白羊 • 座

營業中

休息中

一路都係佢哋嘅捧場客,以前喺佢哋舊舖嗰陣每朝都一定忍唔住食一個又滑又厚嘅烘底蛋治🤤食完個人精神晒但係搬左舖就冇左個早餐好選擇lu~不過可以細舖搬大舖都好凳佢哋開心今日終於有時間,專登黎佢哋大圍新舖支持下雖然冇左早餐,但依然有佢哋嘅signature 黑松露炒蛋搬左大舖,終於可以舒舒服服咁坐低食個lunch,今次叫左一個黑松露滑蛋豬排飯, 炒蛋好香,豬排都煎得不油不膩,仲大塊到嚇親男士一定夠飽,女士如果黎食建議叫小飯72 蚊連特飲算性價比高有機會再黎試下午茶先得

積信街一帶美食林立，經過一間「白羊座」，又想同老公靜靜地傾下計，就試下啦！ 店內雖然唔算大，但樓底高令人感覺有空間感，一朵朵「白雲」高掛，令我想起周董既星晴一曲，別具風味。店員亦非常細心親切，見我一袋二袋，即時將2台拍埋！<黑椒蜜糖雞翼$58>大大隻雞翼浸係厚厚既蜜糖上面，剛剛焗好，熱辣辣，仲沙沙聲添！香甜既蜜糖滿佈金黃色既雞翼上面，外脆內軟，雞肉都好入味，不過第一隻食落口淡味小小，同埋剛剛好熟，但其他味道就濃一點。<焗肉醬千層闊麵$88 黑糖味道餐包>餐包又幾特別喎，有啲似黑糖口味，鬆鬆軟軟咁，浸一口忌廉磨菇湯，咸甜之間，唔錯呀！千層麵非常有睇頭，真係好大碟，香噴噴既芝士肉醬淋滿碟上，圍住滿滿既薯蓉，肉醬味道濃郁，一定要混合埋千層麵或薯蓉一齊食就剛剛好喇，如果千層麵方面可以配合返個肉醬既份量就會更好！小店都有好多特飲可以選擇，<雜果賓治 特飲 +$10>小有餐廳可以揀Fruit punch, 解渴得黎又有生果既鮮味<蜜桃玫瑰花茶>初時以為係普通蜜桃茶，原來係蜜桃蜜再加埋一個玫瑰花茶包，好有心思，仲有凍既可以揀，蜜桃味鮮甜

白羊座既我，從朋友口中得知大圍有間小店專屬呢個名字，份外親切。細望下原來白雲會隨意變色，令人有種夢幻既感覺，以木為主調裝飾，配上一首首「我年代」既歌曲，別有風味。「黑椒蜜糖雞翼 $58」剛煮好既雞翼沙沙聲咁送到台上，金黃色既雞翼放於厚厚一層蜜糖上，雞肉吸收左蜜糖既味道，脆脆外層，軟軟既肉質非常鮮嫩，加上微微黑椒，令味道更添層次。「火炙芝士煙三文魚滑蛋熱狗 $55 （可選配沙律或薯角）」呢度有好多鮮有既火炙系熱狗比較特色，點都要試一試！ 炙過既芝士香噴噴已經令人垂涎三尺，加埋芝士下微微煙燻過既三文魚，一個好新鮮既感覺，配合埋熱狗一齊大大啖食，一級棒呀！ 無諗過呢個製法可以令味道咁突出沙律除了賣相相當有心思，外型似足一球雪糕！而且非一般一粒粒生果既沙律，而係將薯仔打成蓉狀，混入粟米粒，小小生果等，香甜蜜桃味道夾雜住薯仔粒，口感層次提昇不小，雖然簡單一個沙律，但食得出背後既心思「蜜桃玫瑰花茶+$10」清清既蜜桃味，滲出淡淡玫瑰香蜜桃同玫瑰花獨有既味道混為一體，最重要一啲都唔會覺得甜椰椰，非常Fresh既配搭！

第一次黎大圍既白羊座cafe, 上網睇到餐牌都幾抵食同吸引。LUNCH TIME menu都幾多選擇~價錢合理。我地叫左黑松露滑蛋雞扒意粉$55意粉份量好足夠，有配菜，雞扒仲有炒蛋。雞扒煎香了，肉幾幼滑，蒜蓉汁好香。焗白汁海鮮闊條面$55有三文魚，白汁既忌廉味幾重，仲有唔少芝士，闊條面口感好好，唔會太濟。轉特飲加$10，叫左玫瑰茱莉花茶，茶味好香,有少少甜味的。美祿可可賣相好靚，面頭有唔少可可粉，飲落甜甜地，好香濃既朱古力味。埋單後每人都係70蚊左右,性比價幾高的!

平時都幾鍾意去大圍揾嘢食，因為選擇夠多，而且都係小店，經常會有驚喜。今日就黎到白羊座，悠悠閒閒食個dinner。紫藍色的燈光別有風味💜餐湯+提子包黑椒蜜糖雞翼 $58金黃色的蜜糖雞翼，一份6隻，焗得香噴噴，喜歡甜絲絲的味道。白汁焗田園蔬菜 $58裏面有蔬菜、粟米、蘿蔔等，算是健康之選。日式鰻魚飯配黑松露滑蛋 $98不得不說呢個鰻魚飯真係好好吃，我覺得可以擔當招牌菜！鰻魚份量不少，好香好滑，黑松露滑蛋更是精髓所在，好香黑松露味，必食必食！！紐西蘭西冷 $108朋友點的西冷扒，略韌，肥膏也多，一般。香煎雞扒 $88雞扒倒是又滑又入味，而且份量十足，可以一試！來大圍不妨一試，支持一下小店💜

知道大圍開咗間新食肆，上一次帶家人來，搵唔到，最後去了另一間。今晚唔想煮飯，唔忿氣上次試唔到，再帶女兒來搵多次，原來就在鈿姐姐間畫室斜對面。帶著興奮的心情，我叫了吞拿魚濶條麵(食物上檯時，已知不對勁，冇乜汁，看到乾爭爭的，唔食都要比錢，唯有硬食吧！勉強吃了三份一，都係頂唔順咁乾，放棄了!)女兒叫了卡邦尼意粉(我試了一口，味道正常，汁也足夠，都算好味的。早知就跟女叫呢個囉！)另叫了蝦多士(同預期的舊式蝦多士有很大分別，這種新派蝦多士，入面淋pat pat，食緊乜都唔知?唔啱我，也唔啱亞女的口味，同女每人食咗一件，大家都放棄了。)粟米湯還可以，反而個餐包是我最欣賞的，問店員餐包是否自家製的，回覆不是，可惜!我的凍咖啡，味道較淡。女兒叫了杯特飲，忘記名字(可參考照片)，她說好好飲，我試了一口，味道唔錯噃。《總括今次試這間食肆:吞拿魚濶條麵及蝦多士完全唔掂，這兩款絕對不會再試。但餐包及卡邦尼意粉，可以再試的。作為十多年的大圍人，眼見食肆一間間結束，希望這小店保持好味的及努力改善不足的。雖則有我覺得不好味的食物，但也有好味的，我不能只看不好的，而給劣評。以食物，價錢，服務態度來作平衡點，用”OK

當你聽到人說白羊座，很多人會認為是在訴說星座，但當再緦心而聽，所說的話題是和食物有關的，才懂得明白白羊座是一間餐廳，而不是星座。白羊座原先位於荔枝角，3個月前才搬進大圍區。由一間外賣店，改為一間有座位的餐廳，更將食材的質素提，變得更精，目的是讓食客坐在一個舒適的環境，享受美味的美食，讓每一位食客能感受到白羊座的一番誠意。******************************走進大圍圍村附近的積信街，來到白羊座的門前，發現餐廳大廈正在維修，所以白羊座的門前便被一些棚架所包圍著。餐廳地方雖然不算很大，但坐位還是很舒適。餐廳用上藍調的燈光，所以座在餐廳之內感覺藍藍紫紫的效果。天花還吊上了幾隻羊仔，與餐廳名字白羊座很配合。白羊座的餐牌，也是用上紫藍色為主，再用了2隻羊配合餐廳名字。餐牌之提供的類別也不少包括了小食、熱狗餐、牛角包餐或豬仔包餐、薄餅和飲品。不要以為白羊座只吃小吃，其實還有午餐、下午茶和晚餐供應，除了食餐，還有扒類可以選擇，一點都不少。晚餐的餐湯，是日餐廳是磨菇湯，看上這個磨菇湯沒什麼似的，但喝上一口還是滿滿磨菇的香氣。餐廳帶點麥味的包，熱得來又軟綿，也算不錯。跟餐飲品，只需

動漫迷既星座，應該係聖闘士星夭女生既星座，應該係星座運程CAFE既星座，應該就係呢間白羊。座白羊座日系風格報置碟很美啊! 原塊西冷牛扒配飯$78汁有幾款選擇，黑椒、洋蔥、燒汁信義妹揀了洋蔥汁上菜啦~~~~飯大約一碗份量牛扒勁大件牛扒有黑椒醃過洋蔥汁亦都帶有微辣 味道不算濃牛扒唔硬，鬆軟、大約五至六成熟內有鮮紅色但無血水肉汁緊緊鎖住 另外點多一個小食去骨露筍雞中翼配薯角 $40雞皮燒到香脆雞肉嫰滑，不太鹹可惜露筍太乾薯角唔油帶微微辣 點了朱古力熱飲比一般餐廳大杯啊還印有白羊座的星號 枱之間既距離有點兒近帶幼兒同行的話要小心碰到地址: 大圍積信街63號積信樓地下59號舖

火炙芝士鰻魚滑蛋熱狗($58)哩個熱狗真心驚喜啊❤️，中間夾住超多滑蛋，配埋鰻魚、芝士、沙律醬，好重口味而且一啲都唔怪，十分鐘就隊完左成個😋。-芝士松露蝦多士($50)即叫即炸所以超級脆，裡面蝦膠好足料唔會得薄薄一層，而且好香松露味，值得一試。-另外佢地既牛角包亦都好足料，配埋沙律一大球，夠曬滿足。-白羊 • 座地址：大圍積信街63號積信樓地下59號舖分數：8/ 10

大圍這個地方有多不勝數的食肆，今天選擇了大圍地鐵站C出口再步行5分鐘的《白羊座咖啡室》。 餐廳有很多類食品，照顧到不同時間的客人 - 分別有前菜、特色熱狗、特色牛角飽/豬包、意粉、扒類、烏冬、下午茶、薄餅和特飲。先來一個套餐配餐湯、餐包及冷熱飲品 （套餐轉配即磨咖啡、特飲加$10）是日餐湯：有適量栗米粒，質地很滑溜不稀身； 餐包 ： 1 個繼而再上焗白汁煙三魚意粉 HKD 80 外觀是一層被燒過的芝士，金黃色的，周邊也沒有被燒焦。幼意粉軟硬度適中。煙三文魚鹹度剛好，配料有西椒、草菇。法式田螺焗薯蓉 HKD68 螺肉焗得沒有過火，且沒有沙！而薯蓉鹹度也調較得剛好。蜜桃玫瑰花茶 HKD 10跟餐 （原價HKD 32 熱36凍）餐廳採用一包包的玫塊花茶，還在溫水的時候喝起來桃香味比冷欲的香，而淡淡的玫塊花不太感受到。服務： 要改善環境： 坐位不是太寬敞

今日睇左網上介紹，特登入黎大圍食，好彩都仲有位，唔知係咪比相呃左所以期望太高，我地叫左份牛扒意粉，結果原來全部白烚既，意粉配菜係白烚都算正常，但最唔明唔知點解個牛扒都係白烚然後再番煎，淨係落左少少胡椒調味就算，完全不值呢個價錢叫個侍應比野我，叫左幾次都左耳入，右耳出唔會再去🌚環境又唔算好好，好中伏feel開頭都係睇人留言話幾好先試下點知一門口個下已經奶左野。真係唔會有第二次.............

在中學年代，那個少女不愛看星座呢？我聽說過白羊與人馬兩個火象星座遇上，猶如火上加油，一見投緣，是天作之合的一對。可能就是因為這樣，我這個人馬座，對白羊座有莫明的好感。大圍積信街附近愈來愈多食肆，café及甜品都有，今日試了近來開業的白羊 • 座常常走這條街的話，絕對會看到大大的招牌先看看餐牌才決定進去，星空餐牌同白羊仔logo 好吸睛呀~進去之後，燈都是夢幻的雲彩，跟外面好像是不同的世界座位不會太迫，還有一個一人座位(我正坐著的位置)作為一個belated lunch, 點一個重量級的西冷牛扒 ($78 )也不過份吧!上菜時也有驚喜, 份量十足!點了5成熟的西冷牛扒, 切開仍有粉紅色肉味和質地都不錯, 有一定厚度!配菜有甜薯、甘荀及菜, 甜薯是薯蓉的口感, 如甘荀也可以熟淋一點更好凍檸賓 ($10) 夠味, 不會太稀這裡食lunch很方便, 上菜也算快, 以後也可以同同事再來!

🌟夢幻星座餐廳🌟，白羊座♈️的我怎能不去？店內裝修有星空feel,藍藍紫紫，又有雲，令人幾舒服餐包🥐看似又黑又硬，吃下卻是外脆內軟，淡淡香草味🌱，忌廉湯好滑！黑松露蝦多士🦐好大件，香脆可口不油西冷配薯角，難得連配菜都好味，抵讚👍千層肉醬闊麵，伴有薯蓉，吾會太酸，份量麵好大！餐飲凍檸蜜大大杯，同朋友吹水一晚都夠飲， 仲要有4片厚切檸檬🍋good唯一散中不足係小店地方較迫,同鄰座比較親近而且冷氣有d吾夠

早幾日去大圍搵個朋友食飯，去朋友屋企拎完野，就落左去搵野食，咁岩行過呢間cafe，叫白羊座見細細間都坐得幾舒服，所以就行左入去試一試門口都光線充足，都很容易找到燈色都很特別，用了白雲，好像白羊，配合番餐廳名字入到去都光線充足，舒服寧靜，是個聊天既好地方。到了點餐，都有不同既選擇我們就點選了晚餐（包括餐湯和餐飲）~焗豬排意粉很濃郁的忌廉味外型不討好，但食落很鬆軟茄汁味豐富，份量足夠，已經可以夠兩個既份量餐飲熱檸蜜另外叫了小食~芝士黑松露蝦多士有蝦，很乾身，黑松露和芝士味不夠

很少機會會去大圍，探朋友食餐便飯，就選擇了這家小cafe，門口都很顯眼都很容易搵到。入到去地方雖然細，用心思去裝潢佈置令到環境很舒適而且有好warm既感覺食品方面都有不同的款式供客人選擇我們點了：1）晚餐-焗茄汁豬排意粉（餐湯+餐飲）2）芝士黑松露蝦多士餐湯好濃郁的忌廉味，湯很有口感很細滑茄汁豬排焗意粉就一般，但材料很豐富，很有良心小店小食：芝士黑松露蝦多士聽個名覺得很特別，好香脆可口，但芝士和黑松露都既味道比較少，蝦肉很豐富😻餐飲熱檸西洋菜蜜，好靚的杯印有白羊座的圖案。整體來說，小店的服務很好很有禮貌，雖然地方很細，但坐下環境舒服，適合小小的聚會！