼要求。 但我覺得價格有啲貴， 地方都幾狹窄。

呢間小店係我既假日午餐首選～不論係意粉、飯定熱狗都好高質～呢間餐廳坐位唔算多，通常去到都要等一陣，如果多人就要搭枱，空間相對較擠擁，所以出入有時要互相禮讓。今次我叫左滑蛋吉列魚柳熱狗配薯條～吉列魚柳有三舊，好香脆，鹹鹹地，熱辣辣，應該係即叫即炸，配埋芝士同滑蛋好好味～不過今次薯條既份量好似比之前少左少少，不過都夠飽既。另外叫左海鮮闊條麵，性價比不錯，海鮮食材豐富，焗後整體香口，白汁香粉配對闊條麵唔會太多汁或者太乾。

之前成日見到呢間cafe 嘅名今日嚟到大圍終於可以試啦! Cafe 入面得十幾個位 都有d迫🙈🤦🏻‍♀️入面嘅裝修都幾舒服有幾舊雲燈😂店員都幾好服務 好主動執野呀咁我地叫咗三樣野食1. 焗海鮮扁意粉係白汁焗意粉🙈本身麻麻地白汁 所以都麻麻地呢個意粉 😂冇咩特別 似快餐店啲焗野囉😂都有d細細粒嘅蝦 八爪魚咁 不過六十幾蚊都冇咩expectation ga la haha🤗2. 三色焗薯其實幾好食 不過份量有d小 有3種唔同嘅toppings係焗薯上面🥰 我最中意嘅係蕃茄肉醬☺️茄汁配薯仔永遠係perfect Match ❤️3. 芝士鰻魚熱狗+薯仔沙律見佢熱狗係推介 就叫咗個試下熱狗應該係預先整定嘅 到上碟前再烘熱佢😂芝士都做到半溶ge 鰻魚都算肥不過份量小😂整體都幾好食嘅順帶一提 如果大家想叫沙律 千祈唔好叫薯仔沙律😂係下午茶嗰種一球球嘅沙律 絕對係冇菜嘅! 而餐牌上嘅薯仔沙律 係4球😂親眼見證住隔離枱食晒 見到都覺得飽如果大家想一次過食咁多澱粉質 可以一試🤗Overall 嚟講 都算係有特色嘅平價西餐推介鰻魚熱狗 意粉就冇乜特別啦xd

當初我決定在這裡訂位的原因很簡單。一、我約的朋友住在大圍二、我最近囊中羞澀，希望能以相宜的價錢吃到西餐三、透過openeice在這間cafe訂位能賺取25分asia miles四、這是最重要的一點：我是白羊座老實說，雖然在openrice看到這間cafe的好評多於差評，但是我對這裡的期望並不高。畢竟這裡的餐點價錢不算高，又是小店，食物能制作出比茶餐廳好一點的質素，我就能接受。然而，這裡的出品讓我喜出望外。朋友點了一客日式鰻魚飯配黑松露滑蛋和熱狗配薯條，我淺嚐了一口黑松露滑蛋及一條薯條：滑蛋細而滑，蛋香與黑松露香和諧共處，縈繞在口腔之間；薯條炸成金黃色，咬一口，炸物的香味四溢，非常美味。我點了一客茄汁焗豬扒意粉，雖然職員弄錯了，上菜時意粉變成了飯底，但是我也沒有刻意要求重新上菜，因為一上菜，茄汁濃郁且誘人的香氣就即時勾起我的肌餓感，讓我急不及待的開動了。😂絕對是大圍裡「平、靚、正」Cafe之選！白羊座會再回白羊·座開餐的！

某日 落雨天 心情複雜 相約朋友係大圍行住咁傾計 咁就不如坐底慢慢講想揾個地方靚靚地 靜靜地 慢慢坐都唔會有人趕走你果種cafe抱住啲種太態 行住行住 黎到白羊.座成日經過 都無試過入到餐廳內 位不多 不過都坐得舒服我地叫左兩個午餐1 黑松露滑蛋雞扒飯蛋食得出有黑松露味 雞扒表面脆配黑椒汁一齊食飯量正常2 焗肉醬千層闊麵熱辣辣 見到有煙出闊麵有拗口 肉醬味濃 薯蓉尚算滑口 香Share食 真係好飽 原來份量咁足兩個人食左135蚊啲餐飯 我地傾左好多野 傾咁耐 坐左咁耐 都無人趕我地走👍🏻人生目標？點樣進步？係每個人都會諗既亦令我開始有想寫blog既感覺想將每餐飯既經過 感覺 記錄底

大圍小清新cafe ~白羊座 2個女仔想傾下計食下野，又想環境坐得舒服，係大圍選擇唔多，一諗就諗到呢度，可以先預約當然好方便，一到即入座。之前黎過一次，今次亦無令人失望。店員好細心有禮，唔會催人交枱，如果店內有足夠空間，仲會提議坐入邊位唔洗近玻璃咁熱！今次每人一個set,一個松露滑蛋雞肉意粉，一個松露滑蛋三文魚熱狗。 意粉先來，擺得好靚，岩哂女仔相機食先，有菜做伴碟亦更健康美觀，松露係蛋上，味道唔算好搶但確實有點香味，作為點綴也不錯，雞排比想像中大件，肉質嫩滑，好鍾意cafe嘅小心思，將汁放係肉果邊，唔係成碟意粉咁淋上去，令客人可以按需要去點，好似我咁好怕食到太鹹太油嘅人就少個煩惱喇到朋友嘅熱狗，有薯仔沙律做配搭，味道清新，亦可以先涼一涼再食熱食，來到重點-熱狗包包外脆內軟，中間有蒜蓉打底，配合滑蛋同煙三文魚真係好香，亦唔會搶左任何一種食物嘅味道，滑蛋比意粉嘅蛋更軟滑，好似棉花糖質感！份量可以參考相中碟同包的比例，絕對夠飽肚，入面好多料，首先入口係滑蛋，一口落去係三文魚，再到少少脆既包，口感好豐富。已經睇中滑蛋鰻魚飯想試，遲d再來枱面係木紋，食物擺係上面係出「色」，餐碟都好可愛，唔洗修

隊長自細係大圍長大，睇住一路發展，起埋「豪宅」之後，小店、平價茶餐廳都陸續執笠，可以選擇的小店都唔多，難得可以放低BB一陣，享受一下短暫的me time，即刻search下大圍有咩好食，見到呢間叫「白羊座」，同星座既隊長即刻心心眼😍話明小店，唔會係大街，當然入面亦都好細，如果帶住BB就一定坐唔落，睇下menu，午餐平均都係$50-60，去大型快餐店都可能唔止呢個價錢，見到黑松露炒蛋牛角包+紫薯餅都係$45，又再心心眼😍，雖然都驚份量唔夠飽，不過都好想試。炒蛋炒得好滑，只係個飽差少少，可能炒蛋d濕氣令到個包有少少「林」左，至於個紫薯餅就炸得唔夠乾身，食落好大陣油味，不過真係用足料，薄炸漿包住滿滿既紫薯蓉，真材實料！雖然未至於話勁好食，不過甘既價錢，係大圍已經買少見少，得閒真係要幫襯多d，支持一下呢d小店！

由大圍地鐵站一直行到最尾嘅積信街, 有好多café呀, 白雪雪嘅tone望入去仲見兩舊雲吊住好得意, 咁啱有二人枱(但喺正鋪嘅中間位), 雖然枱與枱之間好迫, 但都想試試😛.>焗千層肉醬闊麵 (HKD68)靚靚薯蓉圍邊, 焗得好香, 有好多層肉醬闊麵, 唔覺太heavy, 好好味!>焗海鮮闊條麵 (HKD55)好多魷魚🦑同蝦嘅海鮮闊條麵, 完全食唔到雪藏味, 闊條麵非常creamy, 夠哂足料, 分量同味道都係encore之選.>熱朱古力 食物質素不錯, 但估唔到熱朱古力咁淡呢😅.

間唔中都會去大圍踩單車🚴‍♀️會食少少野先出發而其中一間會想起就係這個餐廳 如果剛巧係weekday lunch time 時間去食餐廳位置不算多 所以都好快幾full 可能要等陣先有位🌭火炙芝士黑松露滑蛋熱狗 上面放左好多芝士碎趁熱食 芝士仲可以拉絲滑蛋超嫩滑 黑松露極濃 麵包火炙後上面超脆裡面超軟配左長長薯條 不算太脆 份量不算多🍝黑松露滑蛋豬扒意粉無論滑蛋 豬扒 份量十足絕對係足夠一個男仔的份量但個人覺得熱狗比較出色些而餐飲仲可以選朱古力😍性價比高 抵食之選

黑松露豬扒pasta 8/10豬排夠哂大份 大到同手掌差唔多 大份又好食 豬排會俾到8/10！雞蛋算香滑 又食得岀有黑松露果整體黎講都幾惹味吖 食材又入味 雖然賣相普通 但味道搭救

想過一個悠閒的週未 去了好像近期才發現的小店餐廳位置不多 小小的一間 但裝修也很有格調大概2:30 pm 不用等候就可以進去了選擇也不少 午餐和下午茶的套餐也有附送一杯飲品跟朋友一人點一個午餐茄汁芝士豬扒意粉 沒有太大驚喜 但也是合格之上 豬扒也有5件以上 而家熱辣辣新鮮出爐 只是覺得醬汁甜了一點點火炙芝士法蘭克福腸熱狗光是看外表已覺得很吸引 芝士也不吝嗇 感覺豐富薯條也是即炸 但略油了一點點店員服務也很快 吃完了午餐 一邊喝飲品 跟朋友聊天 也沒有被趕總括來說 這是一間性價比很高的小店CAFE 適合和好朋友來一個小聚以大圍來說 可以輕鬆 寧靜的小店不多 這是其中一間一定會再來吃  

野菜白汁飯:3/5野菜白汁意粉:3/5第一次喺白羊座食lunch 見個名幾得意 於是就入去試試 無論分量或者味道方面上都做得幾好 個飯/pasta都局得啱啱好 唔會太過火或太濃 大至上用料方面有野菜、粟米、芝士等 pasta同飯一樣 用料同味道方面都差唔多 因為都喺用同一個醬（白汁芝士）同材料 我偏向鐘意食多菜 所以有野菜襯托下 食落都給健康而且感覺上啲菜都幾fresh 更加唔會令到口感太膩添 價錢方面五十蚊以下就有齊成個餐 等於現加物價黎講都幾抵架

間中晚上唔煮飯都會係大圍搵下有咩野食有次係呢到食左佢地的芝士鰻魚滑蛋熱狗覺得係好食的 心思思左好耐 所以決定encore 火灸芝士鰻魚滑蛋熱狗 $65 今次真係有點失望 無咩芝士味 醬好漏包身淋淋地 就係一個好普通的熱狗之前的薯菜係薯角 真係好好食的而家就係平時麥記食開的幼長著條 普通囉 泰式雞槌配薯條 $50另外仲點左呢個 係有泰式辣味但炸到有點乾 而且份量唔多 呢個好唔抵食唔建議點呢個 有心理準備佢店仔真係細細所以食食下又要讓座比人過/比人坐入去 曾經覺得好食的熱狗 而家已經食唔返嚕😭