百事吉餅店

營業中

休息中

2008年12月9號 - 夜晚7點幾蜂蜜蛋糕之後就行過灣仔道的百事吉餅店。 看看他們有什麼野食先。 他們的產品多數是麵包為主。 不過我今次試的是老婆餅。買的時候都有D不開心的事情發生。 開頭見到D老婆餅在有蓋的櫃裡。 但是店員拿了一個放在出面同無蓋著的地方的老婆餅給我。 店員的眼神又有點不友善添。 都覺得不好服務。 試試個味道先。好味。 但是覺得它比較普通。

昨天買下個大大的高身栗子包作今天早餐~ 這家的栗子包和連鎖店的不同,有北海道包的包面, 同焗爐焗一焗,焗至脆面, 正包也很鬆軟栗子餡很多,但沒有栗子味今次只是OK, 但我郤愛上這家店!!

自少吃過不少提子包,就是不能抗拒這家 大提子包 的誘惑!!這一家的提子包,有一種獨有的麥香味, 甜而不膩, 而且夠鬆軟~ 只可惜提子的份量比以前少!PS. 這是大提子包獨有的味道, 小提子包不知怎地小了一種麥香味!

係灣仔住左4年, 雖然搬走了都3年多了, 但對這區依然有感情! 所以久不久我同老公都會返去這區食飯同埋 "掃貨" , 百事吉就係我必去的餅店! 佢地有幾間店在灣仔, 而呢間最大, 經過門口就會望到一排排整齊的Cookie在玻璃櫃裡, 款式非常多! 我就最鍾意佢地既"牛油薄片", 脆脆的有非常香濃的牛油味道! 每次經過一定要買一磅走, 唔駛2天就給我吃完了, 人都肥左!

菠蘿毛毛蟲…我被它名字吸引而買了它，實質係菠蘿油，有三節，食哂即飽。其實名字改得好，會令我想買的衝動，如果改得不好，我望一眼就不理它。

如果不太熟悉灣仔，是不會了解到原來此區內其實有非常多的"臥虎藏龍"食店~名店如福臨門，小店如嘉慶，極受歡迎如再興，實在數之不盡。剛剛買過了糕點，順著灣仔道一直走，又經過了一間非吃不可的小店。這裡出名的不一定是麵包，而是擺放整齊，一排排的即日製"曲奇"。而我最喜愛的，就是：迷你蝴蝶餅、牛油薄片和杏仁酥此三樣價錢為$60一磅，可以三種混合一磅，只要是價錢一樣便可以放在一起計算。先說杏仁酥，上層杏仁甘香脆口，下面薄薄的糖層，甜味剛好不會蓋過杏仁，最下層酥皮鬆化不油膩，茶點中必選之一。再來牛油薄片，用的材料跟曲奇的完全一樣，分別在於焗成薄片後帶著曲奇之香味，但更加鬆脆，多吃幾片也不會飽肚。最後的亦是我最愛的，迷你蝴蝶餅。它大約是"正常"蝴蝶餅的三分之一大小，不過味道卻是正常的好幾倍。原因簡單不過，因為體積變小了，原來較硬的餅身因而變得薄脆，嬌小玲瓏。百事吉"三寶"絕對"出得大場面"，只因它們的味道實在是令人百吃不厭。

大食會, 朋友又買半磅胡蝶酥, 仲要係細size, 一啖一個, 好酥化, 好味.不過焗得唔夠金黃, 少少扣分.

經過呢度，見到門口堆滿各式各樣嘅曲奇，食指又大動....行入去，又見到各款嘅麵包，決定今次棄曲奇而取麵包...拿起托盤周圍望，見到一款叫做"小時候大餅"，樣子十足十一個武大郎燒餅，大大個，幾過癮，試買一個...咬一口，原來係紅豆燒餅。餡不算多，紅豆倒是粒粒分明；食完喉乾乾，感覺唔太好...買多個雞批俾太座。自己試了一口，餡料都係一pat pat，跟之前响pie & tart食嘅水準差天共地...下次都係食番cookies la...

路過見佢10蚊有3個muffin我咁鍾意食muffin當然唔可以錯過多款中選左朱古力,藍苺同香杏味糕身有muffin應有既口感但牛油香味欠奉不過以唔駛4蚊一個計已經俾足香杏味最好食加埋粒粒杏仁有口感朱古力同藍苺反而一般兩樣味道都唔夠濃只係似普通牛油蛋糕

上次跟太太睇中醫。經過呢間老舖，跟太太提起呢度D曲奇水準頗出色。隔幾日太太已經靜靜雞買咗番嚟食。Thank you ^0^曲奇質感非常鬆軟，水準確實不俗。但可能已被Jenny Bakery嘅出品寵壞咗，始終覺得牛油味唔夠香濃...蝴蝶酥確實鬆化，香且酥，亦並不死甜，確出色...食唔停口^_^

我之前食過蘇皮果醬飽& 蘇皮肉鬆飽，都覺得好好味！我老公今次食朱古力蛋卷(係一片，用袋包住)，佢不停咁讚，話好耐都食唔番呢0的朱克力味。朱古力味好香，好濃，唔錯！似以前細個0向茶餐廳食個0的。好懷念以前好美味0既野食！

我本人觉得百事吉的曲奇是几贵的,但胜在够多款式.最喜欢的是朱古力菊花,饼身够松化,朱古力心够味. 咖啡也不错但有点"漏".希望下次可以使其他种类的糕点啦.

我入到去話買一磅曲奇餅，樣樣要d，個阿姐居然一款餅就執左成半袋，我話你執咁多，我仲駛要其它款，我話要其它，佢又話唔同價錢，又要款款問，間舖頭只有幾款貴d，其它都係一樣，俾佢激死，後來有另一個阿姐收錢，佢話果個新來的。但dcookies又幾好食。

喱間餅店個名改得真好,英文可譯為biscuit,哈哈.又係食至愛蛋撻,入到去排長龍等買,真係誇張.我就唔使排隊,o岩o岩買左一個上一批剩番o既.仍然熱辣辣,為牛油皮,超香牛油味,香味不比"泰昌"o既差,真係正.蛋味一般但就非常之滑溜,咬開時直情想流出尼咁.真係一食難忘.

今晚經過去左買包回家食. 買左個酥皮腸仔都唔錯, 酥皮幾香幾有牛油味, 仲要只係4元.